|
أخوي
علشان تبري ذمتك ، ليه ما تجلس تتكلم معها ؟ ليه تخلي خالك ينقل لك كلامها ؟؟؟؟؟؟ إذا تأكدت منها إنه الكلام كلامها صح و ما عليه غبار و إنت متأكد من نفسك مانت مقصر معها و هي تتبلى عليك .. فالله يعينك ، استخير و توكل على الله |
لا أإغ86غ,
|
اقتباس:
شكراً على النصيحة هههههههههه مافهمت اختي |
يااختي حرم الفلاني اقولك بصراحة انا من الحين ودي بحضنها
واكذب بصراحة لو قلت اني كرهتها لكن بصراحة اخاف انكم تقولو هذا مايبي الا الي براسة لي الحين منها اضن 3 شهور والله مافية اي بادرة امل ليتني لو سمعت كلمة انشالله خير وغلطنا وزي الكلام الي يهدي النفوس كان رحتلها وكلمتها وجيت بها البيت الا شروط وكلام ماله داعي خلينا من الكلام ودي اعرف الشروط هذي لية والبنت هي موجودة الوقت الي يبي يجي يشيلها بس لازم يخلص بيتها ويجيبلها شغاله ويكون رجال حازم ولاعاد يتكلم ولا ينفخ عليها اهلها مررة قوين وهي فاتحة اذنها لهم وبصراحة ماابرئها هي لها دور كبير في المشكلة اقول اختي ادعي الله العلي العظيم يمسح حبها من قلبي والله انها ماتصلح تكون ام اولادي وفيه امور كثيرة مااقدر اقولها لكن الحمدلله على كل حال الله يجعلي بالزوجة الصالحة الناصحة الودود الولود ويجعلها قرت عيني انا والله مااخطيت عليهم عشان يحصلي كل ذا اخوالي اقوياء فيهم طبع بصراحة مااحبة التهديد ورفع الصوت وزي كذا ويقولولي لية ماتخش بيتهم وتخاصم وتسكتهم وتسحب زوجتك ليه هذا السكوت والبرود الي فيك زي ماهي تقول انك مانت رجال في بيتك لية ماتقول هي ماهي حرمة وماتسوي شي وماتطبخ قلت لهم والله انا ماتربيت على كذ مهما قالت بسترها والله يقول:فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ ويقول سبحانة: وإن يتفرقا يغن الله كلاً من سعته ، وكان الله واسعاً حكيماً الله يغنيني ويغنيها من فضله هذي زواج مو حلبت مصارعة كل ماحصلت بيننا مشكله لازم الدنيا كلها تدري عشان يقولو انها مسكينة واني انا الي ضالمها خلاص ماتوفقنا كل واحد يروح في طريقة ماني مستعد اكون علك في افواه الناس كل حياتي والله لي سنتين على افواه الناس مرة قلتلها ليش تجيبي سلك التوصيلة من هنا جيبيها من ورا الدولاب احسن وطلعت الا خالتي كلمتني عنها تهزئها على كل صغيرة وكبيرة رحت عند الشباب المزرعة طبعا كلهم من العيله واحد يقولي مسوي نفسك شديد ها اقوله على ايش قال تخاصم زوجتك على توصيله قلت الله يعين واروح البيت واكلمها وتخاصمنا انا وياها اقول اعذروني والله العظيم ماالقا متنفس غير هنا في منتداكم افضفض لكم وارتاح والله |
فضفض وتعوذ من ابليس لكن دامك قررت تشوف حياتك اتركها وحالها ، يعني لا تذكرها لا بخير ولا شر حتى لو ما زالت تبربر هي واهلها وارفع ايديك لربك وادع لنفسك بالخير والتوفيق واتركها لرب العباد ، تراه ما ينسى أحد ..
وابشرك لك أجر ان شاء الله لكن اصبر والزم الصمت واترك الكلام اللي ما منه فايده مثل قرقرتهم وصدقني بيعوضك ربك ، وما هذا الا اختبار وامتحن من رب العالمين فعليك بالصبر .. وصدقني دعوة المظلوم ما بينها وبين رب العالمين حجاب ، خصوصاً في السجود .. وفقك الله وانصحك مع الجديده بثلاث كلمات فقط ،،، اتق الله فيها .. والتفسير واضح لهالكلمات ، وانت ان شاء الله انك رجل فيك خير .. |
اعتذر منكم
ولكن هذا طفل صديقتي كان عندي ويبدو كان حابب يشارك اعذروني ولي عودة للرد على الموضوع |
اخوي إنت خطبت وحدة تانية ؟
طيب ما تحس انك استعجلت ؟ هل متأكد من نيتك ؟ يعني مو تتصالح مع زوجتك و تقوم تظلم بنت الناس التانية و اهلها ؟ لا تاخد قرار سريع و تندم عليه لا سمح الله زوجتك الله يهديها ، بتخرب بيتها بيدها و أهلها معها |
لا حول ولا قوة إلا بالله هذه مشكلة بعض الأقارب إذا كان ضامنين زواج بناتهم من أبناء أقاربهم بدأوا بالتشرط عليهم قبل الزواج وتكليفهم تكاليف ومهر عالي.... وحتى بعد الزواج يأكلونه أكل وما يحمدون ربهم على أن يسر زواج بنتهم وسهله لهم .... والمشكلة إذا كانت الأم والأب نفس الطباع لذلك ستدوم المشاكل دائماً وستظل تحت رحمتهم كلما حصل خلاف.... والله يعينك عليهم ما ذكرت وش رأيك والدك ووالدتك في موضوعك رأيي الشخصي هو إن استطعت الزواج لكن بعد أن تكون جازم بتركك الأولى حتى ما تظلم بنت الناس الثانية ؟؟ والله يكتب لك الخير عزوبي بس رجل |
اقتباس:
والله انا ماكان لي نية في الخطبة لكن الوالدة الله يطول عمرها شافتني في حالتي لاني بصراحة تعبت الفترة الاولى الي بعد الطلاق خطبتلي عشان تشغلني بشي ثاني غير المشاكل وقلتلها ياامي تتسرعي فتخطي في الاختيار وترجع حالتي اخس من اول قالتلي من عيلة محترمة وانسانة راضية ووووو من هذا الكلام قلت اهم حاجة تاكدي من الي تقدري عليه والخافي يعلم فية ربنا وقالت اعطني الموافقة منك عشان ماافشل ببنت الناس مااعطيها الاوكية الا بعد ما زاد الطين بالله وانشالله اني مااضلم بنت الناس |
والله الوالد والوالدة الله يطول باعمارهم ماتدخلو الا بعد مازادت المشاكل مرة
بعد ماشافوني اني لوحدي امام العيلة كلها بدو يتحركو تصدق لما طلقت قعد الولد فترة اضن اكثر من اسبوع زعلان مني مايكلمني يقولي كان صبرت ولما شاف المشاكل زادت قال والله جاني وجلس جنبي وقال ريح بالك واحسن لك تغير عتبت بابك لانك مهما سويت ماراح تشوفه وياولدي بازوجك حتى لوكان ابيع نفسي فداك حبيت يده وقلتلة والله مبسوط وانا كذا واحاول ابين لهم اني مبسوط داخل اضحك وخارج اضحك |
| الساعة الآن 08:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©