|
رد : صدمتي بزواج زوجي وتخليه عني
بيرجعه زمانه
تفهمين هالشي بيرجع لك ذليل صاغر نادم وعندها خذي حقك كامل مكمل، وصكي الباب بوجهه عذبيه لا تخافين عليه يحب نفسه اكثر من حبه لك ولعيالك عشان كذا هو بسبع ارواح مثل القطو لا تحسبين انه بيموت والا بيجيه شي |
رد : صدمتي بزواج زوجي وتخليه عني
اقتباس:
هل معقول فعلا في احد يمرمط عيلته ويشرشحها بهالشكل عشان وناسته وزواج ثاني؟! رحاب خليك قاسية ولا ترحمين باي قرار او رد فعل ممكن تاخذينه.. ولا تلحقين وراه.. هو راح من كيفه وبكامل ارادته ومايبي يعطيك تبرير حتى.. لما يجيك بيجيك لانه محتاج او لانه بس يبي وحلصت حاجته.. وقتها سكري بابك وطلعي حقك من عيونه.. لاحظي انه منقي توقيت اجازة نصف العام عشان يحط مواضيع النقل والجامعة والدوام تحت الامر الواقع.. دراستك يارحاب درااااستك.. شدي حيلك وتخرجي وتوظفي ولاتمدين يدك لاحد.. هالصغار محتاجينك.. لا تنتظرين شي منه لانه لا يرقى لان يكون مصدر امان لاي انثى.. قلوبنا معاك.. الله يعينك ❤️ |
رد : صدمتي بزواج زوجي وتخليه عني
اقتباس:
اشعر انك انت من نصح زوجتي وقالها ارمي عياله عنده خليه يتورط فيهم ويعرف قيمتك وابشرك عرفت قيمتها من ترمي عيالها وتستخدمهم كاداة للضغط على زوجها او طليقها خسرت كثيراً اولا خسرت رغبتي بأني ارجعها وانا كنت ارغب في رجعتها في السابق ومازلت اريد رجعتها الى اليوم لكن كل يوم يقل مقدار رغبتي برجعتها ثانياً اكبر دليل على خسارتها اولادي اليوم يرفضون الذهاب لأمهم مايبغونها وش رايك ؟ ولما الح عليهم واغصبهم على الروحه يقولون بكرة بنرجع مانبيهم واعمارهم 8 سنوات و 5 سنوات ولا يريدون امهم ولا يطرونها لا من قريب ولا من بعيد وش قالت لهم احبكم ومكانتكم بقلبي محفورة وبشتاق لكم الاطفال يبون اكثر من الكلام يبونك متواجد معاهم وحواليهم متى ما اختفيت من حياتهم اصبحت بالنسبة لهم مجرد شخص مثلك مثل العم او الخال قريب فقط انا اقول مبدأياً يصرف على عياله يعطيك نفقة العيال ونفقتك واذا بيرجعك اشرطي ماتشائين من اجار شقة مستقله وحقك في المبيت بعد ما تبهذلونه وتنشفون دمه على الحركة البايخه اللي سواها |
رد : صدمتي بزواج زوجي وتخليه عني
اقتباس:
للي يتزوج ويخلف ويرمي عشان مايتناسى ان عنده مسؤوليات.. وليس لحالتك اخي الكريم.. واللي سواه ليس مجرد "حركة بايخة" |
رد : صدمتي بزواج زوجي وتخليه عني
عيالك لاتفرطين فيهم ابدا..مصيره يشتاق لعياله ويجي ندمان..
|
رد : صدمتي بزواج زوجي وتخليه عني
اقتباس:
انا وياك غير احنا حصل طلاق وانتهينا اختنا رحاب لا لم يطلقها والله لا يقوله ولاتسوي مشاكل وانا وضعت نفسي مكانها وماذا علي ان افعل ؟ انا ب اتكلم على نفسي طيب عيالي بمثل اعمار عيال رحاب تطلقت من هنا واهلي رفضو يعيشو معايا بس اول خلوهم معايا وقت العدة كاملة يا اني عانيت يمرضون يتعبون يتخاصمون يبون العاب يتسوقون مقاضي بيت تعبت تعبت مسئولية ولازم ابوهم معاهم !!!؟؟؟ وهنا اخذت قراري كان ابوهم بنفس انانية زوج رحاب الفرق قال لي لو طلقتك بتمسكين عيالك قلت نعم واثاريه مخطط وانصدم ما مشيت على خططه مع انه مو راعي زواج ولا حالته المادية تساعد وما عنده الا مبدا وحدة اهم شي راحته وحن للعزوبية وراحو لابوهم ولي الزيارة بناتي ثنتين معايا ف البداية اهل طليقي مافيهم خير حاولوا يعبو راسهم لكن بعدين عيالي عرفو الصح وعانوا منهم واالاطفال اللي يكرهون امهم اسمح لي لان ابوهم واهله يحرضهم عليها ولا يحث عياله ع بر امهم مهما كانت هذه ام بالعكس حبهم لي زاد وصار يسمعوا الكلام اكثر لما انا مع ابوهم لانه عكسي واتفرغ لاهم تماما مو هو اللي طلق مو هو اللي ضيع بيته هذا منطق اهلي ماعندنا بنات يربو عيال غيرهم gfn مساءلة بيرجعني او عشان يرجعني اصلا طاح من عيني وهذا يحاول مو عشان تورط بالعيال لانه عرف ان هالخطوة كبيرة وخلته ندمان حتى اهله وهو اهله تخلو عنه وعن عياله والرجال اللي يبيع مرة يبيع مرات لكن لازم يتحمل تبعات الطلاق اتحمل واربي واسهر وفي الاخير بياخذهم ويجدنيgfn حسبي الله ونعم الوكيل |
رد : صدمتي بزواج زوجي وتخليه عني
اولا الله يجبر بخواطركم جميعا زي ماجبرتو بخاطري
احتاج دعواتكم لاني تعبانه نفسيا واعصابي منهاره ولاعرف وش مخبيه لي الايام. اختي منطلقه كل شي حكيته ماعندي حلقه مفقوده لو فيه عرفت السبب انا ومانصدمت واستغربت كل البيوت تصير فيها مشاكل وفراق وهجر وزواج. بس يكونون عارفين السبب لكن تكونين عايشه مرتاحه مع زوج يحبك ويحب عياله وعاقل ومتزن. وفجاءه بدون ماتحسين تنقلب الامور الا مأساه وتلقين نفسك لحالك لابيت ولازوج ولا شي من حياتك اللي تعودتي عليهاا بالنسبه لعيالي ماني مفرطه فيهم ولارح اعطيهم له ولاراح اخلي تتولاهم وحده غيري ماعرف وش هي اصلا بالنسبه للمصروف الشهر اللي فات كان معي مصروفهم الشهر هذا مدري ماجا وقت الرواتب ولاجاني رساله من البنك بشي انا ادرس تعليم عن بعد مطور واخر ترم مواد صعبه وتطبيق ومشروع تخرج بس اقدر اختار مركز اختباري باي منطقه انا فيها راح اكمل عند اهلي الجامعه يعطونا وقت الى قبل الاختبار بشهر عشان نحدد مراكز الاختبار. ووكلت امري لرب الفلق يكفيني شر ماخلق انا شخصيا ماقصرت بشي ولاناقصني شي. من جميع النواحي. عشت معه عشر سنوات عمره مانتقدني بشي كان مبسوط كثير حتى اهله كانو يمدحون فيني ودايم يسألونه عن اشيا تخصني او تخص اولادي منوين اجيبها انا وياه كلنا نفس المستوى الاجتماعي. ماعاد عندي شي اضيفه. الاا ذا استجد شي لان كل كلامي عن مشكلتي وعن زوجي بيكون مكرر هذا كل شي بختصار ماطلب منكم الا دعوه بسجودكم ان الله يفرج همي ويرده لبصيرته ويحنن قلبه. علي بنسخ لكم رساله ارسلتها علا جواله لما فقدت الامل انه يرد لكن ماعرف قراها او. لا هي اخر شي ارسلته له. هذي رسالتي له. نسختها زي ماهي (تتفاوت الظروف والازمات وتمر على كل انسان انواع اللحظات بحلوها ومرها ولكن اقسى الظروف هو عندما يتخلى عنك من ظنننت انه ملاذك بعد الله اقسى اللحظات عندما ييبعدك عن حياته برغبته وبكل سهوله وبدون اي مؤشرات اقسى اللحظات عندما تفيق من صدمه لم تكن تتوقعها وتعيد شريط الذكريات امامك !شعور لن يحس به الا من جربه شعور قاتل عندما تتوالى عليك صدمات نفسيه متتابعه وانت تحاول ان تتماسك حتى لاترى نظرة العطف والشفقه باعين الاخرين تخلي اقرب الاشخاص عنك ليس بشي الهين فمابالك من ظننت انه رفيقك وشريك العمر وحبيبك الذي اخترته برغبتك واختيارك لم اظن في يوم من الايام ان ارى نفسي بعيده كل البعد عن حياتك ويأتي غيري لياخذ مكاني انا لم اكون شريكه لك فقط بل كنت ارى فيك الاب والاخ والصديق والحبيب والزوج كنت ارى فيك الامان عندما اريده وارى فيك الطمأنينه في حياتي وجودك كان يعني لي الكثير !! لكن ماحصل لم يكن في الحسبان بدأت افيق الان واسترجع كل مامضى وبدأت ابحث عن الامان ورى ظهور الاخرين ولكن ليس انت لاحد يعلم بتفاصيل ماحدث الا انا وانت البقيه لهم الظاهر فقطط لاحد يعلم اني خدعت باقرب شخص لي عمل كل شي يضرني بلحظه ابعدني عن حياته وقرر ونفذ كل قرارته وابتعد عني وتخلى بغمضه عين باع كل شي جميل لمً يترك في ذاكرته لو قليل من العشره كل شي عملته في الخفاء من تفكير بزواج وخطبه وملكه ومن نقل فلذات كبدك بدون شعور بالانسانيه بدون علمي وابعادي عن حياتك هروبك تغيير رقمك رفض مكالمتك لي رفض حضورك ارسال جميع مايخصني بشكل مفجع امام كل من حولي كل هذي الاشيا لايعلمها من حولك انت امامهم لم تعمل شي سيئ لايعلمها الا انسانه صدمت وصعقت وتخليت عنها بكل ماعطيت بقوه ! كل امرأه تموت قهرا وغيظا اذا اصبح لها شريكه لكن انا ليست شريكه فقطط بلحظه يصبح لدي شريكه ويتخلى عني اقرب شخص يبتعد ويبعدني عن كل شي في حياتي عن بيتي بيت اولادي مجتمعي صديقاتي رفيقاتي لحظاتي اماكني المفضله جامعتي دراستي راحه اولادي يهرب مني يختفي عني يرفض يتواصل معي يتخلى عن اولاده كل هذي الاشيا ليست بالشي السهل عندما مرت علي لكن لاحد يعلمها الا انا. انت اوضحت للجميع بانك لم تففعل شي سوى زواج مشروع وشخص مشغول قام بتأمين عائلته بمكان امن لعدم تفرغه فقط هذا مايعرفه من حولك قف مع نفسك قليلا وحاسبها قبل ان يحاسبها الجبار. لو اصبح الامر شريكه فقط لكان هين لكن انت لم تعدد فقط انت قتلت اهنت جرحت كسرت انسانه لاتنظر لك الا بود ابعدتني عن حياتك بلا سابق انذار كميه من القساوه لم اجد لها تفسير ماذا بعد؟ اسألك بالذي خلقك ماذا بعد؟ لم اعد احتمل قتلت بداخلي اشيا واشيا فقت من صدماتي وبدأت الملم اشتاتي بقهر وندم وحسره. واقول ماللذي بقي مذهوله موجوعه انطعنت بسكين غدر وخيانه لمشاعري كانسانه كاأم كاأي بشر لم تتعامل معي بانسانيه ابدا. من حقك الزواج واكون من المهنين ولكن ليس هكذا حاولت التواصل مع من ظنتت ايضا انهم بينظرون بعين الرحمه ولكن صدمت مره اخرى برده فعل لم اتوقعها كنت ابحث عن اجابات لما يحدث فقط كنت ابحث عن مايهدي روعي ولكن حصل مالم اتوقعه واكتشفت اهم شربو من نفس الكأس اللذي شربت منه انت جميعكم علا نفس الشاكله. انتهى سيناريو حياتي بنجاح بالنسبه لك انت معد ومخرج جيدا واهنيك علا قسوتك وعدم انسانيتك تذكرر انك تظهر لنفسك ولمن حولك انك لم تفعل شي لكن تذكر ان التفاصيل انا اعلمها وانت تعلمها وتعلم ماذا فعلت علا مراحل خداعي لما كنت امامك وانام بجانبك وانت معلق مع وحده غيري مشروع زواجك الذي لم اعلم عنه الا بعد تحديد الزواج. نقل اولادي لم اعلم عنه الا بعد مانتهيت منه وهروبك تغيير رقمك عدم تواصلك عدم تواصل اهلك هروبهم ابعادي عن حياتك نقل جميع اغراضي بلارحمه ولااحساس هل كل هذي الاشيا يتحملها بشرر هل كل هذي الاحداث لاتسبب التعب والالم لاحد هل فقدت احساسك ابدا حتى تفعل كل هذي الاشيا بانسانه لم تفعل لك شيئا ذنبها انها فضلتك علا كل من حولها هل هذي مكافأه. نهايه الخدمه احترم قرارتك ورغباتك ولكن هناك الف طريقه وطريقه لتخبرني بما يحدث ممهما يكن مازلت اعتبر باقي انسانه ولكن عودا علا ذي بدء ماحدث بتفاصيله يعلمه علييييم بصيييير مهما اخفيت انت الحقائق تأكد ان هناك من يراك ويسمعك ويعلم ماذ فعلت بي هو رجائي واملي وهو ملاذي بكل شي. قف مع نفسك قليلا واعلم انك اجحفت بحقي وضررتني كثيرا ولن اسامحك علا ماحدث لي وحسيبك رب العالمين هو قادر علا كل شي اما انا لاحول ولاقوه قدري ان امري وحياتي في يد من لايرحم ولن الجاء الا الى الله هو نعم المولى ونعم النصير. لاتتعب في تغير رقمك لاني لن احتفظ به وثق تماما لن تجد مني رساله بعد هذي او اتصال ولن الاحقك بعد اليوم انا لدي ماهو اهم. من ان ابحث عنك بعد كل ماحدث ) |
رد : صدمتي بزواج زوجي وتخليه عني
الله يفرج همك ويرد زوجك ردا جميلا
|
رد : صدمتي بزواج زوجي وتخليه عني
اوجعني قلبي من الرساله .. مدري وش اقول .. بس فعلاً انتي انسانه قووووويه لأنك لا زلتي متماسكه وما فقدتي عقلك بعد كل اللي تعرضتي له .. عموماً هو قفل كل الابواب في وجهك.. وعاجلاً أم آجلاً راح يرررررجع لك متحسف ومعتذر ومتندم وساعتها ماراح يأنبك ضميرك ويخليكي تقول لا حرام هو ما غلط ..
حالياً عيشي لنفسك وانشغلي بمشروع الدراسه واحرصي على المعدل .. ومن هنا حتئ تنتهي السنه الدراسيه ثقي تماماً انه ماراح يظهر فلا توجعين راسك بالتفكير .. ادري مو بهالبساطه بتسلين بس مر شهر وانتي تقريباً استوعبتي الوضع وبديتي تخرجين من الصدمه والألم النفسي .. الله ييسسر أمرك ويفرج همك ويبعد عنك كل فاجعه ويجعل ايامك القادمه خير وسعاده يارب ... ثقي ان الله يدبر أمورك إلى الخير .. |
رد : صدمتي بزواج زوجي وتخليه عني
اللهم فرج همها ونفس كربها و انصرها نصرا مبينا عاجلا غير آجل
|
| الساعة الآن 09:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©