|
سالفتك ذكرتني بسالفة صديقة قديمه لي ..
بحكي لك القصة ولك الحكم اخي الكريم .. كانت لي صديقة قبل 3 سنوات .. تقدم لها رجل اربعيني على كلامها 43 سنه متزوج وعنده 5 اطفال اكبرهم عمره 21 سنه ,, طبعا الخطبة جات للبنت من صديقتها والي هي بالطبع زوجته صديق الخاطب !! كلمتني البنت تشاورني ,, وانا بالطبع انكرت عليها فعلتها وقلت لها انتي بنت وعمرك 20 سنه حرام ترمين نفسك هالرميه اول واحد يطق الباب توافقين !! وش فيه مواصفات علشان توافقين وعطيتها محاظره طويلة عريضه ,, وحجة الخاطب انه تزوج بنت خالته مجبور وهي اكبر منه بسنه واحده علشان يطلع يكمل دراسته الجامعية بالخارج !لان اهله رفضوا خروجه للدراسة من دون زواج ,, وتزوج وهو في 18 سنه على حد زعمه !! وجلس مع زوجته الاولى مرتاح لمده 22 سنه الين طلع لهم بسالفه الرومانسيه (( اللي طايحين فيها الاربعينيين)) .. مع العلم ان زوجته الاولى دكتوره في علم الفيزياء بجامعة في الرياض .. مثقفه وذات خلق .. انا قلت لصاحبتي منتي مجبوره على هالزواج الطريق قدامك لسه طويل وانتي لسا صغيره .. قالت لي بالحرف الواحد : اذا ما تزوجت الرجال ,, راح يتزوج غيري , يعني انا ما راح امنعه من الزواج , اخذه انا وأبر فيه وفي عياله بعدين تبين تقنعيني ان الشاب افضل من المتزوج ؟ الشاب ياخذ في عز شبابك ولما توصلين مشارف الاربعين تزوج عليكي زي مو اللي خاطبني مسوي مع زوجته على الاقل اتمتع في شبابي ولا ابدا حياتي معه من الصفر ولما اكبر يرميني هالرميه !!! . بعدين انا ابي اطلع على الدنيا ابي صيف في فرنسا وعيد في جنيف , انتي عارفه انو رصيد الرجال فيه (...) انا اعرف بوكر في البنك (..) طلع لي رصيده !! وانتي عارفه انه وارث من ابوه مجموعه شركات (..) وانه وانه وانه المهم مبين البنت داخله على طمع انا انصدمت صدمه عمري فيها ,, وقالت الفرصه ماتجي الا مره بالعمر وانا ابي استغل هالفرصه والرجال شخصيته مو مره قوية يعني اقدر عليه ! . طبعا في فتره الخطبه (( فتره النفاق والهياط اسميها احيانا )) وبعد الملكه جالسه تقنع الزوج بأنه مالي دخل في ام العيال ولا ابي اشوفها انت لك حياتك معها ولك حياتك معي ,, ومن هالحكي اللي لفت فيه راس هلضعيف .. وما حددت موعد الزواج الين حط لها بيت باسمها ( بحجه انه يضمن مستقبلها وعيالها مستقبلا من عياله اللي من الاولى ) تم الزواج وانا خفت علاقتي معها جدااااااااااا لدرجه انها انقطعت تقريبا ! وحينها كنت لا اعلم من تكون زوجته الاولى حتى تم الزواج ,, حيث انني علمت فيما بعد من تكون , ولاسف انها كانت بنت صديقة والدتي وعرفت انها دكتوره جامعيه ..والخ . اللي ابيه اوصله من الموضوع .. ان الزوج لما خطب كان قايل انه ماراح يطلق ولا يفكر بالطلاق حتى وان هي طلبت ماراح يطلق علشان عياله .. لكن من 3 شهر من الزواج طلبت الزوجه الاولى الطلاق وعندما رفض .. اخذت ابنائها وذهبت لاهلها .. والان ستكمل عاملها الثاني عند اهلها .. ولكنها معلقه ..وفقدت 20 كيلو من وزنها واثر ذلك في عطائها في الجامعة !! اما بالنسبة للابناء فعندما يعلمون بمجيء ابيهم الولد الكبير يطلع من البيت ما يبي يشوف والده والبنات اصبحت علاقتهم جافة جدا مع ابيه لا تتجاوز تلبيه رغباتهم الماديه فقط !! والادهى والامر ,, ان الزوجه الجديده انجبت فتاة , ولم يشاهدوها اخوتها الى الان وأشك ان كانوا يعلمون بذلك .. لا اعلم ان بدأ ضمير الرجل بتأنيبة ام لا .. ولكنه دمر اسرته ومنزله وشتت ابنائه واثر على نفسياتهم واللي يغبن انه يقدر يوفر لعياله (قصر) لكنه للاسف تاركهم ساكنين في بيت خوالهم !! لا حول ولا قوة الا بلله .. اخي الكريم .. الي ابي اقوله لكـ .. لاتكون سبب في تدمير مستقبل ابنائك ونفسياتهم .. الحياة يبي لها تضحيات .. فكما قالوا قديما : لا تأتي الرياح بما تشتهي السفن .. حاول تعدل في زوجتك .. كما قالوا الاخوان قبلي ولله يكتب لك اللي فيه خير وصالح |
مبروك عليك
بس تأكد ان زوجتك مارح تبقى معك خصوصا اذا كانت تحبك فإذا كان حبها لك شديد مستحيل انها ترجع لك ورح تعتبرك بعتها وبعت العشرة ....... والله اقول لك حتى ماتجي وتشتكي لنا وتقول انتو نصحتوني اتزوج بصراحه كان ودي تستنفذ جميع الحلول ...!!!!! والله يوفقك وتختار الزوجه الصالحه الرومنسيه |
اقتباس:
آه بس يا أختي الكريمه مايخرب التعدد إلا مثل هالأشكال انا يوم اطلب الزواج من ثانية لأسباب ولو تعدلت الاسباب مادورة على الثانية بتاتا زوجتي صعب تعدل نفسها بسهولة 19 سنة وداخلين بالعشرين علاقتنا مع بعض علاقة عادية كأننا نؤدي واجب الزوجية فقط وتربية الأولاد لاتحب التجديد حتى في العلاقة ماتحب التجديد ابدا انا يضيق صدري لما اشوف متزوجات يحكون علاقاتهم الرومنسية مع ازواجهم وانا مو محصل الشي هذا نهائيا في زوجتي تعبت معاها ومن تكرار الكلام معاها تصدقون مع انها جامعية ومثقفة إلا انها بالأمور هذي جاهلة ولا تريد التعلم سبحان الله |
اقتباس:
صدقوني قدام ربنا يوم القيامة الزوجة هى التي ستسأل و ليس الزوج. التعدد حلال محلل انتم ما تفهون |
سبحان الله صار التعدد بنظرنا خراب بيوت وتشتت أسر ودمار للأبناء وين الرضا بما قدره الله ؟؟؟؟ الزوجة الأولى تطيح بكل شيئ فقط لأنه تزوج لا حول ولا قوة الا بالله صارت نظرتنا دنيوية قاصرة على تملك زوج وأسره لتكون هي الوحيدة في حياته الرجل هو سر النجاح بعدله وخوفه من ربه في التعامل بين بيتين ولكن ماذا يفعل الزوج ان الأولى لم تقبل وقررت هدم البيت الأول واستغرب ان بعض الاخوات تقول انها من كثر ما تحب زوجها بتطلب الطلاق معقولة من زود المحبة محبة دنيوية ليس فيها لله أي نصيب ... لا احتساب أجر ولا رضا بقضاء الله انما أنانية متناهية للأسف وتعسف واضح بالأبناء مشكلتنا الرئيسية نحن النساء أننا تعلقنا بالدنيا وما ربطنا وجودنا الا لتملك زوج بالأساس هو من يتملكنا ولسن نحن من سنملكه الله يهدي الجميع ويصلح أحوالنا وأحوالكم |
الله يوفقك ويسهل لك بس اهم شي اهم شييي اهم شيييييي انك تكون تتعرف عليها مو مجرد كلام من اهلك عنها او اخواتك ووو كلمها شوف هل هي دخلت قلبك ولا لا اسمع كلامها وطريقتها تحسس هل هي حاره بمشاعرها ولا بارده تموت الحيييل انتبه لا تطلب منها حب وحنان ،هذه الاشياء ماتنطلب تجي من نفسها (بمعنى ثاني فاااقد الشئ لا يعطيه)) الفكره انه انت تتأكد انت بنفسك مو تاخذ كلام من احد مهما كان (ان شاء الله امك او حتى اخواتك لاني اجزم انهم مافهموك حتى ) ممكن هناك بعض الاقتراحات الاخرى والتي ممكن ان افيدك بها اذا انت احببت ذلك (انتظر طلبك فقط) والله يسهل لك امورك |
اقتباس:
كلام 100% لو حسستها انك بتتزوج علشان النقص العاطفي احتمال كبير تتعدل لانه بعد هالعشرة الزوجة مستحيل تفرط في زوجها بها السهولة وانت قلت ان زوجتي تاخذ بكلامي يومين بعدين تبطل تحتاج تكرب عليها شوي وان شاء تمشي اموركم بدون زواج باخرى ولاتجعل الزوجة الثاني دافعك للتغير فربما لاتوفق وهذه مشكلة انت رجل اربعيني وتفكيرك اكيد فوق تفكيري ان اصغر منك بكثييير فلذالك حكم امورك جيدا قبل ان تنطلق الى البيت الاخر وحاول التغيير قبل الزواج وانا ما امنعك بانك تتزوج البعض يتزوج الاخرى لان زوجته لاتشبعه والبعض يتزوج لوجود مشكلة عاطفية وهذا لابد ان الشخص يوقف لحل هذه المشكلة من هذا النوع لانها مثل مايقولون ثغره فلا تجعلها هذه الثغره كبقعه لاتستطيع سدها كذكل لاتكون ضعيفا امامها كن حازما امامها لكي تتغير : نحن الرجال حقيقتا نسقط امام العاطفة والرومانسية لانها جزء لايتجزء من الحياة اليومية هي دافع قوي نحو حياة افضل يملائها النشاط والقوة وتذكر : خطط قبل ان تنفذ عشوائياً وبالله التوفيق : اخوك امير الشوق |
اقتباس:
لاحول ولاقوة الاباللة طيب صارحها بما انت ناوي عليه ,, وتكلم معها بشكل جدي للمره الاخيره .. واخبرها انه في حال انها تعدلت مؤقتا فانك حتما تسأتي بالثانيه حتى من غير اخبارها ,, صدقني لحظتها بتتعدل طول عمرها ,, يقولك اسأل مجرب ولا تسأل طبيب زوجي لما لاحظ علي اني قليله الاهتمام بالسؤال عنه .. وانا كنت اسوي هالشي من نصايح البنات اللي يقولون لما يطلع زوجك لا تتصلين تسألينه وينك ترا يحس انه مراقب وانك جالسه تثقلين عليه بالاتصالات الكثيره والخ ,, جاني طويل العمر يقول انتي ما تسألين انا وين والا جاي من وين هذا عدم اهتمام !! اذا ما تعدلتي ترا البديل جاهز ! لا تجبريني اني اشوف غيرك من برود مشاعرك !! لا والي زاد الطين بلله ,, ان هالموقف صار في فتره الملكه ,, بعدها قررت اصير مثل ظله ,, ما تمر ساعتين الا ارسله مسج فيه كم كلمه حلوه اذكره فيني يعني تراك على بالي ,, والله العظيم حتى لو انا بزواج لازم ارسله .. اي شي .. لو اقوله اني مبسوطه مره بالزواج ! واشوا ضبط الموضوع ,, واكتشفت ان الرجال مو واحد وان زوج اللي قالت لي لا تبثرين زوجك بااتصالات والرسايل نقيض زوجي تمام في كل شي ! ترا والله سالفه الضره توجع ,, وتعدل الصخر موب المره بس .. حاول معها في جلسه صريحة وان شا الله تتعدل على طول ,, اختك في الله واتسبديه |
اقتباس:
كلامك فيه من الصحة نوعا ما ,, انا ما ادري وش جالس يصير في البيت لذلك ما اقدر احكم ,, لكن اللي اعرفه ان العيال كبار اكبرهم وقتها كان 21 يعني الحين 24 واللي اصغر منه بنت عمرها كان 19 بعدين 15 بعدين 11 بعدين 7 يعني فاهمين ,, مو محتاجين احد يحشي رووسهم ,, اكيد هم يشوفون والدتهم كيف تتعذب علشان كذا تولد عندهم هذا الرد الفعلي السلبي اتجاه والدهم وانه مبسوط واناني ما فكر الا في نفسه وسعادته فقط .. الشرع حلل التعدد في وجود العدل فقط .. واللي اعرفه ان الزوج ما اخبر زوجته عن نيته في الزواج من ثانية الا بعد ما ملك .. انا معك في ان الزوجه اخطأت عندما طلبت الطلاق ,, ولكن هذا الفعل متوقع منها لاحساسها بخيانه زوجها الذي لم يفاتحها اساسا بنيته من الزواج من ثانيه ,, وهذي ابسط حقوقها ان تعرف ماهو مقبل عليه ,, وما السبب وراء ذلك ,, يعني مثلا لما يجي زوج يقولك لزوجته تراني ملكت - من الباب للطاقه - فجأه وبدون اي مقدمات او ذكر اسباب لقيامه بهذا الفعل ماذا تتوقع من المرأه ان تفعل ؟ تقوله مبروك مثلا !! اقل شي تطلب الطلاق كرد اعتبار لها , وهذا الشي طبيعي لانها تحت تأثير صدمه قويه جدا هالمرأه بطبيعتها تحكم امورها بعاطفتها وليس بعقلها ,, وعندها تهدأ تبدا تفكر بالموضوع وقد تندم ولكن بعد ماذا ؟ بعدما وقعت الفأس بالراس ,, ولهذا السبب في اعتقادي لم يطلقها الزوج بعد , اتوقع انه يريدها ان تاخذ وقتها وتتريث بالتفكير قبل ان يقدما على هكذا قرار . مشكور اخوي على ردك ,, حياكـ |
اقتباس:
|
| الساعة الآن 01:28 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©