بعد رد اختي حائزه
مافي كلام

انت داش على طمع و ما مشه الي انت تبيه .. اخوي اي واحد يقولك الكلام الي ما تبي تسمعه تقوله ماله داعي ترد .. شل العباله يبه !! انت تحس انك صح و انا اشوف كل الي سويته غلط اب غلط .. تتلصص على حساب الزوجه .. تشوف وين صارفه فلوسها .. تبيها تصرف وياك عل البيت .. يا اخي الاسلام حط القوامه للرجل و من ضمن القوامه انه يصرف على بيته انت اشعليك من فلوسها .. اذا تبي ترتاح لا تحاسبها على شيء و انسى انه عندها فلوس .. صراحه الله يعينها عليك
اختك بني

سبحان الله

أتمنى من زوجي أن يطلب مني أو أن أساعده مع ان راتبه ليس بالكثير..

فالمساعدة بين الزوجين من علامات الحب والرضى

فأنا ولله الحمد اتقاسم معه المسئؤلية بل وربما أكثر كل ذلك لكي أتودد اليه وأعبر له عن حبي له بكل ما أستطيع

واسأل الله ان يرزقنا الذرية الصالحة ..

مالها وهي حرة فيه !!!!!!!!!!!!!!!!!!!!!!

الحمدلله والشكر


اخوي ممكن تنصحها توفر من راتبها وتحسب حساب للمستقبل

بس غير كذا ابدا مو من حقك .. ولا من حقك تتجسس على حسابها عيب والله !!

وطلعتها من البيت انت عارف عنها قبل لا تخطبها فمالك حق برضو


الله يهديك

خيرها بين اعطائك ثلث راتبها او الجلوس بالمنزل

مشكلتك مع زوجتك انها ماتحس بالامان معاك علشان تصرفك معاها

ممكن انت تضايقت من ردود بعض الاعضاء
بس بعد تفكير عميق انا شفت وهذا من وجهة نظري وانت لك الخيار في الرد او عدم الرد
أخي
زوجتك اخطأت في تصرفها وانا كزوجة مستحيل اضع زوجي حبيبي ونور عيني في مثل هالوضع
وفي نفس الوقت مستحييييييييييييييييييييييييل ارضى او ارتاح يمكن كلمة ابلغ من الاولى بان زوجي يحاسبني على كل فلس يطلع مني وانا اتكلم عن تجربة انا موظفة وزوجي مرة عرف مني اني كنت داخلة جمعية زعل مني بالرغم ان الجمعية كنت داخلتها علشان كنا مخططين نسافر فلما تصرف معي كذا دخلت الجمعية واخذت الفلوس وحطيتها بالبنك من غير ما يعرف ولاسافرنا ولاشي وهو طبعا صعب انه يجمع بس احيان اخبي عنه واحيان اقوله بان معي فلوس والحين بنخطط نبنني لنا بيت بس هو قالي بيكون بإسمك
اخي اعطيها الامان اول
ثم انتظر النتائج


لاني متأكدة الي تحب زوجها وبيتها منطقيا بتتصرف كذا حتى لو مو علشانها علشان عيالها بس يمكن انت تتصرف وتقول كلام تحسسها بأنها هي ومالها لك اعطيها مساح من الحرية ولا كأنها هااااااامك شي وشف ربي راح يفتحها عليك

بس لا تتسرع النتائج او تقارن بينها وبين اخواتها لان هالشي يقسيها عليك اكثر واكثر وانت تقصد انك تنبهها بس هي تفهم انك تبيها تدفع من مالها غصب لان المراة تنقهر بالمقارنة والله العظيم وحدة من صديقاتي جاها زوجها مرة وتخيل راتبها ست الاف وهو راتبه تسع وعنده تجارة وبيت ملك وشقق مأجرها تخيل قالها ليش ماتطلعين سيارة لي صاحب زوجته مدرسة ومطلعة لزوجها سيارة بس هي ردت ليش شحات انت والله ما اقد سمعت ان الحيم هوم الي يشترون لازواجهم ....؟المهم ولو تشوف كيف كانت والله في شهر العسل علان يسافرون دفعت معاه حوالي ستة الاف وهو احدى عشر الف علشان رحلتهم بس لما حست انه يكلمها بالفلوس ونسوي ونفعل ونودي ولما ترفض يزعل ويبهدلها او يترك البيت قامت هي تغيرت عليه وصارت تعانده وفتحت لها حساب بالبنك من غير ما تدري وتعطي امها فلوس كل شهر تعطيها حوالي الف بس كانت تعطيها ثلاث او اربع علشان يرفعولها اياه وهو ما يدري حست انه طمعان يها واحيان يكلمه ويسب أمها بالرغم ان وضعهم الاثنين عالي جدا


فالفلوس لما تدخل بين الزوجين صدقني تخرب حياتهم
وهذا الي صار معاك
اذا باقي على زوجتك
عش معاها والا تتكلم ابدا عن راتبها او فلوسها اعطيها الحب والامان والحنان بدون مقابل راح تشوف العجب
والله ممكن تعطيك من نفسها بطاقة صرافها عن طيب خاطر

والله الامر ابسط مماتتخيل

اذا رفضت خيار الجلوس في البيت تعتبر امرأه ناشز وعاصية لزوجها وله الحق بالتصرف وفق ما هو مناسب الا اذا اشترطت خطيا في عقد الزواج ذلك .

اما مسألة الراتب فله الحق كما افتى بعض العلماء بأن يأخذ ثلث راتبها مقابل تنازله عن وقتها المقضي في عملها ..

هناك فرق بين امتلاك المرأة لمال عن طريق الميراث او التجاره او الملك الخالص وبين امتلاكها لاموال عن طريق العمل ..

لأن العمل معناه خسارة الزوج لوقت كان ممكن ان تقضيه الزوجه في خدمة بيتها واولادها ومهما حاولت التوفيق بينهم تظل الخسارة قائمة ..

لا حول ولا قوة الا بالله
بصراحة كنت أقرأ الموضوع وفي بالي أن كاتبه يمزح بس لما قرأت ردوده فجعت!!!!!!!!
أخي تحس نفسك غبي وضعيف لأنك ما تأخذ فلوس من زوجتك؟؟!!!!!!!!!!
هذا آخر ما توقعت سماعه
أخي الذي يستولي على مال زوجته وان شئت قل من يأخذ منها في جميع الحالات هو الغبي والضعيف
وحتى لا يكون ردي هذا تعليقا فتغضب
سأعطيك بعض الحلول
أول خطوات الحل هو أن تعرف أن هناك مشكلة
ثاني خطوة أن تعرف ما هية هذه المشكلة
والمشكلة أن زوجتك لا تنظر اليك كما ينظرن أخواتها لأزواجهن
فهي لا تأتمنك على مالها
وبصراحة أنا من خلال ما كتبت أفهم مبرراتها

أخي ترفع عن مال زوجتك وعز نفسك

بصراحة انغثيت

اخي سيد الرجال شاكره جدا تعليقك
اجل الحمدلله تفكيري سليم اشترطت اول مره هذا الشرط كتابيا
وان شاء الله اشترطه المره الثانيه كذلك

طيب لي سؤال بسيط تقول خساره الزوج بسبب عمل المراه وضياع وقتها بدل الاهتمام ببيته وبه وباولاده
طيب مين يعوض الزوج عن هالخساره اذا الزوجه غير موظفه وضيعت وقتها بالنوم بسرير وثير من عرقه وتحت مكف هو يدفع فواتيره والشغاله الي راتبها منه هي من يهتم بالبيت والعيال وتطبخ او اذا هو صاحي مره ههههههه ومنتبه يتصل على المدام بطريق العوده ويسالها هاه اليوم خلقك زين وطبختي او اي مطعم تحبين اغديك منه

اخي الكريم الواقع يقول عكس كلامك فالمتزوج من موظفه لم يخسر وقته بل كسب الكثير بالاضافه لحقوقه الزوجيه
فالكثير من زميلاتي متزوجات وازواجهن مايعرفون اسماء المطاعم بل ياكلون يوميا من يديهن ومتابعات اطفالهن حتى وهم على مقاعد الدراسه يسالن عنهن واطفالهن يدرسون باحسن المدارس واحلى تربيه ماشاء الله تبارك الله
وكثير جاراتي وقريباتي مو متوظفات واولهم زوجه اخوي وكل يوم اخوي داخل وكيس الاكل بيده وا مسكين بيرجع هو وياها واطفالهم للمطعم فاختار الاسهل والاسرع
وعلى فكره عندها شغاله غير شغالتنا فلها الحق تطلبها باي وقت

اسال اصدقائك المتزوجين وشوف الفرق

وبالنسبه للاخ الي يقول مشاكل لامشاكل ولاشي لكن الظلم الله حرمه على نفسه
وحنا ماسمعنا راي زوجته لكن هذا الي نطقت به حروفه شخص طمعان براتب زوجته الي اتوقع الان انها تعض اصابع الندم انها رضت به زوج لاحول ولاقوة الا بالله