|
اقتباس:
من اليوم وجاي راح أخذ في نصيحتك وراح أعطي نفسي حقه الدرس الي أخذته مو سهل تسلمين وماقصرتي ألف شكر أختي على مرورك |
اقتباس:
أنا أسفه لكل واحد دخل ونصحني با الصبر وخذلته بس صدقوني الفرحه في عيونه لما طلبت الطلاق أكتشفت أنه يبغاني أطلبه من زمان وأنا جالسه أفكر ليل ونهار كيف أرضيه |
اقتباس:
أعتذر لكل واحد منكم وصاني في الصبر وخيبت ضنه أنا أستخرت أكثر من مره والحمدالله أرتحت وأستشرت أكثر من شخص وعرفت أن الحل طلاقي منه ورحت وكلمت أمه قلت لها أنتي تشوفين حالتي معاه وأن الي يصير كله مو من صالحي ولا من صالحه يعني هو مو مرتاح معاي ويكرهني ومخليني عنده وأنا أحاول أسعده بس ما قدرت قالت أنتي ماقصرتي بس الطلاق مو حل وجلست تقنعني شوفي بنت فلان جلست 9 سنوات صابره قلت هذي عندها أولاد وصابره عشانهم وقالت شوفي فلانه ما عندها أولاد وصابره قلت هذي زوجها يحبها ومتمسك فيها قالت أذا تزوجتي راح تأخذين شايب ويمكن تندمين ويمكن تصير أمنيه عندك أنك ترجعين عند زوجك والصبر مفتاح الفرج قلت هو يعاملني معامله شايب مراهق من أخذته سافرت مره وحده الي هو أول سبوع من زواجي وقليل يخليني أطلع من البيت الا اذا كنت أدرس أو أخذ دورات أو عندي شغله مهمه وباقي الوقت دايم مشغول والنفقه تدرين أني أخذ من أهلي ولا أخذمنه ريال قالت أذا على الفلوس أنا أعطيك قلت الله يجزاك الجنه أنا متزوجته هو يعني المفروض هو يعطيني لو شي بسيط وسمعتني محاضره طويله عريضه عن الصبر قلت لها أنا أستخرت وطلاقي منه هو الحل قالت أخر كلام عندك قلت أنا أشوف أنه هو الحل قالت أنا ما أقدر أقوله قلت ليش قالت ما يبغاني أتدخل بينكم أكتشفت أنه يقولي لا تدخلين أهلي بيننا ويقولهم لا تتدخلون بيني وبين زوجتي قررت أني أصارحه وقلت له يافلان أنا مقصره معاك بشي قال (( لا )) فيه شي طلبته مني ورفضت قال (لا)) قلت نفسك في شي ولا سويته لك قال شومناسبه ها الكلام قلت أبغى أنهي علاقتي معاك براحه بروح لبيتنا مرتاحه قال وأخير اأقتنعتي تروحين بيت أهلك وأخيرا صار عندك كرامه والله وصار عندك أحساس قلت أنت تبغى الفكه وأنا راح أروح قال اذا طلعتي لا تفكرين ترجعين لا أنك أنتي الي أخترتي وانا ما أحب أترجى أحد قلت أنا أبغى الطلاق قال بكرى اذا رحتي عند أهلك يكلم أبوك ويقول رجعها وأنتي جالسه عندي أحتراما له لأنه رجال يستاهل قلت أوعدك مراح أحد يكلم عليك أنا أبغى أطلع مو بس من بيتك أبغى أطلع من حياتك قال أنا أبغى الفكه من زمان أنتي الي تختارين أذا بتجلسين هذا بيتك واذا بتطلعين هذا أختيارك قلت اذا جلست معاك راح تتغير أنا أبغى معامله مثل الناس لا أقل ولا أكثر قال شو تبغين أبوسك ولا أضمك وسمعك كلام حلو و أجلس معاك طول اليوم أنتي متأثره في المسلسلات ولا فلام ((قلت في نفسي والخيانه الي أنت تسويها شو تفسيرها)) قلت طيب شو الي يعجبك فيني ((أسكت )) يعني معقوله أربع سنوات ولا شي عاجبك قال المحبه في القلووووب وأنا قلت لك أكثر من مره أني ماأحبك لو مهما سويتي بس كنتي تتجاهلين كلامي والحين الله يستر عليك اذا بتروحين روحي الله يوفقك وطلع من الغرفه وأرسل رساله أنا الي بأخذك لبيت أهلك رتبت أغراضي وقررت الرحيل ولما نزلت الصباح يسولف ويضحك ما كأنه راح يخسر أحد وأخذني لبيت أهلي وقال لا أبوي بنتك تبغى الطلاق وأنا راح أسافر بعد ما أرجع ورقت طلاقها توصلها |
اقتباس:
تسلم أخوي لك خالص تقديرى أحترامى.. |
|
اقتباس:
اتمنى من أعماق قلبي أن تفيدك النصائح تحياتي وتقديري لك هدى الله زوجك ورده لكِ رداً جميلاً ولاتنسي الدعاء ثم الدعاء فالله وحده من بيده تغيير حالك معه فرحت من أعماق قلبي بوجودك ومرورك يكفيني نصائح مميزه أشكرك على أجتهادك وبصراحه مو عارفه كيف أشكرك واسال الله ان يحقق لكي ماتتمني وان يييسر لكي كل أمر يارب الله يدخلك الفردوس الاعلى و يرزقك من حيث لا تحتسبين ولكل واحد كتب حل لمشكلتي |
: |
طمنينا عليكي يا رونق :)
هل كلمك زوجك بعد مغادرتك البيت ؟؟؟ هل طلب عودتك ؟؟ وما رأي أهلك ؟ |
حبيبتي
عطيتي وعطيتي اربععععععع سنواااااات ولم ينفع .....! افنيتي عمرك له اربعععععع سنوات ولم يجدي نفعا !! حبيبتي صحتك بس هي الاهم ولا حسافه عليه هذا متكبر وهذ الواضح هنيأ لك ع اجر الصبر هنيأ لك والفرج والعوض عن قريب باذن الله وري بيجازيك بزوج عوضا عنه لانك ارضيتي ربي سبحانه رغم ماوجديه منه ! كرري اذا تذكرتيه حسبي الله ونعم الوكيييييييييييييييييييل فقط حسبي الله ونعم الوكيل والله كفيل به . |
اقتباس:
مراااااااح أزعل وبعدين هو رجل مع كل الناس الا مع زوجته ليش مادري ؟؟ أحترت وأنا أحل الغز ليش يعاملني أنا كذا وكل الناس غير تستغرب لما أقولك يحسدوني عليه |
| الساعة الآن 11:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©