منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   رغبتي في سكن والدي وزوجته معنا .. ولكن ! (http://www.66n.com/forums/showthread.php?t=260403)

مهره 07-06-2015 09:41 AM

رد: رغبتي في سكن والدي وزوجته معنا .. ولكن !
 
اقتباس:

المشاركة الأصلية كتبت بواسطة dramatic irony (المشاركة 3259166)
تفكرون في زوجة الاب ومشاعرها
ولاتفكرون في مشاعر فتاتين يعيشان وحدهما في بيت مع الخادمة والسائق بدون ام أو اب
تفكرون في اتجاه واحد فقط
والاتجاه الاخر غير مهم
حتى وان طلبت من ابيها الا يسكن زوجته معهم في نفس البيت لا تلام ولاتوبخ ولاتعاتب
مشاعرها طبيعية
وان فكرت بالتراجع ايضا لاتلام ولانقول لها هذا قرارك وتحمليه
وجود امرأة اخرى في حياتهم سلاح ذو حدين يحق لها أن تتخوف



ما فكرنا في مشاعر زوجة أبوها .. ولحد الآن أنا شخصياً ما تكلمت عنها كثير لأني بالفعل ما أدري هل هي إنسانة زينة والا لا ..... لكن فكرنا في كرامتها .. مهما كانت من حقها تتم كرامتها محفوظة.

وفكرنا في كرامة الأب.


كنا أنا واخواني في نفس الموقف في يوم من الأيام .. وكانت عندنا نفس المخاوف .. وكان أبوي الله يرحمه قادر ياخذ لها شقة .... لكن محد فينا تجرأ يقول له: اطلع.

لكن فرح استقوت لأن البيت مب بيته!!

يسمّونه (بيت أمنا وأبونا) .. لكن ساعة الجد طلّعوه منه.

يعني كانت ميزة معنوية لا تودي ولا تجيب .. وعند المحك الحقيقي صار (بيت أمنا) بس.



من حقها تتراجع عن قرارها اللي اتخذته وهي بكامل قواها العقلية .. لكن مب من حقها تتصرف مع أبوها وزوجته بهذا الاستعلاء والفوقية!!

محتاجة لأبوها؟ .. ما قلنا شي.

أبوها مسؤول عنها وعن أختها؟ .. ما قلنا شي.


لكن المنطق اللي هي تتكلم فيه والأسلوب اللي هي تعاملت فيه من بداية الموضوع لحد الآن عيب .. وايد عيب!

فرح تايه ~ 07-06-2015 09:55 AM

رد: رغبتي في سكن والدي وزوجته معنا .. ولكن !
 
اقتباس:

لكن صعب تجي تعيش فيه
وتكون ضيفة ما تحرك ساكن !
ههه لكن سهل علينا إحنا نروح نعيش عندها ضيوف ما نحرك ساكن !

يعني السقيفة ما تطيح إلا ع الضعيفة ..! ليش صاحبة السعادة ما تقدم تنازلات ومطلوب مننا إحنا اللي نقدمها !

دامها رضت من البداية .. فحقها في الإختيار إنتهى .

مــريم 07-06-2015 09:56 AM

رد: رغبتي في سكن والدي وزوجته معنا .. ولكن !
 
موضوعك غريب وعجيب يافرح ..

إنتي مش جاية تاخذين منا مشورة .. ولا تشوفين إذا وجهة نظرك صحيحة أو خاطئة ..
إنتي تفتحين موضوع وتبين تقنعينا فيه ..


في هذا الموضوع .. وفي موضوعك السابق ..
كنتي تقدرين تعملين اللي يحلو لك بدون ماتاخذين آرائنا وتقنعينا بوجهة نظرك ..
وبدون ما إحنا ندري اصلا وش قاعة تسوين في حياتك ..

مــريم 07-06-2015 09:58 AM

رد: رغبتي في سكن والدي وزوجته معنا .. ولكن !
 
على فكرة .. الميت ماله مال ولا له ملك ..
الواحد من يتوفى خلاص مانقول هاذي سيارته .. وهذا بيته .. وهذا ماله ..
كلها املاك الورثة ..
وأعتقد الزوج له حق من الورث ..

مهره 07-06-2015 10:08 AM

رد: رغبتي في سكن والدي وزوجته معنا .. ولكن !
 
اقتباس:

المشاركة الأصلية كتبت بواسطة مــريم (المشاركة 3259394)
على فكرة .. الميت ماله مال ولا له ملك ..
الواحد من يتوفى خلاص مانقول هاذي سيارته .. وهذا بيته .. وهذا ماله ..
كلها املاك الورثة ..
وأعتقد الزوج له حق من الورث ..


ماله حق يا مريم.

الأم الله يرحمها سجّلت البيت باسم بعض الأبناء في حياتها.


فرح تايه ~ 07-06-2015 10:12 AM

رد: رغبتي في سكن والدي وزوجته معنا .. ولكن !
 
اقتباس:

إنتي مش جاية تاخذين منا مشورة .. ولا تشوفين إذا وجهة نظرك صحيحة أو خاطئة ..
إنتي تفتحين موضوع وتبين تقنعينا فيه ..
هههه مدري ليه كل ما فتحت موضوع صار هجوم علي ! كل اللي أسويه أدافع عن وجهة نظري .. عندي مخاوف من جيتها عندنا وبنفس الوقت أبي أرجع أبوي للبيت الزبدة أبيه وما أبيها .. وتوقعت بشوف وجهات نظر حيادية مش دروس في حقوق الزوجة أكثر من اللي أخذتها في أحوال شخصية 1 و 2 😐

فرح تايه ~ 07-06-2015 10:18 AM

رد: رغبتي في سكن والدي وزوجته معنا .. ولكن !
 
اقتباس:

اختي هل تتوقعي ابوك بيرضي بشروطك ع زوجته ؟؟!!
غالبا إيه .. لأنه عارف إنه راح يوصل معانا لطريق نهايته ( يا إحنا يا هي ) ؟

مــريم 07-06-2015 10:18 AM

رد: رغبتي في سكن والدي وزوجته معنا .. ولكن !
 
اقتباس:

المشاركة الأصلية كتبت بواسطة مهره (المشاركة 3259399)

ماله حق يا مريم.

الأم الله يرحمها سجّلت البيت باسم بعض الأبناء في حياتها.


أهاا يعني سجلته في حياته لأبنائها ..
المهم .. المغزى واحد .. الآن لا شيء من البيت للأم رحمها الله ..

مــريم 07-06-2015 10:20 AM

رد: رغبتي في سكن والدي وزوجته معنا .. ولكن !
 
اقتباس:

المشاركة الأصلية كتبت بواسطة فرح تايه ~ (المشاركة 3259402)
هههه مدري ليه كل ما فتحت موضوع صار هجوم علي ! كل اللي أسويه أدافع عن وجهة نظري .. عندي مخاوف من جيتها عندنا وبنفس الوقت أبي أرجع أبوي للبيت الزبدة أبيه وما أبيها .. وتوقعت بشوف وجهات نظر حيادية مش دروس في حقوق الزوجة أكثر من اللي أخذتها في أحوال شخصية 1 و 2 😐

وليش أصلا تطرحين وجهة نظرك إذا ناوية تدافعين عنها mhm.. أحس موضوعك ماله مغزى غير تجبرين أشخاص مالهم علاقة بحياتك بالاقتناع بأمور تخصك لوحدك ..

بكر الشايب ياسمين 07-06-2015 10:29 AM

رد: رغبتي في سكن والدي وزوجته معنا .. ولكن !
 
السلام عليكم

الله يرحم والدتك ويغفر لها

مشتاقة لأبوك ولحسه .. صعب عليه يجي يعيش في بيت مو بيته هو وزوجته

زوجته لها حق .. والي قالت لها حق اذا اخذت عزوبي ومالها حق لما تاخذ ارمل سلامات !! خير ان شاء الله ؟ من الي قال ؟ لا حبيبة قلبي لها الف حق حتى لو تاخذ معدد

وانتي بنته وهو الي له حق عليك مو العكس

انتي الي لازم تبريه واذا مشتاقة له روحي عيشي معه في بيته

انا اقول اقصري الشر .. وخلي العلاقة حلوة بينكم وبينه وبين زوجته

وخلو المره بحالها تشوف حياتها وتبنيها بسعادة


الساعة الآن 04:41 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©