|
مدام زوجك ماعنده مانع وانت تعتقدي ان هذا افضل حل لترتاح نفسيتك ارسلي . بعدين من قال لك لنك اذا ارسلتي راح تتعلق فيه اكثر وهي اصلا دايما ترسل , يعني هي بادية قبلك . ترا زوجك مميز لا تخسريه عشان حركاتها الاستفزازية !
|
مساء الخير صابره
شوفي يا غاليه اشوف ان التطنيش افضل علاج لهذه الحركات اقولك ليش لانها من خلال رسايلك راح تفهم انها عرفت كيف تلفت انتباهك وتثق في نفسها ان طريقتها نجحت في استفزازك فلا تتركي لها مجال وهمشي رسايلها لايروح يومك مع زوجك بالكلام عنها يومك نكد ويومها راحه وسعاده انها تشوف رسايلك وانك مقهوره وقاعده تردين لها حركاتها بنفس طريقتها نصيحه مني تجاهلي كل شي وانسي وعيشي يومك مع زوجك لاتفرق بينكم رسايل استفزاز |
صبووورة اخيرا شفناك والله فقدتك كثيييييييييييييييير
بصراحة زوجك قهررررني اثبت نظريتي اللي تقول انه الرجل المعدد مايحب ولا وحدة من زوجاته لا الاولى ولا الثانية ولا حتى الرابعة المعدد مايحب الا نفسه وده يثبت لنفسه انه دنجوان زمانه اللي قادر يملك قلوب النساء وانه هارون الرشيد كل النساء حوله وربي انقهرررت عليك حبيبتي شوفي انا ماني قادرة انصحك بس راح اقولك لو انا مكانك وش اسوي اول شي اعيش لنفسسسسسسسسسي اعيش لنفسي وبس اعيش حياتي مثل ما انا ابي وهو امسحه من قائمة حياتي تمااااااااااااااااما اذا جاني اهلا وسهلا امضي معاه وقت لطيف وابسط نفسي وامتعها ومالي دخل في زوجته ولا غيرها عادي ما اعتبره زوجي اعتبره صديق جا يزورني ونمضي وقت حلو بعدين يروح ادلعه واسوي كل اللي علي مو لسواد عيونه لا وانما اكرام الضيف واجب :d واذا راح من عندي بااااااااااااااي يروح مكان مايروح ماهمني آخذ حريتي واعيييييييييييييش حياتي واعمل كل شي اتمناه فيه أحلى من الحرية ؟؟؟ والله مافي فكري في كلامي كويس ياصابرة ولا تجيبي لنفسك الامراض عشان شي ما يستاااااااااااااهل والله انا قلت لزوجي اذا تزوجت ماراح اجيب لنفسي المرض بسببك وبسبب زوجتك اذا ماعندي قدرة اتحمل باروح اعيش حياتي كفاني ماجاني منك كفاني المرض والصدمات العاطفية اللي جاتني بسببه وربي مافي احد يستاهل والله كل انسان همه نفسه وبس محد يفكر في مشاعر الثاني ليش احرق نفسي عشان انسان مو مهتم لمشاعري؟ عشان قلبي ؟ في حريييييقة ادعس عليه عشان رغبتي ؟ عاااادي اللي خلقه خلق مليون واحد غيره وصدقيني كل انثى تقدر تفهم زوجها رغباتها ويتعلم على يدها فعااادي زوجك متعلم منك ومتعلم من زوجته الاولى ترى مو هو كذه فنان خلقة لا يخدعك بكلامه ويخدرك فوقي ياصبورة فوقي واعرفي قيمة نفسك وحبيها حبي نفسك حبي نفسك حبي نفسك |
اقتباس:
وترسل بوقت مايكون عندي ابيك توضحين لي كيف زوجي مميز ايش الي خلاك تقولي عنه كذا يعني عشان غيرة اثنين حريم عليه ولا ايش السبب |
اقتباس:
اسال الله ان يفرج همك والله وانا راجعة السعودية اني دعيت لك فوق السحاب وما انساك من دعائي الله يحنن قلب زوجك عليك ويفتح بوجهك ابواب الخير والسعد والفرح والفرج |
اقتباس:
جزاك الله خير الله يتقبل دعائك يارب صابره الزوج يحب الزوجه الهاديه اللي تريح اعصابه ماتقلقه شوفي زوجك وانتبهي لحياتك وصدقيني لو طنشتي رسايلها راح تمل وتوقف لانه ماحد عبرها لكن لو ارسلتي بتعرف انها نجحت باستفزازك وبتواصل رسايلها الله يرزقك الحكمه والثبات والسكينه ويسخر لك زوجك ويسخر لي زوجي يارب |
اقتباس:
احسك تشقين نص عقلي الي مو صاحي وتصحصيه بكلامك وانا تاكدت فعلا ان المعدد مايحب ولا وحدة يحب نفسه ويرضي غروره تصدقي قبل لا اكتب الموضوع ارسلت له على بي رسايل بس احتقرت نفسي لاني عمري ماشبهت احد بتصرفاتي ولا عمري سويت شي الا وهو طالع من قلبي انتي هزيتني هز بكلامك فوقتيني صدقيني خليتيني اشتاق للحرية انا بسافر لاهلي وبشوف اشغالي وماني مسافرة عشان هدت حيلي لا والله بس مرتبطة باشياء تامن لي مستقبلي بعد الله بروووح ادخل بمشاريع واحقق ذاتي ومتى ما حسيت انه لي رغبة رجعت له..وراح اعتبره صديقي مو زوجي واذا جا مااراح اقصر معه بشئ وبعيش حياتي والله امس من اقوله ارسل عادي قال اي ماعندك مشكلة وصلتني الفكرة وعرفت انه يتلذذ بهالشئ وبدليل انه ماقدر يمنعها ...تالينا انا لو ارسله غراميات ولا يتجاوب معي ويبادلني الشعور والله ماعاد يشوف مني رسالة لكن كلن وتفكيره ومستوى عقله...تالينا الي خلاني ابعد عن المنتدى حبكم لاني ابي اتواصل مع كل وحدة حبها قلبي بشكل خاص واشرد من العموميات الي الخصوصيات لكن قوانين المنتدى هدت حيلي ولا قدرت اكبت مشاعري وقرررت الرحيل تالينا انا احببببببببببببببببببببببببببببببك |
صابرة حبيبتي..
كبري عقلج ولا تتعاملي مع الموضوع باعتباره حرب .. فالحياة في حرب لا سعادة فيها ولا راحة ولا استقرار. توقفي عن مطالعة موبايل زوجكِ .. ولا حتى تسايريه في زهوه بنفسه بأن ثنتين حريم يتهاوشون عليه!! .. ومع احترامي له لكن هذا الكلام لا يصدر من حكمة ورزانة .. بل أراه قلة عقل واستخفاف بكِ وحتى بزوجته الأولى. حاولي أن تكوني أكثر قوة ولا تسمحي لكلامه عن زوجته أو إظهار فرحه برسالة منها أن يغيظكِ ويثيركِ. ومعليش يا صابرة لا تتحسسي من كلامي .. وربما قلت لكِ سابقاً أنني لا ألومكِ لمجرد أنكِ زوجة ثانية .. ولكن اسمحي لي يا صابرة .. مسألة أنكِ تزوجته ولم تكوني تعرفين أنكِ ستحبينه كل هذا الحب لا يبرر لكِ ما تفعلينه .. وإن لم تكوني تعرفي أنك ستحبيه هكذا فأنتِ في المقابل كنتِ تعرفين أن له زوجة أخرى .. وهذه نقطة جوهرية لا يمكن إغفالها مهما حاولنا مساندتكِ ودعمكِ .. ونمو كل هذا الحب في قلبكِ لا يبرر لكِ كل هذه الغيرة والشك والحصار لأن زوجته الأولى هي واقع قبل واقع حبكِ له .. ومهما كانت قوة الحب فإنها لا يجب أن تعمي القلب والعقل وتدفع صاحبته لتصرفات غير محسوبة تضرها أكثر مما ستنفعها. ثم يا صابرة لا تفكري فقط في مشاعركِ .. ضعي نفسكِ مكانها قليلاً وفكري كيف سيكون شعوركِ لو أنكِ كنتِ الوحيدة في حياة زوجكِ ثم فجأة تحصلين وحدة فوق راسج .. ولا تفهمي من كلامي أنني ضدكِ أو ألومكِ لأنكِ تزوجته وهو متزوج .. ولكنني فقط أريدكِ أن (((تقدري مشاعرها))) التي قد تدفعها لمثل هذه السلوكيات .. حتى لو كانت مخطئة ومؤذية. الأمر الآخر .. أساساً تصرف زوجته متوقع .. وكم سمعنا عن زوجات أوليات لم يكنّ يهتتمن كثيراً بأزواجهن لسببٍ أو لآخر .. وبعد أن يتزوج الرجل منهم على زوجته ترينها استفاقت واهتمت بزوجها بطرق مختلفة لم تكن تفعلها من قبل .. سواءً لأنها بالفعل عرفت قدره بعد أن ذهب لغيرها .. أو حتى لمجرد إغاظة الزوجة الثانية وتنكيد حياتها. لذلك لا يفترض أن تفاجئكِ حركات زوجته الأولى. |
إذا كان يرضي ربك فافعليه
وإن كانت مسألة كدني واكيدك - فما اظن ان فيها رضى لربك |
الحمد لله يارب الحمد لله اخيييييييييييييرا وصلتك رسالتي اخيرا فهمتي كلامي بعقلك مو زي دايما تقرأي بس ما تطبقي
انا المرة هذه حاسة انك اقوى وحاسة انه قيمة زوجك في نظرك بدت تقل وانه احترامك له بدأ يقل بعد ما عرفتي انه كل همه انه اثنين حريم يتهاوشون عليه !! من هنا حسيت انك عرفتي معدن زوجك ، وانا متأكدة انه المرأة تستحقر الرجل النسونجي غصب عنها حتى لو كان فعلا نسونجي لكنها تستحقر تصريحه وتستحقر انه ماتزوج الا لهذا السبب غصب عنها المرأة تهتز صورة زوجها في نظرها ، واحتمال كبيييييير جدا انها ترمي طوبته ولا عاد تهتم فيه ولا تفكر ولا تسأل ، لانه المرأة تدور على الشخص اللي يهتم فيها ويحن عليها ويعطيها الحب ويعطيها قبل الحب .. الأمان والرجل الدنجوان ما يحقق للمرأة اي احساس بالامان ، بالعكس تحس المرأة انه اناني وماهمه الا نفسه ومتعته وسعادته حتى لو كان هذا الشي على حساب قلوب القوارير اللي هم نسائه روحي يا صابرة ونفذي مشاريعك وابني نفسك وعيشي حياتك زي ما انتي تتمني ، وهذا الرجل انسيه ولاتفكري فيه صدقيني والله ياصبورة انه مشاعرك ناحيته ابدااااااااااااا مو حب انا اعرف الحب والله الحب مايسوي كذه اللي عندك تعلق لانه قلبك فيه فراغ وبالاضافة للتعلق عندك حب تملك وهذه اشياء سييييييييييئة لازم تتخلصي منها مو عشان زواجك يستمر ولا عشان زوجك يرتاح لااااااااا عشان انتي حبيبتي لاتجيك الامراض لانه هذا كله متعب وابسط مرض بيجيك القولون العصبي بالنسبة للرسايل اخصريييييييه طنشييييييييييييييه لاتسوي الا الشي اللي انتي مقتنعة فيه لا تنوليه مراده دايما اقول الشي اذا صار منه كثير فقد قيمته فخليك مميزة ولاتصيري مثل زوجته الاولى عشان لاتفقدي قيمتك خليك غير تعاملي معاه باللي يريحك ويسعدك ويمتعك لاتخليه يفرض عليك شي ماتبغيه ولا ترضيه كوني صابرة لا تكوني احد ثاني |
| الساعة الآن 06:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©