|
جزاكم الله خيرا جميعا
التمس في كرمكم العذر في الاكتفاء بقراءة الردود فقط الى حين آخر لا أستطيع الرد حاليا فأنا متعب جدا من هذا الموضوع على وجه الخصوص دعواتكم في ظهر الغيب وفقكم الله |
اخي الحلم كم لديك من الأبناء بارك الله فيك
|
أخي الحلم..
والله حزنت على زوجتك الله يكون بعونها بصراحه هذا حق من حقوقك.. لكــــــــــــــــــــــــــــــــــن.. زوجتك ماقصرت..وماشاء الله تبارك الله وحده ماراح تكفيك... وهي طول ماهي تحبك..بتسويلك اللي تبي..لكن هذا الشي صعب واللـــــــــــــــــــــــــــه صعب فكر ألف ألف مره..وحاول لاتقول مره ومرتين وعشر حاول حتى تزهق المحاوله منك ولو معزم..إعدل إعدل إعدل مع إنك راح تخسر حبها للأبد الله يهديك للي فيه الخير |
لا تستعجل الحريم ماوراهم الا المشاكل
لاتخرب بيتك بيدك خصوصا اذا زوجتك بنت حلال وطيبة ومومقصرة معاك ترا الزوجة الصالحة نعمة صعب الحصول عليها مدام انك غاض بصرك وماتروح اسواق منين تجيك الفتنة |
يا اخي الكريم طوووووول الوقت وانا ادخل اقرا واخرج وانا مفجووعة :( .. ولكني قرر ارد واتمنى ماتزعل
اذا انت اللي تحب زووجتك وتمووت فيها على كلامك ايش بقيت للرجال الثانييين اللي حياتهم كلها مشاكل ويحتاجوا للزواج الثاني ؟.. احمد ربك ..انت متزوج ممكن حالك يتغير بسبب جحوودك وعدم رضاك .. فيه رجال مساكين يحلمووون بالزواج :11: ... ويتعبوون عشان يتزوجوا ... الرغبة مع الايام تقل وبعدين مافي مجال للندم انك اتزوجت ... ويبقى بس الحب لكن هذا انتم يالرجال تفكيييركم سطحي وعلى حسب حاجتكم :18: الله يصبرنا على بلاويكم واخطاؤكم |
تبغى رأيي
انت معذووووووووور جدا من ناحيه علميه وطبيه مخ الأنسان :30: الرجل ينقسم الى اقسام عده 1- التفكير 2- العاطفه 3- السلوك 4- الجنس ... في حالتك تعطلت كل وظائف الأقسام الأخرى وسيطر عليها القسم الأخير ( الجنس:) ) وفي حالتك هاذي لو تتزوج عشر مانظرت لهم الا نظره وحده ( من يشبعني اكثرر) :29: |
خليها تسجل في المنتدى و تشوف آراء أخواتها
ربما تقتنع |
هذي اسمها فراغة عين طالما تحبها وتحبك وماهي مقصرة فيك هذا يكون جزاها عندك ياخي احمد ربك انت في نعمة غيرك ماهو لاقيها صحيح لا يملأ عين ابن ادم الا التراب ولا تقولي فتن اللي ماشي عليك ماشي على غيرك روح دور على حجة غيرها
|
اقتباس:
ههههههههههههه الله يسعدك .. أضحك الله سنك حلو التحليل العلمي لعقل الرجل هههههههه ياجماعه صدقوني سمو زوجتي المصون طال عمرها أخذت ثلاثة أرباع عقلي ( باقي الربع الأخير للمدرسة عشان أدرس طلابي ومايقولوا مجنون أخذت كل عقله ) خخخخخخخخخ وتقولوا انت ماتحبها وانت ( انسان جنسي همك الشهوة فقط ) سامحكم الله http://www.66n.com/forums/images/icons/icon59.gif حرام عليكم هذي غريزة ....... وابتلاء من الله والحمد له وحده على كل حال .... برغم ذلك ( لن ولن ولن أفرط في زوجتي ) مجرد استشارة والعزيمة أتركها للزمن ......... عموما اقدر مداخلاتكم الكريمة قرأتها مرات كثيرة وتفحصتها حرفا حرفا فجزاكم الله كل الخير على كريم حضوركم وتواصلكم الذي يسعدني ويشرفني وماهو إلا دليل على إنسانيتكم وإيمانكم بأن المسلم للمسلم كالبنيان يشد بعضه بعضا شكر الله لكم وكتب لكم الأجر والمثوبة اشكركم أحبتي في الله فشكرا شكرا شكرا بلاااااااحدود شكرا لكم إلى أن أنتهي من الوجود شكرا لكم من الأعماااااااااااااق |
اخوي الحلم،، رغم اني شايله عليك لاني حسيت انك كنت تستهزئ بيكلامي في موضوع سابق انا كتبته لكن رح اصفي النيه واقولك كلمه في اذنك بخصوص موضوعك،،
لا تتوقع انه زوجتك الاولى رح تبقى كما هي (الجوهره الثمينه) ،، واضح من ردات فعل زوجتك انها رافضه او مو متخيله احد يشاركها فيك وعملك هذا (زواجك الثاني) رح يطعنها ويجرحا جرح لن يبرأ مع الايام.. فامامك خيارين يا اما تحافظ على (جوهرتك) وتنبهها ان كانت مقصره من الناحيه الجنسيه اووو تتزوج الثانيه وتخسر(الجوهره) الى الابد.. في الاول والاخر استخير واستخير واستخير ووضح لزوجتك سبب رغبتك بالزواج الثاني لعلها تدرك ما بدر منها من قصور او تبذل كل طاقتها حتى تعفك،، وان نويت الزواج الثاني فاوصيك بالعدل بالعدل بالعدل حتى لا تمشي يوم القيامه بشق مائل! دعائي لك ولزوجتك ان يختار لكما مافيه خير لكم ولابنائكم في الدنيا والاخره.. اختك كرستاله.. |
| الساعة الآن 05:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©