رد: زوجي هاجرني "حرفياً"
 

طيلة هذه السنين جعلت منه أشد برود وتبلد لأنك لم تصعقيه بموقف حازم فظن أن الأمر لديك طبيعي ومتعايشه معه , وربما لديه صورة أن هذه الأمر لدى انثى غير مطلوب , وطبعا أنت تقولين ( كبريائي ) يمنعني فازداد الأمر سوءا ..
يجب ان تصعقيه بموقف حااااااااااااازم جدا يجعله لا ينام الا وقد أحزم أمره على التغيير
والا عليك أن تتحملي حياتك

رد: زوجي هاجرني "حرفياً"
 

Neat man وبياض الديم

أنا فقط أخمّن الوسيلة التي يمكن أن يكون يُفرّغ شهوته بها.
وفي الحقيقة نفسي تميل إلى أنه لا يمارسها فهو لديه الكثير من التحفظات والقوانين.

رد: زوجي هاجرني "حرفياً"
 

طيب كيف أقوله شي زي كذا؟
انا عارفة إنه مستحيل يراجع طبيب نفسي.

وبالنسبة لتدخل أهلي فأنا عندي موقف من تدخلات الأهل لأنها دائماً ما تزيد الأمور سوءاً
وأستطيع التخمين إن زوجي رح يحقد لو اشتكيته عليهم.

في انتظارك أخي وشكراً كثير لاهتمامك.

رد: زوجي هاجرني "حرفياً"
 

عزيرتي هذا وضعي من بداية زواجنا طول عمره كان يشعر بعبء نحو ممارسة الجنس وعنده شروط كثير عشان يتحقق المود والوقت المناسب.
هو ما يحب "المشخلع" على قولتك وما يحب المبادرة والإغراء الصريح وما يحب التصلق وقرب المسافات!!!!!!!
ايش بقي؟ 💔

ما أحسه نظامي كثير بالعكس فوضوي في البيت (لكن يبغى البيت مرتب) لكن يمكن في عمله دقيق ومنجز ويمشي على جدول
بتحليل الشخصيات (لا أعوّل عليها ولا أصدقها) هو شمالي شرقي وأنا جنوبية غربية.

رد: زوجي هاجرني "حرفياً"
 

كلامك صحيح للأسف ولكن كبريائي ماله دخل بالموضوع لأن لو فعلاً مستحضره كبريائي كان أدّبته من زمان أو انفصلنا. لكن أنا ما وصلت لهذه المرحلة إلا لأني حقيقة مُتعبة ومقهورة وأبكي من داخلي بلا دموع.

رد: زوجي هاجرني "حرفياً"
 

انا سالتك لان زوجك قرررريب جدا من زوجي
وصدقيني فادتني كثير التحليلات
لي رجعه ان شاءالله 💘

رد: زوجي هاجرني "حرفياً"
 

الله المستعان
في انتظارك عزيزتي حبق

رد: زوجي هاجرني "حرفياً"
 

طيب لو أخذت برأي الأغلبية وكلمته
ورح تكون للمرة الأخيرة، حقيقي.

قولوا لي ايش اقول بالحرف.

أحس إني ضايعة ما أعرف من فين أبدأ.

رد: زوجي هاجرني "حرفياً"
 

أبغى أتكلم معك بكل صراحة لأنه لا تعتقد إنه من السهل جبت الجراءة إللي حأستخدمها الآن عشان أتكلم معاك .. لكن عشان حياتنا مع بعض لا تضرر أو يمكن تنتهي فأنا بحاول إني أعالجها قبل فوات الآوان .

أنا كلمتك سابقاً عن موضوع العلاقة وإنت وعدتني خير ولكن للأسف أحس إنك غير مهتم أو ماقدرت أنا أوصلك رغبتي وفكرتي .

أنا مثلي مثل أي أنثى وزوجة تحب تشوف زوجها متلهف عليها ويحبها ويرغب بالقرب منها والعلاقة معها .. وهذا شئ فطري خلقه الله فينا كلنا وهو شئ طبيعي وغير مستغرب

لكن لمن الزوجة تشوف زوجها غير مهتم بها وبالعلاقة مهما فعلت سواء لبست أو تمكيجت أو تقربت أو لمحت أو صرحت .. ولكن في المقابل تجد برود أو كأن الموضوع تأدية واجب .. كيف تبغى الزوجة تحس مع نفسها .. أليس هذا شئ يقهر كل زوجة .

أنا دائماً ألتمس لك الأعذار وما أحب أضايقك وأقدر شغلك وتعبك وطموحك .. ودائماً ما أحاول أزعجك وتاركه الموضوع لرغبتك مع العلم أني دائماً مستعدة لك وأتمنى قربك حتى لو ما نسوي علاقة بعض الأحيان .. بس أبغى أحس بحضنك وبقربك مني .. أنا أعرف طبيعتك إنك ما تحب الإلتصاق .. ولكن هناك فرق يين الإلتصاق الطويل والإلتصاق القليل إللي يكون هدفه التعبير عن المشاعر .

يمكن تقول في نفسك إنه نحن النساء عاطفيات وإني فاضية وما عندي سالفة ومتأثرة بالقصص والأفلام .. وتقول في نفسك إنك منت مقصر معي في شئ .. وإنك محترم وما عندك لف ودوران والمفروض إني أحمد الله على نعمة إنك زوجي .. وأنا فعلاً أحمد الله إنك زوجي وأحترمك جداً وأحبك كثير .. ولكن لازم تعرف إني بأعاني وأن الكلام إللي قاعدة أقوله لك يعتبر مشكلة حقيقة بالنسبة لي وليس مجرد كلام وخلاص .

وأنا حبيت إني أكون لأول مرة جريئة معاك وأصارحك بأنه فيه مشكلة في حياتنا ولازم نحلها قبل ما تأثر علينا .

وأنا الآن بأوجه لك اسأله صريحة وأتمنى إنك تجاوب عليها وما حأزعل من أجوبتك مهما كانت لأن الهدف أن نصل لحل :

هل يوجد فيا شئ مو عاجبك سواء شكلي أو لبسي أو ريحتي أو أي شئ

هل تبغاني أسوي شئ لك أنا ما أسويه ومستحي مني وتتمني إني أعمله لك

هل أنت من النوع الذي لا تحب ممارسة العلاقة ولا تهواها

هل عندك مشاكل في العمل أو ضغوطات نفسية أنا ما أعرفها وتعتقد تخليك ما تفكر في العلاقة أو الحياة العاطفية

إيش رأيك نعطي نفسنا وقت لمدة شهرين تقريباً إننا نحاول نغير حياتنا ونستمتع ببعضنا .. وإذا ما قدرنا .. نتواصل بعد كده مع إستشارية أنا وأنت يمكن نكون محنا قادرين نوصل لنفس الفكرة وتحاول الإستشارية توعيتنا بطريقتها عشان تتغير حياتنا

رد: زوجي هاجرني "حرفياً"
 

كلام جميل ....فرج الله همك اختي