|
ما شاء الله تبارك الله مواقف أكثر من رائعه
والله إني لأقرأ المواقف وأبكي من هذه التصرفات الرائعه للأزواج الله يديم السعاده بينكم ياااااااااااااااااااااااااااااا رب لا تحرمني من نعمة الزواج |
انا مو مزوجة (( مخطوبة))
وعشاني اطلع مع اهلي واهل خطيبي كل خميس للمجمع حصل لي موقف ومن يومها دريت ان مو بس يحبني الا يموت فيني في المجمع آخر طلعه كنت طالعه مع اختي المزوجه وعندها ولدين ورا بعض وامي مسكينه محترقه رجلها وطول الطلعه وهي جالسه المهم اذا جينا نروح نطلب وجبات من المطاعم للموجودين في المجمع والطاقم اللي موجود في البيت وعشان الاشياء اللي ذكرتها فوق اضطريت امشي لحالي مع اني خوافه بدرجه الوحده ماتتصورها واطلب الوجبات من المطاعم اللي كل مطعم يبعد عن المطعم الثاني متر وانا امشي حسيت في احد يطاردني قلت يمكن شاب ما يستحي على وجهه فطنشت ومشيت وكل ما رجعت للطاوله اكتشف ان خطيبي في الطاوله الثانيه يوصل معاي اول مره قلت صدفه ثاني مره ثالث مره شسالفه وبعدها اكتشفت ان هو الواحد اللي ما يستحي على وجهه صدته بدون ما يدري مثلت اني بروح مكان وبعد ما ابتعدت عن الطاولتين اكتشفت ان خطيبي يقوم ويدور ومثلت اني ما شفته ولحقني خليته يمشي وطلعت له فجأة واتفاجأ وانا اطالعه كاني اقوله بنظراتي ((صدتك)) وانحرج ورجع وما قدر يرفع راسه فيني طول اليوم وبعدها كتب لي في كلينكس (( انا ما اقدر امشي معاك لان لسه ما ملكنا بس الغيره والخوف عليك خلاني اسوي كذا)) والله يابنات اني يوم شفت الكلينكس من الفرحه اللي بداخلي بكيت وقلت الحمدالله ان ربي عوضني فيه لاني مطلقه وهو توه ما تزوج بس حبني الله يجمعنا مع بعض قريب ويتتم علينا المحبه يارب ويعوضني ربي فيه خير اللهم لا حسد والسامع يقول أميين |
[quote=eman007]انا بصراحه دايما يقولي احبك احبك
لكن مواقفه معي تدل على العكس ولما اتكلم معه واصارحه اني احسه مايحبني يقلي والله احبك واموت فيك خاطري احس جد انه يحبني كل مواقفه معي تدل على العكس ومواقفي ووقفتي معه على طول تدل اني احبه لكن للاسف مهما عملت كأني ماسويت شي ... ان شاء الله يجي اليوم الي يكون كلامه قول وفعل لانه الكلام مايهم اذا مايصدقه العمل تدرون اني قعدت ابكي بس قريت المواقف لأن زوجي مسوي معظمها بالعكس بس انشاء يوم من الايام يسوي موقف و اجي ركض و اكتبه ادعولي تراني احبه كثير مهما سوى فيني و دوم اسامحه |
هلا والله بنور .. عيل طلعتي قطرية بنت بلادي يالغاليه :17: . مشكورة على الموضوع الحلو والشيق على الأقل نفتح نفس الشباب والشابات على الزواج . أنا صار لي فترة طويله متزوجة والمواقف وايد , والموقف اللي ماراح أقدر أنساه اني في مره تعبت وشكوا فيني الدكاترة اني عندي بعيد الشر عني وعنكم ورم في الرحم ماتصدقون شلون كانت حالتي النفسيه زفت وكذلك زوجي بس هو قعد يصبرني وحاول يتماسك قدامي مع اني أحس بنبرات صوته ودموعه اللي يحاول يخبيها عني وتمينا على هالحال الى ان طلعت النتيجة والحمدلله كانت سلبية وماتصدقون فرحته كانت لااااااااتوصف بعدها بكم يوم وصلني خبر من اخته انه عطاها مبلغ معين وطلب منها تتبرع فيه وكان هو ناذر انه يتصدق بهاالمبلغ بعد ماتطلع النتيجة وماكان يبي يعلمني لكن بحكم الصداقة القوية بيني وبين أخته قالتلي . الله يخليه لي يارب ولايحرمني منه . |
يووووووووووووووووه من جد المواقف تشرح النفسسسسسسسس:d
ياربي لا تحرمني من مواقف حلوه مثل هاذي .. انا لسى ما تزوجت بس وانا اقرى الكلام الي كاتبينه الأخوات دمعت عيوني وعلى وجهي ابتسامه ... من جد انا فاقده حنان :15: غزلان كلامك قطع قلبي .. لان اعز صديقة لي صديقة حياتي مثل وضعك وقلبي يتقطع عليها :24: |
المواقف تترى ..
والذكريت تقرب البعيد وتجعل من تلك القلوب السودء ... بيضاء نقيه الذكريات تعيد للشفاه بسمتها وللقلب فرحته وللنفس راحتها ذكرى محبة الزوج تجعل من الزوجين قلادتين لا تنفصلا وقلبين بداخل بعضيهما وحبيبين يسعيان لبعضهما .. سأعود بإذن الله ،بعد أن استكمل قراءة ما كتب الجميع ، وأعود محملا بما املك لكم محبتي الأخوية اخوكم |
المواقف وايد بس اذكر منها أني لما طرحت ما رضى اني اقوم من على الفراش أبد حتى الماء يجيبه لعندي ويسوي عني كل شي .
واذا بت يوم من الايام في بيت ابوي يصير كل شوي يدق علي ومسجات وغيره يعني كلام ةحلو ولك فجة وهالسوالف. |
الله يديم على الجميع السعادة والهناء
|
انا صراحة زمان كان يسويها كثير والحين يسويها ما بين فترة وفترة
انه اثناء النوم وهو ما زال في غيبوبة النوم يقوم يلمسني و احيانا وكثيرا ما يقوم مفزووووووووع ويقول بسم الله عليك بسم الله عليك يعني خاصة زمان كان كثييييييير ما يتخيل اني اغرق في البحر او يطيح علي شيء كفيييبييييييييير او تصدمني سيارةوالعياذ بالله كان يقوووووم مفزوووووووع وهو نايم( لآني لما احكي له بعد ما يصحى ما يصدق ويستغرب واحيانا يضحك) و يمسكني بقووووووووووووة و يصيح بسم الله عليك ما عليك ما عليك و كنت كثيرا ما اغطي على عيوووووووني اخاف من الحماس يفقع عيوني وصراحة تمنيت الموقف هذا يسويه وهو صاحي في كامل وعيه بس ما يخالف هذا يدل انه يحبني وهذا اهم شيء الله يخليه لي ولا يحرمنا من بعض يارب يرزقنا الذرية الصالحة إذا تذكرت مواقف ثانية رح اقول ان شاء الله |
آه تذكررررررررررررررررررررررت مووووووووووووقف يعجبني و كلما شفت زوجي يسويه من غير وعي قلبي يقص
فرحااااااااااااااااا مع ان زوجي قلييييييييييييييييييييييييييييل الكلام + ما عمره قال لي كلمة احبك إلا يمكن مرة او مرتين اول زواجنا ولنا الحين 12 سنة (ادعوا لي بالذرية الصالحة ) + دايما يعصب علي خاصة لما اطلبه شيء للعلم فأنا لا اطلبه شيء صعب او مكلف ابدا ومراعية ظروفه المادية لآبعد حددددد المهم في حركة كثثيييييييييييييير يسويها لما اكون قاعدة بجنبه او لما يكلم احد وانا قاعدة بجنبه مع انه ما يسولف معي ابداااااااا بس يسوي الحركة هذه وافرح بها كثييييييييييييييييييييييرا فرحة ما تتخيلوها وهي انه يمسك يدي و يشدها له او يمسكها ويقعد يلعب فيها من دون شعور منه انا تكلم بجد احس انه يمسكني وهو اصلا ما يدري انه يمسكني قولوا ما شاء الله لا قوة إلا بالله على كل اللي اعجبتكم مواقفهم والله يديم المحبة بين الأزواج والزوجات ويرزقهم الذرية الصالحة |
| الساعة الآن 07:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©