|
اقتباس:
|
اقتباس:
هلا بك عزوبي انا قلت الزوجة ماهي ملزمة شرعا بشغل البيت فقط ردا على الي يقول الرجل ماهو ملزم بالصرف على الموظفة ولا شغل البيت بحد ذاته انا ماعندي اعتراض عليه سواء واجب ولاماهو واجب وكل الكلام الي بالرابط للصائمة لله جزاها الله الخير اتفق معها فيه .. لان مبدئي العام بالحياة الزوجية كل شي يحتاجه زوجي اسويه سواء واجب او ماهي واجب .. طالما انا اقدر عليه هذا على فرض ان زوجي قايم بكل او اغلب واجباته ناحيتي اعتراضي ياعزوبي .. على الي يتخلى عن واجبه الشرعي بالنفقة على الزوجة .. بحجة انها موظفه هذا واحد من الادلة على ان بعض الرجال ياخذون من الشرع ما يوافق هواهم بالنسبة كلام الاخ سفير الروح بالرابط الي حطيت ( طبعا بغض النظر عن الشيخ الي يحث الرجل على الزواج .. اذا هذا الشيخ اجل ما نشره على الباقي ) شي مؤلوف عزوبي .. اي واحد مايعرف (او مايبغى وهذولي كثير للاسف ) يحل مشاكله مع زوجته بالحكمة والتفهم وتقويم اخطاءه الشخصية يقول لها : بتزوج عليك .. اسلوب رخيص ومايحل مشكلته الاساسية مع زوجته لعدة اسباب : اولها : مو بالضرورة زوجته الاولى تسوي له الي يبي بس عشانه تزوج عليها ! ممكن الاولى تستمر ما تقوم بالبيت ويصير الشغل كله على الثانية .. والثانية وحدة من ثنتين ياتطلب شغالة عشان تعينها على البيت وهنا طبعا لازم يجيب للاولى من باب العدل او انها ترفض تشتغل لنفس الحجة .. وبكذا بدل ما يصير عند هالرجال زوجة وحدة ما تشتغل بالبيت .. صار عنده زوجتين :25: ثانيها : يمكن الثانية يطلع فيها عيب اسوا من انها ماتبي تشتغل بالبيت .. وش بيسوي هنا؟ بيتزوج عليها الثالثة !! ثالثها : حتى بنت الناس الي بيتزوجها ما راح يتجرا يقول لها ان سبب زواجي : زوجتي ما تشتغل بالبيت ! لان مافي احد بالدنيا يحب يشتغل كنه خدام عند غيره فمن باب الحكمة يا عزوبي ..ومن باب العقل وبعد النظر الي على اساسه وضع الله سبحانه وتعالى الطلاق بيد الرجل .. انه يصحح مشكلته مع زوجته ايا ما كانت .. بانه يصحح اخطاءه ويقوم بحقوقها .. ووقتها يا عزوبي اذا مو راضية تقوم بحقوقه .. وقتها ممكن يتزوج عليها فهمتني ؟ يعني في فرق بين الزوجة الي ترفض تشتغل بالبيت بشكل عام لانه شرعا ماهو واجب عليها وبين الي ترفض تشتغل لانه مايصرف عليها( حتى لو موظفة ) الثانية يحق لها .. ردة فعل طبيعية !! واحد مايقوم بواجبي اجل ما اقوم بواجبه ! فصاحب الموضوع يانه يصرف عليها حسب قدرته ووقتها بس يحق له يطالبها بشغل البيت ! واذا ما قدرت هي تجيب شغالة وتدفع راتبها او انه مايصرف عليها .. ويجيب له شغالة (هو يدفع راتبها ) تنظف بيته وملابسه واكله من المطاعم ان شاء الله يكون كلامي واضح عزوبي حياك الله |
اشكر كل على من رد على موضوعي وشكاركني في حل مشكلتني
اشكركم جيمعاً فعلاً منتدى رائع باعضائه الرائعين الله يسعدكم في الدنيا والأخره لا استطيع ان ارد على كل عضو باسمه -- لكن اشكركم جميعاً وسوف ارد على بعض الاعضاء للمناقشه وليس ردي على بعضهم يعني تهميش للاخرين لكن لكي اوضح مشكلتي بشكل اوسع والله يحفظكم |
اقتباس:
فاسمح لي أخي الفاضل صقر أن أوضح مقصدي فهو من قبيل قول الرسول صلى الله عليه وسلم(إذا أنفق الرجل على أهله نفقة يحتسبها فهي له صدقة). هذا والرجل ملزم بالنفقه فكيف هو حال المرأة التي تساعد زوجها من باب حسن التبعل والإحسان إلى الزوج لا شك أنها على خير عظيم موفق |
اقتباس:
هلا اختي سوف اوضح لكي وانتي الحكم صار بيننا مكالمه بعد الملكه وقبل الدخله وقلت لها سوف نسكن ببيت الوالد حيث يوجد لدينا غرفتين بدورة مياه حتي يتم نقلك لمدينة الخرج وبعده نأخذ سكن مستقل سواء تملك او استئجار لأن والدي وعدني بذلك ((وعندما علم انني بسكن بالرياض قال رايح تتحسف واعتمد على نفسك )) قلت جزاك الله خير ياوالدي. قالت : لا ما يحتاج نسكن مع الوالد انا راتبي زين وانت كذالك عندك راتب نستأجر بالرياض وابشارك ومن ذا الكلام قلت اوكيه جيت استأجرت بالرياض بمبلغ 23 الف ريال شقه ممتازه لطلبها. واخذت اجازه شهرين وتم الزواج وهي لم تأخذ الا اجازه شهر واحد فقط وبعد مضي ست اشهر حل الجزء الأخر من الأجار وقدره 11500 ريال وانتظرت منها تنفذ ما قالت الا انها لم تحرك ساكناً فقمت بأستلاف المبلغ وتسديد الأجار بتاريخ 1/10/1430هـ وهذا انا اداوم من الخرج واحيانا اسافر اخر الاسبوع للشرقيه ((للطلبها انها تغير جو)) واروح الشرقيه اذكر ثلاث مرات اكلنا في مطعم على احسابها خلال السنه الماضيه المهم ما تكلمت ابداً في الراتب او الأجار او غيره او شي بالعكس ذهبت احد المرات تبي المشغل وعطيتها 500 ريال وبعدها كذلك اعطيتها الي معي اصرفه بدون حساب لكن مع كثر التردد من الخرج السياره تصرف بنزين وصيانه والاجار من جهه ومصاريف البيت من جهه في تاريخ 1/2 قلت يافلانه وش رايك نرجع الخرج ببيت الوالد او ناخذ شقه على قد حالنا قالت تعرف عملي ومعرف كيف قلت طيب الأجار يحل بعد شهر في تاريخ 1/3 وانا ليحد الان ما سددت اخوي الي استلفت منه حق الفتره الماضيه -- قالت دبر نفسك -- قلت يافلانه قبل الزواج صار بيننا حديث عشان نسكن الخرج ونأمن سواق لك قلتي لا نسكن الرياض ونتساعد في الاجار والمصروف (( هل انتي من بدا بذلك)) قالت نعم انا قلت لهذا لكن انت ما سفرتني ماليزيا ولا غيرها حدك مكه والشرقيه ودبي قلت الله يهديك. بعدها قلت ياتساعديني بالاجار يا ننقل للخرج ونأمن سواق --(( ومن هنا بدئت المشكله)) أنا لم أقصد من تساعديني على الحياه الصعبه اني استغل ما لها او او ا و الخ لا انا قصدي عندما يجينا اطفال نقوم بمعيشتهم على اكمل وجه من تعليم ومعيشه. لكن هي من بادرت بذلك بقولة انا اساعدك على الاجار -- ويوم جاء الجد سحبت يدها بكل حقاره ---وانا لو ساكن عند الوالد ما كان حصلي المرمطه هذي لكن يستاهل من يطاوع المرأه. |
اقتباس:
كلامك صحيح لكن اقرا ردي وسوف تفهم اني اصبحت مغفل وانا اخذتها عشان الوالده والا ما ارتبطت فيها نهائي لكن قدر الله وما شاء فعل |
اقتباس:
حاولت في النقطه وهي رفضت ذلك وذهبت لاهلها مكابره وسوف اطرح موضوع كامل عن ردة فعل اهلها |
اقتباس:
هذا التي مظللة باللون الأحمر ليتك توضحها وهل ممكن أمك تؤثر عليها أو تعرف وش سبب تغيرها عن كلامها الأول في فترة الملكة.... عزوبي:22: بس:d رجل:30: |
اقتباس:
الله يوفقك |
ما أدري عن رأي الأخوات بعد رد صاحب المشكلة رقم 75 والمستجدات فيه؟؟
|
| الساعة الآن 09:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©