|
اقتباس:
بلا لف ودوران:d عموما الله يهدي سرك اللهم امين |
اقتباس:
والله ماحد يحب يخرب بيته بيده ويشتت عياله وانا دعيت ان برجعتها خير يارب سخرها وان برجعتها شر .. جعلها ماترجع شاكر مرورك يا اختي |
يـ ابو جوري الله يخليها لك
من موضوعك الاصلي انتم لسا عرسان انا وزوجي كنا كذا اول ما تزوجنا الان لنا 6 سنوات نتذكر الل صار ونضحك |
اقتباس:
لابد من المشاكل بس مو لهدرجه طولة لسان صراخ حركات مالها داعي غلط على الكبار يعني في شي عن شي يهون اتحدا انكم وصلتو مواصيلنا الله يديم بينكم المحبه ويحفظكم انتو وعيالكم ولا يحرمكم من بعض يارب |
السلام عليكم ورحمة الله اتمنى ان تكونو في اتم الصحه والعافيه وانكم مبسوطين ومستانسن وكل شي تمام التمام .. طبعاً ابشركم ان المواضيع انحلت بيني وبين زوجتي وانها حرقت جوالي من كثر اتصالتها اللين رديت عليها وتعذرت على كل شي وانا مو معطيها وجه والكلام ذا على مداد الأسبوع اللي راح المهم انا هديت الأمور معاها وصرت اكلمها واتصل فيها واسأل عن بنتي والوضع طبيعي بس بحدود لان صدري مليان منها ومن تصرفاتها .. بس مفكر في بنتي اكثر شي وطبعاً مو هنا المشكله .. المشكله اني اتصلت على عمي وقلت له انا ابغى ارجع مرتي وابشرك المواضيع انحلت بيني وبينها قال تعال خذها < شوفو الرد حقه قفل مني وشوي اتصل علي ويسبني ويقول انت كذاب ؟ قلت انا كذبت عليك في ايش .. قال انته تقول ان الأمور انحلت وانك تكلم حرمتك وانته كذاب قلت له انت رجال كبير وقد ابويه ولا تغلط علي وكلمني بإحترام زي ما اكلمك انا ولا تكثر كلام انا قريب منك اعطيني ربع ساعه واكون عندك في البيت رحت له البيت وقلت له اشفيك معصب وتسب قال انت تكذب علي وتضحك علي وعلى بنتي قلت كذبت في ايش ؟ قال كيف تقول انك كلمتها وانت اصلاً لا كلمتها ولا كلمتك قلت جيب البنت واسألها وجات مرتي وسألها وقالت لا كلمني ولاكلمته < شوفو ايش صار هنا المهم انا اكلت معاي من هالحركه وحسيت انه مزبط هو وبنته بس بنته تحلف بالله انها ماتدري عن شي وخافت من ابوها لانه قالها لاتكلميه وان كلمتيه بيتي ذا لاعاد اشوفك فيه .. قعدت اسولف انا وياه وقلت له انت تسوي حركات مالها داعي .. وشكلك تبي تخرب بيت بنتك بيديك واسلوبك ذا اسوب واحد مايبي يصلح يبي يخرب بيت بنته بيده قال انت كذاب قلت احترم نفسك انا مو واحد من عيالك وانا ماكذبت بشي قال انا مربي عيالي احسن تربيه .. قلت باين انك مربيهم احسن تربيه المهم قعد يغلط علي ويقول كلام ماله داعي وانا ارد عليه بس بذوق لانه في مقام ابوي < والله مايستاهل هالكلمه بس مو اشكال قلت له من الاخر انت وش تبي .. قال ابي ابوك قلت ليش انا المتزوج من عندك ولا ابوي قال انا ابيه وبس قلت ابوي مو فاضي .. قال لأنك ماتهمه قلت لا في اشياء تستاهل اجيب ابويه واشياء ما تستاهل شفت الموضوع مطول معه .. وهو فايق للسوالف قلت له يصير خير انشاء الله واخذت نفسي ومشيت كلمت ابوي وقلت له اللي صار .. قالي مايصير خاطرك الا طيب .. يوم الجمعه نروح له ونصلح الأمور اتصلت فيه اليوم وقلت له انا بمرك انا وابوي بعد المغرب قال انا مو فاضي قلت ولا ابوي فاضي بس عشان الموضوع مايطول قال قل لابوك يجيني بعد صلاة العصر قلت خير كلمة ابوي قالي كيف انا بكيف عمك يمشيني يكيفه هو قلت يا ابويه انا طفشت من هالحال قالي ابوي حاسس فيك بس مايمشونا على كيفهم قله ابوي مو فاضي اتصلت فيه وقلت ابوي مو فاضي قال عادي .. خليها الاسبوع الجاي قلت يابروودك ياشيخ يلا مو مشكله الاسبوع الجاي ولا انشاء الله اللي بعده مافرقت وسكرت .. بالله شرايكم بها التصرفات من عمي ؟؟ |
وعليكم السلام ورحمة الله لا حول ولا قوة إلا بالله<<<<<< متابع موضوعك من قبل ...:d الله يعينك على ذا العم والله غريبة رجل كبير بالسن والمفترض يحكم عقله ويسعى لمصلحة بنته... لكن أسلوبه غريبة .. حتى ما احترم ابوك وحرص على مقابلته وحسم الموضوع بينكم وبعد حركة زوجتك بعد عليها الكثير من علامات الإستفهام ؟؟؟؟؟؟؟؟؟؟؟؟؟؟ إما أنها متعمدة تسحبك حتى تخليك تواجه أبوها ... أو أنها تم الضغط عليها لتنكر أنها تكلمك...وخافت وأنكرت.... ما لك إلا تنطشها الحين ... لعل وعسى تحس بخطأها اللي اقترفته وأنا كل الخيارات غير مصلحتها ما لم يكن العودة لبيت زوجها و الإعتراف بالخطأ وانتظر حتى يجي الأسبوع القادم، وشوف كيف الحل مع بوجود والدك... والله يكتب لك الخير ويجعل عاقبة أمرك إلى خير عزوبي:22: بس:d رجل:30: |
السلام عليكم
معلييييييش اخوي اسمحلي اذا قلت في الاخير انك غلطان يوم تكلم ابوها تقول له انو خلاص الامور انحلت بينك وبين زوجتك ... خلاص المفروض تصير واضح اصلا هي زوجتك كيف تاخذ رايه ترجعها او لا ..؟؟ حتى هو شوف رده عليك ايش قال : تعال خذها !!! يعني بالعربي مستغرب من اتصالك ... والخلط الادهى والامر من زوجتك انو تقول انه ماكلمني ابد ... ليش تكذب ؟ يعني المفروض بكل ثقة قالت لابوها والله ياابوي انا مابي اهدم بيتي وانت تعرف البيوت يصير فيها كثر من كذا واحنا اتفقنا نرجع لبعض " وهو كلمني حتى ماتكسر كلمة ابوها لو بغت تحط لابوها اعتبار في هالمسألة مع اني غير مؤيدة انو يمنعها تكلمك " ... اهي ماكلمت واحد من الشارع !!! انت زوجها يااااااااااخي !!! احس سالفة ابوك يدخل في الموضوع المفروض مااستجبت لها وسمعت كلامه ... المفروض طريقة حلت للموضوع تكون كالتالي : تكلم زوجتك مرة ثانية وتقول لها انو المفروض تواجه اهلها " وتحل غلطها اللي هي سوته " لانو الحين انت ماعليك كلام وسويت اللي عليك وزيادة واللي بينك وبين زوجتك انتهي خلاااااااص ... باقي عاد زوجتك تحل مشكلتها مع اهلها ماادري ايش دخل ابوك في الموضوع يقول لابوها لو سمحت خلي بنتك ترجع لولدي؟؟؟ آآآآآآآآآآآخ منقهرة من هالموضوع والشي الثاني تقول لزوجتك انا راح اجيك في الوقت الفلاني " وتتفق معها على الوقت مو تختاره بنفسك " وذلك حتى تحسسها باهمية رجوعها لك ... وبعدين تقول لها خلال هذي الفترة انتي حلي الموضوع مع ابوك ... وصدقني الشي الكبير راح وباقي السهل بس للاسف انت كبرته بسوء معاجتك للموضوع .. فلازم الحين ترجع الامور الى بساطتها وتاخذ زوجتك بدون استشارة احد !! والسلام عليكم |
اقتباس:
اصلاً انا من خرجت من بيتهم سكرت جوالي ومافتحته الا ثاني يوم الصبح عشان شغله اغلبه ع الجوال لقيت منها 280 موجود ورسائل وتقول ابوي خايفه منه ومادري ايش وانا محتاجتك انا وبنتك ومن هالكلام حسيت انها مظغوط عليها ومشيت الموضوع بكيفي اللهم آمين يكتب الخير لنا ولك بإذن الله |
اقتباس:
أجل كذا ما حسبتها صح يا معلم ....:d حاول تحسبها صح المرة الجاية.... وجرب تسوي إنزال مظلي :d <<<< هذه مزحة ....:24: وسع صدرك ان شاء الله امورك تمام :d الله يعينك ويكتب لك الخير ويرد لك جوري وأمها ... عزوبي:22: بس:d رجل:30: |
الله يعينك اخوي ويصبرك
نصيحه اتركها شهر ولاتكلمها وارسل مصروف بنتك لها وصدقني راح تتادب وبنفسها بتقول لابوها ابروح لبيتي والله يوفقك دنيا واخره ويكتب لك اللي فيه الخير |
| الساعة الآن 11:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©