|
اقتباس:
أتفق معك أختي أم عبدالله في مجمل كلامك ماعادا هذه الجزئية.. صدقيني صاحبنا لم يتب.. وهو يطرح الموضوع ليس بسبب أنه لا يريد خيانة ربه وزوجته وأصدقائه بل هو الآن ورطاااان ومو عارف إيش يسوي ولا يضحي بإيش.. نبدأ في الرد على ما ذكره الأخ.. بالنسبة أولاً لروحت حرمتك عند أهلها شئ جداً طبيعي وأنت ما أوردت هذه الجزئية إلا علشان تبرر لنفسك عملتك السوداء اللي زي وجهك فأول شئ لازم تحترم عقولنا وتعترف إنك غلطااااااان ومالك حجة ولا عذر بل هو تصرف صبياني ومراهقين لأبعد درجة وخل عنك الكلام الفاضي اللي ما قدرت أتحمل فراق زوجتي وزعلتني لأنه كلام كذب وأتمنى لمن ترجع ترد تعترف بهذا الشئ علشان تحاول تصلح اللي هببته وكمان تحاول تبلغ الأخوان يغيروا عنوان الموضوع إلى (بسبب وقاحتي خنت زوجتي).. وطيب بالنسبة لأنك تحب زوجتك وشوية تحب البنت هذه.. صدقني وأنا أجزم إنك ما تحب ولا وحدة وأمثالك ما يعرفوا الحب إنت مثل البزر معليش على التشبيه تتعلق من كلمة وزوجتك متعلق فيها لأنها زوجتك بس والآن صارت أم بنتك وأما صاحبتنا فمعروف هدفك منها وتعلقك بيها إللي خلاك زي الأعمى وتروح تتعرف على أخونها هههههههه (أضحك من شر البلية) يعني بالله لمن رحت تتعرف على أخوانها وأنت تكلم أختهم ما فكرت بمجرد تعرفك عليهم إنك قاعد تخونهم يعني لو تعرفت عليهم بعدين تعرفت على البنت تنبلع الهرجة لكن الآن جاي تقول أنا ما أبغى أخون أصحابي إخص على كذا رجال وصرااااحة قمة في الوقاحة والبجاحة.. يا رجل زوجتك نفاس وربنا رازقك ببنوتة بدل لا تروح وتجي عليهم وتتونس مع بنتك وتفكر وتجتهد كيف تعوض زوجتك وتسعدها وتفاجأها تروح تدور لك خرابيط وكلام فاضي وتتصرف زي المراهقين ولاكمان الحبيب مطلقها علشان حاولت تحميك وتحمي نفسها وعلشان وحدة واطية خانت نفسها وخانت ربها وأهلها والشريفة زوجتك اللي صاينتك ومحافظة على عرضك تعمل معاها كذا.. وبالنسبة للحل في موضوعك من وجهة نظري لا تفكر بتاتاً إنك تتزوجها ولا تتزوج غيرها لأنك أصلاً وفي العمر هذا منت كفو لوحدة وطبيعي جداً ما راح تقدر على إثنين يعني إنسى والحل يا ابو الشباب إنك تنهي هذه العلاقة المشبوهة فوراً وغير أرقامك وإيميلاتك وأبتعد عن هذه العائلة نهائياً وإذا أحد من أخوانها حاول يتواصل معاك صرفة وهكذا إلى أن تنتهي منهم وبالنسبة للبنت خليها تتحمل عواقب خيانتها لأنه معروف أصلاً نهاية هذه العلاقات المشبوه وتحمد ربها إنك ما أنهيت عليها ولعبت فيها وكويس لحد هنا (الله أعلم) وأرجع لزوجتك ولبنتك وأرمي نفسك تحت رجولها وأعتذر لها على .......اللي عاملتها بيها وعوضها عن لحظات الألم اللي عاشتها معاك يمكن تقدر تنسى.. والأهم من هذا كله أرجع لربك وتوب توية نصوحة وأطلب الله أن يساعدك ويعينك وأنتبه لصلاتك وفروضك وواجباتك عسى الله أن يكفر عنك ذنوبك ومعاصيك وتدميرك لحياة الناس.. يمكن أكون قسيت شوية في كلامي بس هذا أقل شئ ممكن تستاهله.. |
اقتباس:
يسلم فمك والله يعطيك العافيــــــــــــــــــــــــه :22: بجد رد يصحصح:17: |
والله الولد الرزين ماتركلك شي:dههههههههههه
حلل موضوعك تحليل:d على قولة أختنا يسلم فمك:22: وانا من ناحيتي الموضوع يغلق لان ملينا:d |
:)
ردالولد الرزين رد يبرد التسبد الى الامام يابني |
فيه مشكله في وحدة من الثنتين
يا عمرك يا عقلك ويمكن في الثنتين |
الي كنت راح اكتبه سبقوني له
بس بقيى عدي شي مبهم انت زوجتك لها 3سنوات عند اهلك واهلها مابيعرفوا؟ وهذول الناس الي زي المسلسلات من وجهة نظري يصيدواالازواج لبنتهم جلسوا 3سنوات يهتموافيك وماملوا ودورواعلى غيرك؟ انا اتوق الى معرفة الاجابه واخيرا انتبه لحالك ولزوجتك الي صابره كل هالسنين وسيبك من النت واذا كنت بفراغ ملي وقتك بالعباده واتقرب من ربك حتى يغفرلك |
دام اسمك فهودي اذا راح يظل هذا هو تفكيرك و تصرفاتك .. متى ما كبرت و صرت فهد راح تتغير حياتك الي الافضل .. |
الأخ فهد متخبط بين الحق والباطل
الشيطان حينما يرى الشخص يمسك بأول خيط نجاة يوسوس له بتزيين عمله في عقله الباطن بما يزيد في حيرته لاتنسوا أن الششطان يجري من ابن آدم مجرى الدم الأخ فهد فاق من غيبوبة دام عليها 3 سنوات ولكن مازال بتأثير البنج وقلة التركيز لاتلوموه على ماهو فيه ولكننا نلومه على توجهه نحو الحرام الذي زينه له الشيطان بما يكفي لأن يكون متخبطآ في ردوده أجزم أنه قبل انزال الموضوع كان جازمآ بالزواج من هذه الفتاة لولا الله ثم أن رأى ردودكم التي جعلته يفيق ويصبح في حيرة من أمره أما زوجتك فهي لم تخطئ باختيار نفاسها عند أهلها فأنا أيضآ نفاسي كان عند أهلي لأنك لم تدرك بعد ولم يدرك ولن يدرك الرجال ألم الولادة ومابعد الولادة أشد وأقسى أنا ظللت اسبوعين بعد ولادتي لم أتحرك من السرير من ألم لن أستطيع وصفه حتى ذهابي للحمام أعزكم الله كنت أقاسي وأبكي للذهاب إليه الحمدلله على كل حاااال بعد أن تقرأ الردود أنصحك بالتوضأ والصلاة ركعتين والإستغفار |
بسم الله الرحمن الرحيم
السلام عليكم ورحمة الله وبركاته .. اخواني واخواتي اول شي انا مادخلت هذا الموقع إلا عشان ابغى اطرح مشكلتي هذي لكم وابغا اشوف لها حل منكم وانا ممكن اول مره اشترك في منتدى بس بسراحه ماني عارف إيش اقول بسراحه اشكركم على أرائكم الجميله والناس الي جالسين يسبوني وتشمتوا في برضي اقول الله يصلحهم ويهديهم مافيه إنسان مايخطي بحياتي وانا اخطيتي واعرف نفسي اخطيت بس الناس الي جالسه تسب بسراحه ماهو اسلوب إني اسب واشتم شخص اخطاء المفروض نوجه له النصيحه والدين النصيحه يااخي إذا ماعندك نصحيه يااخي اصمت ام تتشمت على الناس وتسب لا انا قرأت كل رسايلكم وانا بسراحه مقتنع فيها ماعدا الي يسبون ويصخطون ماافكر اخذ راي احد فيهم لأنهم لا يفقهون شي والناس الي توجهت لي بالنصيحه والدعاء إن الله يفرج همي ويبعدني عن الحرام انا وجميع المسلمين انا اقول والله كلامك على راسي واشكركم على هذي الحلول واشكر الموقع الشريف الطاهر من الرذائل والإهانات واشكر جميع اخواني واخواتي وانا إن شاء الله سمعت النصيحه والناس الي تسب وتسخط اقولها الله يسامحكم وهذا ماهو اسلوب نصيحه تنصحوا فيها اخوانكم بالقسوه هذي والله يجزاكم خير كلكم وبيض الله وجيهكم والله ماانسى لكم هذا المعروف واشكر الموقع على طرح الفكره ويعلم الله إني تأثرت بالكلام واالله يسعدكم بحياتكم يارب ولا يورينا فيكم مكروه يارب دعواتكم |
يا اخي العزيز لو انا مثلك و متزوج بزوجة احبها ، فيكفيني حبها يصبرني عن ابتعادي عن جسدها ، ماذا ستفعل يا اخي لو قامت حرب مثلا و اخذت في الجيش ؟ ، و ماذا تتوقع ان تفعل زوجتك هي الاخري و انت بعيدا عنها ؟ هل يرضيك ان تفعل مثل ما فعلت انت ؟
يا اخي انت لديك اخطاء كثيرة و متراكبة . يا اخي لو كنت مكانك و متزوج ، حتي لو لم اكن احب زوجتي ، فلن اتزوج عليها من فتاة واعدتني و صادقتني علي الانترنت بدون علم اهلها ، و قابلتها ايضا بدون علم اهلها ، لو فكرت ان اتزوج علي زوجتي فلن اتزوج الا بكرا و تكون متدينة و من اسرة محافظة جدا ، و طبعا فتاة بمثل هذه المواصفات لن تفرض نفسها علي و لن تقيم معي علاقة من اي نوع و بالتالي فلن يتعلق قلبي بها و سيكون الزواج زواج عقل و ليس قلب ، اما لو كنت احب زوجتي ، فما الداعي للزواج الثاني ؟ |
| الساعة الآن 11:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©