المستعينه بالله اسمك روعه يذكرنا نقول استعنت بالله



ان تصل متأخرا خير من ان لا تصل ابدا حياك الله وعذرك مقبووووول لانه دايم يصير معي



مرة فكرة الجهوزية والطوارئ عجبتني خصوصا موضوع المجمدات ( فراولة منجا ) للعصير الطازج لم افكر فيها


وفكرة العربة حلوة كمان




بس يا خسارة ما شفت الصورة ما نزلت عندي


حياك الله غاليتي وشاطرة انك حضرت الواجب

عقبال اخواتك المتأخرات

واجب اليوم

ارجو من الطالبات

المشاركة في سوال المناقشة المطروح



وذلك حتى ننتقل بمشيئة الله للقسم الثالث // سنبدا به يوم السبت ان شاء الله


يعني الي ما كتبت واجبها عن القسمين الأول والثاني وسوال المناقشة تلحق نفسها معاكي يومين



>> وسوف يكون فيه اختبار بما سبق << ههه بخوفكم بس

ام السوسه

27 سنه

ام لطفلين (الله يجمعني فيهم في الدنيا والاخره)

اعيش مع اسرتي الله يخليهم لي

سعوديه

ادخل المنتدى في اوقات متفرقه

يالنسبه للضيوف

بصراحه اوزع عصير على الموجودين حتى تقريبا يكتملوا

ولكن اذا صار فيه تاخير ابداء بالقهوه

واذا وصوا الي بعدهم حسب بعضهم على طول تبغى قهوه وتحلف والبعض لا عصير وخصوصي في الصيف

ولكن الشاي اغلب الاحيان يكونوا مع بعض (هذي لازم عاد )

ويا استاذتنا الغاليه اذا نقصت شي في الواجب

بلييييييييييييييييييز اعطيني خبر

ما احب ارسب

احب النجاح دائم

واني اذا الله كدرني هم معاكم

ما شا ء الله عليك ام السوسة مجتهدة شاططططططططططططططططرة



ان شاء الله من الناجحات ثابري



هناء السلطاني حياك الله معانا والله يقدرك !!!!!

ماشاء الله عيكم نشيطات يالغاليات

غبت عنكم لدواعي السفر المفاجئ

الاقيكم بكره ان شاء الله :d

بسم الله الرحمن الرحيم


هلا بالغاليات ان شاء الله تكونو قضيتو ويك اند حلو


نبدأ اليوم القسم الثالث تجهيز العزيمة ( لثلاثة اشخاص // وغدا الحديث عن تجهيز عزيمة مختلطة يعني سفرتين رجالي + نسائي وبعد الغد عن بوفيه كامل



العزيمة الصغيرة ( يعني سفرة واحدة فقط عدد الأشخاص من 3 ___ 6




ادون بمذكرة (ورقة ) واضعها ع الثلاجة امامي كل ما اريد عملة


اعمل صنفين سلطة واحدة الخضراء العادية واحدة اتفنن فيها _ سلطة روسية مقليه مكرونة .....وغيرها

لازم يكون الصتف الأساسي نوع رز ( كبسة برياني رز ببازلاء مقلوبة ..


موضوع الشوربة لا اهتم كثيرا الا اذا كان رمضان

اهم شي السفرة عليها طبق ارز كبير بالوسط وعليه اللحم او الدجاج ونوعين السلطة على الجانبين

وطبخة بالفرن مثل صينية دجاج بالبطاطس ( اذا كان الي على الرز لحم

او كفته اذا كان الي على الرز دجاج

وطبعا اتفنن بوضع الصحون والشوك والمناديل وكاس لكل ضيف بطرق ترتيب المائدة واحب ازخرف المنديل داخل الكاس


واضع على طاولة جانبية بوفيه صغير فيه العصير نوعين وابريق ماء وصنف حلا + صحن فاكهة مرتب او صنفين حلا اذا لم توجد الفواكه


وبعد العشاء ..........ز لا بد من دله القهوة السادة + ابريق شاي + الشاي الأخضر ارتبه مسيقا واضعه في غرفة الضيوف اثناء تناول العشاء

نادرا في حاله عدد الضيوف قليل ما الجأ للأكل الجاهز بل احاول اتفنن بالطبخات والصواني

بانتظار طريقتكن

نسيت ماكتبت لكم طريقة ترتيب السفره..
وما انسى ترتيب السفره بدري واحط عليه كل احتياجاتها والصحون احط نوعين فوق بعض
شي للجريش وشي للرز وكل صحن جنبه ملعقه صغير وكبيره وشوكه وكاس

وغير مفرش السفره وانا مفصله فوقه بلاستيك شفااااااااااااااف يحمي المفرش من الاكل
ومعاه مناديل والفها وامسكها بشرايط صغيره وعلبة كرتون مناديل

بسم الله الرحمن الرحيم

بالنسبه للدرس الثالث

طبعا ادور في النت غالبا على احدث انواع السلطات والدريسنق حقها

عادة يكون من ضمن القائمه نوعين سلطه وطبقين مقبلات اضافيين مثلا فطاير ومقالي

والاطباق الرئيسيه من 2 الى 3 ممكن

يعني طبق ثقيل برياني محاشي مقلوبه وطبقين صياني ومكرونه

هذا غير سله الخبز احب اتفنن فيها مررره وبعد سله الملح والفلفل والخل وزيت الزيتون

وغير انواع الشطات والطرشي والمخللات بصراحه اقدرها واختار لها مواعين خاصه

في الغالب احط مشوربات غازيه مع ماء

واذا ضيوف غريبين اتفنن بالعصاير

والحلا نوعين او 3 وحلو انك تصفين جنبه الصلصات الخاصه بالحلا الشيره و الهيرشيز و صلصه الكاراميل

خبركم فيه ناس تحب الصوص او الشيره اكسترا بالحلا :d

وبعد العشا قهوه وشاهي و نعناع او حبق مع البخور طبعااااااا وبس وبس :)