حبيبتي ميسونه ........... بالنسبة لمسئلة الطلاق ، انا لا اشجعك على الطلاق ولا اشجعك ان تتراجعي عن قرارك ، ولكن حبيت ان انصحك واقول لك أذا تراجع زوجك عن فكرة الطلاق ورفض ان يطلق ، ممكن ان تضعي شروطك وترجعي له من جديد مع بدأ صفحة جديدة . والله الموفق ،

يااخت ميسونه قريت موضوعك بالكامل واضح انك ودك ترجعين لزوجك وهذا الافضل ولاتصيرين غبيه واعذريني بهالكلمه عشان اخت زوجك تتطلقين كيف لو تزوج عليك وش بتسوين بقولك تحليلي لك والله اعلم انت مضغوطه من الغربه ومن البيت والعيال خذي فترة عن زوجك بس كوني متواصله معاه كلميه بالجوال لاتعطين اخته فرصه وتفرحينهم عليك صدقيني اخته ماتسوي كذا الا انهامقهورة ومنك وليش مقهورةمنك لاك غاليه عند زوجك فلاتضيعين بيتك وعيالك عشان مشاكل روتينيه ارجعي لبيتك وهدي نفسي وخلي اعصابك بثلاجه وخليك ياجبل لايهزك ريح والله لوتسمعين خوات زوجي وامه وش يقولون كان تنجنين بس انا مطنشه مدام معاي القمرررر مالي ومال النجوم عيشي حياتك وابسطي زوجك انا بصراحه اقول لزوجي وش يسوون اهله فيني بس مااتهاوش معاه لا عشان يحس اني مظلومه واني ماغلطت نصايحي لك اهتمي بزوجك وبيتك عيالك دلعي زوجك احترميه خليه ينسى اخته ومشاكلها طبعا لايقاطعهم حثيه على التواصل والهدايا بس لاتفتحين المشاكل خلي وقته معاك سعاده بسعاده واذا الحب موجود كمليه بالاحترام لاتطولين لسانك لاتكلمينه وهو معصب والله ياميسونه اني قبل امس مبدعه في الغداء ولان زوجي فيه سكر عقب ماكل وشبع حس بتعب تخيلي وش يقول يقول الله لايوفقك على هالغدا ولايجزاكي خير زعلت بس ماتكلمت قلت استاهل بدل ماتمدحني يالشيخ طبعا انا مااقوله الا يالشيخ شوي الا يعتذر وسامحيني انا تعبني السكر صدقيني الرجل مايجيب راسه الا السكوت والاحترام وتلبيةطلباته كلها خليك ذكيه ومثل ماقالوا امهاتنا اللي مايصبر على جمرتهم ما ياكل تمرتهم

تسلمون يا رب كلكم و الله يوفقكم و يحشركم الجنه ,,انا صحيح اعيش بلغربه بس والله من دخلت هذا المنتدئ و انا احس نفسي عندي اهل و ناس يهتمون فيني اشكركم من كل قلبي

لكل من يحبني و يريد معرفت اخر اخباري/ ميسونا
 

سلام عليكم ,,كيف حالكم احبابي ,عسئ ربي يبعد عنكم كل سوئ شر و يحفظكم من كل هم و يرزقكم الجنه ,,اليوم اقول لكم اخر اخباري ,,امس المغرب عندنا هنيه دخل علي زوجي و كان معه خالتي و عمي ,(خالتي ام زوجي و عمي ابو زوجي )صراحه استغربت وايد من دخول خالتي و عمي و قلت بقلبي يا رب استرها ,لان هم ما يجون عندنا الا اذا في شي ,يعني مثل عزيمه او يموت احد من قرايبي (الله يحفظ لكم كل عزيز و غالي ),المهم جلسو و طلب من عندي عمي ان احضر له الشاي و رحت المطبخ و جهزت الشاي بسرعه ,وانا مثل هذا:24: ارجف ,لان الوالد تعبان و كنت خايفه علئ والدي انه يكون صاير فيه شي ,طلعت من المطبخ بسرعه و قدمت الشاي لعمي بس و انا ارجف ,,قلته :عمي الله عليك قولي ابوي فيه شي ابوي مات ,,طالعلي عمي بنظره غريبه و قال :شفيج يا ابوي ,ابوج كلشي ما فيه بس انا ياي اطلب من عندج طلب ,قلت له امر يا عمي لو تطلب روحي فداء لك ,قال لي :انا سمعت من فلان (يقصد زوجي )انه صاير بينكم مشاكل و انتي طالبه الطلاق ,انا جاي الحين و ان شاء الله يا ابوي ما تردين شيبتي ,,لحظتها يا جماعه تمنيت الموت ,من كثر ما كنت مستحيه ما كدرت الفظ كلمه و حده ,و من كثر الصدمه لان ما توقعت انه راح يعرف احد انه في مشكله بيني و بينه ,:29: :29: قلت له تامر يا عمي و الحمدالله ما في شي بيني و بين بو فلان ,بس هو الظاهر اخذ الموضوع صحيح ,,,,,,,,,المهم بقوء يتكلمون فوق ساعتين و بعدين راحو عمي و خالتي ,,:21: من طلعوء ئيه زوجي و الاخ مبتسم قال :ها ام فلان اشلونك ,,صراحه وقتها تمنيت اذبحه او فعلا يطلقني ( صج اني مهبوله علئ كل شي صايره اقول يطلقني :23: :23: ),,و راح الاخ يعتذر و يتاسف ,انا ضليت ساكته اسمع كلامه ,قلت له :اسمع بو فلان انا الحين ما راح اتكلم باي موضوع لان ادري فيك تعبان ,خلي كلامنا للعطله و بعدين الله كريم ,بس كنت انا مسويه روحي زعلانه و معصبه,:( :( ,,قال تامرين يا الحبيبه ,صدقوني لحظتها طاح قلبي بين ريولي :23: اول مره بحياتي اسمع هذي الكلمه :30: :30: صار حالي حال ,,ابني الله يحفظه ضل يتوسل فيني ماما الله يخليج سامحي بابا ترئ بابا وايد طيب ,,ما حبيت اكسر خاطر ولدي قلت له :تامر يا نظر عيوني ,,,,لان الاخ يقول :الحين مسكت خوش سلاح ضدك اذا صار ببيني و بينك مشكله راح اخلي الواسطه ابني العزيز ,,,,انا لحظتها فقدت و ضليت بس اضحك :27: ,,,,,,,الحين عرفتو اخر اخباري ,,بس ما عرفتو شنو انا قررت ,,قررت بعون رب العالمين الي ما ينسئ عبده ,ان ما اتاثر من اي شي بعد اليوم و ان اعيش علشان اطفالي و مثل ما تفضلت وحدئ من الاخوات خلي اعصابج بثلاجه ,,و انا راح اسوي جذي ,لان خلاص عمري ضاع ما ابي اضيع الي بقئ ,ما ابي ادمر اطفالي اكثر من جذي ,راح اسوي اشياء و الله اخليه يندم علئ كل لحظه ظلمني فيها و اذاني فيها و ان شاء الله رب العالمين ما ينساني ,,,,,,,,,,,,,,,:15: :15: :15: راح يصير هذا مصيري خخخخخخخخخخخخخخخخخخخخ,,,,,,,,,,,,,الحين اوجهه شكري لكل الاخوان و الاخوات الي ما قصروء معي و اشكركم من كل قلبي :17: :17: :22: :22: الله يوفقكم و يبعد عنكم كل حزن و هم يا رب ,,,,,,,,,,و شكر خاص الئ اخوي الغالي المقصلي 1انا اشكرك ........ من كل قلبي :17: :17: :22: :22: ,,الهي يوفقك و يعطيك كل الي في بالك و يرزقك كل خير و يحشرك بلجنه ,,مشكورين كلكم مممممممممممممشششششششششككككككككككككوووووووورررريينن ننننن:14: :14: :14: :14: مع تحيات اختكم ميسونا

الحمدلله أخبار تسر وتفرح القلب

ربي يسعدك ويسهل لكِ كل أموركِ ولاتشوفين بعدها هم أبدا يااارب

وتكون حياج كلها سعادة × سعادة

تم دمج الموضوعين بدءاً من الرد رقم 69

مع التنبيه بضرورة الالتزام بمسار الموضوع و عدم تحويله لحوارات شخصية

تسلمين يا اختي الذئبه وربي يوفقج و شكرا لج و لكل من عطاني رايه الكريم