|
صابره
كم باقي لك وترجعين لبيتك؟ |
حبيبتي ذكريات
تدرين ابغى أرد وماتكمل الصفحة امتحني الجوال يمكن شهر حبيبتي وأرجع أبشري ماراح إسكر الموضوع بس ع الله ماتصير حوسة الود ودي كل يوم افتح موضوع عشان تجين يالغالية |
طيب
كيف نفسيتك الآن؟ بيجي هو ياخذك والا بترجعين وحدك |
الحمد الله أمس تضايقت عشان سفره بس بعد كلامكم نزلت الرحمة بصدري
مدري حياتي للحين ماقالي شيء |
صابره
بعد ردك عن بداية زواجكم.. - يظهر لي انه كان يحبك وانتي لسى ما تعودتي عليه وهذا شيء طبيعي لكنه مازال متأثر من موقفك بعض الناس يتعامل مع مشاعره بألم ويسترجع الألم كل يوم نصيحتي لك خليك حنونه جدا جدا خلال الفتره القادمه لا عتاب ولا زعل فقط هدفك انه يكون سعيد وين مكان اعتبري نفسك امه اخته بحرصك على سعادته وانسي نفسك,,أو ايش يقدملك ... لين يترسخ في قرارة نفسه وفي عقله الباطن حبك الكبير له مو تحبينه...ترجمي هالحب ضحي من أجله .. كل ما ضاق صدرك اشتكي لخالقك .. لازم واحد فيكم يهدي.. وصدقيني اذا أعطيتي .. وبعدين هو باع .. أو صار انفصال لا سمح الله فما راح يندم غيره أما اذا رجعتوا للمشاكل وصار انفصال بترجعين تلومين نفسك... - لا تنسين عز نفسك تجدها الحب الجميل النبيل الكبير..هو الذي يأتي من هامه عاليه وكبرياء وعزة نفس أعطيه وحبيه ودلليه من كرم وجود نفس مو من تذلل.. |
أبشري حبيبتي
الحقيقة كنت بأخذ مشورتك كيف اتعامل معه والله ماني عارفة كيف ذكريات أبيه يحسسني اني غالية عليه بس اشلون ؟ ذكريات حبيبتي ترى اهاني بكثر طلاقه حسيت اني مبيوعة شفي بس اليوم يقولي ظلمتيني قلت لو ظلمتك سامحني وابشر بالي يرفع عنك الظلم قال وش تبين طلاق يعني شفتي هذا شيء يخوفني كثير يعني اشلون أحس معه بالأمان وهو الطلاق رفيق دربه وأول حلوله وحتى أيميلات مرسلها لي بخوض الطلاق طبعا قلت له لاعاد ترسلي اشياء كذا بخاطرك شيء قوله حلف انه مايقصد استفزازي طيب وش فكرته من الايميلات ليته أرسل شيء يشرح صدري وطيب خاطري مع هذا اليوم كنت ملطفة الجو معه والله ياذكريات لو ماغيرت له المود بسرعة يمكن اليوم اكتب. موضوع عن اخر طلقة لأنه ترى حتى سكوتي ماهو عاجبه وحسيته يدورني ويبي يطلع مني كلام طيب. ذكريات إلي متى بجلس خايفة من الطلاق من هالبغبع إلي حاسه انه بيطلع لي اشلون أسعده وأنا مو حاسة بالأمان وأقول بكرة مصيري انتي طالق لا وعاد الأخيرة يعني إعدام نهائي بالله قولي لي كيف أسعده وانجز بحبي له وادلله وأنا خايفة أوديه عند الكعبة يحلف لي ؟ والله حلف مايطلقني إلا إذا دنست عرضه ماكملنا الاسبوع إلا ونطقها |
صابره..
ركزي في ما أكتب ..مو تقرأين وتتأثرين شوي وبكره تنسين.. - الطلاق أمر حصل بينكما بسبب اخطاء منك ومنه وليس منه فقط..وهي صفحة انتهت.. واخذتي انتي وهو الوقت الكافي لمراجعة النفس والعودة بحب ورضا.. - حلف لك انه مايقصد يستفزك صدقيه.نقطه وانتهى - دايم قدمي حسن النيه وليس سوء النيه..صابره اتمنى اشوف تغير بشخصيتك لكن اشوف انك هديتي لكن ما زلتي تنتظرين منه انه هو يقدم ويعطي .. ويحسسك بالأمان طيب خذي الموضوع بشكل عكسي زوجك مو حاس بالأمان منك .. مو مصدق إنك تحبينه... - يا صابره طيبة قلبك ليست المنجا الوحيد لك..زوجك محتاج وقت للتأقلم وأنتي بعد ولكل شيء صار بينكم انتم محتاجين تقربون لبعض بحب وهدوء وكل واحد يفكر بالثاني.. مو كل واحد مجهز للثاني الأخطاء الي صارت بالماضي |
فاهمة كلامك
بالعكس انتي بالذات كلامك يرسخ وكل لي نصحتيني فيه سويته بس أنا فعلا ماحس بالأمان يعني ذكريات افتح له قلبي وأقوله أدخل من أوسع ابوابه وبكرة مع أول مشكلة النهاية الطلاق !! ليته يهجرني يخليني انطق عند أهلي لين تهدى النفوس بشرط مايحتك فيني وأرجع يعني أبيه يمسح سألفة الطلاق من رأسه وماصير خايفة واتصرف بحريتي كأي زوجين يتهاوشون ويرجعون شوفي حبيبتي أنا ممكن أحسن فيه الضن بأمور كثيرة إلا الطلاق لأنه للحين ماحاول يثبت لي عكس توقعاتي وليتها توقعات ولا ضنون كل ماصار شيء نوصل لطريق مسدود والحل ياربي كيف أزيح الخوف هذا صح اني هديت وصرت اتحكم بنفسي بس مانشيت ياذكريات جرحه لي أنا وربي البيت أحبه وأبيه وشاريته بس تراني مجروحة ياذكريات |
فاهمة كلامك
بالعكس انتي بالذات كلامك يرسخ وكل لي نصحتيني فيه سويته بس أنا فعلا ماحس بالأمان يعني ذكريات افتح له قلبي وأقوله أدخل من أوسع ابوابه وبكرة مع أول مشكلة النهاية الطلاق !! ليته يهجرني يخليني انطق عند أهلي لين تهدى النفوس بشرط مايحتك فيني وأرجع يعني أبيه يمسح سألفة الطلاق من رأسه وماصير خايفة واتصرف بحريتي كأي زوجين يتهاوشون ويرجعون شوفي حبيبتي أنا ممكن أحسن فيه الضن بأمور كثيرة إلا الطلاق لأنه للحين ماحاول يثبت لي عكس توقعاتي وليتها توقعات ولا ضنون كل ماصار شيء نوصل لطريق مسدود والحل ياربي كيف أزيح الخوف هذا صح اني هديت وصرت اتحكم بنفسي بس مانشيت ياذكريات جرحه لي أنا وربي البيت أحبه وأبيه وشاريته بس تراني مجروحة ياذكريات |
مجروحه من الطلاق..تبغين اثبات انه متمسك فيك..!!
طيب ..خلينا نركز هذا الأمر..له حلول مادية ومعنوية المادية: - إنك تشترطين مبلغ مالي للعودة .. كأنه مهر جديد. - تطلبين يغير غرفة النوم او البيت او يجهز لك بيت كامل يبين انه شاريك وشاري استمراركم - سفرة ترضية وتطييب خواطر رغم اني أأيد الثاني أكثر من أي شيء. ****************** لكن خلينا نتكلم بصراحه .. حياتكم كلها مشاكل وش الي يشجعه او يشجعك للاستمرار؟ سؤالي مؤلم.. انتي تحبينه وتبغين العيش براحه اذا أرضي هالمره بدون أي طلبات واسعديه وراحته هو ثم حطي نقااااااااااااط ثم راحتك لازم تضحين وتنسين علشان تستمرين... فقط اطلبي منه العدل ترى حتى الحب والحنان ما يجي بالطلب صابره اعرف وحده تزوجت واحد اصغر منها بسنه.. وما كان طايقها... ودايم محسسها انها اكبر منه .. ويرمي عليها كلام بايخ بإسلوب مراهق طريقة ندائه لها فيها إذلال ولعن حتى لأهلها..رغم انه قريبها وهي عروس ...يعني توقعت على الأقل المعامله الطيبه ماذا فعلت؟ أحبته..تبغاه يتحول لزوج محب..وشخص مستواه بالتعامل عالي كانت تسمع وما ترد.. وهي معلمه يعني مو بحاجته لكنها أحبته قدمت راحته على راحتها تطبخ له اصناف وترسلها معاه لأهله ...او اذا راح الاستراحه أو طلع مع اصحابه تقربت له رغم انه يسيء لها ومو طابقها... وكانت هذي طريقتها الآن بعد سنوات يفتح لها الباب قبل ما تنزل يحيطها بذراعه وهو يمشي معاها رغم انهم ساكنين وسط أهلهم وهذي من الحركات التي تنقص الرجل أمام اهله بعرفهم انسي كلمة طلاق ليش متمسكه فيها هو الآن مو زوجك وبين يدك.. لا تخسريه ولا تخليه يخسرك قدمي السبت تلاقي الأحد |
| الساعة الآن 11:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©