|
رد: ما أعرف ماهي أهداف زوجي ؟
اختي اذا زوجش نمطه جنوبي هالاسلوب مايتماشى معه وراح تخسريه...اسلوبك جذاب جداً للرجل شمالي النمط
|
رد: ما أعرف ماهي أهداف زوجي ؟
أهلين بنات ...كل عام وأنتم بخير ddg
_ قرأت كلامكم وأشوف إنه عين الصواب .. ( حماسي وتوقعاتي / كيف ممكن ينظر لي زوجي إني متوفر لي كل شيء مثل مايشوف مفترض مثل ما يتوقع أكون سعيدة و ساكتة ) .. _ نمط زوجي حسب اللي قرأته شمالي غربي ! أما أنا جنوبي غربي ! في نقاط في الشمالي حلوة ما لاحظتها في زوجي مثل إن الشمالي طموح ويحب الشغل والكرف ! ألاحظ إنه دايما يختار الأريح ! آخرتها أحد الأشخاص كان يثق بزوجي جدا واختاره إنه يمسك واحد من المشاريع ..المشروع ممكن يأخذ منه ساعتين يوميا بس ....ودور زوجي إشرافي ..والمكان قريب من البيت ! طول المدة أحاول معه إنه يوافق لكن كان مو متحمس ومتخوف , تمنيت إنه متخوف من الخسارة , لا صار متخوف إنه مستخسر هالساعتين !! والغريب إنه عنده مشاكل مادية والفرصة جائته على طبق من ذهب ..في النهاية رفض ! أيضا إن الشمالي يكون يبغى الوحدة قوية وتقول أبغى كذا وكذا وتصرح ولا تهتم ! مرة تناقشنا أنا وإياه عن موضوع الشخصيات وكان من ضمن الكلام ...لو كانت شخصيتي غير هذي ..لو كنت مثل بعض البنات اللي أناقش وأرفض ومالي إلا رايي ووو قال إن أكيد تعامله مختلف حيكون و إنه ممكن يصل للضرب <<< استغربت مرة هالشيء ! استغربت طاري الضرب في الموضوع ! ما أتخيل زوجي حتى لو كانت الوحدة سليطة أو شريرة إنه يضربها ! وإذا تذكرت إنه مره كان يسولف وقال إنه ضرب أخوه الصغير ..قلت كل شيء جايز .. |
رد: ما أعرف ماهي أهداف زوجي ؟
ماشاء الله ترى اروع شخصية للرجل شمالي غربي
ماهو راعي تلصق ولا تشره ولا مجاملات انسان عملي ومنطقي وواااااضح وصريح رفضه للعمل طبيعي لانه استخسر وقته عنده ثقه ان وقته ثمين ومايشتغل بشي الا اذا كان يحبه ويتفانى فيه اقول لك قيمه العمل عنده عاااااليه مو تمشيه حال وبنفس الوقت يهتم بالجوده يعني الهاي كواليتي.. معاييره عاليه تلقينه طول الوقت يخطط للمستقبل ووقت الفراغ يشغل نفسه باشياء مفيده واذا جاكم عيال بتلاحظين عياله رقم 1 بيكون حريص جدا على مستقبلهم وتعليمهم ويهمه يكونون حصلوا على تربيه عاليه وممكن يتخانق كثير معك على هالموضوع الشمالي عياله يخليهم امراء وزوجته ملكه مايبي منك الا تنشغلين بنفسك وتطمني انه بيحطك بعيوووونه وغربيته تعطيه طابع الملل وحب التغيير فحاولي تكسري الروتين بين فتره والثانيه احمدي ربك مو جنوبي زعول حساس كسول |
رد: ما أعرف ماهي أهداف زوجي ؟
اقتباس:
يا بنت يا كنافة! خلينا حلوين بكرة العيد أمرض شخصية بالعالم الشمالي |
رد: ما أعرف ماهي أهداف زوجي ؟
كلامك عن الشمالي الشرقي ياكنافة مش الشمالي الغربي
بعدين سالفة ملكة ماملكة كلها كلام تنظيري.. كل شخص فيه ميزات وفي عيوب الشمالي الغربي كسول راعي تخطيط ويحب الشغل لكن مافيه جلد عليه وهو عارف هالشي يتحمس بالبداية ووقت التخطيط بس لما يبدا يشتغل يطفى فجاة هو عارف نفسه وهذا شي يحسب له مو عليه يبدا الشي مايخلصه يحب يصرف على نفسه وعلى ملذاته.. وعلى حبايبه بس اذا حبيبه بيبخل على نفسه ماراح يتكيرم عليه يحب المراة المهتمة بنفسها اللي تحط نفسها قبل كل شي واي شخص يعني اللي تسوينه كله بالنسبة له ماله معنى.. والتضحيات اللي ما انطلبت منك بليها واشربي مويتها اذا جا بيوم قلتي اني سويت كيت وكيت عشانك.. ممكن واقول ممكن تنجرحين لانه الرد بيجي على شاكلة انا ماقلت لك سويه كذا شفتي لما كنتي صريحة وطلبتي؟ يموتون عاللي يتبعون هالاسلوب و مايمشي معهم الا هو اصلا :) انا نموذج تيبيكال شمالية غربية برضو.. والانسان اللي يستضعف نفسه ماله احترام عندي عشان كذا قلت لك قبل افرضيييي نفسك.. مش بالقوة ولا بالهواش بسكات... معاملتك لنفسك مرااااااية |
رد: ما أعرف ماهي أهداف زوجي ؟
اقتباس:
قال إيه يعيشك ملكة اسأل الله العظيم رب العرش العظيم أن يجعل عيده هم وغم. |
رد: ما أعرف ماهي أهداف زوجي ؟
حبيباتي انا كلامي نابع من معايشتي
انا شماليه شرقية والدي شمالي شرقي اخوي وخالي كلهم شمالي غربي وعند اختي برضو شماليه غربيه يعني عيله شماليه بحته هههههه بس اكيد هي مجرد انماط وتحليلات ربطت اللي قريته باللي اشوفه والله يهدي الرجاجيل كلهم ان كان شمالي والا جنوبي عيدكم مبارك |
رد: ما أعرف ماهي أهداف زوجي ؟
لا إله إلا الله..
الله يعينا ويصبرنا و ما نعجز بسبب هالازواج استغفر الله بس مدري شقول.. أختي، زوجي مثل زوجج. مبرمج يومه كله من أجله هو من قبل 6 سنوات و سوري عالاحباط بس الوضع كما هو و اسوء😅 زوجي كل مكان و كل وقت يستكثره علي_كنت أظن أنا المملة طلع هو الممل_على الاقل هو عنده جارج من طلعاته روحاته و رداته/لكن في رجال كثير يعتقدون أن الخارج حرب و ان البيت استراحة كأنه كان يحمل على ظهره جنطة ثقيلة و بمجرد وصل الباب قطاها و صار فظ او صامت جاف و منعزل و مو مستعد يقدم للداخل شي للأسف !.ساعات أفكر أقول باجر راح أشكيه لرب العالمين ؟أو بسامحه؟!🤔😐😆 هذا يسمونه إهماااال،و عدم احترام لنفسية الطرف الآخر.. سوري عالاحباط مرة 2 بس حبيت اكتب ان زوجي ما يهتم لزعلي و لا نقاشي و لا حزني.. عندي صديقة رجولها ع رجول زوجها في أماكن كثيرة: سوبر ماركت_مشوار بترول_مفروشات_خباز_مطعم_.تقول معودتنه من البداية. بس انا اقول ماشاء الله تبارك الرحمن. من قال ان الزوج بس تعويد. الزوج أيضا رزق و ظروف و معطيات شخصية سابقة. |
رد: ما أعرف ماهي أهداف زوجي ؟
اسمحوا لي بمداخله
انا ضد نظريه زوجك على ماتعوديه وشفت هالشي بعيوني لي قريب شمالي كان مايعرف البيت الا وقت النوم والله يسافر يجي 10 مرات بالسنه لحاله او مع اصحابه وياما زوجته بكت ومسكت الباب عشان مايطلع وهو طناااااش ويروح المطار وبالاجازات يحطها عن اهلها (بمدينه ثانيه) وياخذها مع العيال مع عودة المدارس بعد مادخل الاربعين تغير 180 درجة صار بيتوووتي وكل اجازاته مع زوجته وعياله يسفرهم ويمشيهم واذا انعزمت زوجته يطلبها تكنسل وتجلس معه بالعربي طاح اللي براسه وخذوله بعض اصحابه وطيح هم جمع المال والترقيات الخ ترى الشمالي تركيزه كبير على تحقيق اهدافه اذا حققها التفت لك قصه ثانيه على لسان وحده اعرفها برضو متزوجة شمالي حاليا رجلها على رجله بأي مشوار وتنوم العيال ويطلعون يتعشون كل اسبوع وتمشيات وسفرات المهم تقول لي هذا ماجاء بيوم وليله جاء بعد كفاح 13 سنه المرأه تحتاج وقت وصبر حتى تعزز مكانتها اول السنوات الرجال يتحكم ويكابر ويبين ان بيته وزوجته اخر اهتمامته بعد مايطيح اللي براسه يلتفت لاهل بيته ومعظم الرجال معظم الرجال معظم الرجال يتغيرون بعد الاربعين ينضجوووون بينما احنا النساء ننضج بدري صراحة |
رد: ما أعرف ماهي أهداف زوجي ؟
اقتباس:
وقت الفراغ هو ترفيه كله بالنسبة له ..طبعا ما ألومه لأن الترفيه مهم وأنا اشترك معه ..أنا لو يحصل لي ترفيه وإلا شيء مفيد باختار الترفيه .. العيال ..تصدقين مرة خايفة من هالنقطة ..لأن تربتهم كانت كله المسيطرة على الموضوع أمه .. أمه إذا سولفنا عن موضوع العيال تأكد لي إن الأم أهم شيء وإن مو مهم تواجد الأب في الموضوع << أنا عكسها أشوف الأم والأب مهمين ! يمكن قصدهاتعتذر لولدها .. ddg |
| الساعة الآن 09:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©