|
لا حول و لا قوة إلا بالله.
شافاها الله و عافاها و أعانكم على مابتلاكم ,, |
اقتباس:
اختي الكريمة في حالة قررتم التوجه لمصر لعلاج اختك واردتم عنوان عيادة الدكتور انا تحت امرك اكتبي هون وانا سأكتبه لكي ..للتوضيح انا مو من مصر فقط توجهنا لعلاج اختي هناك ان شاء الله اختك رح تشفى |
اقتباس:
اي باذته تعالي ابي العنوان وياريت تخبريني بالتفصيل عن حاله اختك وشلي صرلها وكم استغرق علاجها وشتو اهو .؟؟؟ والله يجزاك الف خير |
سأحاول اختي ان اذكر لك تفاصيل على قدر استطاعتي اختي خريجة كلية الهندسة ومتفوقة جدا وتخرجت بامتياز مع مرتبة الشرف ماشاء الله تملك من الذكاء مايجعلنا لن نستوعب ان تكون مريضة نفسيا ولم نكن نريد ان نصدق ... بداية الحالة كانت تختلي بنفسها بغرفتها الخاصة وفجأة نسمع صوت ضحكاتها بصوت عالي وبس نسألها ليش تضحكي تقلنا تتخيل مناظر مضحكة .. الحقيقة وقتها ماكنا مهتمين كتير واخدنا الموضوع بشكل عادي صارت تشتكي من صداع قوي جدا تحس بحركة براسها ..يعني توصف اوصاف مو طبيعية للوجع ..نقول لالها مافي هيك .. امي اخدتها لدكتور عادي اخصائي مخ وطلب صورة للرأس وحكى عندها جيوب انفية (بس تشخيص كذب طبعا) واحنا بالاول صدقنا الدكتور ..ومااهتمينا فيها خالص .. لانه الدكتور قال هيك .. صارت حالة اختي تتطور وتزداد صعوبة دايما بعيدة عنا تحكي مع حالها كانها تحكي اشخاص ..والصداع طبعا يزيد وماكنا نعرف حل ..بعض الاقارب قالو سحر وهيك شي احنا صدقنا لانها كانت محط غيرة من الاقارب والجيران وكل من يعرفها .. بدأت رحلة علاج الشيوخ والرقية الشرعية ..نسيت ان اخبرك ان اختي كانت تكره امي واخواتها ولاتحب احدا وتتهمنا اننا نكرهها ..وتغلط بأمي وكانت احيانا ترفع يدها على امي كانت عنيفة بردات فعلها لو حاولنا ننصحها لاتجلس لوحدها .. كانت اختي بهذه الفترة تعمل بوكالة عالمية وصرنا ننتقد لبسها ..كانت تلبس تياب ضيقة جدا وميك اب وشعرها اغلب باين من الايشارب يعني مو هي طبيعتها هيك كانت امي تتضايق ولاتعرف ماذا تقول .. وكانت تصرف بشكل كبير على لبسها واكلها بشكل مفرط غير عادي وتهتم بزينتها غير عادي .. كانت تروح للكوافير كل يوم .. مرة تصبغ شعرها ومرة سشوار وهيك شي هيك شي مو عادتها .. نرجع للشيوخ تبعون الرقية الشرعية .. قالو عندها سحر ولازم دهان زيت مقروء وتسمع الرقية وتغتسل بماء القرآن والباقي معروف .. هي ماتقبل تروح للشيوخ ابدا وتقول تخلف ومرات تكفر بالله وتنكر وجود الله وعانينا جدا من هاد الشي .. تجيب القرآن تحطه تحت رجلها .. حتى انها اشركت بالله .. وكنا لانتركها ابدا كنا نجبرها ان تصلي ..كنا نضغط عليها ..هي كانت تستجيب لنتركها لوحدها حتى تختلي بنفسها .. والله يااختي كنا لا ننام الا ودموعنا لاتفارقنا ونصحا على افعالها التي لايحتملها شخص .. كنا نراقبها باستمرار .. بنفس مرحلة علاج السحر توجهنا لطبيب نفسي ببلدنا اخبرنا تعاني من اكتئاب حاد أقصى درجات الاكتئاب .. طبعا (تشخيص غلط ) اخدت علاجه بس ولا يأثر فيها الحال كما هو عليه .. يعني لاشيوخ ولا دكتور جاب نتيجة .. كانت تيجي لالها لحظات تفوق من حالتها وترجع لنفسها وتخبرنا انها خائفة جدا يرجعو لالها الاشخاص يلي تتخيل انهم يحكو معها كان حديث الوساوس انها انسانة فاشلة وماحدا يحبها والكل يكرهها واخواتها مابيحبو الخير لالها ومرات الوساوس تقلها انهم رح يقتلوها ولازم تنتحر قبل مايقتلوها افضل .. هادا كلامها فقدنا الامل .........بالعلاج زادت حالتها سوء ودخلنا السنة 3 بحالتها تتطور اسوأ وأسوا.. الان اصبحت 24ساعة تتحدت مع الاصوات التي تسمعها وان نادينا عليها لاتسمعنا ابدا ولا كأنا نحكي معها كانت تترك شعرها دون تسريح احيانا ..وفجأة تسرح شعرها وتحط ميك اب وتقوم تعمل حملة تنظيف بالبيت كله ..فجاة تكون مبسوطة ولحظات خايفة مرعوبة وتقول رح يقتلوها .. طبعا الاصوات يلي تسمعها والله كنت اقول لنفسي شخص يتحدت 24ساعة هيك شي بيصير اكيد رح تتدمر شي بخلايا المخ عندها يعني ماكنت تسكت خالص 24ساعة حكي متواصل كلام غير مفهوم بصوت همس حاولت الانتحار .. شربت الكلور (سائل للغسيل ) ولم نعرف عن هيك .. حاولت الهرب من البيت مرات عديدة كنا نغلق الابواب بشكل مستمر ولكنها خرجت من الشباك .. وياويلي اديش عانينا بس كنا نعرف هربت من الشباك .. والله يااختي فعلت كثير جدا اشيا مشينة واخجل ان اذكرها لك قررنا غلق الغرفة عليها حتى لاتهرب وحاولنا ان نخفي اي ادوات حادة من البيت وتخلصنا من السكاكين وكل مايمكن ان تحاول الانتحار به .. ولن تغلب ..كسرت المرايا وحاولت الانتحار .. اخر مرة تناولت 20حبة دوا مسكن .. وتوجهنا لاقرب مستشفى وطبعا المستشفى خربت حالة انتحار والشرطة اجت وهددها تبع الشرطة رح يسجنها لو عملت هيك تاني من وقتها تركت فكرة الانتحار المهم الى الان ولا تأثير لعلاج توجهنا لاطباء نفسيين اخرين قالو عندهاذهان عقلي واخدت المسكينة علاج الذهان سنة كاملة ولانتيجة تذكر .. ابدا ولا تحسن على وضعها وندعي الله كل ليلة بالفجر ان يشفيها والله انا طلبنا من الله ان ياخدها ان لم يشفيها لانها صارت خيال وشعرنا اختنا ماتت ومانراه خيال لانعرفه .. وخاصة العلاج لاطب ولا رقية جاب نتيجة وجاءت لالي فكرة علاجها بمصر .. قلنا هيك آخر شي رح نعمله وبعد هيك مافينا نعمل شي وسألت بمصر عن طبيب نفسي متمكن ,, اخبرونا اناس نعرفهم عن هذا الطبيب وتوجها للعيادة والدكتور اخبرني 5ايام فقط واختك رح تشفى ,, وانا ماكنت مصدقة طبعا ..يعني سمعت ولا كأني سمعت .. مو مهتمة لكلامه .. بس سألني توافقي اختك تدخل المستشفى للمراقبة حتى نعرف تشخيص لحالتها ..وافقت دون تفكير ..لاننا كنا بغربة وبأوتيل وكانت تعمل اشيا ومابقدر عليها لوحدي .. قلت هي بحاجة للمراقبة لنعرف علاج لالها .. ورفضت تدخل المستشفى وصارت تقلي بدك تضيعي سمعتي وبرستيجي وانا مهندسة وانتي تغاري مني وتكرهيني .. والله حرقت قلبي وهي تقلي هيك وبكيت وموعارفة شو ارد عليها .. سكتت وصرت اترجاها تنزل معي للمستشفى وقلها بس رح نعمل تحاليل وصور ورح نرجع الاوتيل ودعيت الله بطريقنا للمستشفى يهديها وتنزل .. المهم بالطريق واحنا رايحين للمستشفى شلحت الجاكيت وشلحت الايشارب وكانت لابسة تحت الجاكيت بلوزة كت ..بدون كم .. تخيلي شو رح اعمل انا بهاي الحالة .. والسواق يطلع بالمراية وانا اترجاها تلبس وهي تضحك .. قلت الله يغفر لالها وسكتت .. وصممت تدخل المستشفى مافي بعد هيك (تشلح بالطريق ) دخلنا المستشفى وبس قالو لالها تفضلي معنا هجمت عليي انا وقالت هاي مو اختي وبزقت بوجهي وفرجت المستشفى عليي .. وانا عاذرتها على كل شي وقالت كلام بشع .. المهم قالو لالي بالمشفى ممنوع الزيارة لمدة 4ايام واليوم 5 تيجي للزيارة وكنت بتابع مع الدكتور يلي حولنا للمشفى عالتليفون .. وقلي انها تتحسن كتير وماكنت بصدقه خالص واجا اليوم الخامس موعد الزيارة وانا متخيلة هجوم من اختي عليي ..ولكن المفاجأة انها حسيت اختي رجعت تاني لالنا .. وقلت الحمدلله طول الوقت وماكنت بصدق جد ولا امي ولا اي حدا صدق انها رجعت طبيعية .. امي قالت مارح صدق غير بس ترجع وبشوفها .. عندها حق المهم قرر الطبيب 10ايام بالمشفى ورح اخدها .. وكل يوم كنت بزورها الاقي تقدم اكبر على حالتها وانها ترجع لوعيها بصراحة قلنا الدكتور فيكم ترجعو لبلدكم لانها هلاء مارح ترجع تاني لقبل .. بس انا ماكنت واثقة وقلت يمكن نرجع لبلدنا وهي ترجع لحالتها من قبل .. قلت ننتظر شهر كمان مارح نخسر شي والحمدلله كل يوم ترجع طبيعية اكتر وهلاء اختي رجعت المهندسة المتفوقة ورجعت لعملها دون اي مشاكل حاليا تاخد نوع واحد من الدواء لمدة 4شهور بعد هيك رح نرجع للدكتور للمتابعة مع انها مو محتاجة والدكتور خبرنا بهيك بس احنا زيادة اطمئنان رح نتابع .. اختي هاد بعض وقليل جدا من يلي اتزكره عن اختي ومافعلته وانتي عندك اي سؤال قولي وانا رح اجاوبك عن اي شي يمكن غفلت عن جانب ومازكرته سهوا واعذريني على الاطالة .. |
رحيل دائم قطعتي قلبي بالاحداث اللي مرت عليكم يارب يارب يارب ما يعيدها ولا على اي احد يارب وان شاء الله اختك تتحسن اكتر واكتر وما عاد تاخد ولا نص حبة وتشوفوها عروس متل القمر يارب إن الله مع الصابرين
مها الكويت ربي يشفي اختك يارب اعرضوها على هذا الطبيب وربي يكتب الشفا ويكون هو سبب له يارب وما تنسي تطمنينا عليها وان شاء الله تجي تبشرينا بالشفاء التام بإذنه تعالى |
[quote=سعاد 2000;2401985]رحيل دائم قطعتي قلبي بالاحداث اللي مرت عليكم يارب يارب يارب ما يعيدها ولا على اي احد يارب وان شاء الله اختك تتحسن اكتر واكتر وما عاد تاخد ولا نص حبة وتشوفوها عروس متل القمر يارب إن الله مع الصابرين
الله يسعدك اختي ويرزقك بكل خير تتمنيه يارب وان شاء الله نسمع قريب انك خطبتي ونفرح لالك يارب بحق لااله الا الله يفرحك ويسعدك |
الله يكون بعونكم يامها انتي ورحيل..
رحيل قطعتي قلبي كيف عانيتووووو.. الله يشفي اخت مها ياااارب |
رحيل مشكورة يا قلبي على الدعوات الحلوة أسأل الله العلي القدير أن يكتبلك مثلها وأكثر وربي يشفي كل مريض بإذنه تعالى إنه على كل شئ قدير .
مها طمنينا بإذن الله هيفرجها ربي عليكم |
مرحبا.........
حبيبتي اعراض اختك نفس اعراض من يتعاطون حبوب الكبتاجون ...... انتبهوا لاتصير تاكلهن وهي ماتدري ...... الله يشفيها ويعافيها ..... |
السلام عليكم
كان الله في عونكم اختي مها واعرف تماما حجم المعاناة التي تمرو بيها بس الامل في ربنا كبير انا ايضا اختي العزيزة لي اخ يعاني من مرض نفسي ومرت علينا ايام ظننا انه جن ولن يعود كما كان وقعدنا محتارين هل هذا جن ام سحر ام جنون ...... ومرت علينا ايام ما عرفنا فيها طعم النوم وكما هي العادة لجأنا الى شيخ يرقيه والحمد لله هذا الشيخ كان واعي وفاهم وقاللنا اعرضوه على طبيب نفسي ودلنا على طبيب ممتاز ...... اخوي كان في حالة مستحيل يرضى يروح لطبيب فرحت انا للطبيب وشرحتله حالة اخي بصراحة استمع الي بكل صدر رحب وما قطعني ابدا ....... وفي النهاية قالي لازم يجيني هو شخصيا فقتله انه هو عنيف جدا وصعب انا نجيبه الى العيادة .... فقلي قولوا له اما ان تأتي معنا او اننا سنربط يديك ورجليك ونأخذك بالغصب ........ المهم سوينا خطة واخذناه الى الطبيب والطبيب شخص حالته من الجلسة الاولى والحمد لله وعطاه دواء واصبح يتحسن بالتدريج الى ان صار شبه طبيعي لكن بعد ما حس انه صار كويس ترك الدواء بدون علمنا فرجعت له الحالة مرة اخرى ...... ورجعنا بيه مرة اخرى للطبيب وفهمنا الطبيب ان مرض اخي مرض عقلي وليس نفسي يصيب 1% من البشر وهو نيجة نقص مادة في الدماغ ولا يمكن تعويضها الا بالدواء لذلك يجب ان يستمر على الدواء طوال حياته ....... و كالعادة بعد فترة اصبح يهمل في الدواء ورجعتله الحالة مرة تانية وشفنا الويل وكان هذا في رمضان الماضي ومرت علينا ايام سوداء وصار عنيف جدا لدرجة انه كاد تصير عندنا جريمة في البيت فقرر ابي يجيب الشرطة عشان ياخذوه لمستشفى الامراض العقلية ...... وفعلا هذا الي حصل وقعد هناك حوالي 20 يوم تحسن فيهم والحمد لله تم عاد الي البيت وهو الان مواظب على علاجه ... وحالته مستقرة وشبه طبيعي ...... في الحقيقة الايام الصعبة الي شفناها سببتلنا قلق في البيت صرنا خايفين نعيش هذه الظروف مرة اخرى ..... ونفسيتنا في البيت كلنا تعبانه ....... وربنا يشفي اختك وكل مسلم يا رب الي اريد اقوله لك ان خلي املك في الله كبير واذهبوا بها الى طبيب كويس وانشا الله ربنا حيشفيها وادعوا الله ان يعيدها كما كانت واحسن وما ذالك على الله بعزيز ..... |
| الساعة الآن 08:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©