|
اقتباس:
رسالته رسالة اعتذار وطلب فتح صفحة جديدة من الطرفين راسليه وقوليله نفتح صفحة جديدة ... صفحة ما عاد ينذكر فيها شيء من الماضي أبد .. لا أنا ولا أنت .. لا القديم ولا الجديد قوليله معزتك بأعماق قلبي ولولا اني أنظر لفلان الكامل برجوله كلها وايدينه كلها ولساناته كلها :) ما كنت عتبت ولا زعلت ولكنت شفقت على الزوج المريض لكني لم أفعل وعن قناعة . زوجتك المحبة العاشقة <<< وحطيله كم قلب وأسهم وخناجر ههههه تواصلي معاه يا هيا ... خسارة تضيع هذي الأيام على كلمة وكلمتين وحساب وعتاب .. أيام شباب وقبل الخلفة والأولاد ونكدهم .. أيام وانتو عاشقين لبعض .. أيام وما في أحد بينكم .. وربي مو ناقصكم انتو الاثنين غير التعبير عن الحب .. إما تعبروا بطريقة غلط واما صمن بكمن :) .. يا بنتي زوجك عاطفي وحساس ويحتاجك الحين . ليه ما نحس بالنعمة إلا لما نفقدها حبيبتي . روحي كلميه وطيحي الحطب <<< صح المصطلح ؟؟؟ :) |
اقتباس:
شغلة جربتها وفادتني فوق ما تتصوري ولأني أشوف فيك بنت متعلمة ذكية وممكن تنفذيها بقولها لك ما في ابسط منها ... بس تقرئي اية الكرسي والمعوذات بصوت مسموع بحيث تسمعي نفسك بنية الاستعاذة من ابليس .. تقرئيها قبل أي مقابلة بينك وبين زوجك .. حتى قبل العلاقة الخاصة .. هذي نصيحة أعطاني اياها الأخ رجل الرجال وتفاجأت بمدى فعاليتها .. أقرأها كل ما حسيت بنفور من زوجي سواء بنقاش أو موقف أو علاقة ..... بجد تقلب لي نفسيتي 180 درجة |
صرخة حب هلا بك
وفعلا تحزن الرساله وجزاك الله خير والله يسخرلك زوجك ويهديه بيتاااااااا طبعا بكيت ومازلت ابكي واتصلت عليه مايرد لاني شفت رسالته متأخره فيمكن نام لكن ارسلت مسج قلت لمن تشوف رسالتي كلمني00 والله ما اعرف ايش فيني؟ محتاره في امري احبه لكن ما اعرف ليه اعامله كذا؟! نفوووووور مو طبيعي ليا كم يوم ما اطبخ من قبل سفره اما نجيب من برا او من عند اخته يقلي ليه اقله كذا مالي نفس والله يا بيتا كارهه المطبخ والعلاقه الخاصه اجامله وبس احس مالي خلق شي احس راح انخنق من وضعي وجالسه اضيعه من يدي تعبت من داخلي والله تعبت وفكرتك بعملها ان شاء الله ادعيلي يا بيتااا وشكرا لك ولكلامك |
أختي الكريمة/haia
-أتابع موضوعك بصمت، وأقرؤه وأخرج. -آمل منك أن تعالجي نظرة التي ترين بها زوجك؛ فالرجل لن يسكت طوال الوقت فهو يشعر بهذا، وليس برجل لا يفهم. -حاولي أن تريه بعين الصحة والسلامة، فالخلل داخلك. لذا عالجيه قبل استفحاله. -حاولي أن تسدي أذنك عن أسئلة الفضوليين. -لعلك تقولين: كلٌّ يأخذ نصيبه..هو رجل صاحب دين..وغيرها. -ابتعدي عن إجابات أسئلتهم الفضولية. -بإمكانك أن تقولي لهم (لماذا أنتِ مهتمة بالأمر؟!)، واطلقي ابتسامة خفيفة. |
تقريبا اصابة زوجي مثل زوجك ...
الفخذ سليمه والتعب يبدا من عند الركبة لحد القدم ..هالجزء جواته مركب اسياخ , والقدم مو متوازنه , لما يمشي الثقل يكون على الجزء الامامي من القدم .. المشي فيه عرج بسيط ..ويتعبه كثرة المشي وعلى قولتك اذا اجهد نفسه ما يبان التعب الا عند النوم ..ولا عندي الا المساج ومن ناحية تحسسه , اذكر بشهر العسل قال لي وحنا برى (طبعا الدكتور طالب منه ذيك اللحظه يستخدم العصا اذا كان بيطول بالمشي) قال لي : تبغين ارمي العصا علشان شكلي مو حلو , او يضايقك كذا شكلي طبعا استغربت وش ذا السؤال ..خصوصا ما جاء ببالي ولا 1% ان هالشئ مضايقني ولا اشكلت لي عرج رجله ولا صفر بالميه ادنى اهتمام حتى لما جاء يخطبني ووافقت عليه ,قال لي اخوي تري فيه عرج بسيط قلت بالله هذا شئ ينقال .. انا عندي عااااادي جدا ولا فكرت بهالناحيه , قال لي :والله عارف انه شئ عادي جدا حتي ما تذكرت اقولك الا بعد ماوافقتي عليه بس هو اللي أصر أخبرك .. الاهتمام الزايد برجله يجرحه ويحسسه بانه انسان ناقص ,, فانا مطنشه امر رجله على الاخر .. الحمد لله رجله ما سببت لنا اي مشاكل ,, لكن بعض الاحيان قد اجرحه من غير ماشعر اذكر مرة نافخت عليه وتضايقت ليش ما نروح للاسواق ونتمشى ,رد علي الشكوى لله زوجك مو زي الازواج عنده رجل سليمه مثلهم .. اكتشفت ذيك اللحظه اني سخيفه اكثر من اللازم .. والعمليه اذكره بوقته بس مادري ليه يأجل الموضوع ,, طبعا اذا سوي العمليه بيقعد شهر او اكثر بالبيت لاروحه ولا جيه ولاادري ليه التاجيل ؟؟؟ ووانا ما تدخلت مخليته على كيفه ..بس مادري حسيته متردد محتاج احد يشجعه طبايع زوجي تقريبا مشابهه لطبايع زوجك .. مزاح ومزحه بعض الاحيان يرفع الضغط ,, حساس ,,طيب واخلاق قريت رد زوجك على رسالتك فاتضح لي : 1- زوجك يقدر والدك ويحترمه ويحبه لكن كلمته خرجت غضبا بالغلط << يعني امسحي كلامه 2- زوجك ما يبغاك تدلعينه وتهتمين به علشان رجله , لا يبغى اهتمامك به كشخصه بعيدا عن رجله لاتدققين برجله ولا تهتمين فيها بزياده ولا تخافين عليها بزياده ,,, سوي اللي عليك واتركي القرارات اللي تخص رجله هو يقررها .. 3- تعوذي من الشيطان واضيفي زوجك بالبلاك بيري .. 4- كلميه عادي اسالي عن اخباره وانك مشتاقه , حتى لو مو مشتاقه .. لي عودة في تكملة الرد.. |
اقتباس:
ضيفيه بالبلاك واتصلي .. وكرري اتصالك عليه .. مو يبي يمل من اتصال زوجته مثل ما اصحابه تململوا من اتصال زوجاتهم :d وارسليله اللي ودك تقوليه بمسج ... أسهل من الكلام المباشر .. يمكن لو كلمك ما يطلع كل الكلام أو يقول لك كلمة وتعصبي وتقفل معك .. المسج أفضل . ربي يفتحها عليكي وييسر لك أمرك ويوفقك مع زوجك ويربط بين قلوبكم ويهيء لك من أمرك رشدا |
اخي البليغ شكرا لك
نعم اشعر بأن العله تكمن فيني انا ومن ناحية الناس وفضولهم ترا مابيوم ندمت على الارتباط فيه ولكن احزن عليه لانهم مايقدرونه حق قدره فهمت؟ وانا امدح فيه واظهر محاسنه واوضح لهم المخفي عنهم لكن احيان انجح في تغيير رأيهم واحيانا لا وانا اتفق معك لازم اغير من نظرتي لكن المشكله كم يكفيني من وقت؟ فأنا اجزم بأني لن اغير من نظرتي الا بعد ان يبدأ يرجع مثل قبل يعني يفك الجهاز لكن طالما وهو كذا راح اعامله على انه مريض غصبا عني شي مو بيدي تحياتي لك اصيله نعم بالضبط حالة زوجك مثل زوجي وطريقة كلامه والكثير من اللي ذكرتيه انا لمن اروح معاه اتمشى مستحيل ننزل من السياره الا اذا بنروح مطعم مثلا اما غيره لا يقول اتعب من المشي ومن هالكلام لمن نتمشى نروح البحر لكن ماننزل نجلس نلف بالسياره ونشرب قهوه او ناكل ايسكريم ونرجع البيت وبالنسبه للمزاح ايه من جد عليه مزح مدري من وين يجيه ويطري على باله اتذكر مره عزمنا اخوي على على سحور وكان جوعان مرره وماشاء الله اكل وخلص كل صحنه قام زوجي راح المطبخ وجاب القدر وعطاه الباقي هههههه طبعا اخوي انحرج لكن ضحك وانا تعالي لقطي وجهي وهو يعرفني اكره الفلفل ودايم يخدعني ويحط بصحني فلفل وانا خلاص اكره الاكل واقوم ههههههه بصراحه اولا يحرقني ويسد نفسي وانا اكون ميته جوع لكن اضظر اترك الاكل فهذا من المزح اللي ما احبه وهو عنده عادي ويموت ضحك ويستانس الحمدلله خلاص كلمته واضفته بالبلاك بيري وصجيته كل شوي اقله صورلي المكان اللي انت فيه يقلي اشوفك شاكه فيني ترا انا بالفندق اغلب وقتي ههههههه قلت ان ما زهقتك من البلاك بيري وكرهتك فيه ما اكون هيا قال ان كيدكن عظيم الله يشفي زوجك وعجبتني سالفة المساج انا ما اعمله مساج احط له كريم وياخذ مسكن وبس000يبغالي اجرب المساج تحياتي لك بيتااا ايه الشيطان اكيد اعوذ بالله منه خلاص كلمته وارتحت نفسيا واضفته واتفقنا لمن يرجع نتفاهم للمره الاخيره اما من ناحية الاتصالات فلا هو مايحبني اتصل كثير واحد عنده تحسيه يرد مختصر ويبي يقفل خلاص عرفت طبعه لكن بكلمه مره باليوم يكفي والباقي بالبلاك بيري00اهم شي اتطمن عليه لو عن طريق الحمام الزاجل ههههههه تحياتي لك |
الوقت ليس مهم إن أردت فعلاً تغيير ما بداخلك ناحيته.
عامليه بطريقتك التي تريدين إذا شئتِ لكن توقعي أية ردة فعل في الحاضر أو المستقبل، وبعدها لن تنفعك طريقة معاملتك هذه. |
والله انتم حساسيييييين زيااادة عن اللزوم ..!
ياتري لو كانت الزوجة هي العرجاء هل راح يحافظ الزوج علي مشاعرها ؟!!! اذا كان الشخص نفسه مو راضي بعيبه كيف يطلب من الناس الرضا ؟!! |
السلام عليكم
اختي هيا ... من زمااااااااان وانا مطلعة على كل مواضيعك ومارديت لكن احس اني فاهمة طبيعة شخصيتك لانها تذكرني بوحدة من قريباتي ... المهم حبيبتي لاحظي ان كل اللي قاعدة تسوينه له تقدر اخته تسويه له من مداراة وتعقيم جرح وماالى ذلك .. انتي لازم تصنعين فرق في حياة الرجال استغرب منك بعد كل اللي سويتيه والندم اللي اظهرتيه وتعديد محاسن زوجك ومع ذلك بلحظة غضب مرة ثانية ترجعين تقولين له ( بكيفها رجلك لوتنقطع ماهمني !!!!!!!):11: استغرب منك جدااااااااا هذا وانتي كنتي ندمانه ؟؟ يعني رجعت حليمة لعادتها القديمة .. وبعد ما اتصلت عليك اخته تعاتبك بدت اوراقك تتلخبط وبديتي تحسين بانك ضايعة وكانها هي اللي كانت تستندين عليه يعني اذا كانت زعلانه عليه انتي تحسين ان موقفك قوي واذا زعلت عليك رجعتي ترتبين اوراقك معاه ! تراه هو زوجك وهي تضل اخت زوجك :30::30: المهم لاحظي زوجك سافر وقالك بالحرف الواحد انا اغلب جلوسي في الاوتيل ...ليش؟؟ لانه تعبان .. مافكرت بنفسك رجال تعبان ومسوي عملية ويسافر واخرتها جالس في الاوتيل ليش؟ كل هذا يبي يثبت لك تراه يقدر يسوي اي شي بدونك صدقيني هذا تفكيره لاتحاولين تجيبين المشاكل لنفسك ..بلاك بيري وماادري ايش .. انتي قلتي بنفسك انه تركها فخلاص ليش معصبة لما اخذ البي بي معاه ؟؟ وبصراحة هوصادق في كل كلمة قالها ليش تحذفين نفسك من لستته ؟؟ ليش تسحبين نفسك من حياته ؟؟ وسيلة ربي مرسلها لك تقرب بيك وبين زوجك تروحين تحذفينها ليش !!!:29::29::29: احس يبي لك تثقيف في كيفية ادراة نفسك اثناء الغضب اما مسالة يسب ابوك وتروحين تبكين في الحمام ولا تصارحينه هذا اكبر غلط وبعدين تسالين نفسك ليش احنا بعاد عن بعض ؟؟؟ في قلبي كلااااااام كثير لك واعتبريها نصايح من اخت محبة مااعرفك ولاتعرفيني .. حبيبتي استغربت جدا لما عرفت انك ماقد سويتي مساج لزوجك على رجله ؟؟؟؟؟!!!! انتي انسانة متعلمة وفاهمة كيف تغيب هذي الفكرة من بالك ؟ زوجك محتاج انك تحسسيه بدورك كزوجة مو كاخت او ام ... حاولي تسوين له اللي ماتقدر اخته عليه ..اخته انسانة قوية ..انتي خليك ضعيفة قدامه ..خليكي منكسرة بدونه .. ارسلي له الان وهو مسافر اشياء كنتي تسوينها معاه مثل مشوار او روحة خاصة كانت بينك وبينه .. وقولي له : اااااه ليتك فيه معاي توديني لهذاك المكان اليوم اهلي طالعين وجالسة في البيت لحالي <<<--- كسرت خاطري هههههههههه:d:d:d لاتسوين نفسك انتي القوية اللي تقدر تسوي اي شي بدون زوجها هذا النصيحة تنقال للناس الطبيعين فمابالك بزوجك اللي محتاج لاثبات هذا الشي ؟؟ الحين صيري ناديه باسم دلع واشتغلي فترة سفره انك تعودينه لعىاشياء ماكنتي معودته عليه حتى ماتستحين لما يرجع لاني اتذكرك تقولين نادرا مااناديه باسم حبيبي وقلبي !!!:25::25::25: جهزي له حفلة لما يرجع سوي شموع وحركتات في الغرفة والله الله بالزيوت العطرية لما يرجع والمساجات واخييييييييرا حطي في بالك انه ربي يمكن مرسل لك هالانسان حتى يسكت عن عيوبك (اللي اعترفتي فيها ) اللي لو كان شخص غيره كان ماصبر عليها ( انا اقول لك حطي هذي النقطة في بالك حتى كل شوي تتذكرينها لو حسيتي انك تاثرتي بكلام الناس حولك ) المهم الغالية ترااااك رجعتيني للمنتدى مع اني كنت منقطعه عنه من مددة طويلة:14::14::14: مدري حسيت فيه ارتباط بيني وبينك ورحمتك في نفس الوقت لاني اتذكر قريبتي هذي دايم تقول انها تحب زوجها بس كل شي كاتمته في صدرها لكنها انسانه عملية ماتعرف التدليع والحركات الثانية وتحس ان زوجها لازم يعرف انها تحبه من تصرفاتها الطبيعيه معاااااااااه كيف ماادري ؟؟:25::25: يؤيؤيؤ كل هذا كتبته من الحمااااااااااااس:23::23: ..يالله اهم شي تستفيدين |
| الساعة الآن 09:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©