|
لا يضيق صدرك وأنا أخوك..النساء يكفرن العشير..والكثير من النساء الآن يحملن من صفات الحمق الشيء الكثير وأيضا السخافة والتفاهة في إثارة مشاكل نخجل أن نقول أنها مشكلة..
الغريب إن النساء عندهم دقة عجيبة لما يشترون ملابس..لكن ما أدري وين الدقة هذي في إنجاح حياتهم الزوجية صارت كل امرأة أهم شي عندها..تتفوق على النساء في الحفلة أو الزواج أو غيره.. ياليت بس كل زوجة تهتم بزوجها وتخليه يعيش براحة وسكون صارت أغلب البيوت أعوذ بالله جحيم لا يطاق |
استجد في الموضوع جديد
حصلت مستجدات وتدخلات من أخوي وزجته لما عرفوا عن الموضوع وهذي أول مرة يتدخلون بهذا الشكل.
كان لحضوري لوحدي يوم العيد في بيت العائلة الكبير علامات استفهام قرأتها في وجوه الجميع لكن لم يسألني أحد غير أخي الكبير بعد أن خرجنا لحق بي عند السيارة وسألني قلت له كالعادة. اتصلت زوجته بزوجتي وسألتها عن غيابها وبعد أن ألحت عليها فتحت الموضوع وطلبت منها أن يقوموا بالصلح ، زارونا في البيت وأنا كنت بمكتبي أسفل العمارة وعندي أخي وطلب مني إني أطلع فوق حتى تكون مواجهة بيننا وكل واحد يطلع اللي عنده. طلعت وجلست أنا وأخوي بالمجلس وهم ورا الباب بالصالة وبدأ القصف المتبادل وطلعت كلام ما أدري من وين الحريم يطلعونه والله إنها تتكلم وتبكي ( أنا أقول في نفسي دموع التماسيح ) . أنا قلت لهم ترا الموضوع أكبر من روحة للسوق اختلفنا عليها أو طبخ ما طبخته أو إني مانفذت لها طلبها . الوضوع كله حقوق وواجبات . قلت لهم أنا أقول في وجهها وأنتم تسمعون تراها ما تحترم زوجها ولا وجودة بالبيت ولا دخلته للبيت ولا تقدر له قدر ولا تعطيه وجه وكل اللي تبيه يصير لازم يصير وإن رفضت قامت الدنيا . الموضوع عناد وكبرياء مزيف . الموضوع إنها ما تبي زوج تبي سواق يوصلها مشاويرها. ركزت على الحقوق والواجبات وأن كل واحد يعرف حقوق الأخر وقلت لهم حقوقها واجبات علي وحقوقي واجبات عليها . وأنا أقول لكم أنا ملتزم بحقوقها لكن اسألوها هل ممكن تلتزم بحقوقي . أبي أسمع منها الحين قالت إذا التزمت أنت أنا ألتزم. قلنا بسم الله خلاص انتهت المشكلة. ............................. لي عودة في المساء بإذن الله |
السلام عليكم.
أكمل لكم اللي صار: طبعا بعد ما خرجوا جيت وقلت لها ها الحين انتي مستعدة إننا نبدأ صفحة جديدة قالت والعيد الي راح علي قلت إنتي حرقتيه على نفسك وعلى عيالك المهم جاء دور الرضوة اللي دائما تبغاها بعد كل زعلة وعند كل صلح وبعد أخذ ورد قلت لها إنتي تعرفي إن الفلوس آخر شيئ عندي وأنا والله رغبة في الصلح رح أعطيك وكل اللي باقي عندي 500 ريال هذي كل ما أملك قلت لها خذي 300 وأتركي لنا مصاريف للبيت 200 قالت إلا تبي الـ 500 كلها وقلت لها تراني والله ما عندي غيرها قالت دبر نفسك قلت أهم شيء إنك تتغيري وأعطيتها الـ500 ريال كلها. مر ذاك اليوم كنت أنتظر أبي أشوف لا حظت عليها إنها تبي تتملك كل شيئ ، وكانت تصوم الست قلت لها بكره لا تصومي قالت لا أبي أخلص الصيام قلت مو مشكلة لو أجلتي يوم قالت لا المهم صامت قلت طيب ، وفي الليل كانت بيت أهلها كلمتها بالجوال وقلت تراني أنتظرك في البيت ومحتاجك ، قالت لا مو الحين ، لما رجعت للبيت متأخرة قلت لها لا تصومي بكره حاولت تتهرب لكن أصريت عليها قلت لها ما أسمح لك تصومي أبداً. المهم لما بعد صلاة الفجر خرجت مع أهلها يتمشون ورجعوا الساعة 9 تقريبا ولاحظت إنها اتجهزت وضبطت حالها وأنا أطالع فيها ، وكانت تقول يالله خلص والله إنها سدت نفسي يعني كأنها مجبورة قلت طيب خلينا نقعد شوي حسيت إنها متضايقة جداً أنا قفلت معي ووالله تمنيت إني ما طلبت منها شيئ مع إني والله يا إخوان ما قربت منها إلا بعد ما أخذت دش واتفقدت نفسي ونظفت أسناني وكلش تمام ، لكنها للأسف متضايقة ودائما أسألها سؤال مباشر إذا كان في شيئ يضايقك في تكلمي تقول لا والله أبداً لكن مالي نفس. طلبت منها إننا نروح لشيخ عشان نشوف حل لمشكلتنا قالت روح لحالك. المهم أنا عصبت وقلت لها خلاص أخذتي الـ 500 ريال رجعتي لحالتك قالت والله لأردها لك وطلعتها ورمتها لي. انتهى الجدال وخرجت نامت بالصالة وأنا نمت ولما صحيت خرجت وما نظرت لها وهذا أنا بمكتبي لوحدي أكتب لكم . هناك أمور تدور في صدري وتضايقني وكل ما كلمتها ووضحت لها تبدأ بالزعل. هذي الأمور لعلي أخصص لها موضوع مستقل وأبي أعرف هل كل الرجال مثلي أم أنا لوحدي أحس بهذا الشعور أم لا . |
زوجتك عندها كبرياء فضييييييييع
ومن ناحيه الفراش شكل عندها برود مو شي فيك وبديهي يصير زعل ثاني لان كل واحد يشوف ان الطرف الثاني خرب عليه فرحه العيد حاول تاخذها وتطلعون برا البيت مع الاولاد وتغيرون جو وبالليل تروح انت وهي للمطعم وتجلسون وتتكلمون بهدوء الله يهدي بالك وتنحل المشكله |
مرحباً بك أخي الفاضل
لا تعتقد بأني سأقسو عليك بكلامي ولا أريدك أن تعتقد بأني إنفعالي في ردي بتاتاً كل ما في الامر أن الحل بيدك والدواء وصفوه لك بعض الاعضاء المحترمين ولم نجدك متفاعلاً مع حلهم الذي أزعم أنه هو الحل مع عناد وتسلط وأصرار زوجتك على سلوكياتها هي قالتها لك وأنت قلت بنفسك إنها لن تتغير وإن لم يعجبك فطلقني ، أيوجد أكثر من هذه الصلافة والجرأة ؟ إن كنت تشعر في قرارة نفسك إن عندك بعض التصرفات التي جعلتها تتمرد عليك فقم بالتفتيش عنها وتفحصها لتقوم بإصلاحها لتكون نعم قدوة لها ، وإن لم توجد أي شي من هذا القبيل ومتأكد أنت من ذلك فالمشكلة منحصرة في شخصها والاسلام وضع لك الحلول لمثل هذه الحالة اما ان ترضى بوضعك وتستمر على هذا المنوال والتيه والحرمان العاطفي طوال عمرك ، وأظنه لن ترضى أنت بذلك البتة أو إنك تتحلى بالشجاعة وقوة الشخصية وتقف في وجهها كالرجل الصنديد والمبارز للمعركة التي ستفتتحها الهجران والضرب التأديبي المعقول مع الاصرار بكل حزم وصلابة على تجاهلها كأنها لا شيء يذكر ويستمر هذا فترة زمنية طويلة ولتشعر منك إنك بالفعل غير آبه ولن تستلم لها وآخر الدواء الزواج عليها وهذه الخطوة الاخيرة ستقودها للندامة على أفعالها وطيشها الحلول الاخير فعلها غيرك من الرجال أصحاب العقول الراجحة ولا يكُن في تصورك أنت الوحيد من أُبتلي بزوجة عنيدة أدعو ربي سبحانه جل أسمه أن يوفقك ويزيحَ عنك كل همومك ويهدي لك زوجَك أنه سميع مجيب الدعوات |
لاحول ولاقوة إلا بالله زوجتك إمرأة عجيبة الله يهديها بس عندها كبرياء وغرور وعناد فظيع فيه نقطتين النقطة الأولى والله أعلم تكون مغصوبة عليك وتبي تطفشك بأي طريقة لإنه كل المؤشرات تدل على ذلك النقطة الثانية والله أعلم يكون فيها مس عاشق لإني سبق وسمعت فيه شنو يسوي كيف يفرق بين الأزواج حاول توديها الشيح لو رفضت اجلبه للبيت ويقرا على زوجتك وخلي سورة البقرة شغالة على طووول وتصدق بنية ربي يفرجها عليك ويهدي الأمور بينكم وإذا تقدر غير البيت أعرف نااس كان بينهم مشاكل توصل لحد الطلاق ومجرد تغيير البيت هدأت الأمور وصارت من أحلى مايكون لإنه العيشة اللي انت عايشها حرام ماحد يرضيها على نفسه لارجل ولاإمرأة الله يهديها بس |
أول مرة أرد و أقول ( تستاهل اللي يجيك منها )
شكله عاجبك وضعك معها و إنت السبب يعني كمان تعطيها رضوة 500 ريال ؟ و تخليها تتشرط ؟ جاي تتكلم هنا و ما تعرف تنفذ أي شئ قالوه الأعضاء لك اللي يقول زوجته عندها كبرياء ، حرام عليكم خربتوا معنى الكبرياء زوجته عندها ( غباء مستعصي لحد النخاع ) للأسف ، و عقل أصغر من النملة المشكلة في اللي متحملها و ساكت لها خلاص اليوم فيوزي ضربت :( تقهررررررررررررررررررر الواحد |
و الله المستعان
سامحني أخي سأثقل في الرد فلقد كنت متابعة لجميع مواضيعك و لم أحب المشاركة خوفا من خراب البيوت ... هذه زوجة لا خير فيها ... ليست بالودود و لا بالعؤود تثقل على زوجها بالمال و تسيء اليه بالمعاملة .. لا تراعي حقوقه و لا تقوم على شؤون منزلها و أطفالها بالوجه المطلوب .. لا تطيع الرسول صلى الله عليه و سلم ( لا تلتزم بأمور الدين لا تخاف الله )... فانظر في نفسك هل ستصبر حتى تنشأ جيل من أولادك الله اعلم كيف سيتربى .... أرى أن تبحث عن أخرى تقوم بشؤونك و تربي أولادك و تطلق هذه أو تبقيها اشفاقا لأنها لن تتصلح و لو أرادت صلحا فعليها ان تعد له كما في قوله تعالى : ( وإن امرأة خافت من بعلها نشوزاً أو إعراضاً فلا جناح عليهما أن يصلحا بينهما صلحاً والصلح خير وأحضرت الأنفس الشح) يا اخي شد حيلك و قو شخصيتك قليلا كن صبورا و شديدا حاد الطباع حازم الرأي أعرف أنك كذلك لكن مع زوجة من هذا النوع يجب ان تكون شرير و عصبي حتى تحس بقيمة هدوءك ... أما الأطفال كثف وقتك معهم حاول إنك تربي فيهم الآداب العامة و تعلمهم الاعتماد على أنفسهم ... يمكن غيري يشوف الموضوع لا يستحق كل الهرج بس من جد قهر ... أما الفراش لا تحسسها إنك محتاجها أبدا و حسسها إنها كثير بشعة ومش مغرية خليها تحاول تلفت نظرك و تحمل تبعد عنها و ما تحتاجها ومن تجاهلك تجاهله و ادع الله يرزقك بمن هي خير منها .... حسبي الله و نعم الوكيل حسبي الله و نعم الوكيل |
عنجد قهر أنا مثلك يا رزان حسيت بقهر ملأ قلبي لا و رضوة كمان هاي هلأ شفتها و الله هذا اسراف مع زوجة هيك
|
اقتباس:
و الله ما كنت بدي اضيف رد و خاصة بعد ما شفت تجاهل صاحب الموضوع للردود بس لمن شفت ردك و الله بردتي قلبي و خاصة بالجزء الملون بالاحمر |
| الساعة الآن 10:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©