|
أسأل الله العظيم أن يتولى أمركِ ويدبركِ بأحسن التدابير ويصلح الحال إنه على كل شئٍ قدير |
العقد الفريد
انا الان لاارى شي والحمد لله هذه الاشياء كنت اراها لما بدات ارقي نفسي واتعالج وكنت اشوف اكثر من كذا اشياء تخوف واشكالها تخوف بس ماودي اذكرها لكن الان الحمد لله لاارى شيء ابدا ولااحس باي شي والحمد لله الاخت نبرات شعري سطرت الله يجزاك كل خير |
الجانب الاخر
اين انت؟ اريد رايك بمن سحرنا ؟؟ هل انت معي في شكي؟؟ ام ان لك تعليق اخر لاني لااشك باحد غيرهم ارجوك جاوبني |
ودي افضفضلكم معليش سامحوني لان اهلي تعبانين فودي اكلم احد صاحي بعافيته
من المواقف اللي حزنتني وماعرفت كيف اتعامل معها مره كلمت اختي قلتلها تابعي برنامج شفاء ورحمه اللي في قناة الرايه للشيخ يوسف الدوس برنامج يتكلم عن السحر والحسد التفتت علي معصبه وقالت المجنون هذاك قلت ليه مجنون بالعكس مره كلامه حلو ويتكلم عن الرقيه وكيف ترقي نفسك الا تقول اهب يامجنون لاوجايب مريض معه مصدق نفسه المتخلف شكل اللي يكلمني المس مو هي حزنت كثير وماعرفت كيف اتصرف الحمد لله على كل حال موقف ثاني مع اختي نفسها قلتلها خذي شريط الشيخ ماهر المعيقلي وهي قبل صوته مره يعجبها قلتلها خذيه حطيه في بيتك قالت ماابغاه قلت ليه قالت بلاه اسكتي اهب مثقل دمه هو وصوته التفت عليها وسكت ماعرفت ارد شكل المس اللي يكلمني مو هي الحمد لله على كل حال تقول لما يجامعها زوجها تشوف ناس كثيـــــــرينططون في غرفتها زوجها مايشوف شي بس هي تشوفهم تقول هو في عالم وانا اسبح واستغفر عشان يروحون ويوم بدات تسبح كثر عددهم بعدين بدا يخف ويسمعون هي وزوجها صوت قزاز يتكسر في بيتهم وقت الجماع وتسمع صوت مويه كانه صوت المويه لما تنزل من الدش تحسب زوجها يتحمم مافي الحمام احد زوجها جالس في الغرفه التفت عليها وسكت ماعرفت ارد الحمد لله على كل حال تقلي زوجي شفته قبل كم يوم بوجه حمار اذانيه طويله حزني شكله ووجهه ماعرفت على مين احزن ؟؟ التفت عليها وسكت ماعرفت ارد الحمد لله على كل حال تقلي اشوف حرمه سودا ورايه دايما شكلها مخيف هي ساكنه لوحدها مع زوجها في البيت وش اسوي؟؟ التفت عليها وسكت ماعرفت ارد الحمد لله على كل الحال وانا اكلم خاطري واقول زين انك الى الان ماتجننتي ؟؟ ياربي لك الحمد على حكمك تقول لها امي اخوك الصغير تعبان بس يبكي اقري عليه عشان ينام ويروح الخوف منه تقول انا اقرا عليه الرقيه اخوي يبكي وهي ماتقدرتكلم قراءه بتستفرغ وامي تتفرج فينا بحزن كيف حالة عيالها الراقي والمرقي تعبانين حزنت كثير وماعرفت كيف اتصرف الحمد لله على كل حال اللهم لااعتراض هذه قصة مختصره عن وحده من عايلتي امي الحنون.. مااغلاك ياامي ويامكثر صبرك اذكر وانا صغيره اشوفها تصرع امامي والمس اللي فيها يصيح ويسب ويتكلم ويتريق من يصرع امامي امي الغاليه الحبيبه الحنونه اشوفها الان واشوف الشيب في راسها وتذكر رحلتها مع الرقاه واتذكر لما كن الوالد دايم يودينا للراقي واحنا صغار نبقى في السياره وهي واختي الصغيره يدخلون للراقي يقرا عليهم واتذكر كيف كانت تضربنا وتخاصمنا في السياره في طريقنا للراقي واستغرب ليه معصبه ليه بس تضرب لين فقدت الامل هو وابوي من الرقاه وانتهت رحلتها في مستشفى النفسيه تاخذ ادويتها منهم اقلها قبل كم شهر ياامي ترانا ممسوسين حالتنا يالغاليه مو طبيعيه الظاهر اننا مسحورين ولافينا بلا احنا محنا طبيعيين الا وتصرخ في وجهي فجاه كانت هادئه مافيها شي تقلي بتسكتين عني ولالا ؟؟ بسم الله وش فيها توحشت كذا دوبها مافيها شي قالتلي انتم تتوهمون مافيكم ولاشي هذا كله وهم قلت وهذا وهذا وهذا وتكلمت كثير قلت كل هذا وهم ياامي قالت اسكتي وبصوت مرتفع الشيوخ كذابين ماعندهم شي اكثر من راح لهم انا ماتركت شيخ مارحتله ولافاد معي شي قلت انا شوفيني اتعالج والحمد لله الشفا اشوفه قدامي قالت وهم مافيك الا العافيه كله وهم بسم الله طيب وش فيك معصبه ؟؟ مافيني شي واسكتي عني وردات فعلها كلنا استغربناها طيب ليه الغضب ليه كل هذا الصوت والصراخ قالت بتسكتين عني ولالا؟؟ شكل اللي يكلمني المس مو هي حزنت كثير وماعرفت كيف اتصرف الحمد لله على كل حال ارجوكم سامحوني بس ودي افضفض واتنفس على اللي اشوفه واكظم الغيض في صدري واسكت |
على شفا حفره
الله يعافي اهلك ومالك الا الصبر وانا اختك وما بعد الصبر الا الفرج اجل لو اقول لك عن الطوام اللي عندي بالبيت لكن الحمد الله على كل حال واقل شي اخوي الكبير تعرفين بعض الشباب الله يهديهم ترقيم وكلام فاضي وطاح على وحده وسحرته ويصير زي المجنون لو ما يكلمها وصار كذا علني ويقولنا انا احبها وبتزوجها ويقعد بالساعات يكلم ويضرب ضرب بالاولاد الصغار بشكل مو طبيعي منعزل عنا ويتكلم كلام غريب ووديناه عند شيوخ بس اللي فيه ما تنطق ابدا ولا تحرك ساكن بالاخر وديناه عند شيخ بالشرقيه اسمه راشد العيد واعطاه زيت وقرا عليه بغى ينجن يببببكي ويصيييح وبالقوه ماسكينه والا اللحين يسمع بطاري راشد العيد ينقلب حاله وعيونه تروووح حمرا اذا ويسكت ولا عاد يكلم احد ويبين عليه الخوف تقولين احد بيذبحه مو شيخ ويقرا قران ورجع من الشرقيه اخوي اللي نعرفه قبل ويقول لنا انا مدري كيف كنت احبها وهي اصلن عبده وبيتهم شبه مهجور وطلع الهدايا اللي اعطته وحصلنا ورده محطوط فيها اشياء ما ينعرف وشي وبعدها ما عاد جاب طاريها لكن باقي تحسين فيه مس ويخاف من الشيوخ لكن الله يعافيه ويعافي اهلك غير كذا ابوي تخيلي جلطه وشلل نصفي ما يقدر يحرك الجهه اليمنى من جسمه ولا يتكلم وما يمشي الا لما احد يساعده ولو تشوفينه تقولين مستحيل يمشي لوحده مع ذالك في الليل يمشي وبالظلام يدور بالغرفه ويرجع على سريره وبوقت قياسي كمان تو طالعه من غرفته وارجع الاقيه يمشي ما كان فيه شي ويضحك ومطنشنا ونكلمه يناظرنا ويضحك ووش اقول ووش اخلي خليها على الله بس وانا انام على الرقيه وهاك يا احلام تخوف اللي ما يخاف وسحر بصندوق وسحر مرمي في البر وجن وثعابين واسود وقطاوه واخوي اللي قلت لك عيونه سووودا كلها ويضربني اذا قريت قران عاد انا مدري وش القصه سحر ولا مس ولا وش السالفه |
هلا عزيزتي على شفا حفره الله يشفي اهلك ويعافيهم امين
انا صارلي فترة طويلة اعاني من الوسواس القهي بالعقيدة المهم انتظمت على الرقية الشرعية يوميا وسماع سورة البقرة صرت الاحظ اشياء منها النمل صار مليان في بيتي تخيلي امسح الارض فوق العشر مرات في اليوم وخصوصا الحمام بسم الله الرحمن الرحيم الله وكيلك تعقدت منه لدرجة وقفت الرقية وسورة البقرة والنمل اختفي من بيتي وفي الليل احس بخوف وكنت زمان انتظر الليل علشان يجي بسرعة واقيم الليل الحين صرت اخاف من الليل واضيع صلاة القيام هل استمر او اوقف لكن خايفة عندي خوف اذا استمريت على الرقية او سورة البقرة المشكلة اذا ما شغلت البقرة في البيت النمل يختفي واذا شغلتها النمل ينتشر مو عارفة شو قصته دعواتك اني اروح ازور اهلي صارلي 5 سنوات ما شوفتهم |
الاخت حطموك ياقلبي
الله يفرج همك (خلق الانسان في كبد ) الرقيه مافيه احلى منها للمريض والمتعافي كلها ايات من كتاب الله اذا مانفعتكم اكيد ماراح تضركم خلي القران دايم شغال في البيت ولو الصوت واطي يطرد الشياطين اعوذ بالله منهم الله يشفيكم يارب لكن ابوك مايمشي الا في الليل يعني يشوف في اللليل ولا شو؟؟ الاخت هدوء الرياح الله يكتبلك زياره لاهلك تتمتعين بشوفتهم يارب خمس سنين طويله ياقلب واصلي على الرقيه والاذكار وسورة البقره بالنسبه للحشرات انا زيك ماني عارفه ليه تنتشرفي البيت مهما نظفت وانا كمان نمل ووزغ وعناكب كثير في البيت ياليت الاخ الفاضل الجانب الاخر يعلق اذا عنده معلومات عن ذا الشيء الله يجزاه كل خير؟؟ بس الحمد لله اختفت من البيت الان خصوصا النمل صرت ماعاد اشوفه انشالله ماعاد يرجع اهم شي لاتتركي القران ابدا وواصلي كلها فتره وتنتهي انشالله ولاتتركي التحصين ابدا حتى لو تشافيتي اسال الله العظيم رب العرش العظيم ان يشفيك |
السلام عليكم ورحمة الله وبركاته .
معليش على التأخير ، كيف صحتك وحالكِ الآن ؟ ، اطلعت على الأمر ، ووجدت انكِ لم تذكري الكثير ، واحتمالية انهم هم المتسببون بالسحر واردة بلا شك . لكن مالذي سوف تفعلينه لو علمتِ انهم هم فعلاً من سحركم ؟ ، اصلاً الم يمت من ذهبوا اليه ؟ لاشئ سيفيدك في كشف الفاعل . بالنسبة لموضوع سحر العائلة ، لأني رأيتك متعجبة كيف يتم سحر عائلة كاملة !؟ الموضوع انه / يوجد سحر اسمة " سحر العوائل " ، وفي هذا السحر يسحرون الطرفين الأساسين بالسحر ( ومابين هذين الفردين من العائلة يتضرر ) بمعنى : يُسحر الأخ الأكبر والإخت الصغرى ، ومابين هذين الأخوين من ذكور وإناث يتضررون .. ( مامضى مثال ) ولكن ليس بمقدار هذين الطرفين الأساسيين ، ويلاحظ عادة وجود فوارق في الضرر بين افراد العائلة المسحورة . وقد ترش عتبات البيت بالسحر ، وكل من يمشي " من اهل البيت " على هذا السحر يتطابق معه السحر ( ولهم دهاليزهم في تطابق شفرة اهل البيت بشفرة السحر ) والمتعب في هذا النوع هو تجدد السحر ( نوعاً ما ) في المشئ على هذه العتبات ، والمشي عليها يتعب المسحور . بالنسبة لحالتك ، وتعجبك لماذا لم يبدأ " كره الزوج ، والمشاكل و و إلخ " الا من فترة قصيرة قد يرجع الى انكِ اقل المتضررين بالسحر ، او انك غير معنية به ، ولكن وجودك في تلك البيئة السيئة جعل منك صيد سهل لمن لايخاف الله . ( هذه مجرد فرضيات ) بالنسبة للحشرات / بصراحة قد نسيت دلالة وجود النمل ولكنها وسيلة ضغط ومحاولة للتخويف وقد نجحت مع الأخت! ، ولاحول ولاقوة الا بالله والإستمرار ورقية هذه الأماكن وتحصين البيت مفيد . هل سقط شئ مني لم اعلق عليه ؟ ، ، الإخت / حطمؤؤؤك قلبي . يا اخية ، لابد ان تتحصني ، فأنت في بيئة سيئة ولاحول ولاقوة الا بالله . كيفك مع الصلاة وقراءة القرآن والعبادات ؟ |
ما فهمت كيف يعني بيئه سيئه!!!
على فكره هذولا مجرد اثنين غير الباقين واشياء غريبه ثانيه تصير اذا ممكن افتح موضوع بقسم ساعدني واتكلم بالتفصيل وتتابع معي؟؟!! لاني بديت اضيع اوقات اقول انا اتوهم واوقات اقول لا اهلي فيهم شي غريب انا مع الصلاه ما كنت احب اصلي واكره شي عندي اذاعة القران الكريم اكرها كرهه ماهو طبيعي اتمنى امسك المسجل واكسره والى الان ما اطييييقها وانا الوحيده اللي اكرها في البيت او اي احد يقرا قران حتى لو بزر اعصب ويتعكر مزاجي اليوم كله الاذكار اقراها يوم وعشره لا وزيها الاستغفار والذكر بعدها صرت انام على الرقيه وصرت اصلي واطول بالسجود بالبدايه كنت انكتم وبعدها خلاص صرت ارتاح اذا سجدت القران اوقات عادي اسمعه واوقات لا والاذكار لحد اللحين مو مستمره عليها |
عفواً انا اعتذر لكِ إن جرحتك ، فلقد خانني التعبير لم اقصد ابداً مافهمتيه
ومن انا لكي احكم على احد ، قد يكون هو عند الله افضل بكثير مني ، وهذه ابتلاءات ، ليست بشئ يُنتقص به المرء . ما قصته بـ " سيئة " هو من ناحية الحصانة ، فمن ينشأ مع ام او اب مبتلون بالأمراض الروحية يكونون عرضة اكثر من غيرهم للإصابة وتكون الحصانة عندهم ضعيفة ، بعكس من نشأ في بيت القرآن يُقرأ في كل جنباته . افتحي موضوع في قسم ساعدوني .. وسنتابع هناك ، وقبل هذا لدي سؤال / ماهو شعورك تجاهي ؟ هل تأتيك افكار بأني نصاب ؟ ساحر ؟ غير هذا ؟ اعانكِ الله وحفظكِ . |
| الساعة الآن 01:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©