منتدى عالم الأسرة والمجتمع - تقرير مفصل عن تايلند وبدون ((صور)) والسبب بالداخل

يتبع00

مقارنه بين بينانج الماليزيه 0000 وبوكيت التايلانديه
______________________

تقريبا فيه تشابه كبير بينهما 00 لكن بينانج اقل تفتحا من بوكيت 00 حيث انه يوجد شارع اومنعطف

في الباتونج بيش وبالتحديد النايت بازار 00 قمه في العري والانفساخ الاخلاقي 00 حيث تتكدس

فيه البارات والنساء شبه عاريات يتجولن في الشارع للتصوير معهن للدعايه للبار المرسلات من قبله

فنصيحه لمن يريد الذهاب لبوكيت الابتعاد عن ذالك الشارع 00 لاعرف موقعه بالضبظ

ولكنه امام البحر وحالما تصل سوف تسمع الموسقى الضاخبه 00

------------------

بوكيت عامه جميله جدا ومنظمه وفيها رحلات وسياحه تناسب العائله 000 ولكن بينانج افضل

من حيث انها اهدأ منها واحفظ

من ناحيه المتعه والسياحه فهن قريبات لبعض 000 وهذا يرجع للشخص نفسه

--------------

اكتفي بذالك القدر 00 وسوف اضع لكم رأي احد الاشخاص من مننتدى آخر

قد قمت بحفظه قبل الذهاب الى تايلند واعتقد انه محق في بعض الاشياء ان لم تكن كلها

@ تايلند ليست رخصية...$$$... والدليل أن رواد السفر اللي قابلتهم هنا في فوكت و بانكوك (خليجيين+عرب مغتربين أصحاب مطاعم) يقولون تايلند عملتها البات تحس انه نازل لاكن البلد مش رخصية..... والدليل أني كل 6 ساعات أروح مكان صرف العملة وأحول 100$ دولار وأخذ 3300 بات وأشتري فطور أو غداء خليجي بـ 500 بات يعني خمسين ريال لأن ما أحب أكل ثعابين او صرا... و تي شيرت بـ 400 و ساعة 350 بات ومساج بـ500 بات و الفندق كل يوم أكثر من 1500 بات و مواصلات مشاوير يومية بـ 500بات على سبيل المثال وبكذا تكون انتهت المئـــة دولار!!! واذا جيت تبغى تتعشاء او تشتري شيء من السوبرماركت او تسهر تروح تصرف 100$ دولار ثاني مرة ((واضح)) يعنى أعمل حسابك على 700 درهم أو ريـــال يوميـــــاً 70 دينار (الصراحة أغلى من دول الخليج) لأنكم عارفين وش تقدر تسوي بـ 200$ 700درهم في اليوم في اي دوله خليجية تكفي: فندق +تمشية + أفضل أكل + مشتريات من سلع وبضائع + ترفيه الخ.............

@أكثر السياح الخليجيين هم بالدرجة الأولى من الأمارات ثم عمان وأكثرهم للتســـوق والعـــلاج
مع أن ســــــــوق نـــــــــايـــــــــف بدبـــي أرخـــــــــص وفيــــــــه كـــــــل شــــــــي!!!

@ لا تستطيع التحكم في المناظر المقززه اللي راح تشوفها غصب عنك (!!!!!عرض+تفاوض على السعر!!!!)، تتسوق بين خمارات ومخمورين من أجانب واوربيين وافارقة سود يخوفون تحس انهم جايين سطو مو سياحة!! والناس اللي بالسوق طبعاً زحمة على الفاضي يسحبون معها أكياس وكراتين مليانه كأن ما عندهم ملابس ولا شنط ولا ساعات وأخر الليل يدورن الرز واللحم يقولون (حلال)و العيش والشيشة.... والبلوتوث شغااااال!!!!

@ تشوف الكثير لابسين ثياب وغتر وشمغ وعبيات ونقاب وبرقع وبخنق تحس انك في دولة خليجية والبعض لا مسوي نفسه متطور أخونا في الله لابس شورت وسلسة برقبتة كنه جندي محارب امريكي!! الله يهديهم....

@ تايلند لاتستاهل إعادة الزيارة (مرة بالعمر) وإذا رحت لها فــ بانكوك اذا كان لابد منها فيكفيها 3 ايام لانها مختصرة في حي أو حارة صغيره اسمها منطقة العرب نانا شارع سوكموفيـــت ويتخلله اربع ممرات soi-3-6-7-11 و soi معنها بالعامية داعوس او نافذ طريق سير واللي دايم يروح لتايلند يعني أكثر من مره أما يروح لها للعلاج ونقول الله يشفيه ويرفع عنه البأس أو عنده سر الله يهنيه فيه!!!

@ أحس أن البلد كان حلوه زمان وكانت رخصية لاكن حنا فينا طيبة وكرم خربت البلد علنا يعني نمد العشرة كأنها واحد. والدليل فندق قـــــــــريـــــــس تقول لهم فيه غرفة؟ يقول: فـــل Full تحط له بالجواز 500 بات يقولك welcome!!!!

@ وين ما تروح أصنـــــــــــام لأنهم بـــــــــوذييـــــــــن يحطون أكل للصنم كل صبح قدام باب المحل على الرصيف عشان البركة!! مره امشي ودعست واحد!!!

@ ليس لديهم حيــــــاء أو غيــــــره أو أعتبـــــــار، واحد يمشي مع زوجته و فجاء يطلع له واحد يقوله شحم لحم!!!

@ الاباحيــــة عيني عينك سوى كانت أشكال تحف حتى ولاعة سجاير خالغة او ميدالية مفاتيح او كتابات على تي شيرتات او دي في دي واحد معلق لوحة كاتب s/exDVD !!!

طبعاً الكلام اللي فوق كان أغلبه عن تايلند بشكل عام وعن بــــــانكــــــوك بشكل خــــــاص.

@بالنسبة لبوكت أو فوكت:

تتكون من أربع شواطيء وأهمها عن الخليجيين والعرب والاسرائيليين شاطيء الباتــــونق أو الباتونج والمنطقة محصورة في هذا الشاطي وشارعين مهمين أولاً الشاطي وشارعه يسميه البعض بيتش رود Beach Road اللي عليه بنانا وبعض الفنادق المواجهه للبحر وشارع البنجلا Pangla Road اللي يكفيكم شر هذا الشارع (( اتوقع التوسونامي جاهم بسبب اللي قاعد يصير بذا الشارع شي فوق الخيال لا يوصف!!!!!!! وشارع البي 200 الخلفي للشاطي وعليه مطعم جواهر الخليج و مطعم القاهرة ومعطعم على بابا و مطعم دبي (عنده سندويش فلافل حلو!!) وبعض الفنادق اللي تتراوح اسعارهم من 600-2700بات

@ اشياء تقدر تسويها في فوكت او لازم تسويها اذا رحت لبوكت: زيارة جزيرة في في PHI PHI بالقارب مدتها 7 ساعات سباحة وغطس تحت الماء السمك كان يضرب فيني تحت و غداء مع القروب وبعض الزيارات للكهوف و جزيرة جمس بوند و جزيرة كارابي. وأذا عائلة و تبغى الراحة من الاشياء المنغصة أهرب من شاطي الباتونق روح للشاطي الشمالي اللي عند الشيراتون مدري الهوليدي ان مضييع بينهم والجزيرة يكفيها خمس ايام اذا انت نشيط وتقوم الصبح تتحرك للرحلة مع الباص والقروب لأن الرحلات للجزر تتحرك الساعة 8 صباحاً وترجع تعبان قبل المغرب لاكن اذا انت تسهر وتنام الساعة 3 الفجر اذا رحت معهم للجزر بتنام هناك عند جمس بوند والا تحت الماء!!!

@ حالة الطقــــــس/ الجـــــــو : ليس بارد ..... حار و رطب خلال دقيقة انتظار عند باب الفندق يتصبب عرقك درجة الحرارة 36 درجة ، رحت ابغى أتمشي على الشاطي الظهر الساعة 1 الشمس فوق راسي جتني دوخة وكان بيغمى علي وجلست تحت شجرة و سوبر ماركت مكيف ورجعت الساعة 5 نهاية وقت العصر قبل المغرب بساعة ونص وكانت الشمس خفيفه والجو مقبول.

@ بتـــــــــــــــــايـــــــــــــــا (!!!!!!!!!!!!!!!!) سلبيات شارع الـنجلا اللي في فوكت 2x بأختصار من شارع الوكنج ستريت وأنت ماشي الخ..........

@ اللي ما يعرفه البعض: هو أن مدينة شنجماي أفضل للعوائل وكذلك الطقس لانها باردة ومرتفعة كلها جبال خضراء ودرجة الحرارة هناك 18-20 بالظهر يعني ياسلام وايضاً جزيرة كوساموي (أرخبيل أخضر) جزيرة حالمة ناعمة و هادئة ونظيفه والاسعار هناك أقل إلى حد النصف.
___________________________

وفي الختام اتمنى انكم استفدتوا 00 والله يوفق الجميع

واعذروني على اي قصور