![]() |
الى اين آلت القوامة !!!
|
لا و من دون اي شروح لا
اختكم بني |
لحظة ..لحظة ..
كأني بديت أفهم الموضوع <<تو الناس تقصد إني ممكن اساعد؟؟ طبعاااا ..ممكن أساعد في تكاليف الزواج اللي المفروض هو يقوم بها لو كان مايقدر عليها يعني مثلا بالنسبة للمهر انا ممكن آخذ مهر أقل بكثير من مهر البنات عندنا وحاطة في بالي مبلغ معين وماراح اطلب شبكة لأني والله ماشوفها شي مهم وممكن أتنازل عن حفلة خطوبة لكن تهمني حفلة العرس ومو مهم يوديني شهر عسل أروح مكة أسبوع وإذا مايقدر نأجلها مافي مشكلة وفي صالة فرح ودي يكون عرسي فيها إذا حسيت أنه مايقدر يحجز لي فيها انا بدفع تكاليفها ماعندي أي مشكلة خصوصا إن خاطري فيها من زماااااااااان أنا ممكن أساعد حتى بعد الزواج بما إني موظفة .. بس إلا ماقول إلا كلمة وحدة يااااااااااااااارب انك تعطي كل إنسان على نيته يااااااااعالم بالنويا يالله يااااااااااارب |
على فكرة
في بلادي لا يعاني الشباب من تكاليف الزواج كثيرا لأن أوضاعهم المادية جيدة جدااااااااا ولله الحمد هذا غير مساعدة أهلهم لهم في تكاليف الزواج لهذا أعلم يقينا أن تاخر زواجي ليس بسبب تكاليف الزواج هناك أمور أخرى ..وكله نصيب وربي كريم |
الرجال اجناس
ولكن لا اتوقع انه بيوم ادفع علشان اتزوج لاني احس انها انتقاص في حق رجولته وقوامته لان ربي امر بدفع المهر من الرجل وهذا الشي لا اختلاف عليه اكيد طريقت تفكيري تغيرت وخصوصي بعد تجرتي بالزواج اصرف على نفسي ممكن اراعيه ممكن لاكن اساعده او اصرف عليه مستحيل والسبب اكيد مساعدتي لزوج استحل الصرف عليه مع اني مني موضفه واخرتها مارجع لي شي من اللي اخذه وسوى الي مايتسوى بعد انفصالنا وعرفت انه اهم شي السعاده الحقيقيه سواء بمال او بقله المال ولكن لابد من اشهار الزواج باقامت حفله وطبعا حسب الوضع المادي لاكن تعرفون وش اكره الطقاقات بالزواجات احس حرام تندفع مبالغ جنونيه عليهم الله يسلم الاشرطه موجوده حتى اللي يبونها بدون موسيقى موجود واكيد افضل الي بدون موسيقى علشان ماتكسبي اثم كل من بالحفله |
اللى تبرر لنفسها انه الشرع والله هو اللى شرع المهر للفتاة هذا الكلام صحيح لكن ربي
ماشرع مهر 100 الف المهر ممكن يكون درهم واحد فقط يمكن يكون المهر الف درهم واللى تقول هذا المهر يدفع لتزيين الزوجه وهذا كله عشان الزوج اوكي انا موافق مابيها تتزين انا بعد الزوج بشتريلها كل شي تتزينلي فيه اهم شي اتزوج وخلاص مش لازم ترهقون الشباب بالمهور والتكاليف وآخر شي تقولون هذا عشان كشخه الزوجه عشان تكشخلك ماريدها تكشخلي وانا مديون بعد الزواج رانا بشتريلها باللى اقدر عليه وبتكشخلي بحرينيه ولكن اللى دفع وماكان كفؤ كثير واللى دفع وماحصل شي كفؤ اكثر كثير من الشباب اللى دفعو دم قلبهم للزواج وآخر شي انصدم ببنت متمرده غير مطيعه ومزاجيه لاتطيعه بالفراش فيها لامبالاه وهذا هو ندم وخسر ويفكر بالطلاق بعد |
بعض النساء يدفعن لمن يثقن بها لتخطب لهن رجلا رائعا
يعني تدله عليها بدون أن يعلم أنها متفقة معاها وهناك زواجات كثيرة موفقة |
اقتباس:
الرسول صلى الله عليه وسلم تزوج صفية ام المؤمنين ومهرها عتقها لو كان المهر الغالي مطلب لامر الرسول صلى الله عليه وسلم اصحابه بالتصدق على الذي لم يقدر على خاتم من حديد اعرف عائلة عندنا في الحارة بعض زوجاتهم عائلية (بعضها والغالب معلنة) ولكن لكن مهوورهم غالية 70-80 الف كأنك يابو زيد ماغزيت !! والنتيجة بناتهم 5 عوانس وثلاث تزوجوا فقط بالرغم مايتمتعن من جمال واخلاق وتربية وحشمة ورغم ان ابوهم رجل محترم الله يرحمه ورغم معارفهم الكثيرين وايضا بسبب مهورهم الغالية عزفت انا عن الزواج منهم لان الي مهرها اقل اكثر بركة من الي اكثر لو رخصت المهور لوجدتي الرجل الصالح كيف؟؟ الرجال هنا اكثر من النساء لكن الرجال المقتدرون على تكاليف الزواج قله قليله لو كانت التكاليف رخيصه لقدر الكثيرون على الزواج ولاصبح هناك ازمة في عدد النساء لانهم ايضا يعددون ويجيك الخطاب كثر وتتخيرين الصالح منهم تدرين من اسباب شدة اقبال الرجال على زواج المسيار هو رخص تكاليفه؟؟ تدرين اني حصلت زواج مسيار ويقول راعيه جيب 5 الالف وازوجك مسيار؟؟ تدرين ان من اسباب الزواج من الخارج هو رخص تكاليفه؟ تدرين ان 15 الف شاملة كل شي حتى الحفلة تزوجك من اجمل الجميلات من الدول المجاورة!! وهناك اقبال شديد على الزواج من الخارج رغم منعه وبعضهم يطلع وساطات وهناك اناس تدفع لهم فلوس ويجيبون تأشيرة زواج من الخارج بطرقهم الخاصة لوكان مسموح وميسر لعنستوا اكثر واكثر يالبنات !!!!!!!! ان لم تحل مشكلة عنوسة الشباب سيكون الوضع سيكون مأساويا خلال الخمس السنوات المقبلة عدد العوانس سيبلغ 4 ملايين في السعودية !!!!!!!!! |
لاتعليق
|
اقتباس:
ليه كلامي غلط؟؟؟؟؟؟؟؟؟؟؟ |
الساعة الآن 10:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©