|
اقتباس:
ذكرتني بحالتي لمن كنت ادرس ثالث ثانوي الفصل الاولى كانت نسبتي 90والفصل الثاني 74 طبعا90 مو كبيره بس عند جماعتنا انها كبيره وان محد اخذها من جماعتنا غيري انا انا مابغيت اقول لااحد بس امي الله يهديها ماخلت احد الا وعلمته :d جاء الفصل والله العضيم في الاختبارات الشهريه ابي احفظ مااقدر احس يجيني كتمه مع خوف ودي بس ابكي مدرساتي كانو يحاولون معي وجابو مويه وخلو البنات ايغسلون فيها وانا اغسل منها لكن نفس الشي ماارتحت قالتلي المرشده الطلابيه اعزمو جماعتكم واخذو الاثر منهم كانت نفسيتي ديك الايام لمن يجي الصبح يوم الدراسه احس بضيقه صدر عكس الفصل الاولى اقوم بحماس قلت لامي قالت وكلي امرك لله موكل شي عين يمكن نفسيه :( انتي بس اقري قران وبترتاحيين رجعت وقعدت احاول اذاكر لوسطر وااحد ماقدرت المدرسات ماقصرو معي كانو يحاولون يرفعون درجاتي لكن مابيدهم ايسوون شي الحمدالله تجاوزت الاختبارت الشهريه كلها ماتعدت العشره من15:( جت الامتحنات النهائيه واسئلة الوزره نفس النفسيه احاول اذاكر مااقدر بس اصيح من دون بكاء ماادري كيف اشرحلك وضعي ديك الايام يعني لاكليه تقبلني ولاشي قعدت سنه وانا بس تعبانه لااطلع ولااكل زي الناس احس ديك الايام كل شي توقف لكن اصرار مني اني اكمل دراستي بعد سنه دخلت انتسااب لكن حملت كل المواد:d مع اني كنت مجتهده اخذ المحاضرات من البنات كل نهاية اسبوع وكنت متحمسسه تجي الامتحناات بس لمن جت الاختبارات جتني الكتمه والضيقه الي كانت تجيني معليش اخوي طوولت في الكلام يمكن مومهم عندك لكن مقصدي هناء اني اذكرلك حالتي علشان بس اقولك كيف عالجت نفسي بسورة البقره كنت اقراها مرتيين ورى بعض في ركعه وحده صح اني كنت اتعب وتجيني حراراه و وو و لكن كنت اصبر شهر ونص بس الحمدالله تحسن حالتي صح اني حتى الان مادخلت لاجامعه ولاشي لكن حالتي تغيرت الزيت مااستخدمته الااسبوع لاني لمن اصحى من النوم القى خدوش طبعا مومني مادري وش السبب قالولي ناس هذا معناته بسم الله جني :dعلى طول تركتهااا صرت بس اقرى البقره والرقيه صبح ومساء وشرب موية زمزم و العسل المقري وخلطة الرومي اغسل فيها والحمدلله تشاافيت والله يشفيك يارب والمعذره على دخولي لموضوعك مر ثانيه |
اقتباس:
الحمد لله على كـل حـال وعـوضـك الله خـيـراً لكن انصـحـك ان ترجـعـي للزيــت ،،،، وأتـركـي كلام الناس ... أنا كانت تظـهـر حـبـوب على الوجـه لما استمريت على الزيـت .... لذلك اجعـلي قراءتك لسورة البقرة على زيـت وماء.. لأن كـل ما ينفذ عن طريق مسام الجـلد او الفـم يـكـون تـأثـيـره اسرع .... لذلك ارجـعـي للدهـن بالزيـت... أنا مثلك جـربت الرقيـة لفترة طـويـلة قبل ذلك كان يظـهـر تعـب .... لكن لما قرنت الرقية على زيت وماء وقـرأت فيهم ودهـنـت جسمي ظـهـرت بوادر الشفاء .... لكن اصـبـري ولا تتـركيه مثل المرة السابقـة لأن العـيـن قـد تـؤثـر حـتـى على موضوع زواجـك وابتـعـاد الخـطاب عـنـك ... كما ألمحت في موضوع اخـر فلا تتـهـاون وأبـدأي من اليـوم .... الله يشفيك ويـرفـع عنك ما أصـابـك ويـعـوض صبرك خيـراً وأجر كثيراً عزوبي:21: بس:d رجل:30: |
الله يسلمك من كل مكروه ويبعد عنك العين والحسد
|
اقتباس:
آمـيـن ويبارك لك بزوجـك ويجمع بينكما علـى خـيـر عزوبي:21: بس:d رجل:30: |
اقتباس:
والله مادري كلامك شككني انا الان اسمع الرقيه ومااحس بشي مثل قبل وسورة البقره ماتجيني الااعراض الي كانت تجيني مثل قبل كدمات وحراره وضيقه وكئن شي ايدور في البطن ويبي يطلع بس الزيت اذا استخدمته جتني الحبوب والخدوش ممكن علشاني خالطه معه القسط البحري علشان كذا يضهر بعدين وش دخل ابتعاد الخطاب عني مافهمت طيب اشلون اعرف اني تشافيت تماما غير الزيت لان جاني خوف منه ماعاد صرت استخدمه من ذيك الايام والله يجزاك خير ويرفع من قدرك |
اقتباس:
طـيـب جـربـي الزيــت وارجـعـي له،، وما اعرف صراحة القسط البـحـري لكن ما أحبذ خلط مواد معـه ممكن تسبب حساسية او مشاكل للجلد والوجـه امـأ مسألة الخـطـاب فأنت ذكـرت في احد ردودك انه يتقدم لك ناس وتتم الشوفة الشرعية ثم ما يـردون خـبـر..... !!! وهـذا الذي فهـمـت منـك ... والله اعلم لكن المهـم ارجـعـي للزيت لأنـي انا مثلك جلست فترة كنت مداوم على سورة البقرة وكانت تظـهـر اعراض لكن لما استخدمت الزيت وزدت عليه من قرأتي للبقرة والرقية الشرعية ،،، ظـهـرت اعراض غير وكانت واضحـة كما ذكرت بموضوعـي السابـق.... عموما التحسن يظـهـر في النفسية وإذا خـفت الأعـراض عـن أول لكن اسعي بالموضوع بارك الله فيك والله يـتـمـم لك الشفاء ويرزقك الزوج الصالـح عزوبي:21: بس:d رجل:30: |
السلام عليكم ورحمة الله وبركاته
أخي الكريم: ماشاء الله تبارك الرحمن بالنسبة لموضوع وثبة شاب طبعاً موضوعك الأول لم اقرأه إلاّ بعد إغلاقه وهذا الموضوع باستمرار أتابعه وبإن الله تبشرنا بالشفاء التام. بس في شي شغل تفكيري من يوم قرأت الموضوع: صرت أتفكر كثيراً في نفسي ومايحدث معي من سنوات سأوجزه لك: _تفوق وتميز من الطفولة بمجالات متعدده رغم ظرفي الصعبة التي مررت بها _في الثالث متوسط: سخونه وتعب تصيبني بعد ثاني يوم في التكريم وتروح وانتبه لها أبي_حفظه الله وعافاه_ كنت أكرم في الحفل الواحد عدة مرات:الأولى ومثاليه ومتميزه في المواد ومشاركه في الأنشطه..وهكذا. _في الصف الأول ثانوي: تعب غريب بدأ يزداد دوخه وصداع والصلاه وأنا جالسه بس نفسياً عادي كان يعرضني والدي على أفضل أطباء المنطقه والنتيجه لاشئ عضوي فقر دم بسيط ولا يوصلها لهذه المرحله!! كنت أرى أبي يبكي حين يراني خاصة في الصباح وقت المدرسه صداااع قاتل. أخذني أبي لأحد القراء: لم يقل شيئاً قال ربما عين فقط تداوم على الزيت والماء وقتها بدأت الإختبارات في المدارس وقد تغيبت عنها شهرين ولكنهم تعاطفوا معي وسمحوا لي بدخول الإختبار ودخلت والحمدلله نجحت بإمتياز. (طبعاً أول ماخلص الزيت والماء خلاص حسيت إني اتحسنت ومارحنا مره ثانيه) مشت أموري عاديه لكن لاحظت إنخفاض مستواي الدراسي لم أخرج من الإمتياز لكن تراجعت كثيراً حتى أنهيت دراستي الجامعيه وكانت صدمتي بالنسبة لواحدة في مستواي أن أتخرج بجيدجداً من الجامعه. (في تلك الفتره مزاجي ونفسيتي تتقلب كثير حبوب غريبه_بقع_تعب مفاجئ ويختفي) _بعد زواجي: أموري من أروع مايكون لأربعة أشهر فقط ثم معاناةٌ غريبةٌ وتدهور عجيب في حالتي الصحية والنفسيه وأمور عجيبه تحدث لي ودامت سنتين وأكثر بدأت أقوم بسورة البقره وزوجي يرقيني وتحسنت كثيراً ولله الحمد ولكن تغير مزاجي ونفسيتي بشكل عجيب أشعر بأني إنسانة أخرى أتأقلم مع وضعي وتمشي أموري فتره ثم يأتيني شعور إنه في شي غلط هذا مو أنا!! اقتباس:
|
اقتباس:
أولا أعتذر على التأخر في الرد لأجل أفكر أقرر أستخير و انشغلت قليلاً فالسموحة .. ثانياً شكراً جزيلا وربي يجعل ماتفعله في ميزان حسناتك .. أخي الكريم .. أنا فكرت في الأمر فقررت عدة قرارات أولا أرجع أكشف عند دكتورة للغدد الصماء حتى يتأكد من مرضي ويفسر لي مايحصل معي طبياً .. وأن أجمع مع ذلك العلاج بالعين فلا ضير منه لأني أصلاً أحرص على تشغيل سورة البقرة كل يوم وأحصن نفسي وأحرص على أذكار الصبح والمساء وأقرأ سورة البقرة كاملة من وقت لأخر وأدعي.. وصحيح أذكر كمان من كم سنة والدتي أجبرتني على شرب الماء المقروء حتى تنتهي العبوة من وقت إلى آخر بس الزيت هو اللى ما استخدمه .. بالرغم أني ولله الحمد عندما بحثت في النت عن أعراض العين فإنها لاتشملني الآن بل ولله الحمد أسمع القرآن وأقرأه ولايحصل لي شي وصلاتي تمام... إلا شيء واحد وهو جانب النفسية وتقلباته وشعوري بالحزن بدون سبب والضيق مع العلم أن خمول الغدة أيضاً تفعل ذلك .. والذي يجعلني احتمل إصابتي بالعين تعارض كلام الأطباء مع حالتي ونفسيتي على الدراسة "مثلا الآن أرغب بالمذاكرة لقرب اختباراتي ولا استطيع بمجرد امسك الكتاب أشعر بالتعب والنعاس والضيق .." ومشاعر الآخرين اتجاهي في تغير بعد ظهور نسبتي و بداية دراستي الجامعي فصار لدي حاقدين وهناك مهتمين بزيادة على غير العادة بالرغم أنهم أول ماعرفوا بنسبتي كانوا جداً حاقدين ... لاأعلم حقيقاً ولذلك أنا في حيرة .. وصحيح أنا من سكان جدة وينبع البحر ..فأكون شاكرة إن أخبرتني بإسم هذا الدكتور حتى وإن لم تكن حالتي إصابة بالعين فيستطيع مساعدتي نفسياً في تخطي هذه العقبات .. وشكرا جزيلاً.. |
اقتباس:
اقصد القسط الهندي موالبحري معليش كتبته بالغلط كنت خالطه معه اشياء ثانيه قالها الشيخ الي يجي على قناة الرايه اعتقد اسمه يوسف الدواس ايقول انه قوي على العارض واستخدمته يناء على نصيحة والله اعلم انا اقصد ايش دخل العين في الخطاب انا عبالي انه بس في دراستي !! ماقد جاء على بالي ابدا انه ممكن العين لها دخل في امور الخطبه!! يعني توقعت انه نصييب او تخريب زي مايقولو الي حولي لانهم يخطبوني من هناء وبعدها بأيام يخطبون غيري مع اني كنت استخير وارتاحلهم ومااحس باي اعراض خوف او تعب اذا جو ... والله مادري لكن راح اتوكل على الله واسمع نصيحتك واستخدم الزيت من دون اي اضافات والله توقعت اني تشافيت تماما يلا الحمدالله على كل حال وشكرآ على نصيحتك |
اقتباس:
وعليكم السلام ورحمـة الله نـعـم كانت فترة جميلة... وما قبلها كذلك لما كنت بالإبتدائية فوالدي ووالدتي أميين،،،!!! وكل جهدي الدراسي كان على عاتقي مذاكرتي ودراستي وحل واجباتي ولم اعتمد ولو لمرة واحدة على مدرس خصـوصـي ... كان كل شيء بجـهـدي الخـاص .... والفضل لله اولا واخيرا وبالنسبة لنظرتك لنفسك على انك صرت مختلفة تماماً عما قبل، أقـول انظري للجانب الإيجابـي فأنت تزوجتي ولم تخـسري زوجـك أو ينتـهـي بطـلاق وفراق ،،، لا قدر الله ودفع عنك السوء.... فأنا مثلا تمنيت لو تخرجت بتقدير جيد أو جيدجداً على الأقـل ،،، لكن انضرب المعدل تحت 2 .....!!!!! خـلال فصل دراسي واحد....!!!! ,,, ورغم المحاولات إلا أنـي لم استـطـع... وكنت في وضـع كل من حولي ومن يعرفني جيداً استغـربـوا هـذه النكـسة الدراسيـة... رغم حضوري للمحاضرات وتخصيص أوقات للمذاكـرة ... لكن قدر الله وما شاء فـعـل .... وفقك الله وجـزاك الله خيـراً.... عزوبي:21: بس:d رجل:30: |
| الساعة الآن 01:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©