|
السلام عليكم ورحمة الله وبركاته
اخوي ابو الجوري لاتخلي الشيطان يتحكم بتصرفاتك ويكبر الموضوع براسك اكيد انها غلطانه بس بالمقابل اكيد انت كمان غلطان لاننا عرفنا وجة نظرك فيها لكن ماندري هي وش سبب تصرفها وطولة لسانها في شي مزعلها منك فيه شي منكد عليها مخليها متجراه عليك طبعا انا ماعذرها الوحده مهما كان لازم تحترم زوجها حتى لو غلط عليها هي ماتغلط بس اقصد انك تراجع نفسك وتشوف اش التصرف اللي هي ماتحبه منك وحاول تغيره ولو ترسلها رساله تقولها فيها انك راغب انها ترجع بيتها وقلها نعطي نفسنا اخر فرصه واذا حصل وجات كل واحد فيكم يقول للثاني وش يكره وش يحب عشان تتعايشو مع بعض بدون مضايقات عشان خاطر جوري الله يخليها لك وبالنسبه لعمك طبيعي اي اب حيتعاطف مع بنته خاصه انك قلت انها قليلة حيا وماعاد ابغاها ترا هذا الكلام قاسي على ابوها كان قلت انا مو مقصر ولايرضيني ازعلها بس هي ماتحترمني كان تعاطف معاك وادب بنته عموما الله يصلح الحال ونصيحه انتبه تقول على زوجتك مومتربيه وقليلة حيا عشان مهما كان هذي ام بنتك وهذا الكلام يأثر فيها اذا كبرت وعرفت انت اش كنت تقول وانت مثقف واعرف مني بذي الامور اسأل الله لك ولها الهدايه وهي لازم تعرف انها الخسرانه الوحيده في الموضوع الله يفرج همك |
اقتباس:
الله يجزاك خير يا اختي الشيماء كلام عقال الله يسعدك ويرزقك كل خير ربك يفرج الهم ويصلح الأمور |
الله يفرج همك وييسر امورك
ويهدي سركم ويكتب لكم اللي فيه الخير |
اقتباس:
|
اخوي ابوجوري بعض الاهالي جدا سيئين ويدمرون حياة بناتهم وهذي النماذج اشوفها كثير
اذا هي تحبك اكيد هي تحترق في داخلها بس ممكن اهلها مو مساعدينها وكرهك لها الحين من عصبيتك فقط يعني ان شاء الله لو رجعت المياه لمجاريها بترجع علاقتك زي اول واحسن بأذن الله الخطوة الاولى الزم الاستغفار الخطوة الثانيه خلها فترة في بيت اهلها علشان تستوي شوي وتهدا الامور الخطوة الرابعة بعد المده ما تنتهي اللي مقررها ارسل لها رساله توضح رغبتك برجوعها وانك ما تبغى الانفصال لأنك تبغاها لشخصها اول ولبنتها ثاني لا تبين ان اهتمامك في البنت فقط الخطوة الخامسه روح لها في بيت اهلها مع والدك وتناقشوا مع اهلها في رجعتها اذا رفضوا وعندوا لا تصدق لازم تسمع منها بنفسك انها ما تبغى تستمر معك (ويارب ما يصير هذا الشي ) لا تستعجل والوقت معك الله يفرج همك ويسعدك وترجع زوجتك زي ما تبغاها تكون ودوده حنونه بأذن الله |
اقتباس:
اذا كانو اهلها يسعون لخراب بيتها ومعاونينها على الغلط ولا في واحد عاقل فيهم يقولها انتي غلطانه وهذا زوجك وابوها بنفسه يبي يخرب بيت بنته ! والله المشكله في العائله كلها .. وقد قالولي بتطلع عليك إشاعات والكل بيقول انك غلطان من ساسك لراسك بس احقرها لين تعرف قيمتك .. طيب انا حاقرها .. واهلها واقفين معها في غلطها .. شلون بتتعدل هي ؟؟ وشلون بتتعدل الأمور ؟ صراحه مادري خليها عند اهلها لين ربنا يفرجها ياتزوجت وحده ثانيه وطلقتها يا تعدل عن اللي براسها وتتعدل مافي حل عندي غير هالأثنين اما اني ارسل لها رساله واقولها ابغى ارجعك ومدري شنو .. والله تنقزها لأنها عارفه انها غلطانه بعينها ليش انا اذل نفسي على وحده ما تستاهل ؟؟؟ |
دليل ان موقفك صح
ان المصلحين جايين من جهتها هي خليك مثل ما انت وبنتك رح شفها وهي خلها الين فعلا تعرف وش يعني زوووووووووووج مو ملطشه |
كلام اختي مشكلتي اصدق عين العقل خليها ببيت اهلها وروح زور بنتك باستمرار كل فترة ولا كإنه في شي وطنشها واهملها ولا على بال خاطرك لعلها لما تشوفك مش مهتم تحط عقلها براسها وتنوي تصلح حالها وترجع بيتها وتهنيك لما تعرف قيمتك لكن لا تفتح موضوع المصالحة ابدا لحتى تشعر بالاهمال الشديد ولو هم اللي فتحوا الموضوع قلهم انا ما عندي مشكلة ترجع ع بيتها لانو مفتوح لها وخلي اقاربك يشيعو انك بدك تتزوج لكن اذا سألوك انك بدك تتزوج على بنتهم قلهم لا هو عيب ولا حرام وان شاء الله ربنا بيحلها من عندو طالما ما في اهل لا يربو ولا يعقلو ويهديلك اياها ويجعلها تحت طوعك بما يرضي الله وتتربى جوري بينكو |
اقتباس:
بس اللي قاهرني الا ان موضوعي انتشر في الحاره كللللللها .. صرت من ادخل الحاره وفي حريم ماشيات يطالعون فيني احس شوي ويسبوني :d بس اروح بيتهم واسأل عن بنتي واتصل على ابوها ويكلمني طبيعي ويقول أأمرني انا تحت أمرك ,, ويكلمني بذوووق جداً جداً ذوق ( وش رايكم بأسلوبه ؟ ) يبيني بس افتح الموضوع وانا مطنش ويكلمني بكل ذوق احسن من أول بعد بس انا نفسي عايفه وربي واخاف افتح الموضوع يسوي لي فيها انه وكيل وزاره بس انا مخليها على راحتهااااا وعلى اقل من مهلها ومبسوط ومستانس وربنا يجيب الخير |
اقتباس:
والله ان الزواج فكره براسي اني حتى قلت لأمي ان زادة المشاكل .. مالي ومال عوار الراس وربي ان ماخطبتولي .. لا اقاطعكم العمر كله < تهديد للوالده :) عشان تحس انه مو لعب عيال ويوصل الموضوع عندها وهي بتعرف اني ما العب وكذا واحد والله عرضو علي الزواج واحد معاي بالعمل يقولي تعال انا ازوجك اختي واحنا نشتري رجال .. ولا يهمك وبنوقف معك وبنساعدك اذا احتجت مساعده لكن اقول انشاء الله ماتوصل الأمور لها المواصيل وربنا يهدي ام جوري ويعقلها اذا كان برجعتها خير لي ولنفسها وان كان برجعتها مشاكل ونكد من أول وجديد .. فيارب انك تصرفها وتجعل كيدها بنحرها وتبعدها عني ولا والله اني ناوي الثانيه مو رادني الا اني متفائل خير بس .. |
| الساعة الآن 09:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©