|
رد : هل
حبيت أمك وتهديدها لك بتزوجك شيفة هههه قلها : مافي بنت شيفة وكل البنات حلوين وإن شاء الله إنك بتدورين لي بنت تسعدني واسعدها بجمالها وأخلاقها ودينها وبتساعدني أكره الدخان والتدخين وياكثر ماتصير بعد الزواج ، بعد مايعرف الرجل زوجته ويقتنع بكلامها ويرتاح لطريقتها بالدعاء له .. الأهم الآن تخلي أمك تقولهم الصدق مافيه أجمل منه وإذا كان فيه نصيب بيتم الموضوع ولا تشيل هم تهديدها لأنك ولدها اللي تحبه وتتمنى له الخير وأنت لازم تهتم بصحتك أكثر وماتتركها للدخان يدمرها في أحلى أيام شبابك لازم تكون إرادتك قوية ومتأكدة مايخفاك هالكلام لكن لازم تطبقه وتنتبه لنفسك تعبنا من كثر مانسمع أمراض من التدخين ليه مستخسر على نفسك الصحة والهواء النقي إنت بس فكر بإحساس الأب بكرى بأطفالك كيف تمرضهم وتكون قدوة مش حلوة لهم وفقك الله .. |
رد : هل
اوف ..تكذبني وانا بنت ابوي ..
كلامي متاكده منه ..صاحبتي زوجها يتتن بس عمرها ماشافته يتتن ..والرجال جنتل وانيق .. ويمشي ويبخبخ عطور .. بس وقت النومه تقول نفسه فيه ريحه قبيحه ..تطلع من خشمه وفمه ..تقول زي الي فيه التهاب ولا عالجه .. |
رد : هل
اخي اهلك مش زي زوجتك
والي مش باين لاهلك و انت تكلمهم من مسافة متر راح يبين لزوجتك و انت ادرى ... فاريحة النفس موجودة و مابيشمها الازوجتك الي وجهها بوجهك ... على العموم الحمدلله انك موقفه و يارب يعينك و تستمر و تبطله تماما عشانك في المقام الاول |
رد : هل
اقتباس:
بس ابشرك يوم قالته قلت لها تراي بهون قامت جابت لسته طويله ودققت على العالم وكل يوم تروح لناس تشوف بنتهم تحمست :22: ___-- صراحه فيه ناس عندها حسن الخطاب وناس الله يهديهم بس لو سكتوا احسن --__ |
رد : هل
اقتباس:
الحين وش تبين مني كل ماقلت شيء نطيتي بحلقي كانك مراقب لي وبعدين وش يدريك شكل زوج صاحبتك يشرب شي ثاني والدخان انا كنت ادخن واعرف انه مايطلع ريحه من الجوف الا فتره بسيطه وتروح يعني بالكثير 10 دقائق واذا كلت حاجه راحت لاتتبغددين علينا واحنا من بغداد :d |
رد : هل
اقتباس:
وصحيح كلامك زوجتي راح تكون قريبه من خشتي بس اذا كنت مدخن من فتره ماتطلع الريحه صح الملابس تبقى الريحه فيها بس الخشه تروح منها بعد خمس دقايق اما عاد اللي اسنانه مكسره ولا مايفرش فااتوقع ريحته مالها دخل في الدخان واحد من اخوياي مكسره اسنانه ويدخن وقابله فيه زوجته ماادري ودي اعرف هي شيفه ولالا :d |
رد : هل
اقتباس:
ومتاكده من اناث عاشرو متتنين .. وبعدين المثل جاز لي ..تم الحفظ .. |
رد : هل
اخوي لوف ..
فعلاً بكلامك وضحت كل مايتعلق بالمدخين وكنت حيآدي في هالشي .. لكن في نقطة صغيرة بتكلم عنها وتعقيب بسيط على كلامك لما قلت : " الناس وخاصة مجتمعا يشوفون الدخان كعلامه للانسان الفاسق ويقولون اللي يدخن اكيد وراه بلاوي ثانيه وعشان كذا حطوه علامه للناس الخربانه " الحقيقة سبب رفض البنت لشاب يدخن مو لأنه يمكن يكون صايع او غيره بس لأن التدخين ومسآوئه تكفي للرفض مهما ملك من المميزات يبقى في نظرها "مقرف" مع احترامي لكل المدخنين .. وغير كذا حتى لو قررت توافق عليه وتتحمله اكيد اكيد ماتتمنى لعيالها يعيشون هالعذاب وبتفكر بصحتهم ومستقبلهم إن كان ابوهم مدخن وش المانع مايدخنون مثله !!! فعشان كذا ترفض غير مأسوف عليه .. آنا ابد ما اقصد التقليل من شأن المدخنين وأعرف انه فيهم الصالح والخربآن .. والله قلبي يوجعني لمآ اشوف شاب يدخن لأني أعرف المعآناة زين .. من كل قلبي اتمنى انه ربي يعينك وتفتك من هالبلا وترزق بالزوجة الصالحة .. والله يخليكم الوالدة قسم ضحكتني .. في آمان الرحمن .. |
رد : هل
ليش كذا رجال مو حرمة خخخخخخخخ يقطع بليسك ياشيخ
لا تفشل امك عند الناس قالتلهم الولد مايدخن عشان اميمتك لا تدخن وحاول تقطعه شوي شوي |
رد : هل
والله ياخوي ماأعرف وش أقولك بس بدعيلك دعوه حلوه الله يوفقك ويسهل أمرك ويختار لك مافيه الصالح وأنا عن نفسي ماأحب الكذب خاصة في أمور الزواج - أحس ماأثق فيه لويكذب علي من بدايتها - وعموما وجهة نظري لاالزم فيها أحد والله ييعينك ويساعدك على ترك هل العاده المضره
|
| الساعة الآن 06:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©