المشاركة الأصلية كتبت بواسطة كوكتيل$ (المشاركة 3364345)

الله يسعدك ضحكت على كلامك هنا😅

المشاركة الأصلية كتبت بواسطة رجل طيب جدا (المشاركة 3364349)

يمكن هو يرى ان عملك افيد بالنسبة له !

لان عملك سيلهيك عنه نسبيا ويتفرغ هو لاوقات عاطفية اطول مع الاخرى

اضافة لذلك سيزداد الضغط عليك عند محاولتك التوفيق بين تربية الاولاود والعمل خاصة ان الدافعية والنشاط للعمل بعد سن الاربعين ليست كما كان في بداية الشباب !

المشاركة الأصلية كتبت بواسطة مهره (المشاركة 3364352)

المشاركة الأصلية كتبت بواسطة أم الأسيد (المشاركة 3364351)

يا مهرة يا عزيزتي
أنا ترا زيك زوجي دوامه طويل و هو طبعه جاف و غالبا اكون لحالي
مريت بأيام ما اشوف انسان والله العظيم
كنت أحس اني في سجن انفرادي
كنت اقوله الزواج لبعض الناس مستحب وبعضهم واجب
انت الزواج الثاني عليك محرم !! انا ما اشوفه ! كيف يتزوج ؟
و زوجك ترا شمالي مثل زوجي ..

أعرف.

وانتي يبدو انك جنوبية مثلي

أنا شمالية شرقية .. أو شرقية شمالية .. لا أذكر تحديداً .... لكن ما لي علاقة بالجنوبية.

أنا حياتي تحسنت كثير بعد الانماط
مع اني كنت اسخر منها
انتي يا مهرة زوجك يشوفك ضعيفة مرة
و الشمالي يكره الضعف
يكره البكاء .. يكره الدموع
يكره لما تزعلي و تنعزلي

ما عليه يا أم الأسيد .. أنا أبداً ما كنت جذي .. لكني ما لقيت نتيجة للحوار .... يقاوم بشدة وما يطلع منه شي!

يا أختي من حوالي أربع سنوات بعد ما ولدت بنتي الصغيرة ورجعت البيت .. ثاني يوم ألقى في موبايله مسج: طلقني.

لا بكيت ولا نزلت مني دمعة .. ولا كلمته بضعف ولا انكسار. (ما أذكر هل ذكرت هالتفاصيل قبل أو لا)

مسكت الموبايل ورفعته في ويهه عشان يشوف المسج: شو معنى هالكلام؟! .. أنت متزوج؟!!!! .. من هذي اللي تقول لك طلقني؟!!!!!!!

قال: إنتي مب فاهمة شي.

قلت: طيب يالله فهّمني.

ما رد .. بس يقول: إنتي مب فاهمة .. إنتي مب فاهمة .. ويومها من كثر ما كنت معصبة مسكت تلفونه وطلعت من الغرفة وقلت له هالموبايل بينكسر الحين .... طلع وراي وحلف عليّ بالطلاق إني أرجع الغرفة.

يعني لا مواجهة نافعة ولا برود على قولة مسز داني نافع .... شو أسوي يعني؟!!!!


لا تنعزلين وتعالي بادري وكلميني وقولي كل اللي في خاطرج .. ويكفي إني مستمع .. وفي النهاية أطلع من الحوار بدون فايدة ... وبعدين ما يعجبه لما أنعزل؟!!!!

انتي لازم تتغيري وراح تتغير العلاقة تبعا لذلك
لا تسعي لتغيير العلاقة بينكم
تغيري انتي بس ..

يا أم الأسيد الله يرضى عليج .. لا تحشرينه ولا تحشرين العلاقة في النص.

ما أبغي أتغير عشان العلاقة.


أنا حاولت وبذلت مجهود .... أسلوبي كان غلط؟ .. طلعت إني ما عندي خبرة ولا دراية بالزواج ولا التعامل مع الزوج؟ .. إذا كان هو حريص نفس حرصي وعنده استعداد يبذل نفس المجهود كان ساعدني وأخذ بيدي ودلني للطريق الصح عشان هالعلاقة .. لكن هو ما سوا جذي وراح يبني علاقة ثانية.

خلاص هو اختار .. وأنا ما راح أتعب نفسي.

كلميه عن العمل وعينك في عينه .. رسايل بلاش منها
خليك قوية .. ولا تتوسلي .. انا ابغى انشغل و كذا
اطلبي العمل و كأنه حق من حقوقك
اسأل الله أن أسمع أخبار سارة عنك

المشاركة الأصلية كتبت بواسطة روح الطير (المشاركة 3364357)

مهرة ، مو كل خطوة تعمليها لازم تقوليها له ..
فكري مع نفسك و خططي ، ثم بلغيه ..

ايش المشكلة .؟

المشاركة الأصلية كتبت بواسطة كوكتيل$ (المشاركة 3364358)

يا عمري الله يخليه لك حنون الله يسعده

ما عليك من حكاية السن الي يسمعك يقول عمرك ستين
حاولي يكون عمل مريح وما فيه تدقيق مره على الحضور والانصراف

الله يوفقك ويعينك

المشاركة الأصلية كتبت بواسطة مبتعثة متفائلة (المشاركة 3364371)

ان شاءالله بتلقين شغل
استخيري
واكثري استغفار