|
الموضوع كله تراكمات ياروح عندنا وعندك خير :(
مافيه مشكله كبيره تستدعي طلبك للطلاق كلنا نمر بالمشاكل اللي تمرين فيها ونحس وقت المشكله أنه خلاص وصلنا للطلاق بالذات أحنا يالنساء :11:وبالنهايه وبعد ماتهدأ الأمور تحسي قد ايش كنتي مبالغه وقتها سبحان الله لو العصمه بيدينا كان كل الرجال مطلقين ببيوت أهاليهم :30: أنا ماأقول أن زوجك ماغلط هو غلط وصدقيني طبعه نفس طبع اغلب الرجال والمصيبه أنهم مايحسون بأنفسهم :( ماأدري صدق مايحسون او يبغوا يجننونا بس هذا اللي حسيته أنهم مايكونون متعمدين أهمالنا !! والدليل أنك لما تزعلين زعله كبيره مو زعله صغيره:( يتعدل ويرجع مثل اول وأحسن يعني لازم تحرقي نفسك واعصابك وتكوني على وشك الجنون:23: بعدها يفهم ويصلح غلطاته !!!! طيب ليش مو من الأول ؟!! |
اقتباس:
إذا استخرنا و جربنا كل الحلول .. فمرات أسوأ القرارات تكون هي الحلول .. و أنا جربت كل الحلول .. و يئست .. ++++++++++++++++++++++ اقتباس:
مثل ما قالت ( صابرة بدنيتي ) .. و ماني عارفة لمتى يستمر حالنا كذا ؟ أنا أشدّ .. و يصير حبوب و أليف و مافيش أحسن منه ؟ أرخي و أرجع لعفويتي و طبيعتي .. يقوم يتطبع بطبايع أهله .. من قسوة و شدة و همجية و غيره ؟ أتحمل و أطنش .. يزيد و يزيد وو يزيد .. لحددددد ما انفجر و يقوم يرجع - رومانسي - و زي كذا ؟؟؟؟ أحس مرات ، إني عايشة مع مراهق .. مو مع رجل .. ++++++++++++++++++++++ اقتباس:
و ما ندري فين الخير ؟؟؟ ++++++++++++++++++++++ اقتباس:
اقتباس:
طفح الكيـــــــــــــل يا جداوية .. و عجزت أفهم نفسي و أفهمه ..؟؟؟ في الخارج - عالأقل - .. كنت أنهي أشغالي بنفسي و ما أحتاج فيها لأحد .. بس هنا ما أدري كيف ؟ شكلي بأجيب سواق خاص ،. و أخليه يخلص لي كل أشغالي لحد ما يخلونا نسوق و ما نحتاج لأحد .. ++++++++++++++++++++++ اقتباس:
اقتباس:
أحس ولدي مرتاح كذا من غير أبوه ، و لا يسأل أبدا عن أبوه .. و قبل لا أتورط بأكثر من طفل .. دلوعة مودي .. ربي يكون معاك ، متابعة لكل مواضيعك و ردودك في مشكلتكم .. |
اقتباس:
إنت من الأعضاء الرجال اللي أتابع ردودهم و أثق بارائهم و حكمتهم .. و بما إنك مريت من هنا .. فرجاءً .. تفهمني تفكيركم ؟ و ليه و كيف أتعامل ؟ و هو يكرهني و يستغلني و لا من جد يبغاني ؟ و صدقني .. ماهي في لحظة غضب .. بالعكس ، أنا دحين أهدأ من زمان بكثييييييييييييييييير .. و اللي بيصير ، بيبني حواجز و كل مالها بتكبر .. و الدليل إنه كل ماله تتغير أخلاقه للأسوأ .. و أنا بأبني كل شوي جسور من الإحترام و الودّ .. و أطنش ، حتى لا ينهدم كل شئ .. أتمنى يكون ليا نصيب من تحليلك لشخصية زوجي .. بما إنك تفهم تفكير النساء كما قرأت في ردودكم على الأخ المحتار و غيره .. |
اقتباس:
اقتباس:
|
اقتباس:
أخاف إني أفتح عيوني بيوم ، و أكتشف إني كنت مخدوعة به .. ++++++++++++++++++ اقتباس:
حبيبتي .. مسيطرة عالوضع و على مشاعري تجاهه و أصلا قلبي برد منه أكثر ماهو بارد ،، تركته براحته و هو ما صدّق .. و من هذاك اليوم لحد دحين و الشقة بس انفرش فيها موكيت غرفة النوم و مكيّفها .. كأني زوجة بالإسم .. فليه أثقل عليه ؟ خليه يفكني و أريحه من همي و هم ولده .. :( اتزوج حضرته ، عشان ينفك من حصار أهله له .. بس خليه ، السنة الجاية بأروح أكمل دراستي و أخليه يجلس لوحده هنا ، عشان أفكه مني .. :( ++++++++++++++++++ اقتباس:
كان عرف إنه عايش في نعيم و مو عارف قيمته .. قلت له ، اتركني و خذ لك وحدة ثانية و يوم تعرف قيمتي .. وقتها ما حتلاقيني في حياتك و ما راح ينفعك الندم .. ++++++++++++++++++ اقتباس:
لولا الإستخارة ما كنت جلست ثانية .. بس ربي يدري فين الخير ؟؟؟ |
ياروح ياالغاليه
انتي امك مريضه بلسرطان الله يشفيها واكيد امك حالها مهدود وابوك متوفي بنفس المرض ع مااظن .. المهم انا ابو زوجي مرييض والان من غير انه منتشر بجسمه حاليا وصل الدماغ !الله يشفي امك ويشفيه يارب ويفرح قلبك وقلبي ورب البيت لو تجين وتشوفين حااااالتي لا بلدراسه لا بالاكل وحااااامل وولد وزوجي اللي معذبني ومحزني حااااااااله وربي ياروح ان نفسيتيي ماتتحمل مثل قبل اصبحت حساساه مع اهلي جدا جدا ومع اي انسان او صديقه تخيلي ومقويه نفسي امام اهل زوجي واحيانا والله ابكي مااصبر واحيانا اتمالك نفسي واسمع زوجي وانين بكائه وابكي بليل ولا اروح الحمام وابكي واتروش بلنهايه لاجل اروق لاني حااااااااامل وتجيني الالام وربي بظهري وبطني ... فشوفي انا بس زوجة ولده وكيف تعذبت وكل ليله ابكي من حال اهله وزوجي فكيف انتي وهي امممممممممممممممممممممممممك ..؟! اكيد نفسيتكتعبانه لاتقولين مقويه نفسي انتي تعبااااااااانه وعمايل زوجك مالك صبر بسبب تعب نفسيتك ياررررررررررررررح ارجوك لاتجنين وتنهين حياااااااااااااتك بظروف ماتساااااااااعد انك تتخذين اي قرار تخيلي نفسك بااختبار وجتك ظروف قاهره صح مو بيتاثر مستووووواك ! اكيد بسب اضطراب نفسيتك . حبيبتي نصيحتي لاتستعجلي لاالومك فاانتي في ظروف لايعلم بها الا الله سبحانه وانا اعرف كم تعانين من الم وامك تتعذب امامك وانتي لاتملكين بيدك شيء تحتاجين مراعاة نفسيه زوجي والله لايصبر صبره اصبح صفر من كثر ماصبر دموعه معد يقدر يخفيها مثل قبل خلاص اسئله عن حال ابوه يتمتم وينفجر وانا اصبره واذكره بالله وهو له امل ياحياتي عليه فاانتي اكيد و100% تمرين بهلشيء . نفسيتك تعبانه ولا يوجد انسان وامه او ابوه مريض بمرض خطييييييير ولا تهتز نفسيته او تظطرب . انا نفسيتي اصبحت امراءه اخرى لاتصبر اي شيء اتذكره عن عمي ابكي ي شيء يزعلي حتى لو ولدي ابكي ..مستوعبه ولدي الصغييييييير 2 سنتين عمره وحامل فزاد الطين بله . |
تعرفي ياروح تعجبيني انك تعرفي شو بدك و شو مابدك بس فيه اشياء مسلمات تأثر فينا من غير مانحس
تعرفي ايش الفرق بين هني وبين الغربة ايش اللي غيرك هو البعد ياروح هو اللي غيرك وغير زوجك لالالالالازم ترجعو بعش واحد تحت سقف واحد وبعدين شوفي لأيش مرتاحة وقرري أما قرارك هذا فهو من غير وعي وماتحسبيه أهم شئ اجتمعو بأقرب وقت ومتأكدة ان لك كلام تاني بعدين يارب يصلح حالك و يألف بينك وبين زوجك إن كان خيرتك معه |
اختي روح الطير
ارجوك ثم ارجوك لاتتسرعي بالطلاق ولك في قصتي وصبري على زوجي عبره رغم مرارة مامررت به بسبب زوجي من ألم نفسي وعضوي ابتداءآ من الخيانة ونهاية بالمرض إلا اني فكرت الف مره ومره بالطلاق إلا اني تراجعت بسبب اغلى ماعندي اطفالي وبسبب خوفي من المجهول ومصير اطفالي بتشتت والديهم واثر ذلك على نفسياتهم ارجوك يا روح لاتتسرعي الصبر اختي الصبر الله يكتب لك اللي فيه الخير والصالح ويحفظ لك ابنك ووالدتك ويشفيها يارب |
لاياروح حرام عليك .. والله دخلت المنتدى بس عشان ارد عليك .. والله انك وحشتيييييييني مرة وكنت اتابع المنتدى من بعيد وتوصلني اخباركم ولما شفتك كذه قررت ادخل واتكلم معاك
اختي الحبيبة الغالية .. روح زوجك رجل جنوبي وهذا واضح ، رومانسي ، حنون ، كسول ، اتكالي ، عاطفي والعاطفة لديه من أهم مقومات الحياة ، يحب الدلع ، يحب الراحة ، لا يتحمل المسؤلية وإن وجد فرصة ليتهرب منها فلن يتأخر ، يحب ويعشق المرأة القوية الحازمة ، ويستهين جدا بالمرأة المطيعة والسلبية والمتجاهلة اقول هذه الصفات ياغاليتي من واقع تجربتي ، ومن منطلق خبرتي في حياتي الزوجية مع زوجي ووالد أطفالي كلما تحدثتِ كلما لمست ذاك التشابه الكبير بين شخصيهما عزيزتي .. طريقتك في التعامل معه خاطئة جدا .. وليس هذا المؤسف ، بل المؤسف عجزك عن فهمه .. وحيرتك تجاه تصرفاته جميل أن تفهم المرأة زوجها لكنها تتغابى من أجل أن تسير حياتهما معا لكن من الصعب جدا أن تعيش المرأة مع زوجها .. وهي عاجزة عن فهمه .... أختي الحبيبة ربما ستصيبك كلماتي بالدهشة .. وربما سببت لك نوعاً من الاحباط .. لكنها الحقيقة المجردة .. ومن واجبي كأخت محبة لك مناصحتك .. وإجلاء الحقائق لتتخذي قرارك وأنتِ مرتاحة أولاً.. زوجك يحبك ويعشقك حتى النخاع ومن الاستحالة بمكان أن يتخلى عنك وأن يعيش حياته دون أن يزينها وجودك ثانيا.. أنت بحاجة إلى تصحيح مفاهيم .. وإعادة هيكلة حياتك وطريقة تعاملك مع زوجك حتى تنجو سفينتك إلى بر الأمان ترقبيني غاليتي بعد قليل |
بأنيم ولدي معليييه ..
بس بأضيف شئ معليه .. يعني أبسط شئ على كذبه .. و قيسوه عليه بقية الأمور الكبيرة و الصغيرة في الحياة ؟ مادري كيف انسان مثل هذا أثق فيه ؟ و كيف بنبني مستقبلنا معاه و كيف بتمشي الحياة معاه ؟ فيه شيك بإسمي بمبلغ 7 الاف ريال ، المفروض استلمه من شهر و نص تقريبا .. سألت زوجي عنه ، قال لي .. كلمتهم و قالولي معليه بتتأخر كمان شهر .. و يألف قصة من راسه ؟ في الأخير يوم طفشت منه ، و عدّى شهر و نص .. قلت له هات رقمهم أنا أكلمهم أو ايميلهم .. قال لي ادخلي من ايميلي و بتلاقي كل شئ .. دخلت و لقيتهم مرسلين لزوجي من زمان ، يبغوه يعطيهم اسم أي شخص عشان يستلم الشيك من الرياض قلت لزوجي ، و يقول .. لا ، أنا كلمتهم و قالوا بعد شهر كمان .. قمت أرسلت لهم ايميل أمس ، و ردوا علي .. إننا أرسلنا نطلب منك اسم أي شخص عشان يستلم الشيك و يكون معاه صورة من جواز السفر أو اثبات للشخصية .. عرفت إنه زوجي ، لا كلمهم .. و لا تابع الموضوع .. و مؤلف حكاية من راسه ..؟؟؟؟؟ و يوم قلت له كذا ردوا ؟ قال لي .. خلاص أنا بأسافر الرياض و أجيب الشيك <- يحب يعمل زي جحا و فين أذنك يا جحا ؟ قلت له ، مو إنت تقول التذكرة للرياض غالية و بـ 500 ريال ؟ و أعرفه ، لو سافر الرياض .. بيرجع بخفيّ حنين .. و لا ياخذ الشيك و يكذب علي إنه الشيك ضاع . . اليوم أسأله ، هاه .. إيش صار مع الشقة ؟ قال لي .. اليوم مرة اشتغلت .. قلت له ، إيش عملت ؟ قال لي ، دقيت على واحد عشان يشوف لنا سرير لغرفتنا .. قلت له ، ليه هو بيختار لنا و لا نحن نختار ؟ قال .. لا ، هو بس قلت له يسأل لي عن المحلات اللي تبيع بالتقسيط .. قلت له ، ماشااااااااااااااء الله .. ساااااااااااااااااااااااعتين ؟ بس عشان إتصال و تقول له شوف لي محل يبيع سرير ؟؟؟؟ يعطيك العافية .. . . زوجي يعرف يخلص الأشغال كلها ، بس متى ما أنفجر عليه و أقل أدبي عليه و أقلل من احترامه .. و أخلي أمي تعطيه كلمتين .. وقتها بيتحرك و يخلصهم كلهم في يوم واحد .. بس ليه يجبرني على كذا ؟ مرة قلت له ، أكلمك بصراحةة بس لا تزعل ،، إنت عندك عقدة نفسية .. لإنك تعودت عالنكد كل يوم في بيت أهلك ( لإنه قال لي مرة ، أبوه لازم يعيشهم في نكد يوميا ) .. و لإنه أبوك كل يوم يصرخ عليك .. فتتعطش للأسلوب هذا .. و لإنه تعود يفك نفسه من عقاب أبوه ، بالكذب .. فصار يتعامل معاي باالكذب و كم مرة قلت له ، أنا مو أبوك ترى .. و كم مرة جربتني يوم تتكلم بصراحة بأحترم صراحتك و كل شئ ينحل بهدوء ؟ ليه عقدة الكذب هذه ؟ أنا من جد مليــــــــــــــــــــــــــــــت .. . . حتى دحين يوم يقول معزوم عند أخوي ، فأعرفه 50 بالمية كذاب بس أطنننننش ، لإنه ما يهمني و كلام الحب و العشق ، ما تسمن و لا تغني من جوع .. لإنه حتى الشئ هذا ما صرت أثق فيه .. |
| الساعة الآن 03:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©