|
رد : طلقني
عشان كذا الهدوء والبرود<<من جنوبيته
وحب التغيير والتشكيل في الحريم<<من غربيته لكن ربك الهادي للجميع اسأليه ولن يخيبك |
رد : طلقني
قبل مرا
ممكن قبل سنتين واكثر احد الاخوه هنا قال لي سيتزوج زوجك وراح يلاقي بديل لك ولا تصبح لك حاجه... سبحان الله صادق بكلامه... اشوف زوجي يراني الان كحقيبة نقود لازم تدفع بكل شي فهو يستحق ذلك... لازم انا اهديه واعطيه واطلع له قرض واصرف ع عيالي واصرف لما نخرج نتمشى مع بعض ....بالمقابل ليس لي مقابل... |
رد : طلقني
انت الامان حقه واول انثى عرفها
قوتك وثقتك بنفسك راح تاديه وتخوفه لان اهو ضامن حياة زوجيه واسره وزوجه صابره راضيه ترضى بسرعه وتحبه ... وجالس يلعب بالحريم ومرده لك .. الحضن الي ياخذه بحنانه بعد كل نزوه يفشل فيها ابيك تقررين الحين تادبينه وخلي لك موقف وغيري اسلوبك لان الي سواه يزعل ويضايق افضل حل روحي بيت اهلك واذا تحسين صعبه اجلسي ببيتك وارفضي الكلام معاه ومقابلته لازم تاخذين موقف قوي ولاتتهاونين ابداً |
رد : طلقني
عبير كلامك صح
انا الامان له واعرف هالشي واعرف الي يمر فيه نزوه جديده ولعبه جديده جالس يتسلى فيها وييستمتع فيها... انا تركت بيتي ... بعد طلاقي بيومين جلست بالاول شفته غير مبالي ورجع اليوم الثاني اخذ عطر له وملابس ورمى لي كم ميه واول مرا يسويها وطلع للهواء الجديد... عرفت ان مالي قيمه بالوقت الحالي ومو فاضي لي ومشغول بجوه الجديد.. كل مرا اقتنع ان خروجي وطلاقي خيره مع انو كنت اكرهها وصرت اشوفها خيره... |
رد : طلقني
توقعت هالنزوات انتهت
ماتوقعت انو يرجع لها ثاني.... بس هذا طبع متأصل فيه مستحيل يتركه |
رد : طلقني
مستحيل يتغير سلك طريق
كتبته لي وحده هنا رداً ع موضوعي عن طلاقي قالت سلم طريق التعدد والحلال والحين بيجلس يلعب والمصيبه اذا كان مقتدر مادين مع انو بالغالب اللي يمشي هالطريق ماتعيقه الماده من تجربتي طليقي حافي منتف ... ولو تجيه 10،000 تزوج يومين وطلق ماعنده مشكله فاصحي لنفسك وريحي بالك وانتقلي الحين منه لك اهتمي بنفسك وبعيالك الي همه اهم من الزوج واهم سعادة الحياة الدنيا وزينتها طالعي للحسنات الي بحياتك واستمتعي فيها تقربي من ربك وادعيه يصلح حالك وبيتك وذريتك طلعي هالانسان من راسك ولاتفكرينه سعيد والله لو انه سعيد كا اكتفى بحرمتين او بك دامه مايعيبك شيء ...اشغلونا هالرجال عن حياة مليانه باشياء اهم منهم |
رد : طلقني
الله يسعدك ياعبير كلامك صادق
ع طول لما ابكي اقول انا ابكي وبائسه وهو سعيد ومبسوط وهالشي يقهرني بزياده الحمدلله ع كل حال مايجي من الله الا الخير والله يكتب لي ولك ولجميع المسلمين الفرج واليسر والسعاده... |
رد : طلقني
للعلم حتى زوجي حافي ومنتف والي اخذها غنيه جداا وترمي عليه الفلوس رمي ....
|
رد : طلقني
صدقيني تشوفينه سعيد ومرتاح ومستمتع
والله انه ضيع حياته ومتعتها وراحتها بالي يسويه واعرف حرقة قلبك وحاسه فيك لانك الاولى وانا تواصلت مع ضرتي الاولى بس علشان اكشف الحقائق وانصدمت من حياتها وحمدت ربي اني فقت لنفسي بدري وعرفت اكيف نفسي قبل انهار واضيع طليقي يبي يتزوج ثنتين وحده يصرف عليها والولى قايمه ببيتها وبعيالها ... والخانتين الفاضيه يلعب فيها تحت مسى التعدد والحلال تراه كان يحبني ويموت علي بكل شيء ومايقصر معاي الين حصل وحده اصغر مني بس بسنتين وبكر فضحى فيني بسهوله لانه مايقدر يفتح ثلاث بيوت وقال انها حافظه للقران ع اساس انا كافره او مقصره بديني ... ما قول الا الله يعينها ع بلواها ومصيبتها ويلطف بحالها معاه ويعوضني بما هو خير لي |
رد : طلقني
نفس الاحداث التي تمر بي مع اختلاف بسيط
الحمدلله ع كل حال ... |
| الساعة الآن 04:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©