|
وهذا اللي هاد حيلي
كلام الناااس وشماتتهم انا انسانه ما اقدر اتحمل يمين بالله ما اكذب عليكم اني يوم كنت اشوف مسلسلات واقرا روايات فيها ان الاخت الصغيره تزوجت قبل الكبيره ابكي وربي لاشعوريا وهو كله ققصص خياليه وتمثيل شلون عاد بالواقع ومعي انا شخصيا تصدقون بنات بقولكم شي بس ياويلها مني اللي تضحك هي فكره مدري وش تبي بس خطرت على بالي وحبيت انفذها قررت اخطب لنفسي والله اعلظيم ما امزح اتكلم جد وببدا اشتغل على هالخطوه من الحين ولا ان احد يتشمت فيني الله يسهل امري |
اقتباس:
الله يعينك ويربط ع قلبك بالصبر صدقيني اختك تتجنب الكلام معك خوفا ع مشاعرك .. برايي انتِ بادري بالكلام دام تشتغلوا في نفس المكان اعملي لها حفله بسيطه ،حسسيها انك مبسوطه لها تحاملي ع نفسك شوي عشان وقت الزواج يكون عندك القدره ع استقبال نظرات الفضوليين برحابه صدر ،،لاتخلين لهم منفذ يحكوا عليك منه.. :: :: :: قرات قرارك بس معليش كيف تخطبي لنفسك؟!! احيانا امازح امي الغاليه واقولها ابخطب لنفسي وبعدين افكر مين اخطب؟:25: واقولها امي تبغى الصراحه ما اشوف احد يستاهلني :d بلاش عرس احسن.. |
يسعدك ربي ورده
ما علييك ادبر عمري وكانك تبيني اتوسط لك ماعندي مانع :p سمعتوا باللي قال اضحك ولكن اختم الضحك }{ بشهآق }{ هذي انا اليوم جلست مع اهلي وسولفت وضحكت بس والله كل ماجت عيني بعين امي او طاحت على اختي احس وجهي ينقلب حتى صوت ضحكتي يتغير واقوم من عندهم بسرعه عشان لاحد يحس ودي يكون هذا كله حلم ودي اعيش بغيبوبه ما اقوم الا وهم منتهين كل شي واختي عندها عيال بعد والله تمنيت افقد الاحسااس عشان يفرحون هم يارب انت اعلم بحالتي لا اله الا انت سبحانك اني كنت من الظالمين |
اقتباس:
لا يالغلا لا واسطه ولايحزنون خلينا في السليم احسن ^_^ حبيبتي اضحكي واستانسي ووسعي صدرك والله الامر يسير انتي بادري بالسوالف والسؤال بيني لهم انك متقبله الموضوع وعادي عندك واذا الصغيره تزوجت بتتوقف الحياه مثلا .. وبعيد الشر عنك لاتقولي غيبوبه ومن هالكلام السلبي اللي يأثر عليك ويزيد الوضع سوء خليك متفائلة ومثل ماقال الاعضاء إن شاء الله انه خيره لك .. هذا انا الحمدلله ربي بلغني بشوفه اختي عروس وشوفة بنوتتها الاموره الله يحفظها كنت قريبة منها جدا حتى مشاكل حملها تتصل علي تسأل :d >> مسويه استشاريه ع غفله عشت معها لحظه بلحظه من بدايه خطوبتها وإلى الآن تسالني على موعد تسنين الطفل ( من جد خيتو اخذ فيني مقلب :26:) سؤال داخل عرض::30: كيف بتدبري نفسك ؟؟ الله يسعدك ويوفقك ويرزقك من حيث لاتحتسبين |
اليمامة اخبارك وكيف الأحوال اليوم :)
اختي الحبيبة/ فقط وسعي نطاق تفكيرك ، انظري للموضوع من زاوية ان الأرزاق منزلة من الرزاق "وفي السماء رزقكم وماتوعدون " والله لوخالط الأيمان بأن ارزاق العباد من؛زواج ،وظيفة،مراكب ،مناصب ....كلها من مدبرالأمور ومجري الأقدار والله الذي لااله الاهو...لهدأت النفوس ،واطمأنت القلوب . اعلم ان لك شعور لكني اجزم انك انتي من يملك التحكم به لاغيرك . حبيبتي انتي الآن قوي نفسك بالله ،ثم بصلاتك ،ثم كوني قوية في مجال عملك ،وكوني قوية مع محيطك . أما كيف تكونين قوية !؟ فلن اجيبك لأنك انتي من سيترجم الجواب الى افعال بأذن الله . الآن افرحي مع اختك ومع امك . وفكرة الاخت وردة رااااااااااااااااااااااااااااااااااااااااائعه عمل حفلة بسيطة لأختك في مجال عملك ::22: ننتظر بشائر خير منك . فنحن والله لكي ناصحين ومحبين :) |
اقوول دام انج تخطبين لنفسك دوري لي معاج:d تكفين لاتخليني عانس لوحدي :25::d:d:d
سبقتك ومالقيت الا المذلة اقول استخيري وسجلي في العفاف اضمن شي بعد الله |
اقتباس:
شوفي ياعيوني وقت الجد صدقيني هالشعور بيختفي كليا اذا اختك ملكتك وتزوجت لأنو بتنشغلي في تحضير فستان علشان تحضري به ملكة اختك وحجز صالون والروحه والجيه مع اختك الي اصغر منك علشان تساعديها في اختياراتها وبالمره علشان بعد بكره لو تزوجتي يكون عندك خبره في احسن الاماكن والمحلات والصوالين يعني اختك جزاها الله خير بتعطيك خبره مجانيه :d ماادري انا مااشوف فيها شي انا مره محد تقدم لي وعمري الحين 27 واختي الي اصغر مني يتقدمو لها كثير وماعندي وظيفه وكمان عندي احساس وهو انو اختي بتتزوج قبلي لكن بأحاول اذا صار كذا انو ماتفرق معاي بالعكس احسو يعطينو بوش لقدام اني اهتم في نفسي وانحف واشتري احلى فستان واروح القاعه وراسي مرفوع وكأني اميره اخليهم ينصدمو ويقولو ياربي كيف اختها هذي القمر الي اكبر منها ماتزوجت وخطبو الي اصغر منها :d واكيد بيسألو مامي وامي حبيبتي اعرف ردها بتقول ماعندهم نظر :22: نصيحه من اخت تخاف عليك لا تقدمي على خطوه تندمي عليها طول عمرك كيف تخطبي لنفسك !؟ تعالي احكيك على افضع قصه صارت لي :d تخيلي انا بالعاده مااروح زواجات واخواتي وامي ناشبين لي إلا واروح هالزواج المهم تكشخت كشخه عمري ماتكشختها من قبل و اخواتي الثنتين الي اصغر مني راحو معاي انا وامي وشوي الي عجوز تنط على طاولتنا وتجلس تسولف مع امي وقدامنا انو هي تبغى اختي الي اصغر مني وانا صراحه تفشلت وجاني شعور غريب ياربيه ليه انا وش فيني على انو انا عارفه نفسي اني دوبيه بنظر العجايز لكني اشوف نفسي قمر 14:22:امي انحرجت مسكينه وحزنت علي الله يهديها وقالت لها امي: لا ايش رايك اعطيك اختها الكبيره < ياحياتي ياامي ماتحب تحرّج عليّ لكن حسيتها افتشلت من وقاحة العجوز وقالت العجوز: لا الله يستر عليكم وقامت من الطاولة لا وبعد شردت من القصر :d يختي ماسبب عنوستنا الا ذوق هالعجايز لما يشوفو وحده محترمه في لبسها وخجوله مايبغوها لكن لما تلبس فستان عريآن وقصير وترقص الكل يجري ورآها على انو حنا جماعتنا كثير محافظه واغلبهم يلبسو حريمهم عبايه على الكتف وجونتي وغيره لكن لما يختارو العروس اهم شي تكون من الي يحضرو الزواج وهم لابسين عريان والصدر لازم يكون طالع وتكركر ضحك علشان العجوز تنغري وتاخذها لولدها :) يختي انا الكل الي في سني تزوجو والي اصغر مني هو صحيح شعور محرج صراحه لما تجتمعي فيهم وبالاخص الي في سنك او اصغر منك لكن ايش نقول الحمدلله على كل حال مره اجتمعت مع بنت خالي الي اصغر مني هي عمرها 22 و متزوجه ومخلفه وعندها 3 اطفال ماشاء الله والله مااكذب عليك يوم طلعت سلمت عليها امها تطالعني وتكلمني عن بنتها وعن بيتها وعن زوجها بحضرة بنتها:( على بالها بأغار من بنتها المتزوجه وبنتها تستحي مني عكس امها واصلا هي قبل زواجها البنت كانت جريئة بشكل المهم استشفيت من تصرفات بنت خالي وكلامها انها مفتشله انها ام لـ 3 اطفال في سن هي المفروض تكون فيه بين صحباتها وبنات خالها حتى مسكينه يوم تجي عندنا ويكون عندنا بنات عمي الغير متزوجات تجلس مع الحريم وماتجلس معانا ومالها شرهه صراحه حنا بنات وسوالفنا كلها شبابيه وفرفشه وحياه وهي طبعا ام واغلب كلام الحريم وهو اصلا ماصار عندهم سوالف غير الحمل والنفاس وحبوب منع الحمل والهم والنكد وايش نوع الحليب الي تستخدميه لعيالك ومره سألتها ليش ماتجلسي معانا قالت لا خلاص انا حرمه وتقولها ببسطه :d قلت لها ايه صحيح ليه ماجيتي معانا للملاهي امك واختك الصغيره جوو خساره ياليتك جيتي معانا وقلت لها بسرعه قبل ماترد علي لا صحيح انتي معذوره الحين سعادتك مو ملك لك لوحدك زوجك وعيالك يشاركوك فيها الله يعينك حبيبتي والله ردت علي وهي مفتشله عكس يوم قالت لي انا حرمه قالت عادي عيالي اتركهم عند ابوهم واجي بس ماكنت ادري ولااحد خبرني :d< ياشيخه على مين امك اول بأول تقولك اخبارنا انا وخواتي :22: |
حسيت اني كثرة في الكلام واستحيت اكتبو كله في صفحه
عندي لك نصيحه جربي تحضري انتي وامك وبس لزواج انتم معزومين عليه ولاتجيبي معاك اختك الي اصغر منك انا اختي الكبيره مسكينه في ناس خطبو فيها وطلعت سلمت عليهم وكلو واخذو واعطو معاها بالكلام وماشاء الله اختي اجتماعيه واسلوبها حلو بالكلام فقلنا اكيد حبوها وتقولنا امي انو ام العريس بس تطالع في اختي حتى لما تتكلم مع امي حاطه عينها على اختي اختي الي اصغر مننا انا واختي الكبيره طلعت فيهم وسلمت واعجبو فيها ولما خرجو قالو نبغى بنتكم الصغيره امي قالت لا انا ماازوج الكبيره قبل الصغيره خلي اختك تنحجب فتره بسيطه يمكن تكون سبب من اسباب تأخر زواجك هو انو اختك ملازمتك في الزواجات |
حبيبتي نصيبك باقي ماجاء
توكلي على الله وخليك واثقه في نفسك عيشي حيااتك حتى يجي نصيبك واحسني ظنك بالله ووظيفتك لا تتركينها واجهي الناس وواجهي العالم الهرب مو حل وتاملي هالكلمات إلهي قلت بيأس :إني اتألم .. فقالت لي آياتك : "لآتقطنو من رحمة الله " قلت ليس عندي أحد فقالت لي آياتك : "نحن أقرب اليك من حبل الوريد " قلت لآتنساني يارب فقالت لي آياتك : " فأذكروني أذكركم " قلت أعطني املًا يارب فقالت لي آياتك : " إن مع العسر يسرا " قلت كيف لأمنياتي أن تتحقق ؟ فقالت لي آياتك: " ادعوني استجب لكم " في الختام اسال الله ان يرزقك بالزوج الصالح التقي ويسعد قلبك.. |
والله ودي اسوي لها حفله اضحك واسولف واعلق عليه
بس صعبه اختي من النوع الموسوي والغيوووووور وتفسر كل شي غلط والله العظيم ما اكذب عليكم مره سمعت بخطبه صديقتي قلبت مليون درجه كل ماجت سيره البنت تعصب وتقول لا تذكريني والاخت اللي قالت تبيني اروح زواجات وهي مو معنا ليه ناوين على عمرنا مافي طلعه الا والاخت مراده فيها قبلي مشفوووحه على العرس الله يصلحها وربي حقق مرادها الله يتمم لها على خييير وبالنسبه للعجزآآآه يالعجز حليلاااه من كومهن وحشرهن بكييس والله احترمت معهن ان خجلنا قالوا هذي انطوائيه وان فليناها قالوا هذي ماتستحي وان تحفها قالوا وشو هذي عصلا مانبيها وان متنا قالوا عوووذه بتآكل ولدنا بالله وش يبوووون بالضبط اللهم لك الحمد على كل حال وبالنسبه لخطاب السحريه اذا رجعت ان شالله علمتكن :) |
| الساعة الآن 01:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©