منتدى عالم الأسرة والمجتمع - أحتاج للحكمة..!!! جُننت!

العمر ثواني:: استفدت من تجربتكِ أختي العزيزة، وإن شاء الله راح اقدم عليها
بس مسألة الزواج، لازلت أحتاج بعض الوقت..
يمكن على نهاية العده يكون شعوري مختلف تماماً .. الله أعلم..
والله يهنيج ويسعدج

little dreams:: هذا اللي امخليني استغرب من نفسي..
قبل الطلاق كنت كل يوم اقول يلا متى بتطلق منه؟
متى برتاح منه!
وبعد الطلاق تنقلب مشاعري رأساً على عقب!
هذا لخبطني شوي..
وتجربتج طمنتني إن فيه أمل مع الأيام راح اتخلص من شعوري اللي احس فيه
والله يعوضج باللي يريح بالج

مهره:: صح كلامج...
مع إن تمنيت للحظات إن افقد الذاكره.. بس عقب فكرت فيها!
افقد ذاكرتي والاشخاص اللي تحملهم فيها
عشان شخص واحد!
الأولى إن أحذف الشخص من حياتي وشوي شوي بتخلص من شعوري إتجاهه
صح لسانج أختي
والله يهنيج مع ريلج وعيالج ويخليكم حق بعض

فراق وعشناهـ:: سُعدت بتواجدج أختي..
بس مثلج عارف يختي الحب مو كفاية..
أنا بأصعب حالات ضعفي .. وآنا مارجعت له..
لأن ادري ماراح اكون سعيده..
وان رديت مثل ماقالت أختي العمر ثواني..
باكون آنه الخسرانه الأولى والأخيره..
وبيكون رهانه على مشاعري صحيح..
متى ما فضى لي قال يبيني..
ووقت اللي يلعب ينساني!!!
الرجال مواقف..
نعرف اللي يحبنا وقت اللي نحتاجه مثل ماقالت خالتي بيتا..
إذا بوقت حاجتي مالقيته.. وقت وناستي ما ابيه..
وعندنا مثل يقول "" اللي مايسوقه مرضعه سوق العصا ماينفعه "
بمعنى لو الشخص مو من نفسه تغير ومن صغره عقب لي كبر مابينفعه الطق بالعصا لأن ماعمره بيتغير
الله يوفقج حبوبه

خالتي الغاليه على قلبي بيتا:: يمكن أضعف وأفكر مجرد تفكير إن أرجع له
بس ولا بيوم راح ارجع له..
حطيت ورقة وقلم..
وكتبت سلبياته
ورجعت كتبت إيجابياته..
وشفت ان سلبياته تغلب ايجابياته..
رجعت قلت في خاطري..
لو يخطبني واحد ... فيه المواصفات اللي ابيها بس ما اشعر اتجاهه بحب
وبين طليقي اللي احبه ومافيه الصفات اللي ابيها
قلت في خاطري طليقي مايصلح كـ خيار..
إذاً عمري ماراح اختاره كـ زوج لي... لو كنت ما احبه..
معناته مايصلح اعيش معاه..
الله كريم والله يعوضه باللي تسعده..

أخي الفاضل البليغ: فعلاً قررت خلاص
والله يوفقك

""

وقراري كـ التالي::

1- ماراح ارجع له بتاتاً.. لأنه غير كفؤ لتحمل مسؤولية زوجة وعيال
2- راح انتظر قليلاً واتريث وباراجع اخصائي نفسي
3- بشغل نفسي وطاقتي بأشياء تبعدني عن التفكير..
4- كل ماتذكرته بتعوذ من ابليس وباصلي على النبي :d

//

وأشكر كل من مر بموضوعي وساندني..

بداية من خالتي بيتا مروراً بمهره وأخونا البليع والعمر ثواني وفراق وعشناه ومشتاقه وليتيل دريم وأمة البديع وأمة التواب وإحساس عمري وحلم وتحقق وشقرديه وغربة الروح وذكريات لا تغيب والوفية لوالديها ونهاية بأختي روح الطير

واتمنى لكم كلكم الخير.. وعسى ربي يوفقكم وينوالكم مرادكم بالدنيا والآخرة..

"

وعلى ذلك اتمنى أن يُغلق الموضوع
والحمدلله بفضل الله ثم انتوا ... رجعت احس بشيء من القوة يتسلل بداخلي
وابتسمت مرة أخرى
:d
الحمدلله .. وعسى البسمة ماتفارق شفاهكم

:22: