![]() |
ياأخي زوجتك جدآ عنيييييييده ومدلعععه وهذا مو خطأك هي تربيتها كذا وبعدين مانقدر نقول انك ماكنت حازم معاها لان الفتره اللي تكون عند اهلها اكثر من الفتره اللي تقضوها سوا ومهما كنت حازم معاها رح ترجع لاهلها وترجع للدلع هذا كلامي لك
أما كلامي لزوجتك المصونه اذا هي تتابع المنتدى زي ماقلت باقلها حبيبتي انا بسنك ومخلفه اثنيين وحامل وتركت دراستي عشان اتفرغ لزوجي الغالي مداني اللحين لو كملت دراستي السنه الجايه واتخرج وكنت مدلعه عند اهلي عمري مادخلت المطبخ ولااعرف اطبخ بس كنت عارفه مدام بتزوج اكيد ولد الناس يبغا حرمه تهتم فيه وتطبخله وتسمع كلامه *** ابغا اعرف اني ليه اتزوجتي وعذبتي الادمي معك حبيبتي محد بينفعك غير زوجك كبري عقلك وارجعيله واعتذريله وابكي لما يرضى عليك أني ماتعرفي حق الزوج ماتعرفي ان من ماتت وزوجها عنها راضي دخلت الجنه ماتضمني انك عايشه بكره زوجك موراضي عنك كيف تنامي مرتاحه حبيبتي اذا انتي قد الزواج ارجعي لزوجك واذا مو قده ارجعي لاهلك وارجعي للدلع بس مع لقب مطلقة اناآسفة اذا كلامي قاسي بس انتي الخسرانه حبيبتي انتي قاعده تضيعي زوجك منك الوحده ماتصدق تلقا اللي يسترها وتفتك من لقب عانس وانتي زوجك يخاف الله فيك لو غيره كان ماصدق زوجته مقصره عشان يخونها وبكل بساطه اذا احد عاتبه قال هي السبب** الله يصلحك بس |
اقتباس:
وعليكم السلام ورحمه الله وبركاته دعيني اكون صريح هي تقول انا لم اكن افكر بالزواج أطلاقا ومنيب مهتمه وكان يجون ناس يخطبون كنت انزل شوي عندهم وارقى فوق يعني ماهي متلهفه ابد على الزواج ولكن يوم ان حظرت انت سألوا عنك أهلي والكل مدحك ومدح تعاملك اقاربك - عملك الخ ولاقدرنا نردك على حد قولها وامي مره كانت متحمسه لزواجي منك وكلموني ووافقت هذا كل ما اعرفه ولكنها كانت متزوجه من قناعه شخصيه ولم تغصب على حد قولها وكانت فرحه بي فتره الملكه وبدايه الزواج نعم احس انها تحبني بشده اما بالنسبه للانانيه فما اقدر اسوي شي تحب ان تأخذ لاتعطي ياما وياما سويت لها مفاجات واستأجرت الفنادق والهدايا تقريبا بشكل شهري وهدايه غاليه بمناسبه مرور سنه على الزواج لم اكن اقصر بشيء وهي تقول لي ماتقصر لو اطلب نجوم الظهيره جبتها لي هذا طبعا كلامها من بعد ان عدنا من المدينه التي اعمل بها ونحن نذهب للمطاعم بشكل يومي لاننا كنا بشقه مفروشه وتقول كيف اطبخ بشقه مفروشه مامنعتها قلت ابشري مع ان المطبخ موجود والفرن لو احب اسوي مشكله رفضت ولكني قلت ابشري هي الله يصلحها اعتقد نقص توجيه لدرجه اني سويت عمليه جراحيه توقعت اني اقوم واحصل زوجتي امامي في المستشفى ولكنها زارتني في بيت اهلي وهي يالله تكلمني من طرف خشمها لاننا كنا متمشكلين قبل العمليه بفتره كنا زوجين بكامل الروعه ولكن نقص التوجيه والتوعيه ومعرفه حقوق الزوج وقله الاحترام كانت كفيله بتدمير هذه الحياه السعيده |
أخي يبقا الامل موجود هذا زواج مو لعبه والطلاق مو سهل زوجتك ذكرتني باختي الي اصغر مني تشبهها في بعض التصرفات وهذا لانها لسا فيها طفوله وتنقصها الخبره ومع الوقت بتتعلم زي مايقولو الحياة تجارب اكيد رح تستفيد من تجاربها والاهي الخسرانه
|
دعوني أوضح لكم نقطه مهمه نسيت ذكرها كنت بالفعل راضي عنها يوم كنا بالمدينه التي اعمل بها وكانت ماتقصر معي بالفعل عشان ما اكون كاذب كانت تطبخ وتهتم وكنت معجب بطبخها وتعاملها الخ الكلام هذا قبل 9 اشهر تقريباً ولكن منذ ان رجعنا من تلك المدينه نامت في بيت اهلها يومين ورفضت العوده لي وتقول انا حصلت ناس يهتمون فيني لقيت ناس يقدروني مو بس انت همك طبخ وغسيل الخ !! وقامت تحط شروط ومدري ايش كانت غلطتي اني رحت لها وكلمت والدها عشان ترجع وكأني غلطان ياسبحان الله كانت تلك اللحظه هي نقطه التحول ومن تلك اللحظه أصبحت حذره جداً بتعاملها معي |
اقتباس:
هذا غلط كبير المفروض تكون مشتاقه لك ومتلهفه عليك الله يهدي سركم وتصلح الاحوال |
اخي ساعة لندن .. من وجهة نظري ما في حل سحري لمشكلتك الا انك تغير اسلوب معاملتك مع زوجتك .. لا تقول لي اعطيتها كتب و اشرطه تفيدها في الحياه الزوجيه .. في بعض الناس ما ينفع معهم الوعظ .. لازم التطبيق معها يكون عملي مو نظري .. لا تعطي كثيرا حتى لا تندم كثيرا .. على قدر ما تعطيك اعطيها .. اتركها في بيت والدها و لا تسأل فيها .. |
وش سوت
من شان الشريحة عادي يارجل راح تشوف أكثر طول بالك |
اقتباس:
فاسمح لي افعالها ليست باافعال زوجه عاقله وام واعيه!!!! يسر الله امرك ووفقك وسهل دربك.... |
اقتباس:
|
اختي الغاليه عذوب .. اذا كانت الاساليب التي ذكرتها لا تنفع فما هي الاساليب التي تنفع مع هذه الشخصيه ؟؟ فليجرب الاخ هذه الاساليب لانه حسب ما ذكره انه لم يجرب ايا من هذه الاساليب .. و لا يكفي ان يجرب مره واحده بالتأكيد راح تتمرد و راح تخبر اهلها واذا كانوا اهلها يريدون مصلحتها فليقفوا مع زوجها و ينصحوها باحترام زوجها .. هي حاليا في بيت اهلها .. فليتركها حتى تطحن الحب اللي في راسها لكن اللوم الكبير على اهلها اللي مو عارفين كيف يشكمون بنتهم .. على بالهم الطلاق سهل .. |
الساعة الآن 04:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©