|
رد : ارغب بأخذ حضانة ابنتي من طليقتي ..
السلام عليكم
اهل طليقتي يماطلون في تسليمي بنتي انا قلتلهم ب اخذ البنت هالشهر لين قرب بداية رمضان وبخليها عند امها برمضان كل ماكلمت اسأل اي يوم اخذها ؟ يطلعون لي موضوع جديد مره يقول لي جدها طيب ليش تاخذها ؟ ومره يكلمني خالها يقول تزوج وخذها ومره يقول لي البنت تبي امها وعلى هالمنوال صار لي فتره انا مستعجل ابغى اضبط غرفة بنتي الوضع جديد علي وابغى اضبط هالشهر كل شي وبرجعها لأمها تجلس عندها اغلب الصيفيه كلمتهم مرتين عشان ازور بنتي ويصرفوني حسيت اني اشحذهم بعد يومين حفلة بنتي بالمدرسه افكر اخذها من هناك ما ابغى ادخل معاهم في مشاكل تأثر على بنتي بعدين ايش رأيكم ؟ |
رد : ارغب بأخذ حضانة ابنتي من طليقتي ..
وجود البنت فيه بيت ليس فيه زوجة لك او احد من اهلك صعب ووجودها مع شغالة اصعب
لا تأخذها من امها حتى يكون بيتك بيت اسري وفقك الله وانار الله بيصرتك ورزقك برها |
رد : ارغب بأخذ حضانة ابنتي من طليقتي ..
وعليكم السلام ورحمة الله نصيحتي لك لاتاخذها عندي تجربة لاحدى قريباتي اخذها ابوها من امها ولم يتزوج وضل هو وبنته وخدامه مربيه لها ومدللها بشكل ماتتوقعه ومع ذالك يوم كبرت واصبحت في الجامعه عاتبت ابوها كثييييير وتقوله ليش حرمتني من حضن امي وهي حيه ؟؟ احس بـ نقص كبييييييييير لان كل اللي حولي مع امهاتهم عايشين وانا لا مع العلم ان البنت تجي لامها تقريبا اسبوعيا ابوها ندم بشكل كبير علشان كذا انصحك ماتاخذها معك الا اذا تزوجت والبنت صغيره بالذمه وعمرها يحتاج رعايه كبيره ووجود الام بجانب البنت غيييييييير عن وجود الاب وتربية امها لها افضل وبالعكس ذكرها لنار هذا دليل على مراقبتها لله وخوفها من عقابه وهذا هو المطلوب وهذه هي التربيه الصحيحه الحجاب مايعيق ابدا حتى لو كانت صغيره اقتباس:
الام متعلقه بـ البنت لذالك ماودها تروح عنها حتى لو ماقالوا لك وانا نصيحتي لاتاخذها من المدرسه لان البنت بغفله وماعندها خبر انك راح تاخذها حتى لو كانت البنت فرحه ايضا امها من حقها تودعها وتضمها وانت تعرف قلب الام شوري لك تاخذ بنتك فقط في الاجازات اما تجلس عندك صعب جدااااا والبنت راح تتاثر كثير بسبب هالشيء لان فقد الام ولو ساعه واحده له معاناته فكيف فقدها ايام وربما اشهر انت محتاج احد يونسك لكن مو بنتك بل زوجتك تزوج واذا فيه معوقات لزواج اخبرنا عنها والجميع ماراح يقصر اكيد راح يحلون المعوقات وفقك الله لكل خير |
رد : ارغب بأخذ حضانة ابنتي من طليقتي ..
اسمعني وانا اختك
نصيحة مجرب خل البنت عند امها محد يقدر يحتويها ويربيها الا امها واللي اشوفه ان امها والنعم فيها وخايفة على مصلحتها وتربيها على الدين والتقوى صدقني حتى لو كان عندك زوجة بنت راح تغار من زوجتك وراح تسبب لك مشاكل المفروض ما كنت اخبرتهم انك بتاخذها بشكل دايم عاى الاقل قول لهم باخذها الصيف ووقت الدوامات ترجع لامها انت يمكن تشعر بالوحدة وتبي ونيس ولكن من خلال تجربتي مع بنات زوجي البنت ما تتقبل الا امها انت استخرت واهل طليقتك قاعدين يماطلون معناته ان الخيرة مو في استقرارها عندك استخير مرة ثانية وربي ييسر امرك |
رد : ارغب بأخذ حضانة ابنتي من طليقتي ..
اخواتي
انتو تتكلمون بدافع غريزة الامومه ان البنت خلها عن امها وافضل لها موضوع العتاب هذا بيصير بيصير بتعاتبني لمن تكبير وبتعاتب امها لمن تكبر اي طفله او طفل منفصلين والديه تنقصه اشياء كثيره جداً لا بيقدر يعوضها زوج الام ولا زوجة الاب مثل ماتشوفون الايجابيات شوفو السلبيات البيت كبير والابناء ماهم على قلب واحد ابناء زوج امها مسوين حزب لحالهم وغيوريين جداً واخوانها من امها لحالهم بالله اذا كبرت مابتعاتبني على الاقل اذا جت عندي تعرف ان لها بيت وتعرف انها مو عاله على احد ومحد متفضل عليها ولها اب يدللها حالها حالهم هذا امر واحد بس من الأمور الكثيره اللي تخطر ببالي يوميات انا ما انكرت جهد ام بنتي بتربيتها بس مفروض يحترمون رغبتي بأني اخذها استخرت كثير وزادت رغبتي بأني اخذ بنتي انا مامنعتها تسلم على بنتها بالعكس ابغاها تساعدني بس هي رافضه انا ما اشوفه حل اني اتركها واستجيب لرغبتهم على حسابي وحساب بنتي هذا ضعف |
رد : ارغب بأخذ حضانة ابنتي من طليقتي ..
الافضل ان تبقى البنت مع امها
لا تكون يتيمة وامها على قيد الحياة ترا الام محد يسد مكانها |
رد : ارغب بأخذ حضانة ابنتي من طليقتي ..
اقتباس:
|
رد : ارغب بأخذ حضانة ابنتي من طليقتي ..
اقتباس:
لا ابد كل واحد من الوالدين له مكانته لكن اسمح لي الام مكانتها غير لانها بنت البنت اليوم وبكرة ولاخر يوم ببعمرها ,,, بعد عمر طويل تبقى محتاجة امها اول كلمة تنطقها هي امي واول ما تتالم بتقول امي واخر كلمة تقولها كل يوم امي صدقني اخي انا الان عشت حياتي كلها بحضن امي وابوي لكن امي غير والان انا متزوجة ولي بنات ومع ذلك احن لامي واشتاق واعرف مكانتي كأم ,,, بنظرة بناتي لي يحق لك ان تطلب انتبك ,,, لكن لا تحرمها من امها خذها عندك كم يوم شوف الوضع عندك معها كيف كيف يبتغير حالها وتصرفاتها ان كانت افضل ,, صمم على قرارك وخلها عندك على طول لكن في الاول والاخير .... شوف مصلحة بنتك وين ربي يحفظها لك ويحميها ويقر عينك فيها |
رد : ارغب بأخذ حضانة ابنتي من طليقتي ..
اقتباس:
اللهم امين انا هذي النقطه اللي ابي اوصل لها الفجوه موجوده سواء عندي او عند امها انا ابغى تكون موجوده هالمرونه بس هم يستفزوني ولا طرى لي احرمها من امها |
رد : ارغب بأخذ حضانة ابنتي من طليقتي ..
ياجماعه كيف تنصحونه باإبقاء ابنته عند امها
والبيت فيه اولاد من زوجها ليسوا محارم لها والبنت عمرها 12 والاولاد اكبر فترة عمريه صعببببه وين الافضل تروح مع ابوها بيت لها لحالها ومحميه ولا بيت فيه اولاد هذا الي انا خايفه منه امها ماراح تكون جنبها اربع عشرين ساعه اكيد بتنشغل مع زوجها مع احد ابنائها مه ضيوف ما وللاب الحق ياخذها ويشوفها انا اشوف تاخذها بعد الاستخاره |
| الساعة الآن 12:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©