|
رد : احب طليقتي ام عيالي كيف أردها ؟ رجاء مساعده
أهم شي انك ما يبدر منك اي تصرف سلبي ضدها او ضد اهلها... و اي رساله بترسلها لأم العيال تكون وديه و ما تحمل اي كلام سلبي تقدر تاخذه كدليل ضدك...
في الرسايل تقدر تذكر انك ما شفت العيال من فتره و انك تتصل و هي ما ترد عليك و انها من سافرت انت ما كلمت العيال.. أبيها ترد عليك بأي حجه تثبت انك فعلا ما شفت العيال بسببها و انك ما كلمت العيال بسببها... لأن هذي بتكون نقطه ضدها في المحكمه... |
رد : احب طليقتي ام عيالي كيف أردها ؟ رجاء مساعده
جرب المستشار الاسري الدكتور خليفة المحرزي عندكم بالامارات حاول تتواصل معاه
والله يكتب لك اللي فيه الخير |
رد : احب طليقتي ام عيالي كيف أردها ؟ رجاء مساعده
الحل ببساطة طنشها
و خليها كمن شهر و صدقني بيجيك منها تلفون انها تبي ترد لك لكن بوضعك هذا راح تذلك الين ما تقول امين انت الان 7 شهور وانت تترجي فيها و هي ولا هي معبرتك خليها شهرين بس بدون لا تديها خبر و ارسل لها انك بتاخذ البنات بالقانون يعيشون معاك صدقني شهر زمان و بتكلمك تقول لك رجعني تكفي اذا ما سار منها شي خلال الشهرين هذه خذ البنات منها و البنات من حقك تاخذهم في الشرع تربيهم عندك جيبهم بيتهم و جيب لهم مربيه تهتم فيهم كلها كم شهر و امهم جايبه شناطها و تقول لك تكفي ردني اسمع كلامي و بتدعي لي لانها الان ببيت اهلها و عندها بناتها و هي موظفه يعني مو فارق معاها المصروف و انت قاطعها من سنه من الحقوق الزوجيه فالوضع بالنسبة لها مو فارق شي سوا انت في او لا بالعكس اريح بدونك لانك مصدر ازعاج لها لانك بتظلمها الله يصلحك لكن لمن تاخذ بناتك ساعتها راح تحس انها وحيده و ان الامور فرقت معاها و بتترجاك ترجعها حل مشكلتك بسيط جدا معروف اصلا الاطفال هم نقطة ضعف الامهات و دام زوجتك مي راضيه تعقل بالطيب عقلها بالقوة حرام الاطفال يعيشو كذا عشان عنادك و عنادها سلام |
رد : احب طليقتي ام عيالي كيف أردها ؟ رجاء مساعده
يااختي ( rm 11 ) بوضحلج شي بنسبله القانون عندنا في الامارات. القانون في كل شي عند الحريم ، دمعتين من عندها عند القاضي وتتحول انت من طيب الا مجرم ، وبالنسبه للعيال تتم حضانتهم عند الام في كل الحالات حتى بلوغهم سنه الرشد وبعد ذلك يشوف القاصي لمصلحة العيال واستشارة العيال ، وفي قانون بعد يديد لصالح الحريم انها لو تزوجتج بعد الحضانه ما طيح منها قبل كان العكس اذا تزوجت العيال يروحون لابوهم ، الحين انقول لو تزوجتج بعد ترتيب الاب للحضانة العيال يمكن اخر واحد. ( الام ، ام الالم ، خالات العيال ، ام الاب ، الاب ) هذا ترتيب الحضانه عندنا. يعني اذا كان اب صالح يطفر ويتعب لين ينسي عياله غصبا عنه ، في بعض الحريم يمكن ينبسطون من هذا القانون لا اتوقع كل الحريم ، بس مب كل ريال نفس الشي. صعب تقارن من واحد يشرب خمر مخدرجي زاني في واحد يخاف الله يحب عياله بس القانون يطبق على الكل. في بعض الحالات الحريم عندنا يتبلون على رياييلهم في محاكم بشكل غير طبيعي بس عسب تبا طلاق وعندها خطط مستقبليه لنفسها ، وهو ما يبا الفراق او يبتعد من عياله. قبل شهادة من قبل الاشخاص ما يعتمدونها لان كان كلامهم مشاكل زوجيه وشو له يحصل ورا الباب مقفول محد يعلم به غير الله بس الحين عادي القانون يقبل هذا شي مثال : ( في قضيتي رفعت القضيه طلاق عليه طلب القاضي شهود اجباري والشهود اخوها ونسيبها شو قالو وانا واقف جدامهم بقوللكم بالضبط شو قالو . ساله قاضي شو تعرف قال مثل ما هي قالتلي ويعلم الله انه هو هجرها والشاهد الثاني نفس الشي قال انا ما اعرف شي بس مثل ما هي قالت هو هجرها ، تصدقون اعتمد شهادتهم وعقب قاللي انت عندك شهود قلتله شاهدي الله وهي تعلم انها تجذب وصحيح صارت مشاكل وزعلنا وما كلمنا بعض ابتعدنا لاكن موضوع الهجر لا وبالذات لسنه كامله متواصله ، قاللي طيب عندك شهود ضحكت قلتله اذا هاي تعبترها الشهادة يا حضرة القاضي بييب الف شخص يشهدون لان اول شي الشاهد ماعليه اثم لان كلامه واضح ما يعرف شي بس حسب ما سمع منها ، يعني بييب اي شخص ماشي في الشارع بقوله انا ما هجرت زوجتي تعال اشهد بي بيشهد انا ما اعرف بس حسب ما سمعت من بوساره انه هو ما هجرها .... اتمنى انكم فهمتو شي قصدي ... بالاختصار الزوج او الاب حالته حال بلا قيمه مهما رمست انت الخسران .... امام المحاكم دمعتين من الحريم وانت والخير باي باي . خواتي لا تفهمون غلط ولا اقول الحريم مب مظلومات لا بالعكس في وايد بعد بس في نفس الوقت مب كل زوج ظالم. حسبى الله ونعم الوكيل.
|
رد : احب طليقتي ام عيالي كيف أردها ؟ رجاء مساعده
انت اخر شي تقول مو كل زوج ظالم
و انت بنفسك تقول انك ظالمها و ماذيها و قارفها في حياتها ياخوي ترا بنت الناس يحق لها تختار انها تعيش مرتاحه و بالاخير اذا البنات بيسيرون حق امهم و يعيشون معاها ترا انسي انها ترجع لك عموما انت جربت حل انت تترجاها كثير جرب حل انك تطنشها و شوف رده فعلها وربي يعينك بس لا تنسي انك انت ظلمتها و انت السبب بانها خرجت من البيت مع السلامة |
رد : احب طليقتي ام عيالي كيف أردها ؟ رجاء مساعده
بو ساره.... على فكره انت غلطت فس الرد عالقاضي بهالاسلوب
ياخي القانون ما يمشي جذى.... جان يبت شهوود... و بعدين الهجر فعلا انت هجرتها سنه كامله و الشرع يقول اكثر عن اربع شهور ما يجوز... عموما مب وقته البكاء على اللبن المسكوب.... انا عطيتك الخطوات قبل وديه و قانونيه.... و اقوووووول لك من حقك تمنعهم من الشفر اي وقت تبا لان الولي قانونيا.... حتى لو الحضانه عند الام.... ياخي انا في الامارات اعرف قوانينا عدل.... |
رد : احب طليقتي ام عيالي كيف أردها ؟ رجاء مساعده
طنشوا الاخطاء الاملائيه لاني اكتب من الايفون
|
رد : احب طليقتي ام عيالي كيف أردها ؟ رجاء مساعده
اقتباس:
اخوي انت منت ظالم هي الي ظلمت نفسها وظلمتك وظلمت عيالها انت مخطي بحقها بس اكيد في اسباب خلتك تتصرف بقسوه وهي ماعرفت تحافظ على بيتها وزوجها وعيالها ارجوك طع شوري طنش وعيش ايامك وهي خلها عند ابوها يخللها ويحط عليها ملح مصيرها بترجعلك العشره الي بينكم طويله ماتتوقع انها نسيتها او انها مرتاحه ببعدها عنك حتى لو اتضاهرت انا مرتاحه صدقني انت ماغلط في زوجات بيصبرو على رجالهم وهم مدمنين ويخونوهم وغيره الين تعدله انت ام عيالك هربت من اول تجربه خلها تذوق المرار ونصيحه لاتفكر بالزواج قبل السنه وصدقني انشأ الله ماتمر 9 اشهر الا وهي راده بس بشرط لاعاد تحاول انك تكلمها او تراسلها او توسط احد حتى بناتك لاتسئل عنهم اعرف انه صعب عليك بس مافي غير هذا الحل ونصيحه ثانيه لاتلوم نفسك ولا تبرر اخطاء ام عيالك لو هي عاقله كانت عرفت اشلون تتعامل معك وتروظك |
رد : احب طليقتي ام عيالي كيف أردها ؟ رجاء مساعده
اقتباس:
مع اعتذاري لصاحب المشكله |
رد : احب طليقتي ام عيالي كيف أردها ؟ رجاء مساعده
حتى قوانينا بالكويت مثل الامارات..قانون منصف جدا للمرأة
اخوي كمطلقة سابقا..ما فز قلبي الا ما وصى ولده علي..ودير بالك على امك ومن هالحجي انت اخذ بناتك على يوم..واشتر لهم هدايا حلوهـ..وامهم بعد ربي يجمع شملكم ولايفرقكم |
| الساعة الآن 10:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©