|
الظاهر انك من البدايه فتحتي عينه على راتبك من وقت ماسددتي ديونه واجار اللي وكذا
لازم تضعي حد لطبعه والا راح تقضي عمرك كله انتي اللي تصرفي عليه هذا اذا مااتطور الوضع اكثر وممكن بنت تحس وتعرف الله يهديه ويسخره لك اختك دروبـــــــــــــــــــــــــــــــــــــ |
مع التطورات الاخيره
الا انك عجبتيني لكن اخطئتي برمي جواله علئ الارض حبيبتي اذكري الله وقت الغضب حاولي تتحاورين بدون اي فعل وتوتر وان شاء الله بيتعدل انتي هداك الله اخطئتي لو انك ماعطيتيه شيء هو يصرف ليش تزوج !!! هو واضح تزوجك لاجل البيت ولاجل الرااااااتب !!! الله يعينك ويتعدل يالغاليه اخبارك هل من تطورات .......؟ |
اختي العصبيه تنفر الاخ من اخيها وتنفر الصديقه من صديقتها فمابال الزوج ؟؟
صياح ونياح وعويل وبكاء وتكسير و و و و .... !! صدقيني بتستمرين على هالحال اذا هذا وضعك وين قوة الشخصيه ؟؟؟؟ افتحي صفحه جديده مع زوجك وانسي الاثنا عشر الف (مع اني مدري اش سالفتها لاني قرات على استعجال)(يمكن تقسيط للـ 30 الف الدين ؟؟ ) وترى دايم يماطلون بفلوس الانتدابات وبدل سكن وبدل خطر ومدري ايش .... واتفقي معه من جديد على مصروف البيت وانسي الماضي والـ30 الف واعتقد استخاله يردها فخليها تجي منك احسن لاتتفقين مثل اتفاقك الاول وكانك خطيبه لا ولاتنسين انك وعدتيه ماتكسرين الاثاث وهذا انتي كسرتي الجوال >>>>>>> مذهوله ومصدومه من هالعصبيه والتكسير الله يسخركم لبعض ويخلي لك بنتك وخلي بالك منها ولايلهيك زوجك عنك واتمنى انها ماشافتك وانتي تكسرين وخليك عندها قويه وياجبل مايهزك ريح |
اكملي منتظرينك
استهدي بالله هم بعض الرجال وقت توصلي للفولس ينقلبو بعيد عنك وتطير الرومنسيه تزوجك لمالك وبيتك الله يعينك انتبهي لصحتك وابنتك وان شاء الله تشوفيها عروسه قريبا ومن احس الناس ومع زوج صالح يتقي الله بها ويعاملها بالحسنى |
بس بتصرفاتك كدا واصرارك على الفلوس طلعتي كأنك ماديه من جد
اتخذي موقف حازم معاه اصرفي على نفسك وممكن على البيت بس توصل للايجارات و الفواتير لا طبعا خليه هو يتحمل المسئوليه خلاص اللي راح راح و ابدأي صفحه جديده زي اول الله يكون بعونك ويفرج عنك الهم |
افرضي عليه انو يتغير عقد الايجار ويصير بأسمه عشان اذا مادفع تجيبه الشرطه يدفع غصبااا عن اهله
والله يسخره لك ويحنن قلبه عليك |
أختي بحق حل قضيتك أقرب من كل الحلول فُتح لك باب الحوار لماذا لا تستغليه وهو أحسن الأبواب لحل مشاكل دول فما بالك بأسرة لماذا لا تتناقشون بهدوؤ لتخبريه بالذي في نفسك ويخبرك بالذي في نفسه بكل صراحة وما دمتي معلمه وفاهمة بطريقة الحوار لا تفوتي ها الفرصة وزوجك أبقى لك من كل شيئ وبقول لك لا تفكري في الطلاق بأي حال من الأحوال لأن غدا ستندمي على هذا القرار البغيض حتى ولو كان على حساب مالك فالحب بين الزوجين لا يقدر بثمن ناقشيه وأخبريه بالذي يضايقك ومن خلال كلامك يتبين أنك أمرأة أصيلة وكريمة وبنت ناس والفلوس ليست كل شيئ طا لما والإستقرار النفسي والعاطفي موجودبينكما أسال الله أن يفرج همك ويكشف كربتك بعزته وقدرته وكبريائه عاجلا غير آآآآجل اللهم آمين |
التكملة: أنا دخلت شقتي وقفلت الباب وهو اتكل على الله طبعا الخميس والجمعة مرت علي أيام سودة..انهلت فيها عليه برسائل كلها لوم ونقد فيه. السبت ماداومت غبت وأخذت السواق ورحت له في عمله (عمله يبعد عن البيت 85كم) نزل لي شايف نفسه وفارد ريشه قال لما إنت ماتبغي المشاكل ليش تسوين لي مشاكل؟ قلت له يابن الحلال لا تحسب جاية عندك لأني غلطانة أنا ماغلطت بحقك أنا أبغى الطلاق قال روحي المحكمة قلت له أنا ما أبغى محاكم دخلنا بالمعروف نتخارج بالمعروف قال بعدين نتفاهم بعد الدوام رجعت البيت حاولت فيه وترجيته يفك الجوال أنا ما أبغى محاكم مو خوف منها بس دربها طويل اتصل بي بعد المغرب وهو فارد ريشه زي الطاووس الزبدة كيف أقول له إنه حرامي ولو أحد ثاني قالها له كان واحد من اثنين ياقاتل يا مقتول وإنه ماسرق من مالي شي كيف أتجرأ أرمي الجوال عليه أنا حلفت وأقسمت إني ما قصدت إنه سارق فلوس مني لكن فلوسه اللي حابسها عنده أنا أعتبرها فلوسي أنا وحق لي انا والجوال رميته على الأرض مو عليه ومو ذنبي طار وانحذف عليه المهم نقاشات مالها أول من آخر النهاية قلت انا ما أبغى الطلاق لكن مادمت ماتبغى تعطيني حقوقي فأنا أبغى الطلاق فراقك صعب جدا علي لكن ما يهمني أنا اتزوجت عشان أبغى أحس إني زوجة وزوج يحتويني نتعاون أنا وهو على الحياة وإنت ماتبغى براحتك. أملي علي شروطك وطلباتك مقابل الطلاق أعطيك اللي تبغاه بس المهم لا توصلني لباب المحكمة قال ماعندي طلبات شفقة بك ماراح أوصلك لباب المحكمة وأعطيك الطلاق اللي تبغيه اليوم الأحد مازال مقفل جواله ومادامه مقفل جواله مو ناوي خير رحت له مرة ثانية عمله بعدما خرجت من دوامي قال ليش جيتي؟ قلت ارجع البيت قال أنا راجع بكرة اليوم عندي اجتماع في العمل وما أقدر قلت له طيب.. إخوتي في الله: لو أحد ثاني بمكاني ما أنصحه يروح زي ما أنا سويت لكن انا أبدي لكم وجهة نظري وهي: زوجي تارك البيت وجالس مع شلة عزوبية... ولو إنه جالس وحده بفندق ماعلي منه لو يهجر شهر. واحد متزوج زعلان جالس معاهم ممكن يتأثر بأي كلمة منهم وأنا لمست التغيير في المرة اللي قبلها... اتنازلت عن كرامتي وأهنت نفسي وسويت اللي سويته.. أبغاه يرجع البيت إن رضي ينفق علي بالمعروف ويشعرني إني زوجة وليس آلة صرف فأهلا وسهلا ر غم إن القلب انكسر وانجرح وما اعتقد في شي يداوي الجرح اللي بقلبي. وإن أصر على موقفه التسويف وعدم التفاهم يغني الله كلا من سعته و ينحل الموضوع بيننا نحن الإثنين بدون فضائح للقريب والبعيد لو ينحرني وأنحره ونتذابح يكون بالبيت ..وما يهجر البيت إلا وهو خلاص بايع ومنتهي. ونرتب لإنهاء الموضوع بأيدينا كما رتبنا بدايته.. تعبانة ومرهقة جدا ..لا حقا بإذن الله أرد على مداخلاتكم وآرائكم.. شكر الله لكم مسعاكم...وجعل نصائجكم في موازين حسناتكم |
كان الله في عونك أختي
الله يهديه و يسخره لك و يكتب لك اللي فيه الخير |
الله يعينك
أرجوك أقرأي ردي بتمعن، 1) أنا كموظفة متفهمة تفكيرك وأعرف اننا نتعب من أسلوب الاستغلال بس خلينا نفكر شوي هل زوجك فعلا مستغلك؟ انا شايفة انه لا، خلنا شوي منطقيين راتبه 5000 وعنده بيتين اجار وشباب وكل بيت يحتاج مصاريف من الى هذا يحتاج ميزانية ع الأقل 10000،بتقولين شاللي حالدة يفتح بيت ثاني: *بيعف نفسه مو معقولة يجلس بدون زوجة *لو انك مااستاجرتي بيت واثثتيه اتوقع يستاجر بيت بمبلغ أقل ويأثث أيضا بمبلغ أقل يعني على قد حاله *كان عنده استعداد يعطيك، بس حجم مطالبك أكبر من اللي يملكه *أنت تطالبينه يعيشكم بمستواك انتي، بس هو مايملك ومستحيل يقدر يعيشك بالمستوى اللي انت تطالبيه فيه (لاتكلف نفس الا وسعها)والله فرق بين متعة الموسع والمقتر كل على قدره 2)أحيانا أفكارنا هي اللي تسبب تعاستنا الله عطاك المال نعمة،فلاتكونين محرومة. انفقي واستمتعي ولاتحاسبين وصراحة لابد من ذكرها انت جدا متحسسه من موضوع المال وهالشيء بيتعبك انتي وبيضيع ايام عمرك بالهم والنكد والتفكير إذا ضاق صدرك من هالناحية تذكري الرسول صلى الله عليه وسلم وخديجة رضي الله عنها قال عنها الرسول (واستني بمالها) زميلتي طلع لها ورم تقول مر شريط حياتي قدامي كرهت نفسي كيف كنت أنكد على زوجي بأشياء سخيفة وتافهة،كيف قضيت عمري وانا احسب الريال وين راح وين جاء لو بموت بياخذها زوجي غصب عني كيف كنت حارمة نفسي من الاستمتاع بها بالطول والعرض كله اقول لا لازم يدفع لازم يشارك وسخافات كنت افكر فيها.. خففي شوي من حساسيتك من هالناحية وتذكري خديجة والآية(ومن يوق شح نفسه)واعظم الصدقات اجر على الأهل احتسبي وعديها وناسة لكم وكل ماتحسنت نفسيتك زانت صحتك وانعكس على بنتك وزوجك 3)جيبي ورقة وقلم واحسبيها صح لو بيعيشكم حسب قدرته هو كم راح يكون المصروف باعتقادي 800 تكفي اكل وفواتير زيدي عليها 1000 للآجار فيصير المجوع 1800 تاخذينها شهريا ولو سوى استقطاع اريح لكم وتحطي عليها اللي الزيادة بحكم مستوى معيشتك ووجود بنتك والباقي القرض اكتبيه بورقة وقوليله متى ماحبيت تسدده نخصم ولو 200 بالشهر،ومادام بورقة يكون حقك محفوظ واتركي سوالف الفلوس بكل جلسة لدرجة الروحة للدوام ترا هذا نكد وعيشة سوداء 4)اقترح عليك تشتري لك شقة باسمك انتي تاخذينها أقساط ترتاحي من هم الأجار وتحفظ فلوسك وتصير بنتك تمون عليها بعدين لاتفكرين بالطلاق زوجك ماشاء الله صفاته رائعة كزوج وإن شاء الله بينفق لو اقتنعتي بمستواه هو الله يسعدك ويشرح صدرك يارب |
| الساعة الآن 05:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©