|
يحق لي ازعل والا لا؟؟؟
السلام عليكم ورحمة الله وبركاته
زي العادة تعودت اني اعلمكم عن كل كبيرة وصغيرة تصير معي بحياتي ,,سافرت انا وزوجي يومين واستمتعت قليلا بالطلعات والجيات ولكني كنت ادائما اكره اطلعه معه لخوفي اني انصدم مرة اخرى من اطلاق بصره وبداخلي قنط وطفش وابغى اطلع واغير جو ولكن الخوف كان يمنعني ..وبالاخير صرت اقول مع نفسي لازم اطلعه معه عشان مايقول هذي ماعندها سالفة غير البيت والعيش بقربي رغم ان الغريب في ذالك اغلب الرجال يتمنون الحرمة البيتوتية ولكن زوجي يحب الفلة والوناسة ويحب يضحك كثير هي نعمة من الله انه بكون مبتسم على طول ولكن لا استطيع التجاوب معه بضحكه لاني من داخلي اكون مجروحة من موقف معين ..المهم تظاهرت السعادة خلال هاليومين الي سافرنا فيها ومثلت اني سعيدة .قررنا نروح الجنادرية باصرار منه ودخلنا القسم الفرنسي وقلت له جيب لي قهوة فرنسة وانتم عارفين اني مدخنة ولكني لا ادخن الا في بيتي وعند زوجي واتفادى المجاهرة بالمعصية لقول الحبيب صلى الله عليه وسلم . تدرون وش قالي زوجي ؟ قالي لو بغيتي تدخني خذي راحتك انتي الحين بفرنسا ؟؟؟؟؟؟؟؟؟؟ انا استغربت قلت له كيف ادخن قدام السعودين والناس رايحة جاية بلعت لساني وسكت ونسيت السالفة ولمن رجعنا للبيت قلت له حبيبتي ترى مب زين تقولي دخني قدام الناس يعني عيب قالي ايه سوري صح ولكن انا بس عشان حسيت انك تبغين تدخنين وبحكم اني اجيد اللغة الفرنسية كان يطلب مني اني اتكلم مع الفرنسين واقولهم الله يحيكم في السعودية وكانوا كل الحريم والرجل يلتفتون لي كيف هذي تتكلم فرنسي وبالسعودية ومنقبة واستغربات كثيرة كانه كان يحس بالاعجاب لمن الناس تناظرني وتلتفت لي وانا اهرج فرنسي المفروض يغار صح؟؟ مدري انتم احكمواااااااا المهم رجعنا البيت وقلت والله لا اشيل كل هالحساسية خلاص ماراح ادقق بكل الامور فتح مسنجره قدامي وراح للرسايل الي ببريده وفتحه ولفت انتباهي عنوان بنوتة 18 قلت له افتحه والله العظيم ياجماعة قبل لا يفتح كنت ادعي الله اني ماشوف شى يصدمني ولكني انصدمت بصور وحدة عريانة وبكل الاوضاع متصورة غرفت بمكاني من الغيرة وفتحت فمي من جراة الصور .وقلت له من ارسل لك قال صديقه بالعمل قلت له ترى صديقه قليل ادب ولايستحي وكيف يرسلك بكل هالجراءة ؟؟ قالي ترى يرسل لكل الزملاء مو بس لي الحقيقة انقهرت وحاولت كثير اكبت غضبي وغيرتي واستطعت فعل القليل والله ياجماعة لمن جامعني وقتها ولاحياء في الدين اني تصورت انه مغمض عيونه ويتخيل الي بالصورة لكن ماقدرت اواجهه بهالكلام عشان ماابين له ايش يسوي سكت وهذاني ساكتة لين ربي يفرجها احكموا انتم وقولوا لي وش اسوي بحياتي وكيف اتصرف وكيف اقتل كل شعور جميل بداخلي لاني صعب اعيش بشعور سامي وانا اتعرض لاشياء غريبة |
اقتباس:
سبحان الله الله يههديك بش لي مداخلات وبراحتك اختي تقبلين او ترفضينها الان تقولين مجاهرة بالمعصية ولقول الرسول وتصريحك الان وش يسمى ؟؟؟؟؟؟؟؟؟؟؟؟؟؟؟؟؟؟؟؟؟ ولا حنا عادي والمنتدى عادي .؟ كيف حسبتيها مدري !!!!!!!!!!!!!!!! وزوجك يقولك خذي راحتك ؟؟؟؟؟؟؟ بس حبيت اذكرك بشي يمكنن نسيتوة سوى رب السعودية ورب فرنسا هو واحد ياختي يعني بفرنسا عادي والسعودية لا ؟؟؟؟؟؟؟؟؟؟؟؟؟؟؟؟؟؟ والسعودي والفرنسي كلهم رجال :29: ولا رجالنا غير عن الفرنسين !!!!!!!!!!!!!! وبالنهاية واخر شي التدخين عيب ؟؟؟؟؟؟؟؟؟؟؟؟؟؟ظ التدخين مابي افتي ويتعدل ردي لكن حرمة بعض المشايخ ومكروة عند البعض لاضرارة عالمال والصحة بس سؤال واحد لو عندك اطفال ماتخافين علي طفلك لان معلومة صغيرة اتمنى توصل لك ترى القريب من المدخن يتعرض للاصابة بالامراض اكثر من المدخن نفسة وتقدري تتتاكدي من كلامي من بحثك بالمواقع الصحية الله يهديك .. |
اقتباس:
ايش اسوي هذا ابتلاء والله يعيني واتركه انا قلت زوجي قالي دخني وانا رفضت لو بغيت اجاهر بالمعصية ادخن قدام الناس وماهمني وخاصا لو زوجي معي انت الحين اتركك من الدخان وركز بزبدة الموضوع |
الحقيقة انقهرت وحاولت كثير اكبت غضبي وغيرتي واستطعت فعل القليل والله ياجماعة لمن جامعني وقتها ولاحياء في الدين اني تصورت انه مغمض عيونه ويتخيل الي بالصورة
لكن ماقدرت اواجهه بهالكلام يااااااااااااااااااااااااااااااااويلك تقولين هذا الكلام له انتي وش تبين تبين تفتحين عيونه على حاجات غافل عنها وهي مجرد وساوس براسك يلله عاد بلا بياخة حووووووووور امسكي لسانك عاااااااااااد مع زوجك منتي طفلة طولتيها عاااااااااااااد اصحي اصحي انتي وش تبين عشان تصحين :29::29::29: معليش حور اخذت راحتي لاني حسيتك احتي الصغيرة |
أنت مقصرة في دينك وضعيفة في إيمانك.. وزوجك كذلك.. والمؤمن الحق لا تصدر منه الأفعال التي أشرتي إليها في كلامك.
أنتما بحاجة ماسة إلى جرعات إيمانية... يجب عليكما أن تتوبا إلى الله عزوجل من كل شيء يخالف أمره وأمر رسوله صلى الله عليه وسلم. ................. إذا كانت سعادة الإنسان في الحياة الدنيا بطاعة الله فكذلك السعادة الأسرية والحياة الزوجية نجاحها وسعادتها بطاعة الله. وفي المقابل {ومن أعرض عن ذكري فإن له معيشة ضنكاً} أتدرين ما هو الضنك؟؟ قيل: إن حرف الضاد مأخوذ من الضيق.. وحرف النون مأخوذ من النكد.. وحرف الكاف من الكدر.. فالعيشة الضنك تعني الضيق والنكد والكدر. |
زبدة الوضوع أختي بطلي التدخين و راقبي الله في كل ما تفعلينه أختي أنا لا ابسوي عليك ملتزم و لا تقي و لكني أرى أثر معصيتي في حياتي و أعتذر على ما سأقول تقولين زوجي ما يغار علي أختي الله لا يبلانا زوجك ميت قلبه مخليك تتكلمين مع رجال و حريم يبيك تدخنين قدام الناس أختي الرجل ليس فقط يغار على زوجته و لكن أيضا يهابها و لا أقصد هنا الخوف و لكن الهيبه و أنتي فقدتي هيبتك لدى زوجك و هذا أساس المشكله أعيد هيبتك في قلب و عقل زوجك و سيغار بعدها عليك و الله من وراء القصد |
اخر زمن حرمه تدخن
لابعد زوجها ساكت عنها هزلت والله |
اقتباس:
|
هذي مشكلتكم للاسف هالحين وشفيكم ركزتوا على الدخان تركتوا لب الموضوع
يعني تندموني اني احكي لكم كل كبيرة وصغيرة كفاكم هجوم علي انا تعبت من الهجوم الي لا يودي ولا يجيب ولانه مااراح يفيدني بل راح يزدني نفور منكم انا سبقت وتكلمت عن الدخان وقلت ان هذا ابتلاء ماهو بيوم وليلة راح ابطله اين الظروف الي تساعدني على اني ابطله مافي ؟؟؟؟؟؟؟؟؟؟؟؟؟؟ انا تكلمت عن الصورة الابايحية الي ارسلها زميل زوجي له وقلت لكم هل يحق لي ازعل على هالشى ولا اطنش واسكت؟ |
بصراحة أحس إنك فلة على الآخر
مشكلتك إنك ماعندك توازن للأمور .. تزعلين من نقطة صغيرة .. وتتركين الفجوات الكبيرة حاولي تركزي شوي في حياتك .. وأعيدي صياغة نفسك .. أنا أعلم أن فيكي خير كثير وحب لدينك وهويتك وزوجك أعلم أنك تريدين أن تعيشي مثل الناس .. سعيدة بحياتك ومطمئنة لكن ينقصك أن تكون مميزاتك أكثر من عيوبك وأما موضوع التدخين فيمكنك أن تتركيه مباشرة وبقرار واحد وليس كما تظنين أنه صعب ويحتاج إلى فترة ( وأنا قد تركته مباشرة وبقرار واحد منذ أكثر من 18 سنة ) وترى ماهو بحلو ولايق إن البنت الطيبة والأنيقة والمثقفة والعاقلة والجميلة إنها تدخن .. ترى شكلها بايخ جداً ويفقدها هذه الصفات |
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©