منتدى عالم الأسرة والمجتمع - النظرة الشرعية يوم الاربعاء

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - النظرة الشرعية يوم الاربعاء (http://www.66n.com/forums/showthread.php?t=214305)

اذا انتي تعرفين ايش تبين بالضبط راح تقدرين تقررين

اجلسي بينك وبين نفسك وفكري واتخذي قرارك

واهم شي الاستخاره لان ربي هو الاعلم بالخير لك , الله يوفقك ويعطيك ماتتمنين يارب ..

اقتباس:

المشاركة الأصلية كتبت بواسطة GREEN222 (المشاركة 2492365)

خلاص ما يحب الدراسه وانتي تريدي واحد مثقف

اعتقد انو ما في توافق بالموضوع

ثم ليه تريدي اهلك يقررو هذه حياتك قولي لا

ووقت النصيب ما رح تحسي حالك الا مبتسمه وعندك شعور غريب ما تقدري تفسريه

ما تصعبي الحياة على نفسك وتنتظري جواب من اهلك

اعطيهم قرارك انتي فتاة جامعيه ومثقفه وقشطه يا قشطه

والقشطه لا تأكل الا مع العسل

انتظري العسل لحين يوصل

بالضبط كلامك سليم ميه بالميه

هو كلش غير عني

يعني مايبيني اكمل دراستي

ويبيني اذا بدرس لازم اشتغل

واذا ماشتغل لازم اخذ مواد قليله

حسيت من كلامه انه بخيل؟؟؟!!
ولا شنو رايكم؟

ههههههههههههههه ونتي قشطه بعد فديتج كلامج عين العقل وعجبني واييييييييد

يعطيج العافيه يا عسل

اقتباس:

المشاركة الأصلية كتبت بواسطة Ms. Blue (المشاركة 2492428)

.. أقرئي ردج اهنيه مره ثانيه .. وبتعرفين تقررين !!

.. ضحكني كلامج انه عيونه صغيره :d أنا عكسج .. عندي انه الرجل الا عيونه صغيره .. مررره وسيم :d

.. المــــــــــوهيـــــــــــــــــــــــــــــــم ..

.. هو قال لج ما يحب الدراسه صح !! .. يعني ما عنده طموح .. انه يكمل ويطور من حاله ..

.. وقال لج كملي دراستج بس مو على بعض .. يعني كملي دراستج .. يعني تروحين كورس .. وتنسحبين كورس ؟؟؟ :(

.. وشكله هو يبي ربة بيت .. ما يبي وحده تكون مشغوله عنه وعن بيته بالدراسه .. لكنه يبيها تكون دارسه ..

.. كان المفروض .. يكون وقت المقابله أكثر .. وتسئلينه أسئله اكثر عن دراسته وعمله الخ ..

.. وانا أؤيد كلام الأخت ( جرين ) .. ومثل ما قالت لج .. انت قشطه .. والقشطه لا تؤكل بدون عسل .. :d

ههههههههههههههههههههه اي عينه صغيره يعني لين ضحك مايبين استغفر الله

ماعلينه
هلا هلا وينج من زمان ما شفتج بمواضيعي ههه شلونج
والله الظاهر جذي يبي ربت منزل

ويقول لي يعني اذا بتدرسين يعني بتشتغلين؟

واذا ماشتغلت لازم اخذ مواد قليله!! انا حسيته فيه بخل

ولا انتي شرايج خيتوو؟

بس هو مارضى يطول يعني

كان ودي يكون مثقف دينيا يتكلم اشوي عن الدين وعن الحياه ماحسيت هالشي

قال يبيني حترم اهله

ومايبنيي اكون مغروره

والي قاله

ونتي حكمي :(

وزيييييييدكم من الشعر بيت

يوم يطلعون اهله
يقولون حق امي لين ماصار نصيب يعني ماكو زعل زين

يعني شكلهم بس يدشون بيوت الناس ويطالعون البنات

حتى خواته ماترعفو عليي

سريع سريع ماعرف شسالفتهم !!

هههههههههههههههه ونتي قشظه وعسل فديتج

ويعطيج العافيه

اقتباس:

المشاركة الأصلية كتبت بواسطة كناري البحرين (المشاركة 2492601)

أختنا الكريمة

أحدثك عن موقف حصل لي قبل إسبوعين ، تقدمت لوحدة وكانت مثلك تماماً تخاف من الزواج ولا تريد ان تتزوج وقالو لها ان المتقدم على قدر عالي جداً من الوسامة ومقتدر مادياً ، هي وافقت على المقابلة وبالفعل جلست معها فإنصدمت من مستوى تفكيرها وسطحيتها ، فهي لا تعرف مسؤلية الزواج ولا نسبة 10% ولا تعرف كيف تختار الزوج المناسب أخذت أفكارها من الافلام والمسلسلات الكاذبة المائعة
شعرت وهي تحدثني انها مغفلة ساذجة أعجبت بي وتحركت كل مشاعرها إتجاهي لشكلي ومظهري ، ولكن أعرف ان مثل هذه المرأة السطحية لا تصلح تكون ربة بيت وقادرة على تحمل مسؤلية الزواج فرضنا الموضوع .

أنصحك أختنا الكريمة أن لا تقدمي على الزواج حتى تدخلي دورات تثقيفية متخصصة بالحياة الاسرية قبل الشروع والدخول في متاهات ، حسب ما اجده من كلامك فانت عندك مفاهيم خاطئة عن كيفية اختيار الزوج المناسب وعن تحريك المشاعر
واراك ترددي بشكل مبالغ عن سؤالك ( كيف اتزوج رجل لا احبه ) ( كيف اتزوج رجل واحبه من مقابلة واحد ) كل هذه الاسئلة لا تبشر بالخير واعتقد عندك معلومات خاطئة تسربت لك من الافلام والمسلسلات و الصديقات من حيث لا تشعرين

لا تغتري بالممثلين إقرأي عن قصص حياتهم الواقعية سترين العجب البعض منهم يتزوج ويطلق اربع خمس مرات والبعض يتزوج ويخون وتنشب الخلافات والنزاعات ويحتكون في المحاكم سنوات طويلة لا تنتهي قضاياهم ، فلا تنخدعي بهم فحياتهم كلها فشل وإطراب وخوف وما ترينه على الشاشة ما هو الا تمثيل واستعراض دقائق وتنتهي ، ونصيحتي لا تستمري بمشاهدة هذه المسلسلات حتى لا تتفاقم عندك العقد النفسية وتكرهي الزواج بسبب اصطدامك بين مشاهدة هذا التمثيل وبين ارض الواقع .

أيضاً لا تثقفي نفسك بموضوع الزواج من مصادر غير موثوقة مثل الصديقات والمنتديات الطائشة والاسر المنحطة الفاشلة
خذي الثقافة من هدي الرسول الاكرم ومن العلماء الاجلاء ومن منابع الخير .

هذا ما عندي لك وان احببتي انقاذ نفسك فضعي هذه النقاط نصب عينيك وان لم تتبعي نصائح اخوانك الناصحون فلن تخرجي مما انت عليه .

اتمنى لك دوتم التوفيق والنجاح

والله مادري شقولك

كلامك على العين والراس

بس مو بكل شي اايدك
انا الحمدالله فاهمه الحياه

ومو بس من التلفزيون والخ متاثره

بس لازم يكون تقبل مني للشخص
ماقدر اجازف بشخص انا مو مقتنعه فيه شكليا وفكريا وثقافيا

المستوى الفكري جدا مهم بنسبه لي
يعني مقابله ربع ساعه ما بتليني اعرف الشخص كامل !!

والحمدالله مو محتاجه اني اثقف نفسي
كفايه المقابلات الي ادشها راوتني اشكال والوان

وخلتني اكون حذره اكثر بالاختيار

ويعطيك العافيه

اقتباس:

المشاركة الأصلية كتبت بواسطة أمنيات , (المشاركة 2493556)

الزواج ضربة حظ
موفقة

اي والله

ابوي قال لي
الزواج مثل البطيخه

يا تصيب يا تخيب
والتوفيق من رب العالمين

حياج الله

اقتباس:

المشاركة الأصلية كتبت بواسطة (نور الكون) (المشاركة 2493598)

كناري البحرين

ليكون انته اللي متقدم ليها:)

امنيات فعلا الزواج ضربة حظ ممكن اني اخذ كورسزز في الحياة الزوجيه

وأأهب نفسي لتحمل المسؤليه واسعى لاسعاد زوجي لكن مع هذا افشل

لان الزواج يتكون من طرفين وليس طرف واحد

صح كلامج بالضبط

يعطيج العافيه

اقتباس:

المشاركة الأصلية كتبت بواسطة **تماني** (المشاركة 2494184)

اي والله

انا قعدت مع نفسي

بس ماحس نفسي متقبله

وسويت استخاره طلعت مو زينه

ويوفقج يا ربببببب

اقتباس:

المشاركة الأصلية كتبت بواسطة قشطة البحرين (المشاركة 2494611)

.. ويه حتى لين ضحك ما تبين عيونه خخخخ :d فلبيني ؟ :d

.. الموهيــــــــــــــــــــــم :25:

يؤ يؤ يؤ يعني تدرسين وتشتغلين بنفس الوقت ؟ يعني علشان تدفعين مصاريف دراستج ؟؟؟ :(

.. يمكنن ظروفه صعبه .. تعرفين يا قشوطه ..في بلدنا الشغل صعب .. والرواتب قليله .. يمكن راتبه قليل ..

.. علشان جذي يبيج تشتغلين علشان مصاريفج .. واذا ما بتشتغلين تاخذين مواد أقل علشان علشان الميزانيه ما تتعفس ..

.. بس غريبه ناس يجون يخطبون .. وسريع سريع .. مقابله بربع ساعه .. والخوات ما يتعرفون عليج ؟؟؟

.. المفروض الخوات يتعرفون عليج بعدين تدشين المقابله !!

.. اذا مو مقتنعة فيه .. لا توافقين ..

.. .. ..

.. الله يوفقج بدراستج .. ويرزقج ولد الحلال ..الا يحترمج ويعزج .. وتطبين في حبه من أول نظرة شرعيه :d

اقتباس:

المشاركة الأصلية كتبت بواسطة Ms. Blue (المشاركة 2494814)

ههههههههههههههههههه لا مو فلبينوو
لا خيتو

هو بشركه نفط
وشغلته هو بالذات رواتهم ماتقل عن 800 دينار وغير انه عنده بزنس خاص

معقوله مايقدر يدفع للكورس؟؟؟

شكله بخيل :(

اي يبيني ادرس وشتغل ولا تعرفو عليي ولاشي

ههههههه غريبين

ويرزقج يارب ويفقني وياج

ماشاء الله .. راتبه 800 دينار وعنده بزنس خاص .. ويطالبج بالشغل لتصرفي على نفسك ؟؟

هههههههههه هذا مو بخيل هذا أبو البخلاء ..

.. مو كفايه انه غريب الاطوار .. وبخيل بعد ..

.. بيت أبوج ابرك لج ..

.. الله يرزقج بزوج صالح ..

..