أختي .. الموضوع وما فيه أنه زوجته مهملة في البيت،، كلمها عن اهمالها وتحججت بدوامها المتعب.. هو من النوع المتأثر بالغرب على فكرة.. فقال لها أنه يحترم رغبتها بالعمل.. لكن من غير المعقول أن تعيش عالة عليه.. فخيرها بين عملها بالبيت أو مساندته مادياً إذا كانت تتحجج بالوظيفة ..

بما انه متأثر بطريقة الغرب في حياتهم، فانا عشت بالخارج مع زوجي و كنا تقريبا ماشيين
بنفس طريقتهم بالحياة ، مو نسخة منهم .. لكن بسبب غلاء المعيشة في بريطانيا و انشغالي
مع الدراسة

يعني كنا نتشارك بالراتب تبعنا، و هو يخلي جزء معاه و انا كذلك
و الجزء المشترك كنا نخرجه إيجار للمنزل و قيمة الفواتير و المقاضي طول الشهر و زي كذا

و نفس الوقت و بطيب نفس من زوجي، كان يساعدني غالباً في المنزل ، اقصد بعد ماسافرت
الشغالة و قبل لا تجي، كان زوجي يساعدني بالاهتمام بالمنزل و مرات
بالتنظيف او تجهيز عشاء خفيف ،.

فهل صاحبك مستعد انه يساعد زوجته بعمل المنزل و الطبخ و الاهتمام بالأطفال ؟
بما انه متأثر بحياة الغرب ؟؟؟

اعتقد ذلك، هو يحب الطبخ واحياناً نجيه البيت ويكون هو اللي مسوي العشاء ..
وبعدين هو جايب خادمة على حسابه .. يعني هي ما سوت شي ابداً له..

كنت استغرب كيف الرجل يدور على زوجه ثانية
يا رجال مع احترامي الكامل بعد قراءتي للردود والله ما ألوم الرجل اذا كره زوجته ودور على غيرها

الله لا يبلانا بالبخل والطبايع الشينة

طيب ايش المشكلة ؟؟؟؟؟؟؟
انا اساعد زوجتي في شيء بسيط في أمور البيت وهي تساعدني بشيء بسيط بالمصاريف..
وهذا من التراحم والترابط بيني وبينها الله يخليها..

الله لا يبلانا بالبخل..

اخوي انا موظفة و الحمدلله، و اخواتي غير موظفات و لاقريباتي و لاخوات زوجي
و كل وحدة فيهم زوجها جايب لها شغالة من راتبه

بس بكل صراحة و بعيداً عن المثاليات، لو باجيب شغالة ( و مع العلم اني مستغنية
عن الشغالة برغبتي لعدم احساسي بحاجتي لها بالفترة الحالية ،، و كانت عندي
شغالة و جبتها بفترة غربتي و انشغالي مع الدراسة و مجرد ماخلصت مشروع تخرجي
سفرتها خلاص و شعرت براحة نفسية )

فالصراحة ، باجيبها من راتبي و ادفع لها راتبها و كل التكاليف ..

و كمان بكل صراحة لو زوجي راتبه كبير، فمتأكدة انه كان جابها من راتبه و ماخلاني ادفع
شي ،.

.
.

اخوي عندي سؤال معليه :
صاحبك احس حياته غير منظمة و متلخبطة شوي ..

هو ماحاول يجلس معها و يتكلم معها عن المصاريف ؟؟؟
ماحاولوا يرتبوا مع بعض اساسيات الصرف اللي عليه ؟؟؟

باسال كذا، عشان قبل لا نقول له يتخذ اي موقف.. نعرف ايش
الطرق اللي اتخذها و ايش ردة فعل زوجته ؟

و هي راتبها تصرفه على نفسها ؟ أطفالها ؟ بيتها و لا كيف ؟
لانه لابد انه تكون هناك اسباب، و لو عرفناها فراح يكون من السهولة
معرفة و إعطاء العلاج

و انا قلت فيه مشكلة ؟؟؟ عشان حضرتك تقتبس ردي و تسألني ؟؟؟

لو سمحت لا عاد تقتبس ردودي و تدخل بالنص،، كلامي موجه لصاحب الموضوع
و واضح انك مو فاهم كلامي ،، برة لو سمحت ترى مزاجي مو رايق :D