|
وقفات
هنا لي بعض الوقفات مع بعض الردود :
1- اختي أميرات : انا معاملتي لزوجتي لم تأخذ نمطا واحدا لكن مرة لين ودلع ومرة حزم وشدة حسب الموقف لكنها للأسف تغيرت كثير في الآونة الأخيرة ولم يعد يجدي معها أي أسلوب لا اللين ولا الشدة ومما يؤسف أني دائما الاحظ عليها تغيرات بعد عودتها من زيارة أمها أو خالاتها أو عماتها أو حتى صديقاتها و ألاحظ احيانا انها تستجدي كلمة المدح مني مع أني أغرقها بكلام المدح والغزل والحنان ولكن حذاري من انتقادها بأي كلمة وأنا رجل لا أسكت عن أي تقصير أو خطأ بل اعصب وأزعل لأني ما تعودت اخطي او احد يخطي علي لذلك انتقدها وبقوة عند اي تقصير لكن اجدها تعاند بالرغم من أنها اول سنتين من الزواج كانت تعتذر وأحيانا تبكي عند أي تقصير لكنها تغيرت كثييير- 2- سحابة الصحراء شكرا اخوي على اقتراحاتك وهي في الحسبان بارك الله فيك0 3- rwan 11 أتفق كثيرا مع تحليلك (واضح خبرتك بالحياة) لأنه في الواقع هي فعلا حساسة جدا و هذا اللي يدور براسها لكن نحن لم نقصر وهم قدموا اعتذارهم لها لكن عي من أول ما عرفتهم ما ارتاحت لهم وما صدقت تشوف منهم زلة حتى تحاول ان تنقلب عليهم وانا من حقي كرجل ان اطنش سوالف الحريم اللي بينهم مح كامل الاحترام لكن ما يعجبني الرجل اللي يتدخل بصغائر الأمور وأشكرك كثير على دعائك لنا بارك الله فيك0 4- جناين ورد 2008 : كلامك صحيح هي متأثرة كثير بأمها وأمها مدلعتها بشكل خيالي والله مجننتني ما يمديه ينزل فستان ولا لبس جديد بمانجو ولا زارا الا وتعطيها خبر على طول أسمع عبارة النساء الخالدة(ودني السوق) ويالله على السوق توكلنا على الله . وبالنسبة للسؤال بالعكس انا أعصب في أوقات وعلى طول أهدأ لأني والله محب للناس ولاني عصبي حتى مع زوجتي ما اعصب الا في مواقف معينة وبالنسبة لدراستها هي مخلصة الجامعة وتبي تكمل ماجيستير لكن ما حصلت الفرصو ولا أنا ما عندي مانع أنا تزوجتها وهي طالبة ووقفت معها وساندتها حتى تخرجت بتفوق واتمنى انها تجد فرصة مناسبة وأشكرك كثييير على دعائك الطيب وجزاك الله كل خير0 |
مو لهالدرجه مدمنه تسوق وغيركذا ماركاااااااااااات...
مدري وش يعجبهم بالماركات نادر القى شي حلووو... عموما انت كلمهم اخر مره ورح بيتهم وقول انك وحداني والشيطان يلعب بعقلك... وخايف من الفتن والاغرائات... وانك تبي جواب نهائي .. اذا ماعطوك وجه ..اتركهم مده شهر او اقل وشوف وش بيسوون ولوقدرت تصبر عن بنتك يكون احسن.. ولو كانت زوجتك تدق عليك او ترسل حط خدمة مقفول ..!!! واذا مانفع هذا كله حاول تنشر اشاعة انك بتتزوج ثانيه وان الثانيه جمال واخلاق واهلها جاءو وخطبوك لبنتهم .. وهالكلام لو يوصل لوحده من الحريم المعروفات بنشر الاخبار ..يكون احسن حتى ترجع لك وتخاف تخسرك... ولو يوصلها ان البنت تترصد لك يكون احسن كمان.. عندنا وحده زوجها على قد حاله وتزوج بنت عمرها بنهاية العشرين يعني بالثلاثينات وهو قبلها يمكن 10 سنين .. عادي زيي تقريبا المهم .. مدلعها ويسفرها ويمشيها الدمام وكل مكان .. وحملت وجابت بنت وحملت مره ثانيه ولاعلمته ... وكله هواش مع بعض ويراضيها بس رافضه وقاعده عند اهلها .. تبيه يعيش عندها .. حتى يصرف عليهم كلهم .. وجابت توم بنات ومادرى الا متاخر وشافهم .. بس بالموووت ... رضت عشان يحطهم باسمه وظلو كثييييييييير وقبل كان معيشها عند اخته الطيبه وبشقه بس كانت تتذمر واجر شقه واثثها وزينها رغم انها اجار وغاليه.. بس مانفع معها... ونشروا اشاعة انه بيتزوج ولانت ورضت ترجع معه وقريب بيرجعون لبعض بعد مافقدنا الامل فيهم بس الفرق انها ماحبته مثل زوجتك ... وزوجتك خلك صارم معها لاتصير تدلعها كثير وتشتري ماركات علطوول او طيران عالسوق او ماينزل شي... والله يوفقكم |
السلام عليكم
اخي الكريم سجلت بالمنتدى فقط لاساعدك في مشكلتك حالتك صوره طبق الاصل من اخي وكانت نهايتها الطلاق للاسف ولم تكن هي النهايه التي يرغبون بها ولم يرضوا عن حالهم الان القصه --تزوج اخي زواج تقليدي ولله الحمد تكلل بحب من الطرفين لكن اخي الله يهديه افرط بدلالها بشكل جنوني ويتصل علينا كلموها اسئلوا عنها اذاجاءت اضربوا لها سلام ربما كان يحدث بينهما مشاكل وهو عصبي وتذهب لاهلها ويركض بالهدايا ومن اغلى الاثمان والسفريات والاكل من المطعم حتى الكاسات يستعمل بلاستك حتى لاتغسل الكاسات عرفت حبه لها فاصبحت تبدع بالوان الدلع والطلبات اخي احبها انت معي اكمل |
اقتباس:
|
اقتباس:
|
اقتباس:
|
اقتباس:
اتفق مع كلام اخي سيد الرجال .. |
اخي احبها انتبه اطلق زوجتك لانك تحبها
للاسف اخرمشكلها حرقت قلبه بعد ماجاء من الدوام لقاها ماخذه ملابسها . كانت صدمه كبيره بالنسبه له كان يجي واثار البكاء في عيونه ونفسيته مسدوده عن الاكل .بسراحه خفنا عليه لايجيه مرض نفسي كان يقول كلمتني بعدين يقول لاامزح قلنا له اصبرخلها ببيت اهلها لاتسئل عنها خلها تخاف قال لاماني صابر هي ماتبيني قلنا تتغلى ,قال لالا اخذت ملابسها الله يهديه ماسمع الكلام هي تبغاه بس تبي تربيه صح لانها كل مره يرضيها وترجع وهذي المره كانت ناويه تربيه صح كان يكلمها ماترد ونقول له لاتكلمها اثقل اشوي اصبر شهرين تقلق لكن ماسمع الكلام كلمت امي امها قالت اولدك فيه ومافيه وسبت .اخوي انهار من جد نفس حكايتك يقول ماتبيني خلاص لاحظ تبي تربيه صح زي ماتسوي فيك زوجتك بس احيانن مازاد عن حده انقلب ضده اعذرنا خفنا عليه مرررررره قلنا له تعال عندنا ونم عشان مايدخل البيت ويفكر فيها بس مارضى وهذا الي ابغاه منك خذاغراضك الضروريه واجلس عند اهلك ولاتكلمها اثقل اشوي عشان تبدى هي تقلق وتصيرتنتظرمنك تلفون هذا اذاماكلمتك هي لان الطلاق خسااااااااره لك ولها لانكم تحبون بعض صدقني ما راح تنساها لان اخوي فعلا تزوج بزوجه طيبه لكن ااأسف ماقدريحبها قلبه متعلق بالاولى والولد مسكين الخطوات الي لازم تتبعها-- 1-اسكن هذي الفتره عند اهلك 2-لاتكلم عليها ولاعلى اهلها 3-انتبه اطلق اوتزعل منها 4-انتبه لشغلك وادراستك واذاعندك وقت فراغ ادخل نادي وزر اصحابك 5-بعد كذا جب طقم ذهب ورح انت وابوك وقل ابغى زوجتي والي تامرفيه انا حاظربس مو وهي ببيت ابوها وهي بيتها اللهم ياجامع الناس ليوم لاريب فيه اجمع احبها مع زوجته على خير والله يوفقك |
اقتباس:
|
أخي الفاضل
السلام عليكم ورحمة الله اطلعتُ على موضوعك .. وشعرتُ بك وبمشكلتك الموضوع سهل إن شاء الله الذي أريده منك مبدئياً هو عدم اتخاذ أي قرار ( طلاق أو زواج ) ، وعدم إبداء مدى حبك لابنتك ..ولا تشعر زوجتك أنك مضطر لإعادتها ، وأشعرهم أنك لا تقبل بالطلاق لمصلحتك الخاصة ولكن لأنها لم تعد تريد مواصلة الحياة معك . شعورهم بتعلقك سيجعلهم يماطلون أكثر . وهذا الحل للتهدئة حتى يبدأ الطرف الثاني بالتفاعل في حل المشكلة .. ويمكنك التواصل معي إذا أردت ذلك . أخوك الزائر الخفيف |
| الساعة الآن 06:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©