رد: نوعية ردود الزوج
 

ما أقولك إن كلمته صح … كلمته غلط بس انت جبتيها لنفسك يا أحبه … انت مو عارفة ان هذا طبعه خلاص تجنبي تسمعين هالكلمة لأن أحس أن عتابك يستفزه … و انت اخبر بعصبيته و انت مبين انك اهدى منه فانتظري هدوءه على الاقل … اما جو متكهرب و شخص سريع الانفعال و عتاب = معادلة نتائجها غير صحيحة …

* طيب بجد انت و انت تعاتبين شنو كنت متوقعة يرد عليك؟

هدي نفسك و انشغلي بترتيبات الخاصة للمستشفى و حاولي تلهين بأي شي …
استغفري و اذكري ربك

و الله يهدي قلبك

رد: نوعية ردود الزوج
 

كنت افضفض وانا اعاتبه يا تحت الظلال لاني خلاص انفجرت وانا اسمع كلامه الجارح واسكت ،، واحس باهماله واشوف بروده وعصبيته واعدي واسكت ،، تعبت وحسيت اني انفجرت

رد: نوعية ردود الزوج
 

وقفي عتب احبه
لا تعاتبي

رد: نوعية ردود الزوج
 

انتوا مشكلتكم

انه عصبي و انت حساسة و مرهفة …
و الشخصيتين ممكن يتعايشون لكن ان استمروا بدون تغيير ولو بسيط غالبا يستمر الشد و الجذب بينهم …
الحساسية أحيانا تنرفز العصبيين بالذات ان العصبي احيان يرمي كلام جارح و يندم عليه و الحساسة تنزعج من الكلام و تاخذه على محمل الجد و تدقق فيه … لازم ترخون شوي لبعض و بما انك انت الطرف المستشير فلازم شوي تتقوين على كلماته … حاولي تتجنبين الموقف اللي بيخليه يرد عليك كذا حاولي تقللين العتاب على المواقف (المتكررة) و حاولي تكون عندك ( مناعة ) ضد الكلمات اللي يقطها عليك … خاصة و أنك شايفة زوجك …
ترى بعدك عنه بيتعبك لأنك تحبينه مهما عصبتي عليه

رد: نوعية ردود الزوج
 

وكيف انبهه لتعامله معي وحاجتي لاهتمامه !!!

اذا ماعاتبت ماراح ينتبه ،،، وبنفس الوقت إذا عاتبت ماراح يهتم وراح انجرح زيادة!!!

يعني نعيش زوجين في بيت واحد وكل واحد بجهة عن الثاني !!!! ابدا ماهي حياة هذي،، وانا تعبت

وليش الواحدة تتزوج مو لانها تحتاج الاهتمام والكلام الحلو والغزل !!! وين تلاقيه اذا مالقته عند زوجها وين!!!!

رد: نوعية ردود الزوج
 

بعدين احبه ترى حتى هو يحس لا تحسبين هالبرود وراه قلب بارد و الدليل يوم ركبتوا السيارة قال بخير الحمد لله … فقد منك لطفك و سؤالك و اهتمامك لو ما ضايقه هالشي ما كان عبر عنه بطريقته هذا دليل انه يتاثر حتى لو ( بدا لك غير ذلك )

رد: نوعية ردود الزوج
 

لا تعيشين لا انت و لا وهو بعاد عن بعض منو يقولك كذا ^^
يعني اذا ما عاتبتيه خلاص توقفت سبل التواصل؟ ^^
تقدرين يا أحبه تعاتبين بس العتاب بجو كله شحنات ماله مكان و لا له تأثير … هذي هوشة بطريقة ناعمة و عاطفية … و العصبي ما يتقبل العتاب بوقت ضيقته
قربيه و عاتبيه وهو مشحون تشوفين منه الكنز الهائل من الكلمات الجميلة تنهال عليك 😁

رد: نوعية ردود الزوج
 

فعلا هذي المشكلة هو عصبي وانا حساسة ،، والمشكلة الاكبر انه مايحاول يتغير او عالاقل يقلل من عصبيته عشاني ،، ومايتفهمني ياتحت الظلال ،، مايحتويني اذا انفجرت ،، او يحاول يتفهم موقفي ويداريني ،، ابدا يعاملني بجفاء وبقسوة ولا كأني اعنيه ،، زعلت ولا رضيت بكيفي مايفكر أبد ،،

رد: نوعية ردود الزوج
 

يعني شايفه العتاب نفع
مااشوف الا انه زاد الخلاف بينكم

رد: نوعية ردود الزوج
 

برأيك حبيبتي مبتعثة وش اللي ينفع معه ؟