|
ياشين المثاليه
ماسكين الفاظه وتاركين المشكله كلنا نستخدم هالالفاظ ... بس انتو ورا الشاشه وهو قالها يا استاذ صالح زوجتك امرها سهل انت تبيها او لا ؟ تبيها اجل دق راسها الين تقول ربي الله ماتبيها ياخي تزوج وولدك من حقك اذا كمل سبع سنين .. بيتين لا تفتح ... اصلا مو محافظه ولا مهتمه ببيتها اجي افتح لها بيت والثانيه بيت؟ ليه الخساير على شي مايسوى؟ تبيها اجل علمها وش تبي .. كلم اهلها .. اذا هم سلبيين بلاهم ... سوق مافيه .. سوي واجبك وانا اسوي واجبي بعدك؟ تمشيه ليه ... من زود التعب اللي تعبتيه في التنظيف ؟ زيارات لأهلها مافيه جوال مافيه .. او خله استقبال بس تلفون مافيه كله مافيه ليه هذا كله مافيه .. انتي مو مأديه واجباتك انا ما أأدي واجباتي اذا فيه نت اقطعه او خله بكلمه سريه محد يدخل عليه الا انت جميع ماذكر اعلاه هو اللي يشغلها عنك اقطع مشاغلها عنك وشوف هي وش بتسوي نشف ريقك معها خلك رسمي كلمه و رد غطاها اهجرها .. هالحركه تذبح اذا هي متعوده على جوالك مفتوح قفله خلها تفكر معك وحده ثانيه كلم خويك وهي في غرفه ثانيه كأنك تكلمه عن تجربته هو في المسيار وانه مرتاح وانه لا يلجأ له الرجل الا مع الزوجه المقصره مع زوجها استخدم الجمله التاليه ( لا تدخل الفكره هذي براسي ياخي ) اضحك وكثر ضحك مع اخوياك .. هي لا خلك رسسسسسسسسسمممممممممممممممممميييييييييييييييييييييي يييييي خلك شين بمعنى اخر قول لها فجأه لا تطلعين الحوش..فيه مقاول ... الطعها شوي .. بعدين ادخل .. هي عاد بتسأل ليش مقاول .. قول لها بأبني غرفه بحمام ... ليش الغرفه بالحمام... قول لها بعدين تعرفين ... حسسها انها هي اللي تبي تسكن فيها بعدين .. خلها تكره نفسها اذا كرهت نفسها وحده من ثنتين يا انها تتعمق في غيبوبتها وتشين زياده وساعتها الطلاق مباح والا انها تفوق لعمرها و لك وتلحق عليكم سفريات اقطعها مطاعم بلاها تبيها تستعدل اقطع عنها كل شي حلو .. لان بصراحه مايستاهل الحلو الا الحلو واللي ماشي صح فاجئها في يوم قول لها لا تسوين لي غدا او عشا ليه ؟ لاني بروح مطعم... لحالي .. من الان المطاعم ماباخذكم فيها الين تستعدلين ويصير خير شغلة ظهرها اللي يعورها .. لو قلت لها بأمشيك او اسفرك او بجيب عشا لأهلك ما اعتقد بيوجعها ظهرها !!!!! الظهر اللي يوجع ويخلي الواحد حتى مايقدر يصلي هذا ممكن اما غدا وعشا.. لا.. عشان وجع بظهرها ..!!!!!!! قويه اهلك مره ثانيه ماتقول لهم لا ... خلهم يجون انت بس تعطيها خبر .. ماتشاورها اذا ما نظفت البيت هذا وجهي .. جيب كل شي من برا مفيطيح صغير ب 800 ريال ... وصحنين حلو ومالح كلها ما تجي بميتين ريال .. الدعوه الف ريال وارفع راسك قدام اهلك وهي حسسها انك بعتها بألف ... كل اللي قلته لك مجرب ونافع ... انا ضد الطلاق .. لأنك ماتضمن الثانيه ماتجي عوبا مثل الاولى بالعكس مع الدق اللي يفل اللحام المصدي ع المخ .. |
بسم الله الرحمن الرحيم أولا ً أشكر الجميع فردا ً فردا ً من أكرمني بنصيحة ومن تفضل عليّ بدعاء ومن شاركني بهمي ومن جعل من الألفاظ جبلا ً عظيما ً . . كلكم جميعا ً أشكركم شكرا يعجز عن تسطيره القلم يكفيني فقط حتى ولو وبختني أيها العضو أو وبختيني أيتهال العضوة أنك مادخلت هذه المساحة إلا لتشاطرني هذا الهم . أعزائي بخصوص ماصدر مني من ألفاظ فأستغفر الله العظيم وأتوب إليه ، ولكل من استقى من هذه الألفاظ أنني سيئ وأنني وأنني فأستغفر الله العظيم لي ولهم وسامحهم الله ، والله يا إخوة وأشهد الله ما قد قلتها لأختي ولا لوحده بحياتي سواء زوجتي أو غيرها إلا والله هالمرة وأنا في حالة غضب . . ::::::::::::::::::::::::::::::::::::: وللذين يسرهم فرح المسلم ويهمهم أمري جميعا ً أدعوهم إلى قراءة الأسطر التالية ليروا نتيجة مشورتهم وأخذهم بيد أخيهم لما يرون أنه الخير بإذن الله . . أما من يرى أنه ( حقي وماجاني ) وأني إنسان سيئ بناءا ً على ألفاظ صدرت مني في حال غضب فليقرأ هذه الأسطر التالية أيضا ً لأبرهن له حقيقة أنني ويشهد الله تعالى على ذلك ماظلمت بنت الناس أو قلت في حقها كلمة باطل وإنما كنت أريد الإصلاح ما استطعت بعيدا ً عن الضرر أو أن نتفرق ليغني الله تعالى كلا منا من سعته عموما البارحة دخلت البيت في حدود الساعة الثانية عشر والنصف تقريبا ً وإذا البيت ليس بالبيت بل هو كالجوهرة نظافة وترتيب . . دخلت وكنت قد عاهدت نفسي أن أكمل اليوم الثالث معرضا عنها ثم أخيّرها بما قلته في ردٍ سابق غيرت ملابسي وأخذت حمام ودخلت الغرفة لأنام بدون كلام . . وانا على جنبي ( معطيها مقفاي ) جتني وقالت ودي أكلمك قلت لها أنا بنام الحين وبكرا بسافر ويوم الجمعة نتفاهم لما أرجع ( وهذا الكلام ليس تعريض وإنما حق كانت هذه نيتي ) . . أصرت على أن تناقشني فنهرتها وقلت لها بالحرف الواحد ( كلامك على متمّه وأهلي ماجو ) وش تبين مني خلاص بنام المهم قعدت تحن على راسي أكثر من نصف ساعة فقلت لها يابنت الناس لا تخليني أطلع من البيت ( تراتس محومتن تسبدي ) . . خرجت إلى غرفة أخرى لأنام فأتتني تبكي وأصرت أن أسمع منها لو دقيقة قلت ولا ثانيه أبعدي عني ويعلم الله كان الشيطان في تلك اللحظة حاضرا ً ووالله إن فيني من الحنق والغيض ما لا يعلمه إلا الله تعوذت من الشيطان قلت أطلعي يابنت الناس أنا بنام عندي دوام بكرا وعندي سفر لا تعطليني فأصرت وهي تبكي أن أن نتناقش في الموضوع . . جلست وجت وقعدت جنبي قالت أبيك ترضى عني ولا ابيك تنام زعلان قلت كذابه وألف كذابه وأنا أعني ما أقول ( قد تكون صادقه في محبتها ولا تبيني أنام زعلان لكن سواتها تكذب هالقول ) قالت ليش كذابه قلت لوّك تبين رضاي كان يوم قلت لك أبوي وأمي جايين كان قمتي بالواجب لو ظهرك مكسور وأنتي عارفه أنه أنا ماأقصر معك وأنتي صحيحه وش لا صرتي مريضة وأنا يسّرت لك جميع السبل وذللت لك كل الصعاب بس أنتي تبين تتممين كلامك وتم الحمد لله وهذاك ماشاء الله إنتي القوية وأنتي اللي مامثلك لكن خله ينفعك سواتك أنا بكرا لي كلام ثاني معك لما أوصلك لبيت أهلك قبل لا اسافر وأنتي ما تستاهلين أكلمك لأنك سفيهه وبتهدمين بيتك بيدك كلامي بيكون مع رجال مب مع حريم . . صنمت في مكانها والله يا إخواني ماعاد تقدر تطلع كلمة من المفاجأة ، قلت لا تتفاجئين أنا سبق وكان بيني وبينك نقاش صح وقلت إذا تكرر موضوعنا بسوي شي ما يرضيك وقلتي لي أبد سو اللي تبيه أنا بتعدل وخلاص . . قالت الحين يعني أنت ماتبيني ؟ قلت بالله عليك من أخذتك من بيت أهلك أنا سويت شيئ يدل إني ما أبيك أصدقيني ولا تكذبين هذا حنافي ثلث الليل الأخير وربي يطالعنا قالت بالحرف الواحد ( لا والله بيض الله وجهك ومضى من أفعالك ما يطيب فالك ) قلت لها خلاص أنا سويت اللي علي وقدامي حرمة ولا همها من رداتها ترد والديني عن بابي وحرمة ما تشيل والديني قبل لا تشيلني ما لي حاجة فيها أنا بقول لك الصراحة أنا والله قضيت من هالعفسة يصيبني قهر لو بعزم رجال لأني أدري أن حرمتي ما تعينني وترفع إلا بعد وصلت المسألة لأهلي وتاج راسي أنتي يومك ما تعزمين أهلك ولا تبينهم يجون إلا وبيتك قصر بكيفك هذا من شانك والله جعلك ماتعزمينهم أبد ، ، أما يوم تعزمينهم فأهلا وسهلا وكلهم من أكبر راس لأصغر راس على راسي . . قالت أنا تعبانه قلت لها قلت بجيب لك شغالة جعلك بحرج يوم تقومين هي تسوي كل حاجة وأمي وأبوي بتكبرين بعيونهم يوم يشوفونك حتى وأنتي تعبانه مستقبلتهم . . قالت أنت مافرشت المجلس ( لأنه أحنا تونا نازلين بيت غير البيت اللي كنا فيه ) قلت من بيقعد بالمجلس وبعدين عندنا جلستين غير المجلس ليش تعقدين الموضوع . . المهم حجرت عليها كل طريق كانت تحاول تتعلق فيه ووالله ماكان لجاجة ولا لدد في الخصومة لكن بالحق فقالت وش تبي مني الحين أنت وأنا موافقة قلت منتب قدها قلتيها قبل وكذبتي ولا همك . . قالت والله إن ترضى ولا لك إلا اللي يرضيك ويرفع راسك ويعزك بين أهلك وجماعتك قلت شوفي قالت سم آمر : قلت شوفي أنا أبي بيتي نظيف مرتب ، حرمتي قدام وجهي وتبهج عيني مهب أشوف زينها يوم تجي تروح للناس وقدامي بجايم ووجع راس ، أنا أبي حرمتي تحط لي وقت خاص بي أنا يكون الولد فيه نايم ومنتهي ، أبي ما تزوغ عيني يمين وشمال لأني ما أشبعت شهوتي بالحلال ، والله إني أتكلم بحرقه وأنا اقولها أنا رجال حفظت نفسي قبل لا أتزوج وما يوم بحمد الله مديت يدي على شيئ ما أحله الله لي أنتي موافقة ولا لا عطيني يا نعم يا لا ؟ قالت موافقة ، قلت تدرين وشمعنى موافقه ولا بتطلعين من المشكلة بس ، قالت أنا بتغير قلت نشوف بس لا لو رجعنا على طير ياللي منب موجع راسي بنقاشات ولا خرابيط أنا بتخذ مسلك ثاني بالعربي الفصيح ياننفصل يا أتزوج أنتي سمعتي زين ولا لا قالت إيه ودموعها مبلله منديلها والله كنها مغموسة بمويه . . المهم أصرت علي ألا أنام إلا على سريري فصعدت للدور العلوي وقبل أن أنام إلا هي منفجرة بكا شديد جدا جدا وانكتمت كتمه والله ما قد جتها من يوم أخذتها وأغمي عليها والله ابتلشت فيها صحيتها وعطيتها مويه وأول ماصحت وارتاحت قالت والله هالإهمال مهب مهونة بس بلادة والله إني أغليك وقامت وحبت راسي . . المهم بناءا ً على أنه المقصد حصل وأخذت العهد عليها انها تتغير قلت لها أنه أنا برضه والله أحبها وهالامر حجقيقة لكن لما يكون الحب غير مقدر من الطرف الثاني يصبح سذاجه المهم يالله بالياااالله نامت قبل الفجر بشوي وكل شوي تقرب مني وتضمني وتقبلني على راسي وعلى خدي وأنا أقول اللهم إننا نبغض ىأبغض الحلال إليك وأدعو الله تعالى أن يهديها ويعينها على بيتها وييسر لها أمر ه وأن يجمع بين قلبينا على الحب والوئام والسلام وأن ييسر لكل منا أنا وهي أن يؤدي كل واحد منا حق الآخر كما ينبغي . . أشكر كل من ساندني وشاطرني هذا الهم وأسألكم الله أن تدعوا لي في ظهر الغيب أن يتمم الله أمري وأن يصفي نيتي وقلبي وأن يأخذني على نواياي الطيبة ويبصر زوجتي لما فيه الخير لبيتنا وعشنا وأن يصلح ابني ويوفقه . . لكم الحب والتقدير جميعا ً |
الحمدلله ...
مبروووووووووووك ألف مبروك .. والله اني حاسة ان زوجتك طيوبة وقلبها قطنه .. << حبيتها وقسما:((( الله ييسر أموركم ويخلي أيامكم كلها عسل في عسل .. واتمنى انك اخذت فايدة من هالدرس .. وانك لازم ما تتنازل عن حقك .. خاااااصة أمك وأبوك .. لأنهم هم الأساس .. اذا قدرتهم راح تقدرك زوجتك غصبن عنها . بالتوفييييييق .. |
بسم الله ماشاء الله
سويت نصيحيتي شكلك بدون ماتقراها :d المهم انت سويت زي ماانا قلت كملها وقول لها .. كملي تبييض وجهك ونادي انتي اهلي بارك الله فيك كل يوم يومين طالعها بحب وقول لها اهم شي ما تغيرين كلامك اهم شي اللالتزام ذكرها بكلمتها لما قالت لك تزوج بس اهم شي لا تجمعني بها قول لها انتي بتصرفاتك وكلامك تفتحين عيوني وانتي مو حاسه من الان انتبهي لنفسك ولبيتك ... لأن اللي تزرعينه تحصدينه الله يحفظكم |
اقتباس:
انتبه شفت لا ظهر ولا هم يحزنون البلاده تدري مين سببها؟ الدلع الزايد خفف وانت بخير |
توضيح بسيط
زوجته تقول سوي الي تبي بس لا تجمعني معاها قصدها لا تتزوج وحده ثانيه هذا الي فهمته من كلام الأخ والحمدلله على كل حال الله يهدي النفوس ويصلح حالنا وحالكم |
الله يصلح النفوس
|
الحممممممممممممد لله ~ انها وصلت لهنا .. وانها عرفت خطأها كان ناقص زوجتك الحزم ~ وانت الحمد لله وجدت الحل وعرفت تظبط المشكله ~ اهنيــــــــك الصراحه بس لازم منك هاليومين تصير شوي ثقيل وتحسسها انه لسا فيه شوي زعل مو بمنافخ ووجع راس لا بس يعني تغلى شووي .. واعطيها يومين وطيح الحطب بعدين .. الله يتمم لكم يارب ~ :: |
ماشاءالله الف مبروك
الله يتمم عخير وتستمر على التغيير وماترجع للسيرة الاولى بس انت ماترجع معها كويس عطول لا يعني ماتخليها تحس انو خلص ضمنتك مرة تانية لا استنا فترة وشوف تطورها و خليها تجتهد اكتر وتحس انو ممكن تفقدك يعني امسك نفسك وبالتدريج حسب افعالها |
كان من أول يا صالح بن صالح .. الرجال قوامون على النساء بما فضل الله ...
أهو درس اتعلمته وما عيب انك تدفع من اعصابك ووقتك العيب إنك ما تتعلم وتصبح ملطشه وده شيء لا نرضاه لشخص مثلك فيه ما فيه من الصفات الحميدة التي ذكرتها وأشهدت الله علينا بها .. وأنا بدوري بشكر رفقاء هذا المنتدى الرائع على تفضلهم بطرح الحلول حتى يستقيم وضعك وتحل المشكلة .. وقد كان والحمد لله .. المشورة في مثل هذه الأمور تفتح للمرء طريقه للتفكير السليم .. وفقك الله وسدد خطاك وحفظ لك زوجك وهدى سركم .. |
| الساعة الآن 05:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©