|
الف الف الف شكر بوح القلب ياليت كل البنات مثل تقكيرك وان شاء الله بنفس الخطوات لو مارجعت خلال اسبوعين من الان لان زوج صديقتها اتصل وقال لاتستعجل وتراهي بتكلمك خلال اليومين ونشوف .
|
الف الف الف شكر بوح القلب ياليت كل البنات مثل تقكيرك وان شالله بنفس الخطوات لو مارجعت خلال اسبوعين من الان لان زوج صديقتها اتصل وقال لاتستعجل وتراهي بتكلمك خلال اليومين ونشوف .
لا شكر على واجب أخووي .. ما سويت شي حق ولازم ينقال واللهم اغفر لي ما لا يعلمون واجعلني أفضل من ما يظنون زوج صديقتها متصل عليك يقولك اصبر عجباا ! رايحه قايله لصديقتها تقو لزوجها وزوجها اتصل عليك ؟ ليه ما اختصرت الطريق ودقت عليك وبسس او ارسلت على بريدك تتوقع وش تبي ؟ تبي ترجع ؟ ولو طلبت الرجعه بترجعها ولالا ؟ قبل اتخاذ اي قرار أسأل وشاور ولا تستعجل ! وتذكر ان لو رجعت بكره بيربطكم عيال ..! فكر بتكون مستقرر ولالا ..! نفس الحياه اللي راسمها في بالك ولالا ..؟ اللي مثل شخصيتها و عندها اهل مثل اهلها فبصرحه فرقاهم عييد مع احترامي لاتنسى تسالها ليه طلعوا عنك حكي << اتوقع ترد تقول لاني احبك واغار عليك مابي احد ياخذك (اللي تحب وتغار تشوه سمعة زوجها عند الناس بانه يشرب السكار والخمر ؟؟ ) اقول كأني سبقت الاحداث وقعدت احلل كل شي :D لاتنقطع وقوول لنا مستجداتك ومبروووووووووك الزواج مقدما << اول من يبارك لك رجاااااء لا أحد يقتبس كلامي ويعلق عليه او يتكلم بهجووم اختلاف الرأي لا يفسد للود قضيه :p |
اقتباس:
لاتستعجل خلك على كلمتك تبي الطلاق تروح تخلع نفسها ولاتستعجل بالزواج اكيد ماراح تلاقي قبول لحد ماتطلق زوجتك ونشوف المكالمه الحاسمه اللي بتكون اليومين هذول |
ولاتستعجل بالزواج اكيد ماراح تلاقي قبول لحد ماتطلق زوجتك
لاتحكمين الكل على نفسك يالغاليه فيه بيوت اهم شي يكون رجال كفووء ويكفي .. والناس مقامات وتختلف اخي أقدم على الزواج والله يوفقك |
طيب أختي بوح قلب يمكن تنصلح من نصايح صديقتها وانت عارفة بنات هالايام تسمع من صديقتها أكثر من أمها وأبوها;) أنا أشوف أن الأخ يعطيها فرصة ويشوف .. مادام البنت مرتضي دينها وخلقها ولكن ممكن نقول لحظة طيش انته هيجتها لما ضربتها فنقولكم الصبر زين... ولا تنسى ياخوي انك متزوجها كبيرة صعبة والله تضربها وهي متوظفة ومدرسة أنا متأكدة ان كل غضبهم من سالفة الضرب على أشياااء تافهة زمن الضرب ولى خلاص وقدوتنا رسول الله صلى الله عليه وسلم اللي ما ضرب امرأة ولا طفلا قط ... من فترة أستمع لاستشارة لمستشارة والرجال نفسك يمكن 6 شهور وضربها كم ضربة , وضرب غير مبرح , البنت انتظرت الى أن يوديها لبيت أهلها وما عاد ارجعت , يحاول يرجعها ما رضت بصراحة أنبته المستشارة وقالت له 6 شهور وتضرب ! بصراحة بدعت !!! الله يصلح ما بينكم بالنسبة للكلام اللي ينقال عنك صدقني يا خوي والله العظيم الناس بهالزمن ما تدخل الا بنميمة وغيبة الا من رحم الله , ينقلون لك كلام وينقلون لها كلام ويفرقون بينكم , لما تسمعها باذنك تقول عنك خمار وراعي بنات بنصدق .. اما كلام الناس فاسمح لي أنا من أكثر الناس اللي انطعنوا بكلام وافساد وغيبة ونميمة لاااااااا ومن أقرب الناس .. الله المستعان |
والله والله مامسكوا على الا الضرب وانا من اسبوعيين ماتكلمني وتحط الاكل ولا تتكلم واوديها الدوام ولا تتكلم بعد اسبوعين اقولها انا مااخذت شغاله تجيب الاكل وتروح ولا تتكلم ولان اختها معلمه بنفس المنطقة قلت الها روحي مع اختك لو تروح مع سواق ( وانا قلت هالكلام علشان تغير من طريقتها ومن زعلها اللي مالها حق تزعل من الاساس ) والموضوع كنت انا واختي مع بعض بالسيارة وراجعين من مشوار خاص ومريت عليها واخذتها وسولفت اختي عن صديقتها كانت معلمه وكبيرة بالسن يمكن عمرها 50 سنا او اكثر وغارت تقول ليش اختك تسولف بهالموضوع تبي تزوجك وسوت معاها مشكله وزعلت مني ليش انا ماوقفت معاها وزعلت اختي وانا بصراحه وقفت وقفت حق وزعلت منها تغار علي من وحده قد امي وامها ليش حسيت انها غارت من اختي او من سوالفها او مو متقبله اختي المهم تبي مشكله معاها واتكلمت علي وعليها وبالرغم من ذلك اختي في اللحظه اتعذرت منها وتقولها انا اسفه و ماقصدت انك تزعلين وماتوقعت انك تغاريين عليه من وحده قد امنا ولو كنا نبيها كان اخذنها قبلك المهم هالاسبوعين زعلانه بسبب هالموضوع وفي الاخير مليت وجيت اتفاهم معاه ونرفزتني وضربتها الضرب المذكور بالقران في اللحم في الافخذ ضرب غير مبرح جدا ولم اضربها في وجهها او استخدمت اشياء او كذا بس بيدي ضرب بسيط ياناس لكن اليوم الثاني ذهبت مع ابوها . انا كتبت هالشي بس علشان الكل يعرف ان الضرب بسيط جدا.
وكانت في هالفتره ترفض المعاشره تقول انحنا مختلفين وماينفع والجو مايصلح من هالكلام وكيف يجي انا حسيت انها متكبره معنده تبي تتحكم فيني تتسلط اقنعها انه مايجوز لها حتى لو فيه خلاف واحاول احل الخلاف ترفض الا ان ينحل الخلاف بالطريقة اللي هي تبيها .ا وكما رفضت في نفس لحظة التفاهم لحل المشاكل الذهاب للطبيبة للكشف عن تأخر الحمل اللي اقصده انه لدي اسباب لضربها حللت الموضوع ولقيت انها امراءة ناشز والنشوز: الإمتناع عن القيام بحقوق الزوجية. و النَاْشِزة : ـ و الجمع نَواْشِز ـ ، هي الزوجة التي استعصت على زوجها و منعته حقّه . حكم النشوز في الشريعة الاسلامية: الزوجة الناشزة لا تستحق النفقة ما دامت ناشزة ، و يجوز للزوج هجرها إذا لم ينفع معها الوعظ ، كما يجوز له ضربها ضرباً خفيفاً لا يؤدي إلى الإحمرار أو الإسوداد ، و إذا سبب ضربه لها احمراراً أو إسوداداً فلها أن تطالبه بالدية . قال الله عز و جل : ﴿ الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا) |
خذها قاعده عندك ولأي شاب يبغى يخطب ,,البنت اللي تطمع بالمهر وتطمع بالمزيد مافيها خير وبركة..
خير وش هالمهر اللي يوصل ل50 ألف ؟؟!! وغير كذا تشرط 4 الاف علشان خرابيط مادري ايش؟؟؟ الرسول قال (اكثر النساء بركة أيسرهن مهرا) ..ماقاله عليه الصلاة والسلام عبثا , الله يعينك ياخوي بس بسالك انت استخرت بخصوص الطلاق او لا ؟؟ ثق ان ربي يختار لك الخير ويسهله عليك ان استخرت |
انا افكر لو رجعت اخليها تشوف ردودكم يمكن تقتنع وفي نفس الوقت اخاف تفضحني عند اهلها تقول هذا يفضحنا وتعتبر اللي قاعد اسويه خطاء لاني مجربها تفضح كل شي يسير بيني وبينها لا وابوها يجي يتفاهم معاي فيه وانقهر انا منها وحتى يوم اخذها عند اهلي تنشر اللي يسير في بيت اهلي لاهلها .
|
أخوي لازم تحط قاعدة للتفاهم بينك وبين زوجتك , انا متاكدة ما دامك متمسك فيها انها ليست سيئة لدرجة لا تحتمل , ولكنك استعجلت بالتعامل معها بقسوة ... أخي حسن أخلاقك معها وستحسن اخلاقها باذن الله ... الله يعينك ويجمعكم على الخير ما انصحك تخليها تقرا الكلام لانه راح ينرفزها وانت تحتاج تتقرب منها مو تبتعد اكثر عنها |
اقتباس:
:: كان بودي لو كتبت هذا الموقف منذ بداية موضوعك حتى نستطيع أن نفهم السبب الذي جعل زوجتك تكون ردة فعلها كبيرة وغريبة :: أختك للأسف أخطأت وأنت بدلاً من أحتواء الموقف بحكمه وقفت بصف أختك يا أخي لايوجد زوجه تسمح بأن توصف أنثى أخرى وتمجد أمام زوجها إلا إذا كانت زوجه لاتحب زوجها أو لايهمها أمره كثيراً النساء بطبعهن غيورات وديننا الحنيف راعى هذا الجانب فنهى أن تصف الأنثى لزوجها أو أخيها أنثى أخرى إذا لم يكن بغاية الزواج حتى لايتعلق قلبه بها وزوجتك موقفها موقف أنثى طبيعية شعرت بما يهدد أستقرارها ولاتقل لي كبيرة بالسن أو غير كبيرة فالغيرة لاتميز بين الكبيرة والصغيرة فما دامت أنثى أجنبية عنك لايحق لأختك أن تمجدها وتصفها لك حتى لو كان مجرد أمتداح لتصرفاتها كان لابد أن تراعي مشاعر زوجتك ثم طريقة ضربك لها بصرآحة استهجنت طريقتك كيف ضربتها بأفخاذها..؟! لم أستطع أستيعاب طريقتك وأشعر أنها قمة بالإذلال لها :: راجع نفسك جيداً وأترك كل ماحدث بالملكة وركز على مابعد الزواج هل كنت نعم الزوج..؟! الخطأ ليس بها بل أنت مشارك فيه وبقوة :: ونصيحة أخيرة حاول تتخذ قرارك من قناعتك الخاصة ولاتجعل أحداً من أهلك وخاصة أخواتك يأثر على قرارك :: كن أنت سيد القرار حكم ضميرك لأني بصدق أشعر أن هناك أطراف نسائية في حياتك تكيد لتدمير حياتك مع هذه الأنثى |
| الساعة الآن 06:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©