|
رد: دور الزوج بالحياة اليومية ؟
شكرًا لجميع الردرد قرأتها رد رد واستفدت جدًا من النقاط اللي ذكرتوها .. جزاكم الله خير 🌹
|
رد: دور الزوج بالحياة اليومية ؟
اقتباس:
معناته انت مكلفه نفسك فوق طاقتها رتبي وقتك بتلاقي عندك وقت كبييير فاضي بس اول نصيحه لك لما ينام ابنك القيلوله لاتروحي وتركضي تكملي تنظيف وترتيب لا خصصي هالوقت لنفسك استرخي اشربي كوفي اعملي مساج بيساعدك هالشي انك ترجع طاقتك ونشاطك وتحسين نفسيتك لازم باليوم تخصصي وقت لنفسك كيف جدولك اليومي |
رد: دور الزوج بالحياة اليومية ؟
الصراحة كل ما ودي اكتب لك شي اتردد
الله يعينك نفس وضعي لكنك اهون انا نعدي توام ,,, وبالغربة لا من معين ولا من يساعد غير الله والحمدلله لكن زوجي ابن حلال ما قصر معاي ان ما ساعدني عمليا ,,, يساعدني بالسكوت لا يعاتب ولا يناقش ان قصرت او تاخرت بشي لان اساس الحياة التعاون والتكاتف ,,, والحمدلله مشت الايام والتوام كبروا والحين نعدي رضيعة جديدة ورجعت نفس الموال هههههه حبيبتي زوجك الله يعينه ,,, وظيفة ودراسة يتعبوه بنتك صغيرة وهذا العمر جدا مرهق لان بداية مرحلة الاكتشاف عندها وبناء شخصيتها عشان هالشكل لازم تكوني قوية وابشرك الوضع ان شاء الله بيتحسن بعد كم شهر يعني لحد ما يصير عمرها سنتين او سنتين ونص بالكثير الي عليك ,,,, تنظيم وقت نوم بنتك البنت لازم تنام مبكرا يوقت معين اقصى وقت ممكن تبقى له هو العاشرة مساءا وتصحى الصبح معاك اول ما تصحي الصبح افطري وجهزي الغدا ورتبي البيت " شقتك صغيرة ما تاخذ وقت كثير " تقريبا للساعة 11 تكوني مخلصة كل شي يبقى عندك وقت لنفسك ولبنتك ولهواياتك الى موعد عودة زوجك من الشغل غدا وما يليه من ترتيب ,,,, وامورك طيبة في يوم اجازة زوجك ,,, قبلها بيوم او يومين وبالاتفاق معه حددي انتي المكان الي تبين تروحين له لا تتركيها عليه مطعم سوق زيارة الاهل او غيرها حسب ما تودي ,,, وغيري جو براحتك البنت ان كان في حد في بيت اهلك ممكن يعتني فيها اتفقي معه مسبقا ان تتركي البنت كم ساعة حتى تروحي للمشغل او تطلعي مع زوجك او صديقاتك المهم ...... والاهم عيشي حياتك لا تخلي الحياة تسرقك الايام تجري وما عدنا نحس فيها والبنت مصيرها ان شاء الله تكبر جعلها ربي من الذرية الصالحة فاستمتعي بامومتك معها موضوع الانجاب ناقشي زوجك وااتفقوا على تاجيله كم شهر حتى تبدا البنت تعتمد على حالها ايي صحيح ,,,,,, الغضب والضرب ابتعدي عنهم لان ما يعطوج غير وجع القلب والامراض الله يكفينا شرها والبنت لا تعلميها على العناد ,,, طنشي حتى ما تتعمد تكسر كلامك من تكبر ولما تخلص لعب علميها تجمع العابها وتساعدك بالبيت ,,, وانتي معها بشكل انه لعب وتسليه تتشجع وتصير تعتمد على حالها بسرعة ويخف عنك الضغط ترتيب مكان اللعب ,,,, خليه مرة او مرتيب بالفترة الصباحية ونفسها بالمساء مع تشجيع البنت للمشاركة في النهاية ,,,,,,, بالترتيب والتنظيم تسهل الحياة جدااااااااااا ان شاء الله |
رد: دور الزوج بالحياة اليومية ؟
يازين البزران ويازين حوستهم وضحكتهم ودلعهم فديتهم انا
الله يرزق كل محرومة يارب اتذكر زميله لي بالعمل سودانية كانت تقول احنا في السودان اذا جينا ندعي على الوحدة نقول عسى بيتك طول العمر نظيف ولما سألتها ايش معنى الدعوة؟؟ قالت انها ماتجيب اطفال وبخصوص الطلعات اختاري اماكن تناسب اجواء الاطفال يعني حديقة وانتي خوذي معاك الابتوب وخليها تلعب واختاري كوفي يكون فيه كرسي طفل واستمتعي بلعبها ودلعها بكرا تكبر وتقول ماما لو سمحتي اتركيني لحالي خخخخخخخ |
| الساعة الآن 12:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©