|
السلام عليكم
انا حامل بالشهر الثامن وهذا اول حمل لي وحالتي الحمدلله والجنين تمام بس عندي مشكلة وهو ان راس البيبي فوق انا قلقانة كتير استشرت اكتر من شخص في ناس طمنتني وناس مرضتني واقلقتني كتير ناس بتقول عادي بتنزل باول التاسع وناس بتقول اذا مانزلت قبل راح تولدي قيصري وناس قالت طولي بالسجود واحبي متل الطفل وطملي كتير مشان تنزل ياترى على مين ارد لو عملت التالتة هل فيه خطر على البيبي لانه في ناس قالتلي اذا طملتي كتير في هذا الشهر ممكن يلف الحبل السري حولين رقبة البيبي ويخنقه لاقدرالله؟ للعلم انا بحس انه كتير بيتحرك ويتقلب ومابستقر في مكان محدد بحس ان بطني راح يطير مني وبحس في اماكن في بطني بتمون متحجرة وقاسية كتير هل بتكون راس البيبي ولا شو؟ اريد اجابة من دكتورة او دكتور المهم شخص بيعرف منيح شو الحل لاني بصراحة انا خايفة كتير من الطبيعي كيف لو قيصري لاني لساتني صغيرة وهاد اول حمل اي ومابفهم شي عن الولادة بليز ساعدوني وشاكرة جزيل الشكر لمن تطمانني |
اقتباس:
لاتقلقى ..اختى كانت حامل في الشهر التاسع وكمان في آخر الشهر التاسع وكان الجنين راسه فوق.. وخافت لكن سبحان الله اخر يومين قبل الولادة بمشيئة الله تدير للاسفل لاتخافي ..استعيني بالله ^_^ |
ربنا يتمم لك على خير ممكن تجربي البقاء لفتره في وضع السجود مع وضع وسادة للرأس ففي هذا الوضع كأنك تقلبينه على راسه فيضطر ان يلف ليظل رأسه لأعلى و لكن هو في الحقيقة يفعل العكس ايضا يمكنك النوم علي ظهرك مع رفع الحوض بالوسائد وترك الاكتاف ملامسةللارض بحيث يكون الظهر مرفوعا بمقدار ٤٥ درجة عند الحوض واخيرا لا تنسي الدعاء ان ييسر الله لك ولادتك و يرزقك طفلا سليما معافى |
السلام عليكم ورحمة الله وبركاتة
حابة استفسر وبتمنى من الكل يعطيني رايه أنا حملت بعد زواجي بخمس اشهر ونصف كمان ولكن اجهضت وبوقتها كنت ما بعرف حالي حامل وعملت عمرة وتحركت واخدت مضاد حيوي يعني ما خفت بعد الاجهاض واستمر حملي شهر وما عملت تنظيف ولكن للاسف حملت مباشرة بعد اجهاضي وبدون ما ريح حالي وكمان مريت بتجربة الاجهاض لتاني مرة واستمر الحمل 48 يوم وقالتلي الحمل ضعيف وما عملت عملية تنظيف لان الدكتورة قالتلي ما في داعي والكيد بعد هالتجربة راح ريح حالي 3 اشهر عالقليلة واستمر على حمض الفوليك بس انا خايفة احمل ثالث مرة واتعرض للاجهاض وانا بالغربة ما بعرف شو بدي اعمل ومين بدي استشير لان حتى اهلي ما بيعرفو اني حملت وسقطت تاني مرة وعم ينصحوني اعمل تحاليل وبصراحة هون التحاليل كتير غالية وما بعرف كيفية نوعيتها وطريقتها ولا اي معلومة عن هالشي وبدي اعرف لذا من الضروري اعمل تحاليل او لا ؟ وما سبب الحمل الضعيف ؟ وهل لذا عملت التحاليل بأي وقت ما في مشكلة المهم قبل الحمل الثالث ومين مر بنفس تجربتي يا ريت تقلولي رايكن وكل وحدة تخبرني عن تجربتها لذا مرة وشو بتنصحوني الله يخليكن ردو علي |
شكراً على هذه المعلومات الثمينة !
|
يعني معقول لهلق ولا رد على مشاركتي
يعني لو بكلمة حلوة او نصيحة وبصراحة نانا انا وقت حملي كان معي وجع بالركبة وقالولي من الحمل بس ممكن الوجع عندك كبير او فوق المعقول لان انا كنت اتوجع وحتى ما اقدر امشي كتير او مسافات وخاصة بداية الحمل لان جارتي كمان بداية حملها كان معاها وجع ركبة والدكتور قلها من الحمل وراح الوجع بعد الشهر الرابع والله اعلم |
السلام عليكم ورحمة الله وبركاته لبنات الرياض ابغى دكتوره نساء وولاده شاطره تكون بشرق الرياض ضروري جداً ولكم دعوه من القلب
|
السلام عليكم ورحمة الله وبركاته
بالنسبة لسؤالك اسماء ما فهمت وين شرق الرياض بس بصراحة انا تعذبت كتير بالدكاترة هون وبعرف دكتور شاطر مو دكتورة بس حتى سونار ما بيعمل عندو ممرضة بتصور وهو بشوف الصور وهو صاحب خبرة وفهمان كتير وانا بنصحك فيه لذا مو بعيد عليكي موجود بالنسيم لذا عرفتيه ولذا بدك بعطيكي العنوان بالكامل لذا كان بناسبك |
مشكوره اخت صفاء انا افضل دكتوره واقصد بالشرق السلام والروابي والفيحاء والربوه ولكِ خالص الشكر
|
انا ببداية حملي الأول وأشعر بدوار كثير وغثيان وزوفة بالمعدة طيلة اليوم ،وبدأت أحيان أصلي وأنا جالسة بسبب الدوخة ،
وسؤالي هل الزنجبيل مفيد في رفع هذه الأعراض علمآ بأني قد شربت 3 أكواب منه خلال ثلاثة ايام وأحسست بقليل فقط من الارتياح، وأخبرني بعضهم بأن الزنجبيل ليس جيد للجنين وممكن أن يسبب الاجهاض لاسمح الله هل هذه المعلومة صحيحة ؟؟؟!!! وهل من طريقة مجربة أو شيء للتخفيف من هذه الأمور المتعبة؟؟؟؟ وخصوصآ الدوخة والشعور بالقيء؟؟ وشكرآ لمن تساعدني ..... |
| الساعة الآن 11:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©