الله يفرج همك ويريح بالك ويعينك على زوجك طيب ابي اعرف ليش مايعدل في المبيت والنفقه

وخاصه في المبيت في البيت حتى لو كان مشغول وين حقوقك كزوجه
وبعدين بالنسبه للسفر يمكن تفشل من اخوياه وعلقوا عليه بكلام وتفشل ماتدرين يمكن عبوا راسه

الله يعينك ويفرج همك

والله قريت موضوعك وحزنت لحالك

شوفي اختي : حطي راسك عالمخدة وانتي مرتاحة ، لو زوجك ظالمك الله بياخذ لك حقك منه االيوم قبل بكرة

لا ظالم بخير

اذا الله بياخذ حقوق الحيوانات فمابالك بنا نحن

ابببببدا سوي اللي عليك وارضي ربك وثم ضميرك ،، ولو (لا سمح الله ) حصل طلاق فتأكدي انه خيييييييييير لك

والله مقدر لك هالشي ، وبعدين هو الخسران ، راح يندم ، لأنك عشتي معاه وعاملتيه بالمعروف والطيب وين بيلاقي مثلك

ماني عارفة ايش اكتب لك . من امس قرأت موضوعك وشلت همك والله لكن مااقول الا الله يفرج همك يارب

الله يعينك ويصبرك وياخذ بيدك، والله يبتلي على قدر قوة ايمانك ولعله خير.
من قرائتي للموضوع كاملاً استنتجت انه انسان راعي عادات معينة لايستطيع تركها، تعود على نمط معين ولايريد تركه.
فإن احببتي الاكمال معه فسوف يكون مثل ماهو لن يتغير، ان لم يكن اسوأ .
وانا صراحة اميل وبشدة لرأي الخاله قرين.
انتي اعقدي جلسة مصارحة بينك وبين نفسك تناقشين فيها التالي:
1- وضع تصور مستقبلي لحياتك حتى الممات( مرة مع هذا الزوج، ومرة اخرى من غيره ( زوج اخر او من غير زوج).
2- تفاهمي مع الحب اللي بداخلك وتوصلي لحل معه بأن يجعل لكي الحياه حلوة لا أن يذّلك.
والله ييسر لكي امورك.*

حقيقة ما ذكرتيه صدمة لك ونحن متأثرين جدا .. لكن ثقي لن يكون إلا ما فيه خيرا لك ..
حاليا :
* الآن لا تطلعين من بيتك .
*ولا ترسلين له ولا تلكمينه.
* وأكثري من الصلاة والإستغفار وطلب الخيرة لك في الأمر كله ..

عزيزتي 8 سنوات كنت متنازلة فيها كثيرا عن أساسيات!!
لا أدري ما سبب هذا التنازل ؟
طبعا مافعله زوجك , سواء في الرحلة أو بعدها أمر سئ ..ولا يليق به .. هذا على حد نقلك من أحداث ..
ولكن من الضروري معرفة المبررات.. ومعرفة المبررات لا تعني تصحيح ردة فعل زوجك ولكن حتى تحتسبين ذلك مستقبلا ..
وسبب ذلك ( كثرة الزن ) وهي ما دعته يتنازل من أجلك .. ويسافر مع عدم رغبته الداخلية .. وحتى لما قال لك عن اوكرانيا كان تحت تاثيرك وتاثير سوالف صديقه فقط ..
فيا عزيزتي لاتكثرين الزن أبدا لأنه يُملل الطرف الآخر ويشعر أنه مجبور بطريق غيرمباشر..

أعرف زوج يختلف جذريا عن زوجته في المبادئ وكثيرا ما يلبي لها ( لحبه لها وضعفه) ثم يقلب عليها!!
وتجي تقول لي والله هو الي قال لي ورضا لي ..!!!

أسأل الله لك فرج قريب وراحة بال لا تغيب..

الله يجيب اللي فيه الخير
الله يهدي زوجك الك
مريت على الموضوع وحبيت ادعيلك

بجد ماشاء الله ردودك وضحت كرم خُلقك وجميل طباعك..

الله ييسر أمرك ويريح قلبك..
ماعندي زياده على ردود الاعضاء
بس فعلاً أتوقع بسبب إنه متعود على نمط حياه معين ومرتاح فيه..
وكمان مااتحمل يكون برا وخاصة لو شاف مناظر مااتوقعها ..
الله يختار لك الخير..

السلام عليكم
وصباحك خيييييييييييييييير
كلااامك صحيح لاني مليت من الروتين ....انا طلبت كدا وزنيت لاني كنت محتاجة لحظات ادلع فيها نفسي طول السنوات الي راحت وانا دايما افكر فيه ايش يبغا وانفذ وما طالبت بشي ابدا
كل الي طلبت ايام نجلس فيها مع بعض بدون ما يشاركني فيه احد ايام وبس
كنت اظن انها راح تكون من اجمل الايام بس صارت اتعسها
كرهني في احلى حاجة كنت ابغاها واتمناها ....يالله رحمتك ياااااااااااااااارب

ومشكورة حبيبتي تواصلك معايا والله كريم ويارب فرجك القريب

الله يسعد قلبك ويسرني متابعتك لموضوعي احترم رائيك جدا
هوا سافر لسوريا كثيير ويحبها وكامن اليمن ..بس امه حلفته يمين ما يروح ولا مكاااااان والا كانت السفرة لسوريا بس علشان الاوضاع الجديدة خاف ورحنا لتركيا
بس حبيبتي انا موظفة واتاخر دوامي من الصباح الين العصر 3 ونصف وهوا في الفترة هادي بيكون في بيته يتغدا مع زوجته وعياله والعصر يجيني المفروض البيت عندي واول ما اوصل على طول اتزين واتجهز علشان استقبله ودلة القهوة ومبخرة بيتي علشان استقبله احسن استقبال اتفاجا انه احيان يعتذر وايجي لانه مشغول مع واحد من اصحابة واحيان ينام للمغرب وما يجي البيت لما يكون تعبان واحيان يجي بس معاه اخوياه والقهوة والجلسة تكون لهم الين المغرب وعلى الاذان يطلعوا للصلاة ويرجعوا ثاني وانا لازم انظف المجلس واجهز قهوة وشاهي وضيافة من جديد الين العشاء احيان بعد العشا يرجعوا وحيان لا يروح لامه وانا انتظره ولما يجي البيت تكون الساعة وحدة واحيان 12 ينام على طول واحيان ما ريجع البيت لان عنده مشكلة ويبغالها حل ....وهلم جرا ..والايام تمضي وانا انتظر الفرج من ربي

ومشكلة الحمل انا كنت انتظرة من محرم نروح نسوي اطفال انابيب بس كل مرة كان ياجل الموضوع بسبب انشغااله الين كملت 8 شهور وقلت الفلوس ممكن ادبرها ونسوي العملية برمضان بس راحت على السفرة الي ما استمتعت فيها ...وربي كريييييييييييييييييييم ..اللله يفرجها من عنده يااااااارب