|
اقتباس:
اشكرك على تواجدك وعلى وجهة نظرك |
اقتباس:
وكأنك تقولي على سبيل المثال قصه حفصة,, الله يصلحك شككتيني بتفكيري بس الحمد لله طلعت سليمه مية مية :22: |
اختي أمل والله اللذي لآ آله الا هو انك نسخه مطاابقة لي 100% ,, حالي مثل حالك والله,, بس الفرق اني انا من المنطقة الشرقية :22:
استخيري وادعي ربك والله بيكتب لك الي فيه خير,,, واهم شي لآ تتهوري اذا جو اخواااته..:d,, واتمنى اذا طلعو لحظتها اصير (كآسبر) الجني الي بأفلآم الكرتون واروح لبيتهم واسمع ايش يحكو عنك واجي اخبرك هنا بالمنتدى هع:d خيالي شاآآآآآآآآآآطح بس معليش حلو ان الواحد يشطح بعض الاحيان..:22: |
اقتباس:
انا ما احب كذا ولاهو اسلوبي لفت النظر انا وحده احب اكون واضحه في كل شيء ما اجامل ولا اظهر شخصيه غير شخصيتي الحقيقيه ويمكن اكبر دليل على وضوحي اني تجرأت بعد تفكير طويل له سنه تقريبا يدور ببالي الموضوع ولا قررت ولا تجرأت الا هالايام وفاتحت الوالده فقط وصدقيني لو عرفتي الموضوع بتفاصيله ما راح تلوميني انا جربت شيء اسمه خطوبه وجلست مخطوبه لمدة اكثر من خمس سنين بس حسيت ان الرجال مو كفو وان الزواج ماراح ينجح انسحبت من الموضوع والحين في نظرة اللي يعرفوني هذا ان كان عندهم ولد في سن زواج نظرتهم وش بتكون كنت مخطوبه ومن الكلام هذا يعني راح تقل فرصي في الزواج اكيد بدون شك خصوصا ان عمري كبر نوعا ما ... هذي من الاسباب اللي تخليني اسعى واحرص على الموضوع والحين لقيت انسان ما راح القى مثله الا بارادة الله ارادته سبحانه فوق كل شي طبعا فرضا امه وخواته عندهم خبر بخطوبتي اللي من فتره وما عرفوا اني فسخت الخطوبه راح ابقى كذا معلقه ؟ انا كل اللي ابغاه اني ارسى على بر يا اما يكون هو نصيبي او اشيله من تفكيري |
اقتباس:
الله يسعدك يارب فعلا هي تحصل كثير وناس يخطبون لبناتهم ويبادرون بالموضوع واشوفهم ما شاء الله متوفقين ومثل ما تقولين الموضوع كله عند اخوي انا مالي شغل بالسالفه طالعه منها < كيدهن عظيم عبارتك الاخيره شرحت كل اللي بخاطري وودي اقوله الله يكتب لنا ولك وكل مسلم ومسلمه كل خير اسعدني تواجدك |
اقتباس:
لا لا توصين وانا فعلا في قرارة نفسي والله يعلم ان ودي اكسبهم اخوات لي احلى شي في الدنيا يكون عندك جيران تحبينهم ويحبونك بس ما حصل معنا صرنا مثل الاغراب واغلب الاحياء كذا ما يعترفون بالجيره هههههههههههه اما كاسبر مره وحده شكلك متحمسه مع السالفه يمكن لو حصل والرجال قال ماابغا اتزوج ولا افكر في الزواج انا بيصير عادي الموقف عندي وانتي راح تنهارين :d الله يسعدك يارب والله ضحكتيني على الصباح |
اقتباس:
بس لو كآن محصن نفسه وقرأ الأذكار ,العذر والسموحه خيتي مالي حيله خخخخ :26: ودووووووووم الضحكه يارب والله يسعدك ويسعد بنآت المسلمين,, احس اني هذرت كثير بموضوعك بس معليش متحمسه حبتين :26: |
نقطه مهمه ما ذكرتها لكم
من اسبوع او اكثر شوي اختي متزوجه جت عندي وقالت لي زوجي كلمني عنك وقال ودي نخطب اختك لولد اخوي يعني يصير ولد اخو زوج اختي < ادري مشوار المهم اختي تحتري مني الرد وانا مارديت بنعم او لا لان زوجها كان صريح معها الله يوفقه وقال الرجال مو ذاك الزود من ناحية الصلاه واللي ما تزين صلاته وش ارجي منه عشان كذا انا مستعجله على القرار يا اما يحصل لي النصيب مع اللي يظهر لي انه فيه الخير رجال حريص على صلاته او اني اشوف نصيبي وفي كل الاحوال الامر بيد الله هذا شيء مفروغ منه |
اقتباس:
امين يارب واياك عادي حبيبتي خذي راحتك الموضوع موضوعك دام حالنا نفس الحال انا وانتي واحد مافي فرق بيننا تنورين الموضوع والله كل ما حسيتي بحماس تعالي هنا :22: شوفي اصعب حكايه بيني وبينك الكلام < بيني وبينك وكل الاعضاء يشوفون :d انا راح انتظر زيارة خواته اسبوع تقريبا وراح يزورونا يمكن يقدرون يعرفوني زين ويعرفون وضعي وموضوع خطوبتي القديم ان حصل وتكلمووا كان بها ما تكلموا راح اتووكل على الله واخلي امي تكلم اخوي من جديد ويكلمه ان حصل ورضا بالموضوع او خلاص الله يوفقه وييسر امره على الاقل اكون عارفه وش انا عليه واشوف نصيبي وما اعيش بالوهم |
قصدك تجيبي لأخواته موضوع انك كنتي مخطووبة؟؟
مو معك في هذي النقطه,هم جاو للتعارف واول مرا تشووفيهم,,لآ تكشفي كل اورااقك وبالذات موضوع خطووبتك, وامك اذا ارتحتي معهم خليها تكلم اخوك وتعيد عليه مرة ثاانية,, عشان مثل ماقلتي تعرفي وش انتي عليه بالضبط ,,احسك عايشة بدوووامه المجهوول:23: وبالنسبة لولد اخو زوج اختك>> من جد مشوار:26:,, قولي لأختك اصبري شوي ,ولا تستعجلي برفضه ,واذا على موضوع صلآته اسئل الله له الهدايه يارب ,بس ممكن انتي تقولي لأختك تسئل عمه الي هو زوجها عن طباع الولد اذا يتقبل النصح وطيب وماعليه خلاف بس مشكلته صلآته,,ممكن الله يهديه على يدك,والله اعرف وحده من قريباتي اخذت واحد عاطل ومدخن وعنده من البلآوي ما الله به عليم وحالته حاله,وبفضل من الله صلح حاله لفترة طووويلة لكن رجع لصحبته القديمة وانتكس وضعه.. الله ييسر لك ياارب ويكتب لك الي فيه خير.. |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©