|
رد : اهداني علبه تشوكلت
يختي زوجك مفتخر فيك
يوم السعد عندي لما زوجي ياخذ شي طابخته ويذوق اهله تلقينه طاير فيك وبشغلك واخته طيبه كلمتك تمدح مادري ليه ماشفتي الموقف بايجابيه ومكدره على عمرك اشوف الموقف لصالحك |
رد : اهداني علبه تشوكلت
اقتباس:
فعلا انا مو شايفة الموقف بده منك كل هاللإنفعال ! يمكن زوجك ماحب يقلك اعملي الفلافل مشان اختي تدوقه لأنه عارف انك لو عرفتي انه لأخته ماحترضي تعمليه |
رد : اهداني علبه تشوكلت
اقتباس:
ولكن سؤال ليش انتي حقوده احسك تنقهرين من اشياء تافهه وش يعني اعطى اخته فﻻفل وش يعني يحب يهدي اخته النفروض تفرحين هذا يعني يعجبها طبخك بس استحت تقولك وقالت ﻻخوها وزوجك ماصارحك يمكن مايعرف كيف لكن انتي مررره تكبرين اﻻمور |
رد : اهداني علبه تشوكلت
اقتباس:
او حتى اصحابه وقلت انا بعد مافكرت فيها قلت ايوه صح زوجي اعرف طبعه يحب كذا يتكلم عن حياته وانه الحمدلله مبسوط الموقف هذا الي قلته مايعني اني كل وقتي ازعل بالعكس يمكن في ذلك الوقت كنت جد مشغوله واستفزيت من الموقف مشكوره خيتي |
رد : اهداني علبه تشوكلت
اقتباس:
حتى لو قالي اعملي لأختي مراح ارفض قسم بالله بقول ابشر من عيوني وعلى فكره كل فتره انا اعمل اي شي وانزله حق اهل زوجي واحيانا اعزم اخته عندي |
رد : اهداني علبه تشوكلت
اقتباس:
ليه احقد بالله عليك طيب ليه ماجبتيها من جانب انا كنت في وقتها جداً مضغوطه ولذلك استفزني الموقف انا بالعكس عندي كل شي فري ويسعدني اذا زوجي قال طبخك حلو وبعطي اهلي يذوقو طبخك يسعدني زوجي اذا قال سوي حلا او كيك ونزلي لأهلي المهم سامحتك ولاتعودينها مره ثانيه والحمدلله الموقف هذا عدى ونسيناه |
رد : اهداني علبه تشوكلت
اقتباس:
يعني تبين الوحده تطبطب عليك وتجاملك وتضحكك واﻻ تبين النصيحه؟، ومن جد بالله وش اللي ضغطك واستفزك!! مو تقولين انه يسعدك هالشي خﻻاااص ماصار شي شوكليت وراح وفﻻفل وبالعاافيه والله رحمت اخته اخاف جاها مغص خخخخخخخ:d الله يهديك بس |
رد : اهداني علبه تشوكلت
قانون المنتدى يمنع
8 ـ تحويل الموضوعات إلى حوارات شخصية ودردشة بين الأعضاء, وكذلك المداخلات غير المناسبة للموضوع. نأمل من الجميع التقيد بذلك الإشراف |
رد : اهداني علبه تشوكلت
اتوقع اللي زعلك طريقة زوجك
وليس الشكولاته او الفلافل بحد ذاتها يمكن توقع انك ماراح تزعلين او يشوف الحركة عادية اختاري الوقت المناسب و فهميه وجهة نظرك قوليله لو قلت سوي فلافل ابي اذوق اهلي عادي بصلح بس طريقتك او حركتك تزعل |
رد : اهداني علبه تشوكلت
زوجك حبيب وذوق ومحترم جدًا ماشاء الله تبارك الله
شوفي موضوعك بزاويته ونظرته كرجل لاتشوفينها بنظرة نسائية بحتة لأنك لو شفتيها كذا بصير معك نفس تفكيرك لكن بنظرة زوجك هو مبسوط ومفتخر وبنفس الوقت خايف منك ومن زعلك وجالس يحاول يوازن بين رغباته وبينك يعني هو مسكين تخيلي لو كنتي مكانه لأبسط الأشياء العفوية بحياتك تشيلين همها وكيف تقدرين عليها وشوفي بعد علاقتك مع أخوانك كيف تمونين عليهم هو كذا يمون عليهم ويبي يسوي اللي يرتاح له بطريقته خذيها مني نصيحة أي شي لجهة أهله خليه يسويه مثل مايبي ترى هم يعرفونه أكثر منك وبصمتك في بيتك وأكلك راح يعرفونها وبتتميزين فيها عندهم لا تشيلين هم إذا اعطيتيه راحته راح يرتاح ويقولك عن كل شي من غير مايخطط ويخبي ويتأزم منك وشوي شوي راح تشوفين كيف إنه يجي يطلبك ويستشيرك ولو استمريتي على زعلك ترى حتى لو ماتكلمتي معه يبان على وجهك ويدري بس ساكت راح يبتعد عنك ويتثيقل إنه يعلمك عن أي شي يحبه ويتمناه إنتي الحين تضعين بصمتك في حياتك معه تبينها واضحة صريحة حتى بأبسط الأشياء ؟ أو تبينها غامضة طول وقت تفكرين ومقهورة وهو شي مايسوى اكسبي زوجك مادمتي بالبداية ومشششي الحياة ماتجي على الكيف دائمًا وحاولي تصغيرين الأمور بتفكيرك ولاتستسلمين للشيطان لأنها هذي فرصته . |
| الساعة الآن 08:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©