وقعت على المنتدى من باب المصادفة، فقد كنت أبحث عن منتديات الحياة الزوجية، وللأسف كل اللي اطلعت عليها يكون الجزء الأهم فيها هي جانب الحياة الجنسية، وبطريقة سيئة.

طبعاً لما وقعت على المنتدى كنت وقتها طالب في آخر السنة الثالثة من الجامعة سنة 1427 تقريبا.. ظللت أتردد على المنتدى لمدة قصيرة من دون تسجيل، ثم سجلت باسم ( ساكن ......) .
بدأت عروق الاستشراف بالظهور :d:d يلا عاد همتكم .. وتوقعوا اسمي أول ايش ؟؟ اللي يجاوب أول نحاول نجيب له جائزة وتتكفل الإدارة بها:22:.. شكل الإدارة يبون يوقوفون عضويتي علشان تجرأت عليهم

قصة اسمي الاول ما أتذكرها لكن يظهر إني قدحته من راسي في وقتها..


طبعاً، حاولت أغير اسمي،، لكن فات القطار ،، والإدارة عندهم من الديمقراطية الملكية!! شيء رهيب،،
(( تحملوا يا إداراتنا وعلى قولة الاولين، إذا جاك يسبه فاعرف إنه يحبه )):22:

المهم في أول سنة 1430 أو نهاية 1429 سجلت باسمي هذا،، وظليت أشارك، لكن مشاركتي قليلة جداً،، لأني ما أحب أخربط ،، ولأن الإنسان عندما يكتب أو يتكلم فكأنما يعرض عقله أمام الآخرين، فأوثر السكوت كثيراً على المشاركة.

أما اسمي الحالي فقصدي منه هو الانتساب..

لكن أطمأنكم أنني متواجد يومياً على المنتدى يعني ما يمر يوم إلا وأنا داخل فيه، إن ما دخلت مرتين في اليوم..

والصراحة المنتدى فوق الرائع،، نصحت الكثير من أصحابي به..

إن يسر الله فسأطرح موضوع تفاعلي قريب من هذا الموضوع.. لكن مثلكم عارفين الشباب والرجال في هذا المنتدى قلة قليلة، ومستضعفون إلى درجة أن قسم عالم الرجل كان الأغلبية التي تشارك فيه هي من أخواتنا ،مع انعدام من الاخوة، ثم بقدرة قادر صلوا على القسم صلاة الميت،، لم أحضر تلك الصلاة، لكني صليت عليه صلاة الغائب.:)

ومع هذه السنوات التي عشتها في هذا المنتدى، وهذه الخبرات التي اكتسبتها وجربتها ،، إلا أني لا زلت أئن من وطأة العزوبية حتى هذا اليوم،، عيد الأضحى سنة 1431هـ، حتى إن الأهل مجتمعين، لكن أبت علي نفسي إلا أن تخلو بنفسها (الزوجة المنتظرة)..

الله يعجل بالفرج..

تسلمين ياأختي الغاليه وأسأل الله عز وجل أن يرجع لك زوجك عاجلا غيرآجل بصراحه موضوعك حلو بس الأحلى من كذا ردودك على الأعضاء المشاركين في الموضوع ردودك نابعه من طيبة قلبك فأسأل الله أن يحقق لك ماتتمناه نفسك
وإن شاء الله نشوفك في المنتدى مشرفه في المستقبل القريب ونسيت أقول لك إني بروح أدوربمستشفى الأمل هناك يمكن ألقى قسم يعالج إدمان منتدى الأسره والمجتمع لأني بصراحه مدمنه عليه وبالذات قسم المتزوجين
هاذا لازقه لزق فيه حتى زوجي صار يتضايق ويغار من هاذا المنتدى دايم والظاهر برجع أصفط على جنب مع مشاكل البنات المتزوجات وشكلي بلحق بمركبهم وأكتب شكوى من غيرة زوجي من المنتدى وأنا زوجي مو حق أنترنت ومنتديات مايعرف حتى يشغل الجهازبس دايم يشوفني مسنتره عيوني بالجوال لأني أدخل كزائره أو بمعرفي وقت ما أبغى أشارك يقول لي ماودك أفصل لك نظارات خافي الله في عيونك
دايما يقول حسبي الله على أخوك إللي ضبط لك إميل وأرسله لك وبصراحه أخوي له الفضل بعد الله بتسجيلي بها المنتدى لأن أختك في الله ماتعرف شئ في الإنجليزي غير حروف بسيطه جدا ومره إشتكيت لخوي وقلت له فيه منتدى
عاجبني ودايم أتصفحه ونفسي اسجل فيه قال لي إبشري وضبط كل شئ وأنا بس سجلت وحطيت المعرف تبعي بس
أقول لك الظاهر بحكي لك قصة حياتي كلها ترى كثرة بربرتي عليك وآخرشئ مشكوره على موضوعك ونبغي إبداع أكثر من كذا والله يحفظك من كل مكروه

كنت أبغى أسأل صحيح أنا ما عرفت أدخل من الجوال:d
حاولت كذا مرة ايش السبب المعرف أو كلمة المرور ممكن تفيديني؟

كفشتيني هههه :24:

أنا متفرجة :d
عاجبتني الردود و كل شوي أدخل و أقرى و شفت اسم نورة بعد تحت :30:

اخت يارب يرجعلى زوجى
اولا ياسمين دى اخت عزيزه على من سوريا يارب يسعدها ويوفقها فى حياتها الجديده
لقد احببت اسم ياسمين وعطر الياسمين بسببها فاقرنتها باسمى
انا لا احب الاسماء المستعاره واعتز باسمى ولااتوارى خلف كنيه ولكن احيانا يكون لكل لقب معنى
كما تدعين يارب يرجعلك زوجك ادعو ان يجمعنى بياسمين مرة اخرى ولا يكون حلم وراح
المنتدى جميل وعرفنى مع ناس افاضل ولكننى لااريد مشاكل مع احد
انا انسان وهذا يكفى

اهلين غاليتي بس الخطوبة لسه ماصارت رسمي :( بس تصير اكيد راح تكونين انتي واخواني في المنتدى اول الناس معرفة بس تجي الاجازة راح يزورنا لان الموضوع مو سهل يحتاج وساطات واقناع والشكوى لله ...شاكرة دعواتك ربي يحفظك ولازلتي والله في بالي ولازلت ابعث لك دعواتي تتراً على بريد المحبة في الله واسال الله الاجابة واسأله ان يجمعتي بك وبكل اخواني واخواتي هاهنا اجمعين في الفردوس الأعلى في الجنه ويفرج كل مكروب منا ويقضي لكل منا حاجته اللهم امين ...