منتدى عالم الأسرة والمجتمع - التغيير ..لماذا نتزوج ، مهره

منتدى عالم الأسرة والمجتمع (http://www.66n.com/forums/index.php)

- ساعدني (http://www.66n.com/forums/forumdisplay.php?f=139)

- - التغيير ..لماذا نتزوج ، مهره (http://www.66n.com/forums/showthread.php?t=272218)

رد: التغيير ..لماذا نتزوج ، مه

اقتباس:

المشاركة الأصلية كتبت بواسطة مهره (المشاركة 3505874)

سمورة حبيبتي..

مهما بذلنا من جهد ما بنقدر نعرف السبب الحقيقي ورا تصرفات زوجج.

لكن ما دام تصرفاته متطرفة ومبالغ فيها فهذا يعني إن في شي غلط .. إما أن هدفه مب بريء تماماً .. أو عنده مشكلة نفسية مع نفسه.

يعني مهما كان ما توصل إنه يقذفهم في شرفهم .. وحتى لو افترضنا في أسوأ الاحتمالات أن كلامه صحيح .. بعد مب من حقه يحاصرج ويفرض عليج ما تتواصلين معاهم بهالشكل.

صحيح هو اعتذر .. وهذه الجزئية ممكن تستغلينها عشان تحطين حد للي يسويه .. يعني خلاص ممنوع يتكلم في علاقتج مع اخوانج أو يتدخل في أي شي يخصكم مع بعض .. وانتهزي أي فرصة عشان تبينين له خيبة أملج فيه وإنج ما توقعتي إن السالفة توصل لقذف رياييل هم أهله وعيال عمه في النهاية.

وخلاص يا سمورة .. لا تسألينه مرة ثانية عن السبب .. لأن في الحقيقة ما في سبب منطقي أو مقبول يعطيه هالحق.

فقط أعطي كل طرف حقه من الاهتمام والواجب.

ادري يامهره ... فعشان كذا طلبت اغلاق الموضوع ... لاني حتعبكم علعالفاضي ... الحين هو ووعدني مارح يفتح موضوع اخواني ... من ببعد ماتأكد اني ما قلت شي حق أخواني ... وعمي قال لي لو قال لك شي او منعك من شي اقوله ... وزوجي يقول لي بلاها تطلع مشاكلنا لابوه ... الله يجزاك خير حبوبه ..

رد: التغيير ..لماذا نتزوج ، مه

اقتباس:

المشاركة الأصلية كتبت بواسطة مهره (المشاركة 3505875)

ما دام الثقة تزعزعت في الجميع .. فمثل هالمواقف إذا احترتي فيها لا تشاورين زوجج.

شاوري طرف محايد يغلب على ظنج إنه عقله كبير وحقاني وما بيستفيد منج .. أمج .. عمج .. خالج.

ان شآء الله 🌹

والله صرت متخوفه من الطرفين
ان شاء الله ربي بيعين

اقتباس:

المشاركة الأصلية كتبت بواسطة مهره (المشاركة 3505876)

التجاهل والتكذيب ما يفيد دائماً يا سمورة .... يمكن مقبول في بعض الأمور اللي ما تمسّج بشكل مباشر .. لكن في المواقف اللي تكونين طرف فيها لازم تشوفينها وتقيمينها صح .. عشان تصرفج يكون صح.

أكيد حلو إن اللي نحبهم تكون صورتهم حلوة في عيونا .. لكن إن كانوا هم اللي يشوهون صورتهم بأفعال أو مواقف سيئة فما ينفع نعمل نفسنا مب منتبهين.

ان شاء الله اغير من نفسي ... جد محتاجه اتغير في هالنقطه .. لاني تضررت كثير بشخصيتي هذي ... تسلمين يامهره 🌹

رد: التغيير ..لماذا نتزوج ، مه

اقتباس:

المشاركة الأصلية كتبت بواسطة مهره (المشاركة 3505877)

ما سويتي شي غلط عشان تخافين من ردة فعله يا بنت.

إنتي تحملتي كثير .. وكلامه الأخير عن اخوانج هو القشة .. طبيعي تنفجرين في النهاية.

ويمكن خيرة من الله عشان المهزلة اللي هو عاملها تنتهي.

صحيح كلامك ... وان شاء الله تنتهي ... رجعت بيتي اليوم ... وان شاء الله كلانا يتغير ... اشكركم على نصايحكم 🌹

رد: التغيير ..لماذا نتزوج ، مه

ربي يصلح حالكم.

موفقة حبيبتي.

رد: التغيير ..لماذا نتزوج ، مه

امين يارب ... تسلمين حبوبه وربي يعطيك ألف عافيه 💓

رد: التغيير ..لماذا نتزوج ، مه

صباح الخير ... حبيبتي مهره واخي لماذا ... ممكن تعطوني رايكم اذا انا ماشيه صح ولا لا ... والموقف اللي بذكره الحين .. تصرفي وتعاملي صحيح ولا لا ... وجزاكم الله خير ....

اولا .. الحمد لله احس نفسي مرتاحه ومافي مشاكل الا هالموقف ...
ثانيا ... حصل موقف قبل امس ... بعد مارجع من صلاة التراويح دخل الغرفه ... وطلب مني عصير ... ولما جبت له ... قلت له وانت نازل نزله معك لان عمتي الحين تبيني ... وانتبه الولد نايم لا يصحى ... وكان مركز عالجوال وقال طيب ... وانا نزلت اخلص شغل مع عمتي ... وشوي نزل وجلس معنا ... ولما خلصت قلت بطلع اصحي ولدي ... حصلته قاعد عالارض كله زجاج من الكاسه اللي طاحت وانكسرت ورجله مليانه دم ويصيح ... والاخ حضرته شرب شوي وحطه بالكومدينه اللي جنب السرير .... وهو اكيد لما صحى شاف العصير ويبي يشرب وطاح عليه ... ناديت زوجي يجي ياخذه المستشفى ... قعد يصرخ علي قدام امه ... انتي مهمله شلون تحطين الكاسه قدامه وانتي تدرين انه شيطان مايخلي شي ... قلت له خلنا نوديه المستشفى بدل الكلام اللي مامنه فايده ... ولبست عباتي بسرعه ونزلت ماحصلته ... اخذ ولدي وراح .. وتاركني محروقه ... قلت معليه شوي وادق عليه يطمني.... نص ساعه ورجعت ادق عليه ... جواله مغلق ... هو متعمد يسوي هالحركه ومو اول مره ... يبي اعصابي تنفلت ... وعمتي كل شوي تقول لي دقي خليه يطمنا على الولد ... واقولها مغلق .. بالاخير قلت لها بعصبيه ... ولدك مسكر جواله افهمي ياعمه يبي يحرق اعصابي ..، وطلعت غرفتي وجلست ابكي احس نار بقلبي ... وكل شوي اتصل ومغلق ... بعد ساعتين رجعوا ... دخل الغرفه وقال لي انزلي شوفي ولدك ونتيجة اهمالك ... نزلت من غير ما ارد عليه ... والحمد تطمنت عليه .. سووا له تنظيف الجرح من الزجاج وخيطوا له رجله ... اعتذرت لعمتي ... قالت معذوره وولدي ماكان لازم يسكر الجوال ... جلست شوي معها ومع ولدي ... جوالي يرن قاعد يتصل فيني زوجي ... اخذته وحطيته سايلنت .. وهو نزل معصب ... ساعه ادق ماتردين ... قلت له مانتبهت جوالي كان صامت ... قال صامت ولا ماتبين تجين ... عارفه انك غلطانه وتتهربين ... قلت له تعال فوق نتكلم ...لانه اخته وامه قاعدات بالصاله ... قال كنت ادق عليك عشان نتفاهم فوق بس دامني نزلت بنتفاهم هنا ... انا اخذت ولدي وطلعت الغرفه ..،من غير ما ارد عليه ... وهو جا ... وقعد يصرخ ويعصب ماتحترميني قدام اهلي تتركيني وتطلعين شنو انا طرطور ومدري شنو ... قلت له انا محترمتك ولا تركتك ومشيت ... انا عشاني محترمه وجودهم ومابي يحسون بالحرج طلعت ... سكت شوي ... ورجع قال انا ماقد شفت اهمال مثل اهمالك ... قلت له .. هذي كاسة مين مين اللي شرب فيها ! قال المفروض تتفقدين اذا في شي بالغرفه خطير تاخذينه ... وشلون تتركين الولد ينام لوحده و.....《 سيل من عرض اغلاطي 》... قلت له خلصت ! قال لو اقعد من اليوم لبكره ماحخلص ... قلت له طيب ... انا ان شاء الله اذا شربت شي بنزل كاستي معي ... غلطه وتعلمت منها ... واذا جبت لك شي تشربه ... بطنش عمتي اللي تنتظرني اساعدها واقعد انتظرك تخلص واخذ الكاسه معي ..، تبي شي ثاني ؟ قال ايه تتمسخري وتاخذيني على قد عقلي يلا انقلعي ... وامس مايكلمني ... وانا اتكلم معه عادي ... ومايرد علي واذا رد يكون من طرف خشمه ... عمي امس لاحظ قال وش صار في شي ... قلت له مافي شي بس زعلان على ولده ... قال عمي ان شاء الله يومين ويصير بخير ... زوجي قال له بس الاهمال من الام وعدم المسؤليه مستمره ... انا ساكته وعمي قال استهدي بالله ربي كاتب يصير هالشي ...
الحين هو محملني مسؤولية اللي صار ... وانا ساكته ... اكمل كبت وقهر ولا انفجر ؟

رد: التغيير ..لماذا نتزوج ، مه

وعليكم السلام ورحمة الله وبركاته

الحمد لله على سلامة الولد

الله يحفظه ويحميه لكم

بالنسبة للموقف:

ماهو فرق تصرّف زوجك في هذا الموقف عن موقف ضياع الولد في السوق؟!

اليس التصرّف هو نفسه !

يهمل + يلقي باللوم عليكي + ينتظر اعتذار منكي + ثم يتصاعد الموقف بينكما

صح ولا لأ؟

رد: التغيير ..لماذا نتزوج ، مه

انا مدري ليه يخاف يتكلم ويعترف ... او عالاقل يسكت مايرجع غلطه علي ... وانا والله مابذبحه مابضربه مابسجنه ... ليه كذاااا ؟؟؟ ودي اسأله انت ليه كذا ... وش هالشخصيه اللي عندك ... اذا ماتبي تعترف اوك عادي مابقولك اعترف غصب بس لا ترمي غلطك علي ... طيب هوو ايش يبي لما يرمي اغلاطه علي ؟ ... هو استعباط او عدم احساس او شنوو ...

رد: التغيير ..لماذا نتزوج ، مه

اقتباس:

المشاركة الأصلية كتبت بواسطة لماذا نتزوج ؟ (المشاركة 3509495)

امين ياارب ... الله يجزاك خير ياخي ... وربي يسلمك ... صحيح هو نفسه ... وكثير يرمي اغلاطه علي ... لا هي اول مره ولا ثاني مره ... ومدري حتى وش المطلوب مني اسوي له ..
يفرق اني هالمره ماراددته ولا قلت له انت الغلطان ..ولا دخلت معه بنقاش ...

رد: التغيير ..لماذا نتزوج ، مه

المطلوب منك انك :

1- تفهمي شخصيته (بالملاحظة والقراءة )

2- تسلّمي وتقبلي هذه الشخصية

3- تغيري من نفسك كي تتعاملي مع هذه الشخصية بأفضل شكل

ان عملتي الخطوات السابقة ودعوتي الله التوفيق فسوف تحصل الخطوة الرابعة

4- سوف تتغير شخصيته بمشيئة الله تعالى

وياريت (وهذا الاهم) قبل عمل الخطوة رقم 1 انك :

0- تفهمي شخصيتك انتي بالأول.