|
مساج الله بالخير والنووور والسرور يالحبيبة يا نوور المنتدى انتي
وعساج إن شاءالله بخير وعافية وعسى ربي يبعد عنج كل شر وكل هول وكل عين يا رب العالمين تضايقت وااايد لما شفت الموضووع ولما شفت ردودج تضايقت عليج وعلى همج وحزنج ياحبيبتي آنا أدري إن كل اللي يصير معاج مو بيدج وانتي مالج فيه بس ياعمري انتي مالازم تخلي أي شي يتغلب عليج انتي قلتي جملة استوقفتني وايد قلتي " آنا متأكدة زوجي ما راح يروح للحرام " هذي الجملة جميلة جدا بينت لي إنج على كثر ما الشك يلعب ف مخج ومفرفر بالج تفرفر على قد ما انتي واثقة إن ما يسويها بالحرام أبدا وف نفس الوقت حلف لج إن ما يتزوج ثالثة !! مو كأنه تناقض غريب ؟! انتي ياصبووورة من كثر ما تحبينه وتغارين عليه وتعشقينه ومن كثر الأمور والمشاكل " تنذكر ما تنعاد " اللي صارت بينكم ومن ترسبات الطفولة والماضي اللي مازالت عالقة ف ذهنج للحين و من كثر الوحدة اللي انتي فيها و حبج لتملك زوجج وخوفج من وايد أشيا ف حياتج كل هذا يؤثر على تصرفاتج وبالتالي يسبب لج كل هالأشيا انتي حساسة وايد والأشيا اللي صارت بالماضي مب قادرة تشيلينها حتى ولما يصير موقف حتى لو انتي مؤمنة إن غير مقصود يترسب ف مخج ويظل يؤثر على تفكيرج ويسيطر عليه لفترة بحيث إن أي موقف ثاني يصير لج عقب على طوول تفتكرين الموقف السابق وتبدين توازنين هذا باعتقادي اللي يصير ف حياتج علما بإن هذا مو بيدج وانتي ودج إن كل هذا يرووح بس ما تقدرين تتحكمين فيه لكن كل شي ياعمري وله حل وكل شي ف بدايته صعب ! لكن مع مرور الوقت الإنسان يتعوود انتي نفسج كنتي عايشة بالإمارات فترة طويلة وبعدها تزوجتي ورحتي للسعودية مليوون في المئة أول الأيام ماكنتي حابة المكان بس كنتي مرتاحة لأن زوجج معاج لكن مومتقبلة المكان وحاسة بشعوور غريب لأنج مو متعودة عليه أبدا لكن بعد مرور فترو لا بد إن هالشعور بدى يتلاشى هذا ما يمنع رغبتج دايم بمكانج الأولي وبلدتج الأصلية بس تعودتي على الأقل هذا يبين لج إن الإنسان بطبيعته يتأقلم على الظرووف والأجواء اللي ينحط فيها فبالرجوع لكلامي فوق شوي لما قلت لج كل شي ف بدايته صعب لما الجرح يصيبني مثلا آنا أتالم واااايد أول الأيام لكن بعد فترة يبدا الألم يخف لما يزوول تماما المقصد من هذا كله إن انتي حاولي تبدين علاج إلى هالمشكلة اشلوون ؟؟ أول شي من بداية اليوووم تشغلين في البيت سورة البقرة وتواصلين على قراءة الأدعية والإستغفارات عند كل صلاة الشي الثاني تاخذين ورقة تكتبين فيها كل الصفات المميزة والحلوة بزوجج تكتبين فيها كل المواقف الحلوة اللي جمعتكم تكتبين فيها كل موقف صار انتي احتجيته ووقف جنبج طبيعي لما تكتبينهم وتقرينهم مرة ثانية بتحسين بشعوور حلوو وبتبتسمين وبيكون هالشي دعم وايد قووي لج وكلما تضعفين أو تحسين إن الشك بدى يتغلغل لبالج ارجعي وطلعي الورقة واقري زوجج شنو سوى لج وشنو الأمور الحلوة اللي بذرت منه وصارت بينكم وانحفرت ف بالج هالشي ممكن يخفف عنج الشي الثالث حاولي تقرين كتب تنمي ثقتج بنفسج أكثر وتخليج تعيدين توازن نفسج من جديد وآنا بدور لج جم كتاب حلووو وايد بتستفيدين منه لي عوووووووووودة حبيبتي |
اقتباس:
احبك واحب اسلوبك يالغالية حبيبتي انتي قلتي انه في تناقض بكون حلف لي انه مايتزوج الثالثة يعني شنو مافهمت قصدج |
اقتباس:
وانا مازعل من كلامك يالغالية انتي تبين مصلحتي وتبين لي الخير صدقيني الفرق بيني وبين زوجة المحتار اني انا ماتعمد اذية زوجي زوجة الاخ المحتار مع احترامي لها ولزوجها كانت مطنشة الحياة معه ولا تبالي صدقيني انا ودي اسعد نفسي اولا ثم اسعد زوجي صدقيني ياحبيبتي اني اتعذب اكثر وحدة يمكن بعض الاخطاء لزوجي جعلتني هكذا انا لا ادعي الكمال بل كلي تقصير بس مصيبتي ابحث ان المثالية اعيش بالخيال واؤمن بخيالي كثير تتوقعين اني راضية عن نفسي؟ صدقيني اني ساخطة عليها كل السخط اذكر لك سالفة يانسيم كانت عند اهلي طباخة من اروع مايكون لدرجة اهلي زودو راتبها عشان ماتروح المهم زوجي كان مرة يحب طبخها ووعدته اني بجيبها عندي السعودية وبتعلمني الطبخ ولا بروح لبيت اهلي فترة واجلس لين اتعلم مرة من المرات طلعنا بر وكانت معنا الطباخة وسوت لنا طبخة في البر المهم مدري وش كانت تصلح وحسيت ان زوجي يتبعها بالنظرات مدري هل هذا صحيح ام الشيطان هيئ لي بس حسيت بعيون زوجي نظرات اعجاب انقهرررررررررت وكنت ابي ارمي الشغالة بنص الطريق وماكلمت عندنا ايام الا وطردتها من البيت اهلي كانو متمسكين فيها عشان لمن يجونا ضيوف هي الصراحة تبيض الوجه بس من شفت ذيك النظرررررررررررررررات قلبي حقد عليها صدقيني اشياء بداخلي عجزت اتخلص منها نظرات زوجي سببت لي اكتئاب وفقدتني ثقتي بنفسي مثلا اذا صرنا بطيارة ماتمر مضيفة الا ويرفع يعونه لا اراديا ترى اقوله شف خلق الله الي قاعد يقرا والي قاعد ياكل ولا يتفرج وانت بروحك تعطي وجه للمضيفات مدري شنو اقول وشنو اعيد مرة قعد يطالع بوحدة قال ياااه شفي هذي تشبهك قلت وش الله حادك تناظر فيها حتى تقول تشبهني نظرات زوجي لغيري تعنيلي الموت صدقيني اتمنى اموت ولا اشوف نظراته وكل هذا بخزنه عقلي الباطني ويتحول الي احلام |
حبيبتي صابره .. رجعت لك لانك شاغله بالي من البارحه .. بصراحه كلمت لك شيخ ثقة .. وقال لي ان الميت لما يقول شيء في النوم فهو صادق لان الله ينطقه .. وهذا كان مثل التنبيه ... فلما قال لك الميت تروشي بروق السدر ... فتوكلي على الله ولازمي الرقيه وتروشي بروق السدر .. وبإذن الله تكون الامور طيبه ...ولا تهملين الاذكار والتحصين حبيبتي ... هذه الامور اللي ان شاء الله بتخفف حالتك .. يا ما شفت امي وابوي في المنام الله يرحمهم وهم ينبهوني على امور او ينصحوني بأمور ... وغيري تفكيرك بليز .. لو استمريتي بتفكيرك انك ما تقدرين تغيرين حالك لانه غصبا عنك .. ما بيتغير حالك ابد غاليتي صابرة ... لا تجلسين مكانك وتقولين ما اقدر ... اذكري اسم الله وابدأي في علاج نفسك بنفسك ... وانسي كل اللي حولك حاليا ... وتقربي من الله ... والله يحفظك ويسعدك .. ويفرج همك .. والله اني انتظر اللحظة اللي بتبشرينا فيها انك نجحتِ في حل مشكلتك .. وانك سعيده مع زوجك واهلك .. |
اقتباس:
حبيبتي لهالدرجة اهتميتي بموضوعي ؟ تحبيني يالمنى الشووق؟؟؟؟ اه ياحبية قلبي اسعدني اهتمامك فيني مرررررررررررررة فرحت الله يسعدك يارب اينما كنتي ووين ماكنتي ويجزاك الجنة على اهتمامك اسفة حياتي ثقلت عليك واخذت من وقتك وخليتك تكلمين الشيخ الله يخليكم لي يارب |
اقتباس:
و مراقبته أين نظر و إلى من و متى و كيف ؟؟؟ هو من يجعله يتعمد النظر أو لنقل يجعله يريد أن ينظر و كما تعلمين أن كل ممنوع مرغوب .. لماذا عندما ينظر تصرفيه بطريقة غير مباشرة بدل كلامك المباشر له ؟ لماذا لا تحدثيه في نفس الوقت الذي ينظر فيه لإمرأة عن أي شيء أو تلفتي إنتباهه بطريقة غير مباشرة وعفوية أو تحاولي إشغاله بشيء معين ؟ * مسألة إطلاق البصر ليست سهلة فهي سهم من سهام إبليس .. أرى أن تزوديه بمحاضرات عن هذا الشأن .. |
اقتباس:
[COLOR="DarkOrchid" ]ياعمري انتي قريتي الجزء بس مو كله لذلك ما فهمتي ! انا قصدي انتي قلتي إنج متأكدة إن هو مستحيل يروح للحرام بس بنفس الوقت تشكي في تصرفاته ! هذا شي متناقض إلى حد ما يعني انتي متأكدة منه وبنفس الوقت تشكين في أقل تصرف ممكن يسويه معنى هذا رغم إن هو حلف لج إنه ما راح يتزوج الثالثة ومش ممكن يروح للحرام إلا إنج رغم كل هذا تشكين في أقل تصرف يسويه هذا مقصدي إن شاء الله تكوون وضحت الصووورة حبووووبة آنا كتبت لج ف الموضوع السابق اللي انقفل ان نتيجة الجامعة طلعت وكنت توني مجيكتها وعلى طوول خبرتج حتى خطيبي ما قلته في ذاك الوقت:25: إلا لما خبرتج أول بس خسارة ما شفت النتيجة ههههههههههههههههه حبيت أبشرج نجحت يابعد قلبي ومعدلي ارتفع الحمدلله رب العالمين ترى خطيبي بدى يغار منج :25:وايد أسولف عنج وأقوله ودي اشوفها وأكلمها وجذي من جد ياصبورة تدشين القلب والرووووح ربي يحفظج ياعمري من كل شي و يخليج نوووور هالمنتدى وتنووورين حياة زوجج طوول العمر قوولي آمييييييييييييييين أحبج صبوووورة ومن صمصومة قلبــي [/COLOR] |
صدقيني اتمنى اموت ولا اشوف نظراته
وكل هذا بخزنه عقلي الباطني ويتحول الي احلام لا ياعمري لا تقولي هالكلام اسم الله عليج يالغالية ربي يحفظج من كل شر يارب صبورة ياقلبي زوجج من الناس اللي فيهم هذا الطبع يعني لا إرادايا يناظرون وايد لما يكونون في مكان معين تلاقينهم لازم يناظرون كل الموجودين بهالمكان ولما تسألينهم ليش ؟ يقولج بس جذي يعني هذا طبع مو عمدا أو لأن هو متقصد يبي يضايقج أو لأن يبي يغازل وعيونه زايغة لالالا أبد هو مثل ما قلتي متدين وملتزم فلذلك هذا الطبع هو ممكن يشيله ويقدر يغيره لكنه ما يقصده ياقلبي وبعدين بقوولج شغلة انتي لما تشووفينه يطالع ابتسمي وقولي له : ترى نحن هنــــا :25: ثم بقوولج الحين هو عنده القمـــر ماله ومال النجوووم ثم في ناس يا صبووورة هم يلفتون الإنتباه يخلون خلق الله يطالعونهم يعني احنا البنات ساعات تشوفينا نلتفت لما نشوف وحدة غير شكل فما بالج بالرياييل ؟ والله ياصبوورة بقولج عن وحدة من منطقتنا كانت تشكي وتقول إن زوجها يحبها ويدلعها ويمشي معاها دوم يده ف يدها وأي شي تبيه يشتريه لها لكن من يشووف بنت مارة لااااااااااااازم يطالعها وتقول ما يلتفت مرة وحدة وتالي خلاص لا يجلس كل شووي يطالع البنت ولما تكلمه ينكر ويحلف إن ما كان يطالع أبد !! وهذا حالهم كل مكان يطلعوون لازم يرجعون بهووشة بسبب هالموضووع ! وكل مرة يوعدها إن ما يكرر هالشي ويرجع يكرره دوم تسأله شنو اللي ف البنات اللي تطالعهم مو فيني يقولها انتي كاملة والكامل الله ! على قولة اخواننا المصريين :" أسمع كلاموا اصدقوا , اشوف أمورا استعجب" فهي كانت تسأل هل آنا حساسة وايد وإلا الرياييل حركاتهم جذي ؟ رغم إن تحبه وتموت فيه وهو نفس الشي !! نقلت لج هذا لعيوووووووونج حبووبة إن شاء الله يخفف عنج شووي كل همي إنج تكونين مرتاحة يالغالية تراني وايد أفكر فيج إن شاء الله تستفيدين منه و إلج النص : يحدث كثيراً أن ترى الزوجة بأم عينها زوجها ينظر ويدقق النظر إلى إمرأة عابرة سواء في محلات عامة أو وهم في السيارة وإذا قالت له : لماذا تنظر للمرأة ؟؟....حلف بأغلظ الأيمان بأنه لم يرها وزعل وغضب واتهمها بأنها شكاكة ونكدية ويزداد عندها حنقها وزعلها وعصبيتها وتقول ......هل من المعقول أن أكذب عيني وأصدقك!!!!! الكثير منّا تمر بهذا الموقف......أليس كذلك؟؟.....نعم هو كذلك فأنا متأكدة ولكن ياترى من المحق الزوجة أم الزوج؟؟؟!!!! كنت أنا وقريبتي نتكلم في هذا الموضوع وقالت لي فعلاً زوجي يفعل ذلك تماماً وكنت اظن اني الوحيدة التي يحدث لها ذلك وبعد فترة أخبرتني قريبتي نفسها أنها قرأت مقال عن بحث علمي أكد أن الرجل عندما ينظر لشيء فأنه لايستوعب مايراه إلا بعد فترة من النظر والتدقيق .....وليس مثل المرأة فهي من أول وهلة ترى الشيء بوضوح وقالت قريبتي : لقد تأكدت من صحة البحث عندما كنت مع زوجي في مول وذهب للصلاة وهو عائد من الصلاة كانت إبنتي ذهبت بعيداً عني وتجري أمامه وهو ينظر إليها وأنا أنظر إليه وهو ينظر إلى ابنته أمامه....ثم أكمل طريقه ليصل لزوجته وعندما سألته : لماذا لم تحضر ابنتك معك؟؟ قال : وأين هي ابنتي؟؟ قالت : ألم ترها امامك لقد كنت تنظر إليها!!!! قال : لا لم أرها.... هنا أيقنت قريبتي أن الدراسة صحيحة وأنها كانت تظلم زوجها عندما تقول له : لماذا تنظر ...وهو يحلف بأنه لم ينظر ولم تكن تصدقه بغض النظر عن صحة الدراسة من عدمها لابد للزوجة الفطنة أن لاتجعل من تلك المواقف مشكلة تنكد بها على زوجها ونفسها ويجب ان تحسن التعامل في تلك الظروف بصرف نظر الزوج بالحديث الناعم معه والدلال ومادفعني للكتابة هو قصة قرأتها بالأمس في ساحة المشاكل المحلولة ولله الحمد بأن الزوجة غضبت من زوجها عندما رأته ينظر لغيرها في أحد مراكز التسوق وهنا لاألوم الزوجة على غضبها ولكن ألومها على خطأها في حل الموقف فهي غضبت وحولت سفرتهم لنكد وذهبت لبيت أهلها الحل : في تلك المواقف : هي إشباع الزوج عاطفياً من جميع النواحي وإذا كان هناك مانع شرعي لإشباعه فهناك مئة طريقة أخرى أجازها الشرع ليتمتع بها وتشبع غريزته حتى لو نظر لغيرها فستكون نظرته كنظرة من ينظر لسفرة تحوي مالذ وطاب وهو ممتليء البطن شبعان لاتغريه تلك السفرة مهما حوت من أطايب مشهية ولنا أسوة في حبيبنا عليه الصلاة والسلام حين قال ((ان المرأة تأتى فى صورة شيطان وتدبر فى صورة شيطان فاذا راى احدكم المرأة تعجبه فلياتى اهله فان معها مثل الذى معه ) ) لذا أيتها الزوجة الحكيمة لاتنظري لسفاسف الأمور ولا تظلمي زوجك وأشبعيه لتملأي عينه . وإن كان زوجك من النوع الذي ينظر كثيراً هنا وهناك فلا تجعلي هذا سبب في حدوث مشاكل قد تزيد الفجوة بينكم وتزيد إقباله على النظر بل تجاهليه وأشبعيه كما أسلفت وادعي له بالهداية فهناك رب هو من سيحاسب وليس أنتِ. فاعرف زوجة أخبرتني بأن زوجها دائم النظر للنساء في الأماكن العامة قالت : تجاهلته تماماً ....بل على العكس عندما كنّا نريد دخول مكان عام كنت اقول له من باب المزاح : الأن ستمتع ناظريك بمشاهدة النساء.....وعندها أصبح يخجل ولايرفع عينه. لذا فالممنوع مرغوب وبعض الأزواج يزدادوا عناداً من زعل زوجاتهم ولاينفع الزعل لحل مشاكلهم .. .لذا أريحي نفسك واريحيه واعملي ماعليكِ واملأي عينيه وتجاهلي نظراته وأشغليه بكلامك الجميل ومع الأيام بإذن الله سيترك تلك العادة السيئة فيا عمري ياصبووورة أول شي حطي ف بالج إن هالشي فطري من الله راح يخفف معاناتج شووي ثاني شي ازرعي الثقة بنفسج دايما ولا تسالين شنو ناقصني ( قلت لج من قبل إنتي قمـــر من داخل ومن بـــره ):17: ثالث شي انتي لما اخذتي زوجج ما ملكتيه ؟ محد يملك أحد لا عيال لا أم ولا احد انتي اخترتيه من بين كل هالرياييل والعكس صحيح فياليت تفهمين هالنقطة عدل رابع شي إذا انتي طنشتي اسلوبه وتجاهلتيه هو راح يخجل يقول شوف آنا أناظر غير وهي صابرة ومتحملة ليش ما اكون أفضل من جذي وأغير من نفسي حكمي عواطفج ياعمري واحكمي غيرتج ودوم كلمي نفسج وقنعيها إن هو لما يطالع الإثم بيكون عليه مو عليج وربه بيحاسبه و أدرى بنواياه وبعدين هالنظرة وين بتوصل ؟ ولا لشي دامج واثقة إن مستحيل يرووح للحرام أتمنى أكووون خففت عنج ولو بالجزء اليسير وأحاول قد ما أقدر إني أدخل أعماقج وأقول لج كل اللي بقلبي ربما يهوووون عليج عاد اعذريني يالغالية وايد أهــذر بس صدقيني كل هذا من حبي لج تشوفيني من أشوف لج موضووع على طول أبدأ أكتب وأنسى نفسي دعواااااااتي لج ما تنقطع ياقلبي ودووم حطي ف بالج عاند الدنيا الرديئة وابتسم إن بعد الليل فجراَ يرتسم لا تقل حظي رديئا إنما قل قدر الله وهذا ما قسم أحبـــج ومن كل قلبـــي :d:22: |
اقتباس:
وااااااااااااااااااو فرحت لج ودي اطير واضمج حيل ودي ابوسج تستاااااااااااااااااااااااهلين يابعد هلي انتي والله والله لو عندي جان سويتلج حفلة وهديتج هدية ودي ايييييييييييييييييييييييييييج البحرين احبك واااااااااااااااايد وايد من جد فرحني نجاحج عسى حياتج كلها تفوق ونجاح امووووووووووووووووووت فيك حبيبتي |
غيرتك وشكك مش طبيعي لكن الغريب انك ماتغارين من زوجته الاولى؟؟
الله ينزع الغيرة والشك من قلبك |
| الساعة الآن 10:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©